അര്‍ജുനൊപ്പം കളിച്ച് ചിരിച്ച് പൊന്നമ്പിളി; ട്രോളുകള്‍ക്ക് ശേഷം അവര്‍ ഒന്നിച്ചു
യൂട്യൂബ് വീഡിയോയിലെ ട്രോളുകളിലൂടെ അതിവേഗം ശ്രദ്ധേയനായ മാറിയ ആളാണ് അര്‍ജുന്‍ എന്ന് അര്‍ജ് യൂ. ടിക് ടോക്കില്‍ അടക്കം വരുന്ന വീഡിയോയെ ട്രോള്‍ ചെയ്ത അര്‍ജുന്‍റെ വീഡിയോകള്‍ അതിവേഗം സാമൂഹ്യ മാധ്യമങ്ങള്‍ ഏറ്റെടുക്കുകയായിരുന്നു. യൂട്യൂബില്‍ അതിവേഗം ഒരു മില്യണ്‍ സബ്സ്ക്രൈബേഴ്സ് എന്ന നേട്ടവും കടന്നാണ് അര്‍ജുന്‍ മുന്നേറുന്നത്. അര്‍ജുന്‍റെ കൂടുതല്‍ ട്രോള്‍ ഏറ്റുവാങ്ങിയത് അമ്പിളി എന്ന ടിക് ടോക്കറായിരുന്നു. പരപസ്പരം അങ്ങോട്ടും ഇങ്ങോട്ടും ഇരുവരും വീഡിയോ ചെയ്തെങ്കിലും ഇപ്പോള്‍ അവര്‍ ഒന്നിച്ച് ഒരു വീഡിയോയില്‍ വന്നിരിക്കുകയാണ്. ലൈറ്റ് ആന്‍ഡ് ലൈഫ് എന്ന യുട്യൂബ് ചാനലാണ് ഇരുവരെയും ഒന്നിപ്പിച്ചിരിക്കുന്നത്.
വീട്ടിലെത്തിയാണ് അമ്പിളി അര്‍ജുനെ കണ്ടത്. ഇരുവരും കെട്ടിപ്പിടിച്ചു. പരസ്പരം സംസാരിച്ചു.
തന്‍റെ ആഗ്രഹം സിനിമ ആണെന്ന് അമ്പിളി അര്‍ജുനോട് പറഞ്ഞു. അതൊക്കെ നടക്കുമെന്നും ടിക് ടോക് നല്ലൊരു പ്ലാറ്റ്ഫോം ആണെന്നും അര്‍ജുന്‍റെ മറുപടി.
'എല്ലാ വീഡിയോയിലും ഇങ്ങനെ..' അമ്പിളിക്ക് അര്‍ജുന്‍റെ ഉപദേശം. അഭിനയിക്കാന്‍ പാടാണെന്ന് തനിക്ക് അറിയാം. വ്യക്തിപരമായി വിളിച്ച് അധിക്ഷേപിക്കുന്നത് സങ്കടമാണെന്നും അര്‍ജുന്‍.
വീഡിയോയില്‍ ചെയ്യുന്നത് അവിടെ കഴിഞ്ഞു. ആരുടെയും വ്യക്തിജീവിതത്തില്‍ കയറി ഇടപെടരുതെന്നും അര്‍ജുന്‍.
അമ്പിളി പാവമാണെന്ന് അര്‍ജുന്‍. എല്ലാ വീഡിയോയിലും സാഡ് ആയി ചെയ്യുന്നത് കണ്ടപ്പോള്‍ ഒരു വീഡിയോ ചെയ്യുകയായിരുന്നു.
എന്തെങ്കിലും ബുദ്ധിമുട്ടുണ്ടായെങ്കില്‍ ക്ഷമ ചോദിക്കുന്നുവെന്ന് അര്‍ജുന്‍ അമ്പിളിയോട് പറഞ്ഞു.
തൃശൂരില്‍ നിന്ന് ആലപ്പുഴയിലെത്തിയാണ് അമ്പിളി അര്‍ജുനെ കണ്ടത്.
150 കിലോമീറ്റര്‍ സഞ്ചിരിച്ച് അര്‍ജുനെ കാണാനായി അമ്പിളി ആലപ്പുഴയിലെ മുഹമ്മയിലെത്തി. അമ്പിളിയെ കണ്ടതില്‍ സന്തോഷം ഉണ്ടെന്നും അര്‍ജുന്‍ പറഞ്ഞു.
മുത്തുമണി എന്നുള്ള വിളി ഇപ്പോള്‍ ഫേമസ് ആയെന്നും അര്‍ജുന്‍
മുത്തുമണി തന്‍റെയൊരു പ്രണയമായിരുന്നു. അതിപ്പോഴില്ലെന്നും വിട്ടുപോയെന്നും അമ്പിളി പറഞ്ഞു.
