കൊവിഡ് 19; തൊഴിലും കൂലിയും നഷ്ടപ്പെട്ട മെയ് ദിന പ്രതിഷേധങ്ങള്‍
കൊറോണാ വൈറസ് വ്യാപനത്തെ തുടര്‍ന്ന് ഒന്നാം ലോക രാജ്യങ്ങള്‍ക്കിടയില്‍ മരണസംഖ്യ ക്രമാധീതമായി വര്‍ദ്ധിച്ചത് മുതലാളിത്ത ഭരണകൂടാശയങ്ങളെക്കുറിച്ചുള്ള പുനരാലോചനകള്‍ ലോകത്ത് സജീവമാക്കി. ജനാധിപത്യത്തില്‍ ഊന്നിയ സോഷ്യലിസ്റ്റ് നിലപാടുകളിലേക്ക് ലോക രാജ്യങ്ങള്‍ മാറണമെന്നും മഹാമാരി ആഞ്ഞടിക്കുമ്പോള്‍ പണം മാനദണ്ഡമാക്കി ചികിത്സ നല്‍കരുതെന്നതടക്കമുള്ള വാദങ്ങള്‍ ഉയര്‍ന്നു. എന്നാല്‍, ലോകം പെട്ടെന്ന് തന്നെ ലോക്ഡൗണിലേക്ക് നീങ്ങിയതോടെ ഇത്തരം വാദങ്ങളുടെ മുനയൊടിഞ്ഞു. പിന്നീട് പല രാജ്യങ്ങളിലെയും ഭരണകൂടങ്ങള്‍ തങ്ങള്‍ക്ക് എതിരുനില്‍ക്കുന്ന സോഷ്യലിസ്റ്റ് പ്രത്യയശാസ്ത്ര ചിന്തകള്‍ക്കും വ്യക്തികള്‍ക്കും പ്രസ്ഥാനങ്ങള്‍ക്കുമെതിരെ നിരവധി കേസുകളും അറസ്റ്റുകളുമാണ് നടത്തിയത്. അതിനിടെയാണ് മെയ് ഒന്ന് കടന്നുവന്നത്.
എട്ട് മണിക്കൂര്‍ ജോലി , എട്ട് മണിക്കൂര്‍ കുടുംബം , എട്ട് മണിക്കൂര്‍ വിനോദം എന്ന സമയക്രമം തൊഴിലാളികള്‍ക്ക് അനുവദിച്ചു കിട്ടാന്‍ നൂറ്റാണ്ടുകളുടെ പോരാട്ടവും ആയിരക്കണക്കിന് തൊഴിലാളികളുടെ രക്തവും ചീന്തേണ്ടിവന്നു. എന്നാല്‍ സോഷ്യലിറ്റ് ആശയങ്ങള്‍ക്ക് കാലാനുവര്‍ത്തിയായ പരിഷ്കാരങ്ങളും ജനങ്ങള്‍ക്കിടയില്‍ ശക്തമായ വേരോട്ടവും ഉറപ്പിക്കുന്നതില്‍ പ്രസ്ഥാനങ്ങള്‍ പരാജയപ്പെട്ടു. ഇതോടെ ലോകത്ത് മുതലാളിത്ത ആശയങ്ങള്‍ക്കും വലതുപക്ഷപാര്‍ട്ടികള്‍ക്കും പ്രാമുഖ്യം ലഭിച്ചു. മെയ് ഒന്ന് എന്നത് വര്‍ഷാവര്‍ഷമുള്ള ഒരു ആഘോഷമായി അവസാനിച്ചു. ഇന്ന് തൊഴിലാളി വര്‍ഗ്ഗ ആശയധാരയെ മുന്‍നിര്‍ത്തി പ്രവര്‍ത്തിക്കുന്ന ചുരുക്കം ചില പ്രസ്ഥാനങ്ങള്‍ മാത്രമേ പ്രവര്‍ത്തിക്കുന്നൊള്ളൂ. ലോകത്ത് മെയ് ഒന്നിന് നടന്ന ചില പ്രതിഷേധങ്ങള്‍ കാണാം.
