ഐഎസ്എല്‍: റോയ് കൃഷ്ണ മികച്ച താരം, ഗോൾഡൻ ബൂട്ട് അൻഗ്യൂലോയ്‌ക്ക്; പുരസ്‌കാരങ്ങള്‍ അറിയാം

First Published Mar 14, 2021, 9:54 AM IST

ഫത്തോര്‍ഡ: കെങ്കേമമായി ഐഎസ്എല്‍ ഏഴാം സീസണ്‍ ഫൈനല്‍. മൂന്ന് തവണ ചാമ്പ്യന്‍മാരായതിന്‍റെ റെക്കോര്‍ഡുമായി കിരീടം നിലനിര്‍ത്താനുമിറങ്ങിയ എടികെ മോഹന്‍ ബഗാനെ 90-ാം മിനുറ്റിലെ ഗോളില്‍ തറപറ്റിച്ച് മുംബൈ സിറ്റി കിരീടം ചൂടുകയായിരുന്നു. ഒന്നിനെതിരെ രണ്ട് ഗോളുകള്‍ക്കായിരുന്നു മുംബൈ സിറ്റി ജയിച്ചത്. ഐഎസ്എല്‍ ചരിത്രത്തില്‍ ആദ്യമായാണ് മുംബൈ സിറ്റി കിരീടം നേടുന്നത് എന്നതാണ് സവിശേഷത. വിജയഗോളുമായി മുംബൈയുടെ ബിപിന്‍ സിംഗ് ഹീറോ ഓഫ് ദ് മാച്ച് പുരസ്‌കാരം നേടിയപ്പോള്‍ ഗോള്‍ഡണ്‍ ബോളും, ഗോള്‍ഡണ്‍ ബൂട്ടും, ഗോള്‍ഡണ്‍ ഗ്ലൗവുമടക്കമുള്ള സീസണിലെ അവാര്‍ഡുകള്‍ ആര്‍ക്കൊക്കെ എന്ന് പരിശോധിക്കാം.