ആപ്പിള്‍ ഐഫോണുകളില്‍ ചാര്‍ജറുകളില്ലാതെ വില്‍പ്പനയ്‌ക്കെത്തിച്ചതിന് നിരവധി ട്രോളുകളും ഇറക്കിയിരുന്നു. അതില്‍ സാംസങ്ങ് ആരാധകര്‍ സംഘം ചേര്‍ന്നാണ് ആപ്പിളിനെ കളിയാക്കി കൊണ്ടിരുന്നത്. എന്നാല്‍ സാംസങ് ആരാധകര്‍ ഇപ്പോള്‍ തലയില്‍ മുണ്ടിട്ടു നടക്കേണ്ട സ്ഥിതിയാണ്. കാരണം മറ്റൊന്നുമല്ല, സാംസങ് ഗ്യാലക്‌സി എസ് 21-നും ചാര്‍ജറുകള്‍ ഉണ്ടാവില്ലെന്നു സ്ഥിരീകരണമുണ്ടായി കഴിഞ്ഞു. കഴിഞ്ഞ കുറച്ച് ആഴ്ചകളായി, ചാര്‍ജറുകളുമായി വരാനിരിക്കുന്ന ഗ്യലക്സി എസ് 21 സീരീസ് ഫോണുകള്‍ ഷിപ്പുചെയ്യുന്നതിനെതിരെ സാംസങ് തീരുമാനിക്കുമെന്ന് ധാരാളം അഭ്യൂഹങ്ങള്‍ ഉയര്‍ന്നിരുന്നു. റീട്ടെയില്‍ ബോക്‌സിലെ ആക്‌സസറിയുള്ള പുതിയ എസ് 21 ഫോണുകള്‍ ലോഞ്ച് ചെയ്യരുതെന്ന് സാംസങ് നിര്‍ദ്ദേശിച്ചിരുന്നു. അതിനാണ് ഇപ്പോള്‍ സ്ഥിരീകരണം വന്നിരിക്കുന്നത്.

ഗ്യാലക്‌സി എസ് 21 + 5 ജി, എസ് 21 അള്‍ട്രാ 5 ജി എന്നിവയുടെ രണ്ട് ബോക്‌സുകളിലും ചാര്‍ജറുകളില്‍ ഇല്ലെന്ന സൂചനയാണ് പുറത്തു വന്നിരിക്കുന്നത്. യുഎസ്ബി-സി കേബിള്‍, ഒരു സിം-ഇജക്റ്റര്‍, മാനുവല്‍ ഗൈഡ് എന്നിവ ഉള്‍പ്പെടുന്ന ഇന്‍-ബോക്‌സ് ഉള്ളടക്കങ്ങളില്‍ ചാര്‍ജറൊന്നുമില്ല. ബോക്‌സില്‍ ഇയര്‍ഫോണുകളില്ലെന്ന് തോന്നുന്നു. ഇക്കാര്യത്തില്‍ ഉറപ്പില്ല. അങ്ങനെ വന്നാല്‍ ആപ്പിളിന്റെ പാത പിന്തുടരുകയാവും സാംസങ്ങും ചെയ്യുക. എസ് 21 സീരീസ് ഫോണുകളുടെ ബോക്സില്‍ ചാര്‍ജറുകളെയും ഇയര്‍ഫോണുകളെയും സാംസങ് ഒഴിവാക്കുമെന്ന് സൂചന നല്‍കിയ മുന്‍ റിപ്പോര്‍ട്ടുകളെയാണ് ഇതു ശരി വെക്കുന്നത്.

എസ് 21 സീരീസ്: നമുക്ക് പ്രതീക്ഷിക്കാനാകുന്നത്

ഫോണുകളെക്കുറിച്ച് പറയുമ്പോള്‍, എസ് 21 ഈ സീരിസിലെ ഏറ്റവും ചെറുതായി കണക്കാക്കപ്പെടുന്നു, കൂടാതെ 422 പിപി പിക്സല്‍ ഡെന്‍സിറ്റി ഉള്ള 6.2 ഇഞ്ച് ഫുള്‍ എച്ച്ഡി + ഇന്‍ഫിനിറ്റി-ഒ ഡിസ്പ്ലേ നല്‍കുന്നുവെന്നാണ് സൂചന. എസ് 21 + വലുതായിരിക്കുമെന്ന് പ്രതീക്ഷിക്കുന്ന ഇത് 6.7 ഇഞ്ച് വലുപ്പമുള്ള ഡിസ്പ്ലേയോടൊപ്പം 394 പിപി പിക്സല്‍ സാന്ദ്രതയോടെയാണ് വരിക. 515 പിപി പിക്‌സല്‍ ഡെന്‍സിറ്റി ഉള്ള 6.8 ഇഞ്ച് ഇന്‍ഫിനിറ്റി-ഒ ഡിസ്പ്ലേ എസ് 21 അള്‍ട്രാ നല്‍കിയേക്കും. എസ് 20 അള്‍ട്ര ഒരു ബള്‍ക്ക് ഫോണാകാമെന്ന് റിപ്പോര്‍ട്ടുകള്‍ സൂചിപ്പിക്കുന്നു, ഇത് എസ് 20 അള്‍ട്രയെ മാത്രമല്ല, മറ്റ് നിരവധി ഫോണുകളേക്കാളും ഭാരം കൂടിയതായിരിക്കാം.

മൂന്ന് ഫോണുകളും എക്സിനോസ് 2100 SoC ചിപ്സെറ്റ് അല്ലെങ്കില്‍ സ്നാപ്ഡ്രാഗണ്‍ 888 നല്‍കിയേക്കും. ക്യാമറകള്‍ക്കായി, എസ് 21, എസ് 21 + എന്നിവ ഹാര്‍ഡ്വെയര്‍ പങ്കിടുന്നു, രണ്ട് ഫോണുകളും ട്രിപ്പിള്‍ റിയര്‍ ക്യാമറ സജ്ജീകരണത്തിനൊപ്പമാണ് എത്തുന്നത്. ഒരു പ്രാഥമിക 64 മെഗാപിക്‌സല്‍ സെന്‍സര്‍ ഒരു 12 മെഗാപിക്‌സല്‍ ലെന്‍സിനും 12 മെഗാപിക്‌സല്‍ വൈഡ് ആംഗിള്‍ ലെന്‍സിനെയും പിന്തുണക്കുന്നു.