Asianet News MalayalamAsianet News Malayalam

മെസി തിരികെയെത്തി; ചാംപ്യന്‍സ് ലീഗില്‍ ഇന്ററിനെതിരെ കളിക്കും, ലിവര്‍പൂളിനും ഇന്ന് മത്സരം

യുവേഫ ചാംപ്യന്‍സ് ലീഗില്‍ കഴിഞ്ഞ വര്‍ഷത്തെ സെമി ഫൈനലിസ്റ്റുകളായ ബാഴ്‌സലോണ ഇന്ന് രണ്ടാം മത്സരത്തിനിറങ്ങും. ഇറ്റാലിയന്‍ വമ്പന്മാരായ ഇന്റര്‍ മിലാനാണ് ബാഴ്‌സയുടെ എതിരാളികള്‍.

Messi will play against Inter Milan in UEFA Champions League
Author
Barcelona, First Published Oct 2, 2019, 6:47 PM IST

ബാഴ്‌സലോണ: യുവേഫ ചാംപ്യന്‍സ് ലീഗില്‍ കഴിഞ്ഞ വര്‍ഷത്തെ സെമി ഫൈനലിസ്റ്റുകളായ ബാഴ്‌സലോണ ഇന്ന് രണ്ടാം മത്സരത്തിനിറങ്ങും. ഇറ്റാലിയന്‍ വമ്പന്മാരായ ഇന്റര്‍ മിലാനാണ് ബാഴ്‌സയുടെ എതിരാളികള്‍. പരിക്കിന് ശേഷം ലിയോണല്‍ മെസി ഇന്ന് കളത്തില്‍ തിരികെയെത്തും. ആദ്യ മത്സരത്തില്‍ ബൊറൂസിയ ഡോര്‍ട്ട്മുണ്ടിനെതിരെ കളിച്ചിരുന്നെങ്കിലും ആദ്യ പകുതിക്ക് ശേഷം കളിച്ചിരുന്നില്ല. രാത്രി 12.30നാണ് മത്സരം.

നിലവിലെ ചാംപ്യന്മാരായ ലിവര്‍പൂളിനും ഇന്ന് മത്സരമുണ്ട്. റെഡ് ബുള്ളാണ് ലിവര്‍പൂളിന്റെ എതിരാളികള്‍. ആന്‍ ഫീല്‍ഡിലാണ് മത്സരം. ചെല്‍സി ഫ്രഞ്ച് ക്ലബ് ലിലിയെ നേരിടും. ഡോര്‍ട്ട്മുണ്ട്- സ്ലാവിയ പ്രാഹ മത്സരം രാത്രി 10.25നാണ്. ഈ സമയത്ത് തന്നെ നാപോളി, ജെങ്കിനെ നേരിടും. 

ഡച്ച് ചാംപ്യന്മാരായ അയാക്‌സ്- വലന്‍സിയ മത്സരമാണ് ഇന്നത്തെ മറ്റൊരു പ്രത്യേകത. ബെന്‍ഫിക്ക എവേ ഗ്രൗണ്ടില്‍ സെനിത് സെന്റ് പീറ്റേഴ്‌സ്‌ബെര്‍ഗിനെ നേരിടും.

Follow Us:
Download App:
  • android
  • ios