Pre-Diabetes Diet : ടൈപ്പ് 2 പ്രമേഹ സാധ്യത കുറയ്ക്കുന്നതിന് ഡയറ്റിൽ ഉൾപ്പെടുത്താം അഞ്ച് സൂപ്പർ ഫുഡുകൾ

രക്തത്തിലെ പഞ്ചസാര കുറയ്ക്കുന്ന ആന്റിഓക്‌സിഡന്റുകളുടെയും പോളിസാക്രറൈഡുകളുടെയും മികച്ച ഉറവിടമാണ് വെണ്ടയ്ക്ക്. ഹൃദ്രോ​ഗ സാധ്യത കുറയ്ക്കുന്നതിനും പ്രതിരോധ സംവിധാനം മെച്ചപ്പെടുത്തുന്നതിനും വെണ്ടയ്ക്ക സഹായകമാണ്. ഇതിലെ നാരുകൾ കുടലിന്റെ ആരോഗ്യത്തെ പ്രോത്സാഹിപ്പിക്കുന്ന ഘടകമാണ്. ഇത് ദഹനനാളത്തിന്റെ പ്രശ്നങ്ങൾ കുറയ്ക്കുകയും ചെയ്യുന്നു - വയറുവേദന, മലബന്ധം എന്നിവയ്ക്ക് മികച്ചൊരു പ്രതിവിധിയാണ് വെണ്ടയ്ക്ക.

ഇലക്കറികളിയിൽ സൾഫോറഫെയ്ൻ ധാരാളം അടങ്ങിയിട്ടുണ്ട്. രക്തത്തിലെ പഞ്ചസാര കുറയ്ക്കാനുള്ള കഴിവുണ്ടെന്ന് തെളിയിക്കപ്പെട്ടിട്ടുള്ള ഒരുതരം ഐസോത്തിയോസയനേറ്റാണ് സൾഫോറഫെയ്ൻ.

നട്സ് കഴിക്കുന്നത് രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിനുള്ള സാധ്യതകളുമായി ബന്ധപ്പെട്ടിരിക്കുന്നു. നട്സ് കഴിക്കുന്നത് രക്തത്തിലെ പഞ്ചസാരയുടെ അളവ് കുറയ്ക്കുന്നതിന് സഹായിക്കുന്നതായി പഠനങ്ങൾ പറയുന്നു.

ബീൻസ്, പയർ എന്നിവയിൽ ധാരാളമായി അടങ്ങിയിരിക്കുന്ന പ്രോട്ടീൻ, നാരുകൾ, മഗ്നീഷ്യം പോലുള്ള ധാതുക്കൾ എന്നിവ രക്തത്തിലെ പഞ്ചസാരയുടെ അളവ് കുറയ്ക്കാൻ സഹായിക്കും. അവയിൽ പ്രത്യേകിച്ച് ഉയർന്ന അളവിലുള്ള പ്രതിരോധശേഷിയുള്ള അന്നജവും ലയിക്കുന്ന നാരുകളും ഉൾപ്പെടുന്നു.

നാരുകളും ആന്റിഓക്‌സിഡന്റുകളും ധാരാളം ഉള്ളതിനാൽ രക്തത്തിലെ പഞ്ചസാര നിയന്ത്രിക്കുന്നതിനുള്ള മികച്ച ഓപ്ഷനാണ് വിത്തുകൾ. പ്രത്യേകിച്ച് ഫ്ളാക്സ് സീഡുകൾക്ക് രക്തത്തിലെ പഞ്ചസാരയുടെ അളവ് കുറയ്ക്കാൻ കഴിയും. മത്തങ്ങ വിത്തുകൾ, ചിയ വിത്തുകൾ, മറ്റ് വിത്തുകൾ എന്നിവയും ഗുണം ചെയ്യും.

പല സിട്രസ് പഴങ്ങളും രക്തത്തിലെ പഞ്ചസാരയുടെ അളവ് കുറയ്ക്കാൻ സഹായിക്കുമെന്ന് ഗവേഷണങ്ങൾ സൂചിപ്പിക്കുന്നു. തണ്ണിമത്തൻ, പൈനാപ്പിൾ തുടങ്ങിയ മറ്റ് പഴവർഗങ്ങളെ അപേക്ഷിച്ച് രക്തത്തിലെ പഞ്ചസാരയുടെ കാര്യത്തിൽ അവയ്ക്ക് സ്വാധീനം കുറവായതിനാൽ സിട്രസ് പഴങ്ങളെ കുറഞ്ഞ ഗ്ലൈസെമിക് പഴങ്ങളായി തരം തിരിച്ചിരിക്കുന്നു.
 

രക്തത്തിലെ പഞ്ചസാരയുടെ അളവ് കുറയ്ക്കുന്നതിന് അവോക്കാഡോകൾക്ക് കാര്യമായ ഗുണങ്ങളുണ്ട്. അവയിൽ നാരുകൾ, വിറ്റാമിനുകൾ, ധാതുക്കൾ, ആരോഗ്യകരമായ കൊഴുപ്പുകൾ എന്നിവ ധാരാളമായി അടങ്ങിയിട്ടുണ്ട്, ഭക്ഷണത്തിൽ ഇവ ഉൾപ്പെടുത്തുന്നത് രക്തത്തിലെ പഞ്ചസാരയുടെ അളവ് കുറയ്ക്കുമെന്ന് പഠനങ്ങൾ തെളിയിച്ചിട്ടുണ്ട്.
 

ഓട്‌സ്,  മറ്റ് ധാന്യങ്ങൾ എന്നിവയിൽ ഗണ്യമായ അളവിൽ ലയിക്കുന്ന നാരുകൾ ഉൾപ്പെടുന്നു. ഇത് രക്തത്തിലെ പഞ്ചസാരയുടെ അളവ് ഗണ്യമായി കുറയ്ക്കുന്നതായി കണ്ടെത്തി. ഈ ഉയർന്ന അളവിൽ ലയിക്കുന്ന നാരുകൾ രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിച്ചേക്കാം.