ജീവിതം കടലിൽ തന്നെ, താമസിക്കാൻ വെള്ളത്തിലെ കൂടാരങ്ങൾ, കടലിൽ മുങ്ങാൻ പ്രത്യേക കഴിവ്, ബജാവു ജനതയെ അറിയാം

പല രീതികളിലും ജീവിക്കുന്നവർ നമ്മുടെ ഈ വിശാലമായ ഭൂമിയിലുണ്ട്. അതിൽ തന്നെ നമുക്ക് തീരെ പരിചയമില്ലാത്ത രീതിയിൽ ജീവിക്കുന്നവരും ഉണ്ടാകും. അതിലൊരു വിഭാ​ഗമാണ് 'ബജാവു' ഗോത്രം.

Image Credit : Getty

'സീ നൊമാഡ്സ്' അഥവാ 'കടലിലെ നാടോടികൾ' എന്നാണ് ബജാവു ജനത അറിയപ്പെടുന്നത്. ഇന്തോനേഷ്യയ്ക്കും മലേഷ്യയ്ക്കും ഇടയിലുള്ള സമുദ്രഭാ​ഗങ്ങളിലാണ് ഇവർ ജീവിക്കുന്നത്. ഇവർക്ക് ഭൂമിയോ, ഭൂമിയിലെ അതിർത്തികളോ ബാധകമല്ല എന്ന് ചുരുക്കം .

Image Credit : Getty

ഭൂരിഭാഗം ബജാവു ആളുകളും ജനിക്കുന്നതും വളരുന്നതും മരിക്കുന്നതും കടലിലെ വള്ളങ്ങളിലോ വെള്ളത്തിന് മുകളിൽ നിർമ്മിച്ചിരിക്കുന്ന താൽക്കാലിക കൂടാരങ്ങളിലോ ആണ്. ഒരു രാജ്യത്തിന്റെയും പൗരത്വമോ അതിർത്തികളോ ഇല്ലാത്ത ഇവർ സമുദ്രത്തെ തന്നെയാണ് സ്വന്തം നാടും വീടുമായി കാണുന്നത് .

Image Credit : Getty

യാതൊരു ആധുനിക ഉപകരണങ്ങളുമില്ലാതെ തന്നെ സമുദ്രത്തിന്റെ 30 മീറ്ററിലധികം ആഴത്തിലേക്ക് ഊളിയിടാൻ ഇവർക്ക് സാധിക്കും. ലോകത്തെ മുങ്ങൽ വിദഗ്ധരെപ്പോലും അമ്പരപ്പിക്കുന്നതാണ് ഇവരുടെ ഈ കഴിവ്.

Image Credit : Getty

കാലപ്പഴക്കത്തിൽ ഇവരുടെ ശരീരം സമുദ്രത്തിലെ ജീവിതവുമായി ഇണങ്ങാറാണ് പതിവ്. വെള്ളത്തിനടിയിൽ കാഴ്ചകൾ കുറച്ചുകൂടി തെളിച്ചത്തോടെ കാണാനും ഇവർക്ക് പ്രത്യേക കഴിവുണ്ട്. 

Image Credit : Getty

സാധാരണ മനുഷ്യർക്ക് വെള്ളത്തിനടിയിൽ കാഴ്ച മങ്ങുമ്പോൾ, ബജാവു വംശജർക്ക് കരയിലെയെന്നപോലെ വ്യക്തമായി കാണാൻ സാധിക്കും. ഇതും ഇവരുടെ നിരന്തരമായുള്ള കടലുമായുള്ള ഇടപഴകലുകളിലൂടെയും ജീവിതരീതിയിലൂടെയും സാധ്യമാകുന്നതാണ്.

Image Credit : Getty

മത്സ്യബന്ധനമാണ് ഇവരുടെ പ്രധാന ഉപജീവനമാർ​ഗം. ആധുനിക ലോകത്തിന്റെ നിയമങ്ങളോ നിയന്ത്രണങ്ങളോ ഇല്ലാതെ കാലങ്ങളായി ഇവർ കടലിനെ ആശ്രയിച്ച് കഴിയുന്നു. ഇവരുടെ സംസ്കാരവും സ്വത്വവും എല്ലാം കടലുമായി ഇഴുകിച്ചേർന്ന് നിൽക്കുന്നവയാണ്.