മെയ് 1 ന്, ഗ്രീസിലെ ഏഥൻസിൽ മെയ് ദിനത്തെ അനുസ്മരിപ്പിക്കുന്ന ഒരു റാലിയിൽ സാമൂഹിക അകലം പാലിച്ച് കമ്യൂണിസ്റ്റ് അഫിലിയേറ്റഡ് ട്രേഡ് യൂണിയൻ അംഗങ്ങളായ PAME 2020 പ്രവര്‍ത്തകര്‍ പങ്കെടുക്കുന്നു.
ചിലിയിലെ വാൽപാരിസോയിൽ നടന്ന മെയ് ദിന റാലിക്കിടയിലേക്ക് പൊലീസ് കണ്ണീർവാതകം വലിച്ചെറിയുന്നു.
ചിലിയിലെ വാൽപാരിസോയിലെ പൊലീസ് കുരുമുളക് സ്‌പ്രേ പ്രയോഗിച്ചതിന് ശേഷം ഒരു സി‌എൻ‌എൻ ക്യാമറാമാൻ മറ്റൊരു ഫോട്ടോഗ്രാഫറെ പുറത്ത് കടക്കാന്‍ സഹായിക്കുന്നു.
ചിലിയിലെ വാൽപാരിസോയിൽ കലാപകാരികള്‍ക്ക് നേരെ പൊലീസ് ജല പീരങ്കി ഉപയോഗിച്ചപ്പോള്‍ കാണപ്പെട്ട മഴവില്‍ നിറങ്ങള്‍.
ഡെൻമാർക്കിലെ ഹോർസെൻസിൽ മെയ് ഡേ ഡ്രൈവ് ഇൻ റാലിയിൽ പങ്കെടുക്കുമ്പോൾ ഒരു സ്ത്രീ കാറിൽ ഇരിക്കുന്നു.
ചിലിയിലെ സാന്‍റിയാഗോയിൽ മെയ് ദിനത്തിന് പ്രകടനം നടത്തിയ ഒരാളെ പൊലീസ് തടഞ്ഞുവെക്കുന്നു.
ജർമ്മനിയിലെ ബെർലിനിൽ നടന്ന ഇടതുപക്ഷ മെയ് ദിന റാലിയില്‍ സമാധാനത്തിന്‍റെ ചിഹ്നം വരച്ച മുഖാവരണം ധരിച്ച ഒരാള്‍ പങ്കെടുക്കുന്നു.
"മാക്വില" എന്നറിയപ്പെടുന്ന ടെക്സ്റ്റൈൽ വ്യവസായത്തിൽ നിന്നുള്ള ഒരു തൊഴിലാളി, ശമ്പളം കുറയ്ക്കാതെ ജോലി സമയം കുറയ്ക്കാന്‍ ആവശ്യപ്പെട്ടുകൊണ്ടുള്ള ഒരു പോസ്റ്റര്‍ പിടിച്ച് മെയ് ഒന്നിന് പ്രതിഷേധിക്കുന്നു. എല്‍സാല്‍വദേറിലെ പ്രധാന വ്യവസായമാണ് ടെക്സ്റ്റൈല്‍ വ്യവസായം. 12 മണിക്കൂറാണ് ഇവിടെ തൊഴിലാളികളുടെ ജോലി സമയം. ഇത് എട്ട് മണിക്കൂറായി കുറയ്ക്കണമെന്നത് പതിറ്റാണ്ടുകളായുള്ള തൊഴിലാളികളുടെ ആവശ്യമാണ്.
ജർമ്മനിയിലെ ഹാംബർഗിലെ റീപ്പർബാൻ റെഡ്-ലൈറ്റ് ജില്ലയിൽ മെയ് ഒന്നിന് പ്രതിഷഷേധ റാലിയില്‍ പങ്കെടുത്ത് ഒരാള്‍ തലവഴി മൂടിയ പേപ്പര്‍ കവറില്‍ "ഞാൻ വിഡ്ഢിയാണ്, എല്ലാം വിശ്വസിക്കുന്നു!" എന്നെഴുതി വച്ചിരിക്കുന്നു.
