Samsung Neo QLED TV : നിയോ 8കെ, 4കെ ടിവികളുമായി സാംസങ് ഇന്ത്യയില്‍, വില അറിയാം...
സാംസങ്ങിന്റെ നിയോ ക്യുഎല്‍ഇഡി ടിവി സീരീസ് ക്വാണ്ടം മിനി എല്‍ഇഡികളോടൊപ്പമാണ് വരുന്നത്, സാധാരണ എല്‍ഇഡികളേക്കാള്‍ 40 മടങ്ങ് ചെറുതാണിത്.
'നിയോ ക്യുഎല്‍ഇഡി ടിവികള്‍' (Neo QLED TV) എന്ന ബ്രാന്‍ഡിന് കീഴില്‍ സാംസങ് (Samsung) കഴിഞ്ഞ മാസം അവസാനം അള്‍ട്രാ പ്രീമിയം ടിവികളുടെ ഒരു പുതിയ ശ്രേണി അവതരിപ്പിച്ചു. അധികം കാലതാമസമില്ലാതെ, സീരീസിലെ മുന്‍നിര ഓഫറായ നിയോ ക്യുഎല്‍ഇഡി 8 കെ ഉള്‍പ്പെടെ ഇന്ത്യയില്‍ ടിവികളുടെ ലഭ്യത കമ്പനി പ്രഖ്യാപിച്ചു.
സാംസങ് പുതിയ ഉല്‍പ്പന്നങ്ങളെ ടിവികളായി ചിത്രീകരിക്കുന്നില്ല. മറിച്ച് നിയോ ക്യുഎല്‍ഇഡി ടിവികള്‍ക്ക് ഗെയിം കണ്‍സോള്‍, വെര്‍ച്വല്‍ പ്ലേഗ്രൗണ്ട്, നിങ്ങളുടെ വീട്ടിലെ ഐഒടി ഉപകരണങ്ങള്‍ നിയന്ത്രിക്കാനുള്ള സ്മാര്‍ട്ട് ഹബ് എന്നിവയായി പ്രവര്‍ത്തിക്കാനാകുമെന്ന് കമ്പനി പറയുന്നു. സാംസങ്ങിന്റെ നിയോ ക്യുഎല്‍ഇഡി ടിവി സീരീസ് ക്വാണ്ടം മിനി എല്‍ഇഡികളോടൊപ്പമാണ് വരുന്നത്, സാധാരണ എല്‍ഇഡികളേക്കാള്‍ 40 മടങ്ങ് ചെറുതാണിത്. അതു കൊണ്ടു തന്നെ സ്‌ക്രീനിന്റെ വിവിധ ഭാഗങ്ങളില്‍ നിയന്ത്രിത തെളിച്ചത്തിന് കൃത്യമായ ലൈറ്റിംഗ് ലഭിക്കുന്നു. ഇതിനു പുറമേ, പുതിയ സാംസങ് ടിവികള്‍ക്ക് അഭിമാനിക്കാന്‍ മറ്റ് നിരവധി സവിശേഷതകളുണ്ട്.
പുതിയ സാംസങ് ടിവികളെ നമുക്ക് രണ്ട് വിഭാഗങ്ങളായി തരംതിരിക്കാം. ഒന്നില്‍ 8കെ മോഡലുകള്‍ ഉള്‍പ്പെടുന്നു, ആകെ നാല് ഓഫറുകള്‍. നിയോ QLED 8K ടിവികള്‍ QN900B (85-ഇഞ്ച്), QN800B (65-, 75-ഇഞ്ച്), QN700B (65-ഇഞ്ച്) മോഡലുകളില്‍ ലഭ്യമാണ്, മറ്റ് നിയോയുടെ വില 3,24,990 രൂപ മുതല്‍ റീട്ടെയില്‍ ആരംഭിക്കും. QLED ടിവികള്‍, മൂന്ന് മോഡലുകള്‍ മൊത്തം ഒമ്പത് വലുപ്പ വേരിയന്റുകളില്‍ വില്‍പ്പനയ്ക്കുണ്ട്. ഇവയാണ് - QN95B (55-, 65-ഇഞ്ച്), QN90B (85-, 75-, 65-, 55-, 50-ഇഞ്ച്), QN85B (55-, 65-ഇഞ്ച്) മോഡലുകള്‍. നിയോ ക്യുഎല്‍ഇഡി ടിവികളുടെ വില 1,14,990 രൂപയില്‍ ആരംഭിക്കും. ഈ ടിവികള്‍ എല്ലാ സാംസങ് റീട്ടെയില്‍ സ്റ്റോറുകളിലും മറ്റ് ഉപഭോക്തൃ ഇലക്ട്രോണിക്‌സ് സ്റ്റോറുകളിലും ഓണ്‍ലൈന്‍ പ്ലാറ്റ്ഫോമുകളിലുടനീളം ലഭ്യമാകും.
