മുംബൈ സിറ്റി- ചെന്നൈയിന് മത്സരം സമനിലയില്; ഐഎസ്എല്ലില് തണുത്ത ദീപാവലി
94-ാം മിനുറ്റില് മുംബൈ സിറ്റി പ്രതിരോധ താരം സൗവിക് ചക്രബര്ത്തി ചുവപ്പ് കാര്ഡ് കണ്ട് പുറത്തായി
ചെന്നൈ: ഐഎസ്എല്ലില് ചെന്നൈയിന് എഫ്സി- മുംബൈ സിറ്റി മത്സരം ഗോള്രഹിത സമനിലയില്. കേരള ബ്ലാസ്റ്റേഴ്സിനെ തോല്പിച്ചതിന്റെ ആത്മവിശ്വാസവുമായി ഇറങ്ങിയ മുംബൈയെ കഴിഞ്ഞ തവണത്തെ അവസാന സ്ഥാനക്കാരായ ചെന്നൈയിന് പിടിച്ചുകെട്ടുകയായിരുന്നു.
ഗോള് നേടാനുള്ള നിരവധി അവസരങ്ങളാണ് ഇരു ടീമുകളും നഷ്ടപ്പെടുത്തിയത്. നാല് മിനുറ്റ് അധികസമയവും ടീമുകള്ക്ക് മുതലാക്കാനായില്ല. 94-ാം മിനുറ്റില് മുംബൈ സിറ്റി താരം സൗവിക് ചക്രബര്ത്തി ചുവപ്പ് കാര്ഡ് കണ്ട് പുറത്തായി. ഗോള് നേടാന് ഇതിലൂടെ അവസാന അവസരവും മുതലാക്കാന് ചെന്നൈയിനായില്ല.