ഫോഴ്സ് മോട്ടോഴ്സിന്റെ റെക്കോർഡ് കുതിപ്പ്; പിന്നിലെ രഹസ്യമെന്ത്?
2025-26 സാമ്പത്തിക വർഷത്തിന്റെ മൂന്നാം പാദത്തിൽ ഫോഴ്സ് മോട്ടോഴ്സ് ചരിത്രത്തിലെ ഏറ്റവും മികച്ച ത്രൈമാസ പ്രകടനം രേഖപ്പെടുത്തി. ആഭ്യന്തര ഡിമാൻഡ്, കയറ്റുമതിയിലെ വർധന, പ്രവർത്തന മികവ് എന്നിവയിലൂടെ കമ്പനി വരുമാനത്തിലും ലാഭത്തിലും വൻ വളർച്ച നേടി.
ഏറ്റവും മികച്ച ത്രൈമാസ പ്രകടനം
2025 ഡിസംബർ 31 ന് അവസാനിച്ച 2025–26 സാമ്പത്തിക വർഷത്തിന്റെ മൂന്നാം പാദത്തിൽ ഫോഴ്സ് മോട്ടോഴ്സ് ലിമിറ്റഡ് ഇതുവരെ കൈവരിച്ചിട്ടുള്ളതിൽ ഏറ്റവും മികച്ച ത്രൈമാസ പ്രകടനം രേഖപ്പെടുത്തി. ആഭ്യന്തര വിപണിയിലെ സ്ഥിരതയുള്ള ആവശ്യം, കയറ്റുമതി വർധന, പ്രവർത്തന കാര്യക്ഷമത എന്നിവയാണ് ഈ വളർച്ചയ്ക്ക് പ്രധാന പിന്തുണയായത്.
2,155 കോടി രൂപ
മൂന്നാം പാദത്തിൽ കമ്പനി നേടിയ വരുമാനം 2,155 കോടി രൂപ ആയിരുന്നു. ഇത് കഴിഞ്ഞ വർഷത്തെ ഇതേ കാലയളവിനെ അപേക്ഷിച്ച് 13 ശതമാനം വർധനവാണ്. പലിശ, നികുതി എന്നിവയ്ക്ക് മുൻപുള്ള ലാഭം (EBITDA) 401 കോടി ആയി ഉയർന്നു.
63 ശതമാനം വളർച്ച
ഇത് വാർഷികാടിസ്ഥാനത്തിൽ 63 ശതമാനം വളർച്ചയാണ്. പ്രത്യേക ഇനങ്ങൾക്ക് മുൻപുള്ള നികുതിക്ക് മുൻപുള്ള ലാഭം (PBT) 328 കോടി ആയി, 91 ശതമാനം വർധനയും രേഖപ്പെടുത്തി. പ്രത്യേക ഇനങ്ങൾക്കുശേഷമുള്ള നികുതിക്കുശേഷമുള്ള ലാഭം (PAT) 403 കോടി ആയി ഉയർന്ന് 266 ശതമാനം വളർച്ച കൈവരിച്ചു.
മൊത്തം വരുമാനം 6,583 കോടി
ഡിസംബർ 2025-ന് അവസാനിച്ച ഒമ്പത് മാസക്കാലയളവിൽ ഫോഴ്സ് മോട്ടോഴ്സിന്റെ മൊത്തം വരുമാനം 6,583 കോടി ആയി. ഇത് കഴിഞ്ഞ വർഷത്തേക്കാൾ 14 ശതമാനം കൂടുതലാണ്. ഇതേ കാലയളവിൽ EBITDA 43 ശതമാനം ഉയർന്ന് 1,145 കോടി ആയി. പ്രത്യേക ഇനങ്ങൾക്ക് ശേഷമുള്ള നികുതിക്ക് മുൻപുള്ള ലാഭം 1,142 കോടി രൂപ ആയപ്പോൾ, നികുതിക്കുശേഷമുള്ള ലാഭം ₹938 കോടി ആയി ഉയർന്നു. ഈ കാലയളവിൽ കമ്പനി കടമില്ലാത്ത (സീറോ ഡെറ്റ്) നില തുടരുകയും ചെയ്തു.
ആഭ്യന്തര വിൽപ്പന
ആഭ്യന്തര വിൽപ്പന സാമ്പത്തിക വർഷത്തിന്റെ ആദ്യ ഒമ്പത് മാസങ്ങളിൽ 25 ശതമാനം വർധിച്ചു. അർബാനിയ, ട്രാവലർ, ഗൂർഖ, പ്രതിരോധ വാഹനങ്ങൾ, മോണോബസ്, ട്രാക്സ് തുടങ്ങിയ മോഡലുകളിലുണ്ടായ സ്ഥിരതയുള്ള ആവശ്യം ഈ വളർച്ചയ്ക്ക് കാരണമായി. കയറ്റുമതി വാള്യം വർഷാന്തര അടിസ്ഥാനത്തിൽ 30 ശതമാനം ഉയർന്നു.
70 ശതമാനത്തിലധികം വിപണിവിഹിതം
ലൈറ്റ് കൊമേഴ്സ്യൽ വാഹനങ്ങൾ, പ്രത്യേക ഉപയോഗ വാഹനങ്ങൾ, യൂട്ടിലിറ്റി വാഹനങ്ങൾ എന്നിവയാണ് കയറ്റുമതിയിൽ പ്രധാന പങ്കുവഹിച്ചത്. ട്രാവലർ വിഭാഗത്തിൽ 70 ശതമാനത്തിലധികം വിപണി പങ്ക് ഫോഴ്സ് മോട്ടോഴ്സ് നിലനിർത്തി. കഴിഞ്ഞ മൂന്ന് വർഷത്തിനിടെ കമ്പനി 35 ശതമാനത്തിലധികം സംയോജിത വാർഷിക വളർച്ചാ നിരക്കും കൈവരിച്ചതായി അറിയിച്ചു.
നല്ല സൂചനകൾ
ഫലങ്ങളെക്കുറിച്ച് പ്രതികരിച്ച കമ്പനി, ഷെയർഡ് മൊബിലിറ്റി, പ്രതിരോധ മേഖലയിലെ ആവശ്യങ്ങൾ, കയറ്റുമതി വിപണികൾ എന്നിവിടങ്ങളിൽ ആവശ്യകത ശക്തമാണെന്ന് വ്യക്തമാക്കി. ഡീലർ തലത്തിലുള്ള ഓർഡർ അന്വേഷണങ്ങളും നിലവിലുള്ള ഓർഡറുകളും സാമ്പത്തിക വർഷത്തിന്റെ അവസാന പാദത്തേക്കുള്ള നല്ല സൂചനകൾ നൽകുന്നുവെന്നും കമ്പനി കൂട്ടിച്ചേർത്തു.
പ്രതീക്ഷകൾ
നിലവിലെ ആവശ്യകതയും പ്രവർത്തന കാര്യക്ഷമതയും തുടരുന്ന സാഹചര്യത്തിൽ 2026 സാമ്പത്തിക വർഷത്തിൽ ഫോഴ്സ് മോട്ടോഴ്സിന്റെ ഇതുവരെ കാണാത്ത മികച്ച സാമ്പത്തിക വർഷമായി മാറുമെന്ന് കമ്പനി പ്രതീക്ഷിക്കുന്നു.
