രണ്ടാം ലോകമഹായുദ്ധത്തിന്റെ അവശേഷിപ്പുകൾ; വിചിത്രമായ ചിത്രങ്ങളിലൂടെ...

ലോകം കണ്ട ഏറ്റവും ഭീകരമായ യുദ്ധം; 1939 സെപ്റ്റംബർ 1ന് ജർമനി പോളണ്ടിനെ ആക്രമിച്ചുകൊണ്ട് തുടക്കമിട്ട രണ്ടാം ലോകമഹായുദ്ധം. 72 ദശലക്ഷം പേർ രണ്ടാം ലോകമഹായുദ്ധത്തിന്റെ ഇരകളായെന്നാണ് കണക്കുകൾ. ഇതിൽ 24 ദശലക്ഷം പേർ സൈനികരായിരുന്നു. ലോകത്തിന്റെ എല്ലാ ഭാഗവും പോർക്കളമായപ്പോൾ ബ്രിട്ടന്റെ അധികാരപരിധിയിലുണ്ടായിരുന്ന ഇന്ത്യൻ പ്രദേശങ്ങളും നാട്ടുരാജ്യങ്ങളും ഉൾപ്പെടുന്ന ബ്രിട്ടീഷ് ഇന്ത്യയും ബ്രിട്ടനും ഒരുമിച്ചുനിന്നുകൊണ്ട് ജർമ്മനിക്കെതിരെ യുദ്ധംചെയ്തു. 1945ൽ ജപ്പാന്റെ പരാജയത്തെത്തുടർന്ന് ബ്രിട്ടീഷ് കോളനികളായ സിംഗപ്പൂരിനെയും ഹോങ്കോങിനെയും സ്വതന്ത്രമാക്കുന്നതിൽ ഇന്ത്യൻ സൈന്യം പ്രധാന പങ്കുവഹിച്ചിരുന്നു. ഇന്ത്യൻ സൈനികർ ഇല്ലായിരുന്നെങ്കിൽ ഒന്നും രണ്ടും ലോകമഹായുദ്ധങ്ങളെ അതിജീവിക്കാൻ ബ്രിട്ടന് സാധിക്കില്ലായിരുന്നെന്ന് മുൻ ബ്രിട്ടീഷ് ഫീൽഡ് മാർഷലും ബ്രിട്ടീഷ് ഇന്ത്യയുടെ കരസേനാ മേധാവിയുമായിരുന്ന സർ ക്ലൗഡ് ഔച്ചിൻലെക്ക് പറഞ്ഞിട്ടുണ്ട്. പോരാട്ടം ഏറ്റവും ശക്തമായിരുന്ന കാലത്ത് ഏതാണ്ട് 25 ലക്ഷം ഇന്ത്യൻ സൈനികർ ലോകമെങ്ങും യുദ്ധം ചെയ്തിരുന്നതായി പറയപ്പെടുന്നു. ഇന്നത്തെ പാകിസ്താൻ, നേപ്പാൾ, ബംഗ്ലാദേശ് എന്നീ പ്രദേശങ്ങളിൽ നിന്നുൾപ്പടെ 87000ലധികം ഇന്ത്യൻ സൈനികർ കൊല്ലപ്പെട്ടുവെന്നാണ് കണക്കുകൾ. യുദ്ധത്തിൽ അമേരിക്ക, സോവിയറ്റ് യൂണിയൻ, ചൈന, ബ്രിട്ടൻ, ഫ്രാൻസ് തുടങ്ങിയ രാജ്യങ്ങൾ ഉൾപ്പെട്ട സഖ്യകക്ഷികൾ, ജർമ്മനി, ജപ്പാൻ, ഇറ്റലി എന്നീ രാജ്യങ്ങൾ നേതൃത്വം നൽകിയ അച്ചുതണ്ടുശക്തികളെ പരാജയപ്പെടുത്തുകയായിരുന്നു. 1945ലാണ് രണ്ടാം ലോകമഹായുദ്ധം അവസാനിക്കുന്നത്.

രണ്ടാം ലോകമഹായുദ്ധത്തിന്റെ അവശേഷിപ്പുകൾ; വിചിത്രമായ ചിത്രങ്ങളിലൂടെ...

ജർമ്മൻ പട്ടാളക്കാർ ഫ്രഞ്ച് തലസ്ഥാനമായ പാരീസിലേക്ക് മാർച്ച് ചെയ്യുമ്പോൾ വിതുമ്പിക്കരയുന്ന ഒരു ഫ്രഞ്ച് പൗരൻ

ബ്രിട്ടന്റെ ആക്രമണത്തെ തുടർന്ന് ലണ്ടനിലെ സെന്റ് പോൾ പള്ളി കത്തിനശിക്കുന്നു.

പാരീസിൽ വച്ച് എടുത്ത അഡോൾഫ് ഹിറ്റ്ലറിന്റെ ചിത്രം

ഹവായിയിലെ പേൾ ഹാർബർ ജപ്പാൻ ആക്രമിക്കാൻ തുടങ്ങും മുമ്പ് എടുത്ത ചിത്രം.

ഹവായിയിലെ പേൾ ഹാർബർ ആക്രമിക്കുന്ന ജപ്പാൻ സൈന്യം

ജപ്പാന്റെ പേൾ ഹാർബർ ആക്രമണത്തിൽ തകർന്ന യുഎസ്എസ്സിന്റെ പടക്കപ്പൽ

റഷ്യയിൽ യുദ്ധത്തിൽ ഏർപ്പെട്ടിരിക്കുന്ന ജർമൻ പട്ടാളക്കാർ

പോളന്റിലെ വാർസോ ഗെട്ടോ കെട്ടിടം തകർത്ത ശേഷം ആളുകളെ സ്ഥലത്തു നിന്നും മാറ്റുന്ന ജർമൻ പട്ടാളക്കാർ

ജപ്പാന്റെ യുദ്ധവിമാന വാഹിനി കപ്പാലായ ഹിർയു കത്തി നശിക്കുന്നു

കാലിഫോർണിയയിലെ ഒരു പട്ടാള ക്യാംപ്

സൈപനിൽ ടാർപോളിനും മറ്റും കൊണ്ട് താത്കാലികമായി നിർമ്മിച്ച ഒരു പള്ളിയിൽ പ്രാർത്ഥിക്കുന്ന പട്ടാളക്കാർ

മരിയാന ദ്വീപുകളിൽ നടന്ന പോരാട്ടത്തിൽ തകർന്നു വീഴുന്ന ജപ്പാന്റെ യുദ്ധവിമാനം

About the Author