ജർമ്മനിയിലെ ബെർലിനിൽ മാസ്ക് ധരിച്ച ഒരു പൊലീസ് ഉദ്യോഗസ്ഥനും ഒരു പ്രതിഷേധക്കാരനും മുഖാമുഖം നില്‍ക്കുന്നു.
ന്യൂയോർക്ക് ഗവർണർ ആൻഡ്രൂ ക്യൂമോയുടെ ന്യൂയോർക്ക് സിറ്റി ഓഫീസ് കെട്ടിടത്തിന് പുറത്ത് ന്യൂയോർക്ക് സിറ്റിയിലെ മാൻഹട്ടനിൽ നടന്ന പ്രതിഷേധത്തിനിടെ മരിയാച്ചി ബാൻഡ് സംരക്ഷിത മുഖംമൂടികൾ ധരിച്ച് പാട്ട് പാടുന്നു.
ജർമ്മനിയിലെ ബെർലിനിൽ ഒരു പ്രതിഷേധക്കാരൻ മഴവില്ല് നിറമുള്ള മുഖംമൂടി ധരിച്ചിരിക്കുന്നു.
സംരക്ഷിത മുഖംമൂടി ധരിച്ച ഒരു നഴ്‌സ് ബ്രസീലിലെ സാവോ പോളോയിലെ ഏറ്റവും വലിയ സെമിത്തേരികളിലൊന്നില്‍ പ്രര്‍ത്ഥനയില്‍ ഏര്‍പ്പെട്ടിരിക്കുന്നു. കൊറോണ വൈറസ് ബാധിച്ച് മരിച്ച സഹപ്രവർത്തകരുടെ ചിത്രങ്ങളില്‍ 'ഹീറോകൾ' എന്ന് എഴുതിവച്ചിരിക്കുന്നു.
മെയ് ദിനത്തില്‍ സ്വിറ്റ്സർലൻഡിലെ സൂറിച്ചിൽ ആളുകൾ തങ്ങളുടെ ബാൽക്കണിയിൽ നിന്ന് തൊഴിലാളി വര്‍ഗ്ഗ ഗാനങ്ങള്‍ പാടുന്നു.
ചിലിയിലെ സാന്‍റിയാഗോയിൽ നടന്ന മെയ് ദിന റാലിയില്‍ പൊലീസ് പ്രകടനക്കാരെ തടയുന്നു.
ഗ്രീസിലെ ഏഥൻസിൽ കയ്യുറകൾ ധരിച്ച കമ്യൂണിസ്റ്റ് അഫിലിയേറ്റഡ് ട്രേഡ് യൂണിയനിലെ ഒരു അംഗം മെയ് ദിന റാലിക്കിടെ ഒരു റോസാപൂ ഉയര്‍ത്തുന്നു.
തുർക്കിയിലെ ഇസ്താംബൂളിൽ മെയ് ദിനം ആഘോഷിക്കുന്നതിനായി ട്രേഡ് യൂണിയൻ നേതാക്കൾ തക്‌സിം സ്‌ക്വയറിൽ നിരോധനം ലംഘിച്ച് മാർച്ച് നടത്താൻ ശ്രമിക്കുന്നതിനിടെ തടയാനെത്തിയ തുർക്കി പൊലീസിന് നേരെ പൂക്കള്‍ എറിഞ്ഞപ്പോള്‍. തുര്‍ക്കിയില്‍ ഇടത് ആശയക്കാരായ രണ്ട് ഗായകര്‍, 200 ദിവസത്തിനും മേലെ നിരാഹാരം കിടന്ന് മരിച്ചത് അടുത്തിടെയാണ്. പ്രസിഡന്‍റ് തയ്യൂബ് എര്‍ദോഗന്‍ അധികാരമേറ്റത് മുതല്‍ ഇടത്പക്ഷാശയക്കാര്‍ക്കെതിരെ ശക്തമായ നടപടികളാണ് എടുത്തുവരുന്നത്.
