സഹപ്രവര്‍ത്തകരെ അദ്ഭുതപ്പെടുത്തി ചിമ്പു, 400 പേര്‍ക്ക് ഗോള്‍ഡ് കോയിനും വസ്‍ത്രങ്ങളും!
ഒരിടവേളയ്‍ക്ക് ശേഷം മികച്ച തിരിച്ചുവരവിന് ശ്രമിക്കുകയാണ് ചിമ്പു. ഈശ്വരൻ എന്ന സിനിമയിലൂടെയാണ് ചിമ്പു തിരിച്ചുവരവിന് ശ്രമിക്കുന്നത്. ഈശ്വരൻ സിനിമയുടെ ഫോട്ടോകള്‍ ഓണ്‍ലൈനില്‍ തരംഗമായിരുന്നു. സുശീന്ദ്രനാണ് ചിത്രം സംവിധാനം ചെയ്യുന്നത്. ഒട്ടേറെ ഹിറ്റ് ചിത്രങ്ങള്‍ ചെയ്‍ത് ശ്രദ്ധേയനായ സംവിധായകനാണ് സുശീന്ദ്രൻ. ഈശ്വരൻ സിനിമയുടെ പ്രവര്‍ത്തകര്‍ക്ക് ചിമ്പു ദീപാവി സമ്മാനം നല്‍കിയതാണ് പുതിയ വാര്‍ത്ത.
ഈശ്വരൻ സിനിമയ്‍ക്കായി ചിമ്പു 20 കിലോയാണ് ഭാരം കുറച്ചത്.
കഴിഞ്ഞ കുറച്ച് ചിത്രങ്ങളില്‍ അഭിനയിക്കുമ്പോള്‍ ശരീരഭാരം കൂടിയതിനാല്‍ പരിഹാസം നേരിടേണ്ടിവന്നിരുന്നു ചിമ്പുവിന്.
സുശീന്ദ്രൻ സംവിധാനം ചെയ്യുന്ന ചിത്രത്തിനായി വൻ മാറ്റമാണ് ചിമ്പു നടത്തിയിരിക്കുന്നത്.
ചിമ്പു പുറത്തുവിട്ട ചിത്രങ്ങള്‍ ആരാധകര്‍ ഏറ്റെടുത്തിരുന്നു.
സിനിമയ്‍ക്കായി ചിമ്പു പാമ്പിനെ പിടിക്കുന്നതിന്റെ വീഡിയോ പുറത്തുവന്നത് വിവാദമായിരുന്നു.
ഇപ്പോള്‍ സിനിമയുടെ പ്രവര്‍ത്തകര്‍ക്ക് ചിമ്പു ദീപാവലി സമ്മാനം നല്‍കിയതാണ് പുതിയ വാര്‍ത്ത.
ഈശ്വരൻ സിനിമയില്‍ പ്രവര്‍ത്തിച്ച 400 പേര്‍ക്കാണ് ചിമ്പു ഒരു ഗ്രാം ഗോള്‍ഡ് കോയിൻ നല്‍കിയത്.
ഇത്രയും പേര്‍ക്ക് ചിമ്പു വസ്‍ത്രവും സമ്മാനിച്ചു.
ഇരുന്നൂറ് ജൂനിയര്‍ ആര്‍ടിസ്റ്റുകള്‍ക്കും ചിമ്പു വസ്‍ത്രങ്ങള്‍ സമ്മാനിച്ചു.
