Asianet News MalayalamAsianet News Malayalam

ഏറ്റവും വിലകുറഞ്ഞ 5 ജി ഫോണുമായി നോക്കിയ; വിലയും പ്രത്യേകതകളും

4 ജിബി റാം + 64 ജിബി സ്റ്റോറേജ് വേരിയന്റാണിത്. ഇത് ഗ്രേ നിറത്തില്‍ ലഭ്യമാകും, ഒക്ടോബര്‍ 19 മുതല്‍ യുഎസില്‍ വില്‍പ്പനയ്ക്കെത്തുമെങ്കിലും ഇന്ത്യന്‍ ലോഞ്ചിനെക്കുറിച്ച് ഒരു വിവരവുമില്ല. 

Nokia G300 is the cheapest 5G phone from HMD Global
Author
Nokia, First Published Oct 15, 2021, 4:44 PM IST
  • Facebook
  • Twitter
  • Whatsapp

എച്ച്എംഡി ഗ്ലോബലിന്റെ ഏറ്റവും വിലകുറഞ്ഞ 5 ജി ഫോണായ നോക്കിയ ജി 300 (Nokia G300) പുറത്തിറക്കി. മികച്ച ഡിസൈന്‍, സ്നാപ്ഡ്രാഗണ്‍ 400 സീരീസ് ചിപ്സെറ്റ്, ട്രിപ്പിള്‍ റിയര്‍ ക്യാമറ എന്നിവ ഇതില്‍ ഉള്‍പ്പെടുന്നു. 18 വാട്‌സ് ഫാസ്റ്റ് ചാര്‍ജിംഗാണ് സവിശേഷത. ഈ ഫോണില്‍ ഒരു വേരിയന്റ് മാത്രമാണ് കമ്പനി വാഗ്ദാനം ചെയ്യുന്നത്. വിലയാവട്ടെ ഏകദേശം 15,000 രൂപയാണ്. 

4 ജിബി റാം + 64 ജിബി സ്റ്റോറേജ് വേരിയന്റാണിത്. ഇത് ഗ്രേ നിറത്തില്‍ ലഭ്യമാകും, ഒക്ടോബര്‍ 19 മുതല്‍ യുഎസില്‍ വില്‍പ്പനയ്ക്കെത്തുമെങ്കിലും ഇന്ത്യന്‍ ലോഞ്ചിനെക്കുറിച്ച് ഒരു വിവരവുമില്ല. ഒക്ടാ കോര്‍ ക്വാല്‍കോം സ്‌നാപ്ഡ്രാഗണ്‍ 480 പ്രോസസറുമായാണ് ഈ 6.52 ഇഞ്ച് HD+ (720 x 1600 പിക്‌സല്‍) ഡിസ്‌പ്ലേ 20: 9 വീക്ഷണ അനുപാതത്തോടുകൂടിയ ഫോണ്‍ വരുന്നത്. ആന്‍ഡ്രോയിഡ് 11 ലാണിത് പ്രവര്‍ത്തിക്കുന്നത്.

ഒപ്റ്റിക്സിന്റെ കാര്യത്തില്‍, ട്രിപ്പിള്‍ റിയര്‍ ക്യാമറ സജ്ജീകരണമുണ്ട്, അതില്‍ f/1.8 അപ്പര്‍ച്ചര്‍ ഉള്ള 16എംപി പ്രൈമറി സെന്‍സര്‍, 5 എംപി അള്‍ട്രാ വൈഡ് ക്യാമറ, 2എംപി ഡെപ്ത് സെന്‍സര്‍ എന്നിവ ഉള്‍പ്പെടുന്നു. സെല്‍ഫികള്‍ക്കായി, മുന്‍വശത്ത് 8 എംപി സെന്‍സര്‍ ഉണ്ട്. 4 ജിബി റാമും 64 ജിബി ഓണ്‍ബോര്‍ഡ് സ്റ്റോറേജുമുണ്ട്. 

മൈക്രോ എസ്ഡി കാര്‍ഡ് വഴി 1 ടിബി വരെ ഇന്റേണല്‍ സ്റ്റോറേജ് വിപുലീകരിക്കാനുള്ള ഓപ്ഷന്‍ കമ്പനി നല്‍കിയിട്ടുണ്ട്. കണക്റ്റിവിറ്റി ഓപ്ഷനുകളില്‍ 5G, 4G LTE, Wi-Fi 802.11ac, Bluetooth v5, GPS/ A-GPS, NFC, USB Type-C, 3.5mm ഹെഡ്ഫോണ്‍ ജാക്ക് എന്നിവ ഉള്‍പ്പെടുന്നു. സൈഡ് മൗണ്ടഡ് ഫിംഗര്‍പ്രിന്റ് സെന്‍സറും 4,470 എംഎഎച്ച് ബാറ്ററിയും ഇതിലുണ്ട്. ഇത് ക്വാല്‍കോമിന്റെ ക്വിക്ക് ചാര്‍ജ് 3.0 ന് അനുയോജ്യമാണ്.

Follow Us:
Download App:
  • android
  • ios