തൊഴിലാളി ദിനത്തിൽ ബ്രസീലിലെ ബ്രസീലിയയിൽ ആരോഗ്യ പ്രവർത്തകർക്ക് ആദരാഞ്ജലിയും പ്രതീകാത്മക പ്രതിഷേധവും നേരുന്നതിനിടെ സംരക്ഷിത മുഖംമൂടി ധരിച്ച നഴ്‌സുമാർ കുരിശുകൾ പിടിക്കുന്നു. മറ്റ് പല രാജ്യങ്ങളിലെയും പോലെ ബ്രസീലിലും ആരോഗ്യ പ്രവര്‍ത്തകര്‍ക്ക് ആവശ്യമായ മാസ്കുകളും മറ്റ് സംരക്ഷിത വസ്ത്രങ്ങളും എത്തിക്കുന്നതില്‍ പ്രസിഡന്‍റ് ബോള്‍സനോരെ പരാജയപ്പെട്ടു. കൊവിഡ്19 മരണനിരക്കിലും ബ്രസീല്‍ ഏറെ മുന്നിലാണ്.
തുർക്കിയിലെ ഇസ്താംബൂളിലെ തക്‌സിം സ്‌ക്വയറിൽ നിരോധനം ലംഘിച്ച് മാർച്ച് നടത്താൻ ശ്രമിക്കുന്നതിനിടെ ട്രേഡ് യൂണിയൻ നേതാക്കൾ തുർക്കി പൊലീസുമായി ഏറ്റുമുട്ടുന്നു.
നോർവീജിയൻ ലേബർ പാർട്ടി നേതാവ് ജോനാസ് ഗഹർ സ്റ്റോർ നോർവേയിലെ ലില്ലെസ്ട്രോമിൽ മെയ് ദിനാഘോഷത്തിന്‍റെ ഭാഗമായ ചടങ്ങില്‍ പങ്കെടുക്കുന്നു. കൊറോണാ വൈറസ് ബാധയെ തുടര്‍ന്ന് ആളുകള്‍ കാറിലിരുന്നാണ് പരിപാടികളില്‍ പങ്കെടുത്തത്.
ഗ്രീസിലെ ഏഥൻസിൽ സാമൂഹിക അകലം പാലിച്ച് സംരക്ഷണ മുഖംമൂടി ധരിച്ച കമ്യൂണിസ്റ്റ് അഫിലിയേറ്റഡ് ട്രേഡ് യൂണിയൻ PAME ലെ അംഗങ്ങൾ പ്രതിഷേധിക്കുന്നു.
തുർക്കിയിലെ ഇസ്താംബൂളിലെ തക്‌സിം സ്‌ക്വയറില്‍ മെയ് ദിന റാലിക്കെത്തിയ ഇടത് പക്ഷപ്രവര്‍ത്തകരെ പൊലീസ് വലിച്ചിഴച്ച് മാറ്റുന്നു.
റഷ്യയിലെ സെൻട്രൽ മോസ്കോയിലെ സെന്‍റ് ബേസിൽ കത്തീഡ്രലിനടുത്തുള്ള ശൂന്യമായ ചുവന്ന സ്ക്വയറിലൂടെ ഒരാൾ സൈക്കിൾ ചവിട്ടിപ്പോകുന്നു. അനേകം മെയ് ദിന റാലികള്‍ നടന്ന ഇവിടെ ഇന്ന് ശൂന്യമാണ്.
ഗ്രീസിലെ തെസ്സലോനികിയിൽ നടന്ന മെയ് ദിന റാലിയിൽ സംരക്ഷണ മുഖംമൂടി ധരിച്ച ആരോഗ്യപ്രവര്‍ത്തകന്‍ മുദ്രാവക്യം വിളിച്ച് മുഷ്ടി ഉയർത്തുന്നു.
സ്വിറ്റ്സർലൻഡിലെ സൂറിച്ചിൽ കൂടുതൽ വേതന നീതി ആവശ്യപ്പെട്ട് ആളുകൾ തങ്ങളുടെ ബാൽക്കണിയിൽ നിന്ന് ശബ്ദമുണ്ടാക്കുന്നു.
