ഡാര്‍ക്ക് മോഡുമായി ഫേസ്ബുക്ക് ഡെസ്‌ക്ക്‌ടോപ്പ്, നിരവധി പുതിയ ഫീച്ചറുകളുമായി പുത്തന്‍ ഫേസ്ബുക്ക്
മെന്‍ലോ പാര്‍ക്ക്: ലോകമെമ്പാടുമുള്ള ഉപയോക്താക്കള്‍ക്ക് ഡെസ്‌ക്ക്‌ടോപ്പില്‍ ഡാര്‍ക്ക് മോഡ് സമ്മാനിച്ചു കൊണ്ട് ഫേസ്ബുക്ക് തങ്ങളുടെ ഇന്റര്‍ഫേസ് പുനര്‍രൂപകല്‍പ്പന ചെയ്തു. ഈ വര്‍ഷത്തെ എഫ് 8 കോണ്‍ഫറന്‍സിലാണ് ആദ്യമായി ഈ പുനര്‍രൂപകല്‍പ്പന അവര്‍ പ്രഖ്യാപിച്ചത്. ഈ വര്‍ഷം, മാര്‍ച്ചില്‍, തിരഞ്ഞെടുത്ത ഉപയോക്താക്കളെ ഡെസ്ക്ടോപ്പ് ക്ലാസിക് മോഡിനും ഡാര്‍ക്ക് മോഡിലേക്കു മാറാന്‍ ഫേസ്ബുക്ക് അനുവദിച്ചിരുന്നു. ഡാര്‍ക്ക് മോഡ് സജീവമാക്കുന്നതിന്, ഫേസ്ബുക്ക് ഡെസ്ക്ടോപ്പ് ഉപയോക്താവിന് സെറ്റിങ്‌സ് ഓപ്ഷനിലേക്ക് പോയി ഡ്രോപ്പ് ഡൗണ്‍ ഓപ്ഷനില്‍ നിന്ന് ഡാര്‍ക്ക് മോഡ് ഓപ്ഷന്‍ തിരഞ്ഞെടുക്കണം. ഇതു കൂടാതെ നിരവധി മറ്റ് ഓപ്ഷനുകളും പുതിയ ഫേസ്ബുക്കില്‍ അവതരിപ്പിക്കുന്നു.
'ഫേസ്ബുക്ക് ഇപ്പോള്‍ എല്ലാ ഉപയോക്താക്കള്‍ക്കുമായി അതിന്റെ പുതിയ പുനര്‍രൂപകല്‍പ്പന ചെയത് വെബ്‌സൈറ്റ് അവതരിപ്പിച്ചു. ഇത് വേഗതയുള്ളതും ഉപയോഗിക്കാന്‍ എളുപ്പമുള്ളതും ഡാര്‍ക്ക് മോഡ് ഉപയോഗിച്ച് നിങ്ങളുടെ കണ്ണുകള്‍ക്ക് ഇടവേള നല്‍കുകയും ചെയ്യുന്നു,' ഫേസ്ബുക്കിന്റെ ബ്ലോഗ്‌പോസ്റ്റ് ഇങ്ങനെ കുറിച്ചു. ഉപയോക്താക്കള്‍ക്ക് ഇതു ലഭ്യമായി തുടങ്ങുമ്പോള്‍ അതിന്റെ പുനര്‍രൂപകല്‍പ്പന ഡാര്‍ക്ക് മോഡ്, ടാബ് ചെയ്ത ഹോം സ്‌ക്രീന്‍, ക്ലീനര്‍ പ്രൊഫൈല്‍ എന്നിവ വാഗ്ദാനം ചെയ്യുമെന്ന് ഫേസ്ബുക്ക് വ്യക്തമാക്കിയിരുന്നു.
ഡെസ്ക്ടോപ്പ് പുനര്‍രൂപകല്‍പ്പനയുടെ ഏറ്റവും പ്രധാന സവിശേഷത ഡാര്‍ക്ക് മോഡ് ആണ്. തിളക്കം കുറയ്ക്കാന്‍ ഡാര്‍ക്ക് മോഡ് ഉപയോക്താക്കളെ സഹായിക്കുന്നു. കുറഞ്ഞ തെളിച്ചം ദൃശ്യതീവ്രതയോടും ഊര്‍ജ്ജസ്വലതയോടും കൂടി കണ്ണുകളില്‍ എളുപ്പമായിരിക്കും. കുറഞ്ഞ വെളിച്ചത്തില്‍ ഫേസ്ബുക്ക് ഉപയോഗിക്കുന്ന ഡെസ്ക്ടോപ്പ് ഉപയോക്താക്കള്‍ക്ക് ഡാര്‍ക്ക് മോഡ് പ്രയോജനകരമാണെന്ന് തെളിയിക്കുന്നു. ഇതിനുപുറമെ, മികച്ച കാഴ്ചാനുഭവം ലഭ്യമാക്കുകയും ചെയ്തു.
കാര്യങ്ങള്‍ വേഗത്തില്‍ കണ്ടെത്തുന്നത് പോലുള്ള പുതിയ ഡെസ്ക്ടോപ്പ് പതിപ്പില്‍ ഫേസ്ബുക്ക് എടുത്തുകാണിച്ച മറ്റ് ചില ഫീച്ചറുകള്‍ വേറെയുമുണ്ട്. ഗ്രൂപ്പുകളോ ഗെയിമുകളോ ആളുകളോ പേജുകളോ ആകട്ടെ, പുനര്‍രൂപകല്‍പ്പന നിമിഷങ്ങള്‍ക്കകം കാര്യങ്ങള്‍ കണ്ടെത്താന്‍ ഉപയോക്താക്കളെ സഹായിക്കും. പേജുകള്‍ വേഗത്തില്‍ ലോഡുചെയ്യുമെന്നും ഡെസ്ക്ടോപ്പ് അനുഭവം മൊബൈലില്‍ ഫേസ്ബുക്ക് ഉപയോഗിക്കുന്നതിനോടു ചേര്‍ന്നു നില്‍ക്കുമെന്നും ഫേസ്ബുക്ക് വ്യക്തമാക്കി.
ടാബുകളിലൂടെ സ്ട്രീംലൈന്‍ ചെയ്ത നാവിഗേഷന്‍ ഉപയോഗിച്ച് ലേ ഔട്ട് ക്ലീനര്‍ കാണാം. ഇത് ഹോം സ്‌ക്രീനിന് മുകളിലായിരിക്കും. ഇതിനു പുറമേ, ഫേസ്ബുക്ക് ഒരു പ്രിവ്യൂ ഓപ്ഷനും ചേര്‍ത്തു, അതില്‍ ഒരു ഗ്രൂപ്പ് അല്ലെങ്കില്‍ പേജ് യഥാര്‍ത്ഥത്തില്‍ സൃഷ്ടിക്കുന്നതിന് മുമ്പ് എങ്ങനെയായിരിക്കുമെന്ന് ഉപയോക്താക്കള്‍ക്ക് കാണാന്‍ കഴിയും.
