രോഹിത്, രഹാനെ, പൂജാര..! സിഡ്‌നിയില്‍ താരങ്ങളെ കാത്ത് തകര്‍പ്പന്‍ നേട്ടങ്ങള്‍
First Published Jan 5, 2021, 3:10 PM IST
ഓസ്‌ട്രേലിയ- ഇന്ത്യ മൂന്നാം ടെസ്റ്റ് വ്യാഴാഴ്ച്ച ആരംഭിക്കാനിരിക്കെ ഇരുടീമിലേയും താരങ്ങളെ കാത്ത് ചില നാഴികക്കല്ലുകള്‍. ഇന്ത്യന്‍ ക്യാപ്റ്റന്‍ അജിന്‍ക്യ രഹാനെ, ഉപനായകന്‍ രോഹിത് ശര്‍മ, മധ്യനിരയുടെ കരുത്ത് ചേതേശ്വര്‍ പൂജാര, ഓസീസ് താരങ്ങങ്ങളായ നഥാന്‍ ലിയോണ്‍, ഡേവിഡ് വാര്‍ണര്‍ എന്നിവരാണ് സുപ്രധാനങ്ങള്‍ നേട്ടങ്ങള്‍ സ്വന്തമാക്കാനിരിക്കുന്നത്.
അജിന്‍ക്യ രഹാനെ
സിഡ്‌നില്‍ ഒരു സെഞ്ചുറി നേടിയാല്‍ ഇന്ത്യന്‍ ക്യാപ്റ്റന്‍ അജിന്‍ക്യ രഹാനെയ്ക്ക മുന്‍താരം വിരേന്ദര്‍ സെവാഗിനൊപ്പമെത്താം. ഈ ഗ്രൗണ്ടില്‍ മൂന്ന് സെഞ്ചുറികളാണ് സെവാഗ് നേടിയത്. രഹാനെയുടെ അക്കൗണ്ടില്‍ സിഡ്‌നിയില്‍ മാത്രം ഇതുവരെ രണ്ട് സെഞ്ചുറികളുണ്ട്. ഓസീസിനെതിരെ 15 മത്സരത്തില്‍ നിന്ന് 40.12 ശരാശരിയില്‍ 1003 റണ്‍സാണ് രഹാനെ നേടിയത്. 22 ടെസ്റ്റ് കളിച്ച സെവാഗ് 41.38 ശരാശരിയില്‍ 1738 റണ്‍സും സ്വന്തമാക്കി.
രോഹിത് ശര്‍മ
പരിക്ക് മാറി ഇന്ത്യന്‍ ടീമില്‍ തിരിച്ചെത്തിയ ഉപനായകന്‍ രോഹിത് ശര്‍മയെ കാത്തും ഒരു റെക്കോഡിരിക്കുന്നുണ്ട്. സിക്സ് കൂടി നേടിയാല്‍ ഓസീസിനെതിരെ അന്താരാഷ്ട്ര ക്രിക്കറ്റില്‍ 100 സിക്‌സുകള്‍ തികയ്ക്കുന്ന താരമാവും രോഹിത്. എല്ലാ ഫോര്‍മാറ്റിലുമായി ഓസീസിനെതിരെ 64 മത്സരങ്ങളില്‍ നിന്ന് 99 സിക്സാണ് രോഹിത് നേടിയത്. 63 സിക്സ് നേടിയ ഇംഗ്ലണ്ട് നായകന്‍ ഓയിന്‍ മോര്‍ഗനാണ് പട്ടികയില്‍ രണ്ടാം സ്ഥാനത്ത്.
Post your Comments