ന്യൂയോർക്കിലെ മാൻഹാട്ടനിൽ മെയ് ദിനത്തിൽ നടന്ന പ്രതിഷേധത്തിനിടെ കുടിയേറ്റ തൊഴിലാളികളുടെയും അവശ്യ തൊഴിലാളി സമൂഹങ്ങളിലെയും മരണത്തെയും നിരാശയെയും പ്രതിനിധീകരിക്കുന്ന പ്രതീകാത്മക മൃതദേഹങ്ങള്‍ അടക്കം ചെയ്ത ബാഗുകളുമായി പ്രകടനം നടത്തുന്നവര്‍.
പാരീസിലെ ഡെഷാംപ്‌സ് ഫ്ലവർ ഷോപ്പിൽ നിന്ന് തൊഴിലാളി ദിനത്തിന്‍റെ പ്രതീകമായ ലില്ലി പൂക്കള്‍ വാങ്ങുന്നവര്‍.
തായ്‌വാനിലെ തായ്‌പേയിൽ മെയ് ദിന റാലിക്കായി ലേബർ യൂണിയൻ ഗ്രൂപ്പുകൾ ഒത്തുകൂടുന്നു.
ജർമനിയിലെ ഹാംബർഗിലെ റീപ്പർബാൻ റെഡ്-ലൈറ്റ് ജില്ലയില്‍ നടന്ന മെയ് ദിന പ്രകടനത്തെ നേരിടാനെത്തിയ പൊലീസ് തയ്യാറെടുപ്പ് നടത്തുന്നു.
ന്യൂയോർക്കിലെ മാൻഹട്ടനിൽ മെയ് ദിനത്തിൽ നടന്ന പ്രതിഷേധ വേളയിൽ വാടക റദ്ദാക്കണമെന്നാവശ്യപ്പെട്ട് സംരക്ഷിത മുഖംമൂടി ധരിച്ച പ്രകടനക്കാർ ഡ്രൈവിംഗ് കാരവൻ പ്രതിഷേധത്തിൽ പങ്കെടുക്കുന്നു.
ന്യൂയോർക്ക് സിറ്റിയിലെ സ്റ്റാറ്റൻ ഐലന്‍റിലെ ഒരു ആമസോൺ വെയർഹൗസിന് പുറത്ത് നടന്ന പ്രതിഷേധത്തിനായി അമ്മയോടൊപ്പം പോകാന്‍ ഒരുങ്ങി നില്‍ക്കുന്ന കുട്ടി കൈയിലെ കാര്‍ഡില്‍ തലകുനിച്ചിരിക്കുന്നു.
ജർമ്മനിയിലെ ബെർലിനിൽ നടന്ന പ്രകടനത്തിനിടെ ഒരു സ്ത്രീ പൊലീസുകാര്‍ക്ക് മുന്നിലിരുന്ന് ധ്യാനിക്കുന്നു.
"വിപ്ലവം" എന്നെഴുതിയ മുഖാവരണം ധരിച്ച് ലെബനനിലെ ബെയ്റൂട്ടിൽ തൊഴിലാളി ദിനം ആഘോഷിക്കാനെത്തിയ സ്ത്രീ. കൊറോണ ലോക്ഡൗണും വർദ്ധിച്ചുവരുന്ന സാമ്പത്തിക ഞെരുക്കവും ലെബനനെ കൂടുതല്‍ ദാരിദ്രത്തിലേക്കാണ് നയിക്കുന്നത്.
സാമൂഹിക അകലം പാലിച്ച് ഗ്രീസിലെ ഏഥൻസിൽ നടന്ന ഒരു റാലിയിൽ കമ്യൂണിസ്റ്റ് അഫിലിയേറ്റഡ് ട്രേഡ് യൂണിയൻ PAME യിലെ അംഗങ്ങൾ പങ്കെടുക്കുന്നു.
തുർക്കിയിലെ ഇസ്താംബൂളിലെ തക്‌സിം സ്‌ക്വയറിൽ നിരോധനം ലംഘിച്ച് മാർച്ച് നടത്താൻ ശ്രമിച്ച ട്രേഡ് യൂണിയൻ നേതാക്കളെ പൊലീസ് അറസ്റ്റ് ചെയ്ത് നീക്കുന്നു.
