പടക്കം പൊട്ടിച്ച് പുതുവത്സരാഘോഷം; റോമില്‍ നൂറ് കണക്കിന് കിളികള്‍ ചത്തു വീണു
First Published Jan 2, 2021, 3:27 PM IST
ഇറ്റലിയുടെ തലസ്ഥാനത്ത് പുതുവത്സരാഘോഷത്തിന്‍റെ ഭാഗമായി പടക്കം പൊട്ടിച്ചതിനെ തുടര്‍ന്ന് നൂറ് കണക്കിന് കിളികള്‍ ചത്തു വീണു. 'വെള്ളിയാഴ്ച കൂട്ടക്കൊല'യാണ് നടന്നതെന്ന് മൃഗസ്നേഹികള്‍ ആരോപിച്ചു. റോമിലെ പ്രധാന ട്രെയിന്‍ സ്റ്റേഷന് സമീപത്താണ് ഏറ്റവും കൂടുതല്‍ കിളികള്‍ ചത്ത് വീണത്. എന്നാല്‍ മരണകാരണം വ്യക്തമല്ലെന്നാണ് ഇന്‍റർനാഷണൽ ഓർഗനൈസേഷൻ ഫോർ ദി പ്രൊട്ടക്ഷൻ ഓഫ് അനിമൽസ് എന്ന സംഘടന അഭിപ്രായപ്പെട്ടത്.
ഓരോ വർഷവും പടക്കങ്ങൾ പൊട്ടിക്കുന്നത് കാട്ടുമൃഗങ്ങളെയും വളർത്തുമൃഗങ്ങളെയും ഒരു പോലെ പ്രശ്നത്തിലാക്കുന്നു. വ്യക്തിഗത വെടിക്കെട്ട് പ്രദർശനങ്ങൾക്ക് റോം നഗരത്തില്‍ നിരോധനം ഉണ്ട്.
നിരന്തരമായി പടക്കം പൊട്ടിക്കുമ്പോള്‍ ചിലപ്പോള്‍ അവ ഭയന്ന് മരിച്ചതാകാം. അല്ലെങ്കില്‍ പരസ്പരമോ അല്ലെങ്കില്‍ ചുമരുകളിലോ കൂട്ടിയിടിച്ച് മരിച്ചതാകാം. ഹൃദയാഘാതം വന്നും പക്ഷികള്‍ ചത്തുപോകാറുണ്ടെന്നും ഇന്‍റർനാഷണൽ ഓർഗനൈസേഷൻ ഫോർ ദി പ്രൊട്ടക്ഷൻ ഓഫ് അനിമൽസിന്‍റെ പ്രവര്‍ത്തകര്‍ പറഞ്ഞു.
Today's Poll
എത്ര ആളുകളോടൊപ്പം കളിക്കാന്‍ നിങ്ങള്‍ താല്‍പര്യപ്പെടുന്നു?
Post your Comments