പുതിയ നിയോ ക്യുഎല്‍ഇഡി ടിവികളില്‍ ഏതെങ്കിലും വാങ്ങുന്നവര്‍ക്ക് 10 വര്‍ഷത്തെ നോ സ്‌ക്രീന്‍ ബേണ്‍-ഇന്‍ വാറന്റിയും നല്‍കും. ഏപ്രില്‍ മാസത്തേക്ക് പരിമിതപ്പെടുത്തിയിരിക്കുന്ന മറ്റൊരു ഓഫറില്‍, നിയോ ക്യുഎല്‍ഇഡി 8കെ ടിവികള്‍ വാങ്ങുന്നവര്‍ക്ക് 1,49,900 രൂപയുടെ സാംസങ് സൗണ്ട്ബാറും (HW-Q990B) 8,900 രൂപ വിലയുള്ള സ്ലിംഫിറ്റ് കാമും ലഭിക്കും. സാധാരണ നിയോ ക്യുഎല്‍ഇഡി ടിവികള്‍ വാങ്ങുന്നവര്‍ക്ക് സ്ലിംഫിറ്റ് ക്യാം ലഭിക്കും. നിയോ ക്യുഎല്‍ഇഡി 8കെ, നിയോ ക്യുഎല്‍ഇഡി ടിവികള്‍ മുന്‍കൂട്ടി റിസര്‍വ് ചെയ്ത ഉപഭോക്താക്കള്‍ക്ക് യഥാക്രമം 10,000 രൂപയുടെയും 5,000 രൂപയുടെയും കിഴിവുകളും സാംസങ് വാഗ്ദാനം ചെയ്യുന്നു.
സാംസങ് നിയോ ക്യുഎല്‍ഇഡി ടിവിയുടെ സവിശേഷതകള്‍
സ്മാര്‍ട്ട് ടിവിയെ പവര്‍ ചെയ്യുന്ന ന്യൂറല്‍ ക്വാണ്ടം പ്രോസസര്‍ 8 കെ ആണ് വലിയ സവിശേഷത. മികച്ച കാഴ്ചയ്ക്കായി ഉള്ളടക്കത്തിന്റെ സവിശേഷതകളും ചിത്രത്തിന്റെ ഗുണനിലവാരവും വിശകലനം ചെയ്യുന്നതിന് പ്രോസസ്സറിന് 20 സ്വതന്ത്ര ന്യൂറല്‍ ആര്‍ട്ടിഫിഷ്യല്‍ ഇന്റലിജന്‍സ് നെറ്റ്വര്‍ക്കുകള്‍ ഉണ്ട്. മറ്റ് ഫീച്ചറുകളില്‍ സ്‌ക്രീനില്‍ ഉള്ളത് തത്സമയം വിശകലനം ചെയ്യുന്ന ഒരു എഐ ഉള്‍പ്പെടുന്നു, അതുവഴി അഡാപ്റ്റീവ് സൗണ്ട് ഫീച്ചറുകള്‍ക്ക് സ്‌ക്രീനിലെ ചലനവുമായി കൃത്യമായി പൊരുത്തപ്പെടുന്നതിന് സ്പീക്കറുകള്‍ക്കിടയില്‍ ട്രാക്ക് ചെയ്യാനും നീങ്ങാനും കഴിയും. ഇത് റിയല്‍ ഡെപ്ത് എന്‍ഹാന്‍സറും നല്‍കുന്നു, ഇത് സ്‌ക്രീന്‍ സ്‌കാന്‍ ചെയ്യുകയും ഒബ്ജക്റ്റ് മാത്രം മെച്ചപ്പെടുത്തി പശ്ചാത്തലവുമായി ദൃശ്യതീവ്രത വര്‍ദ്ധിപ്പിക്കുകയും ചെയ്യുന്നു.
മുന്‍നിര നിയോ QLED 8K മോഡലായ QN900B-യില്‍, എല്ലാ ശബ്ദങ്ങളും വരുന്നത് 90W 6.2.4 ചാനല്‍ ഓഡിയോ സിസ്റ്റത്തില്‍ നിന്നാണ്, അതില്‍ പുതിയ ടോപ്പ് ചാനല്‍ സ്പീക്കറുകളും ഒബ്ജക്റ്റ് ട്രാക്കിംഗ് സൗണ്ട് പ്രോ ഉള്ള ഡോള്‍ബി അറ്റ്മോസും ഉള്‍പ്പെടുന്നു. വോയ്സ് ട്രാക്കിംഗ് സൗണ്ട് ഉപയോഗിച്ചുള്ള വോയ്സ് തിരിച്ചറിയലിനും ഈ സാങ്കേതികവിദ്യ പ്രയോഗിച്ചിരിക്കുന്നു, അതിനാല്‍ ശബ്ദ ഇഫക്റ്റുകളും ശബ്ദങ്ങളും സ്‌ക്രീനിലുടനീളം ചലനത്തെ പിന്തുടരുന്നു.
ക്വാണ്ടം മിനി എല്‍ഇഡിയുടെ ഉപയോഗമാണ് ഷോസ്റ്റോപ്പര്‍. ഇത് കൂടുതല്‍ കൃത്യമായ ലൈറ്റിംഗ് സംവിധാനം ഉണ്ടാക്കുന്നു. ഇത് സ്‌ക്രീനിന്റെ വിവിധ ഭാഗങ്ങളില്‍ കൂടുതല്‍ നിയന്ത്രിത തെളിച്ചം സാധ്യമാക്കുന്നു. ഷേപ്പ് അഡാപ്റ്റീവ് ലൈറ്റ് കണ്‍ട്രോള്‍ എന്നാണ് ഈ ഫീച്ചറിന് പേരിട്ടിരിക്കുന്നത്. സുഖപ്രദമായ കാഴ്ചാനുഭവത്തിനായി ഒരു ഐ കംഫോര്‍ട്ട് മോഡും എല്ലാ മോഡലുകളിലും വയര്‍ലെസ് ഡോള്‍ബി അറ്റ്മോസും ഉണ്ട്. വിപണിയിലെ മുന്‍നിര സ്മാര്‍ട്ട് ടെലിവിഷനുകള്‍ക്ക് മാത്രമുള്ള മറ്റ് പുതിയ ഫീച്ചറുകളും ഉണ്ട്. ഉദാഹരണത്തിന്, ഇതിലെ ബില്‍റ്റ്-ഇന്‍ ഐഒടി ഹബ് സജ്ജീകരണം ഏറെ വിശേഷപ്പെട്ടതാണ്. ഇതോടെ, ഉപയോക്താക്കള്‍ക്ക് അവരുടെ വീടിന് ചുറ്റും, സാംസങ് ടിവി വഴി സ്മാര്‍ട്ട് ഉപകരണങ്ങള്‍ പ്രവര്‍ത്തിപ്പിക്കാന്‍ കഴിയും.
അതുപോലെ, ഗെയിമര്‍മാര്‍ക്ക്, 2022 നിയോ ക്യുഎല്‍ഇഡി ടിവി ലൈനപ്പ്, കാലതാമസമില്ലാത്ത ഗെയിമിംഗ് അനുഭവത്തിനായി മോഷന്‍ എക്സെലറേറ്റര്‍ ടര്‍ബോ പ്രോയുമായി (എച്ച്ഡിഎംഐ 2.1 പോര്‍ട്ടുകളുള്ള 144 ഹെര്‍ട്സ് വരെ വിആര്‍ആര്‍ വരെ) വരുന്നു. ടിവിയുടെ ഇന്റര്‍ഫേസിലൂടെ ഗെയിം ക്രമീകരണങ്ങള്‍ എളുപ്പത്തില്‍ ഒപ്റ്റിമൈസ് ചെയ്യാന്‍ ഗെയിമര്‍മാരെ അനുവദിക്കുന്ന പുതിയ ഗെയിം ബാറും പുതിയ ടിവി ലൈനപ്പ് അവതരിപ്പിക്കുന്നു.
