Asianet News MalayalamAsianet News Malayalam

​ഗായിക അൽക യാഗ്നികിനെ ബാധിച്ച അപൂർവ രോ​ഗത്തെ കുറിച്ചറിയാം, ലക്ഷണങ്ങൾ എന്തൊക്കെ?

സെൻസറിനറൽ ശ്രവണ നഷ്ടം എന്നത് ഒരുതരം കേൾവിക്കുറവാണ്. ചെവിയിൽ നിന്ന് തലച്ചോറിലേക്ക് (ഓഡിറ്ററി നാഡി) അല്ലെങ്കിൽ മസ്തിഷ്കത്തിലേക്ക് നീങ്ങുന്ന നാഡിയുടെ ഉത്ഭവസ്ഥാനമായ ആന്തരിക ചെവിക്ക് കേടുപാടുകൾ സംഭവിക്കുന്നത് മൂലമാണ് ഇത് സംഭവിക്കുന്നത്. 

Alka Yagnik diagnosed with sensorineural hearing loss
Author
First Published Jun 19, 2024, 5:43 PM IST

ഗായിക അൽക യാഗ്നികിന്‌ കേൾവി ശക്തി നഷ്‌ടമാകുന്ന അപൂർവ രോഗം ബാധിച്ച വാർത്ത നാം അറിഞ്ഞതാണ്. ഇൻസ്റ്റ​ഗ്രാമിൽ പങ്കുവച്ച പോസ്റ്റിലാണ് താരം ഇക്കാര്യം വെളിപ്പെടുത്തിയത്. അപൂർവ്വമായി സംഭവിക്കുന്ന sensorineural hearing loss എന്ന കേൾവിക്കുറവാണ് ബാധിച്ചതെന്ന് അവർ പോസ്റ്റിൽ പറയുന്നു. 

‌എൻറെ എല്ലാ ആരാധകർക്കും സുഹൃത്തുക്കൾക്കും ഒരു മുന്നറിയിപ്പ് കൂടി നൽകുന്നു, ഹെഡ്‌ഫോണുകൾ ഉപയോഗിക്കുമ്പോഴും ഉച്ചത്തിൽ പാട്ടുകൾ കേൾക്കുമ്പോഴും നിങ്ങളും ശ്രദ്ധിക്കണം. ഉടൻ തന്നെ എനിക്ക് പഴയ ജീവിതത്തിലേക്ക് മടങ്ങിവരാൻ സാധിക്കുമെന്നാണ് പ്രതീക്ഷിക്കുന്നത്'- അൽക കുറിച്ചു. അകത്തെ ചെവിയിലോ ചെവിയിൽ നിന്ന് തലച്ചോറിലേക്കുള്ള നാഡിയിലോ ഉണ്ടാകുന്ന കേടുപാടുകൾ മൂലമുണ്ടാകുന്ന കേൾവിക്കുറവാണിത്. 

എന്താണ് സെൻസറിനറൽ ശ്രവണ നഷ്ടം? (sensorineural nerve hearing loss)

സെൻസറിനറൽ ശ്രവണ നഷ്ടം എന്നത് ഒരുതരം കേൾവിക്കുറവാണ്. ചെവിയിൽ നിന്ന് തലച്ചോറിലേക്ക് (ഓഡിറ്ററി നാഡി) അല്ലെങ്കിൽ മസ്തിഷ്കത്തിലേക്ക് നീങ്ങുന്ന നാഡിയുടെ ഉത്ഭവസ്ഥാനമായ ആന്തരിക ചെവിക്ക് കേടുപാടുകൾ സംഭവിക്കുന്നത് മൂലമാണ് ഇത് സംഭവിക്കുന്നത്. 5-15 ശതമാനം പേരിലോ മാത്രം സംഭവിക്കുന്ന ഒന്നാണ്. 

' ആന്തരിക ചെവിക്ക് കേടുപാടുകൾ സംഭവിക്കുമ്പോൾ സെൻസോറിനറൽ ഹിയറിംഗ് ലോസ് സംഭവിക്കുന്നു. കേൾവിക്കുറവാണ് ഏറ്റവും സാധാരണമായ ലക്ഷണങ്ങൾ. തലകറക്കം, ഛർദ്ദി, തലവേദന, ബലഹീനത, ചില ശബ്ദങ്ങൾ ഒരു ചെവിയിൽ അമിതമായി ഉച്ചത്തിൽ കേൾക്കുന്നതായി തോന്നുക എന്നിവയാണ് ലക്ഷണങ്ങൾ...' - ഏഷ്യൻ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിലെ ഇഎൻടി കൺസൾട്ടൻ്റായ ഡോ. സ്വപ്നിൽ ബ്രജ്പുരിയ പറഞ്ഞു. 

കാരണങ്ങൾ എന്തൊക്കെ?

1. ഗർഭാവസ്ഥയിലോ പ്രസവസമയത്തോ ഉണ്ടാകുന്ന ജനിതക ഘടകങ്ങൾ അല്ലെങ്കിൽ സങ്കീർണതകൾ.
2. ഉച്ചത്തിലുള്ള ശബ്ദം
3. അണുബാധകളും രോഗങ്ങളും: മെനിഞ്ചൈറ്റിസ്, മുണ്ടിനീർ, അഞ്ചാംപനി  പോലുള്ള സ്വയം രോഗപ്രതിരോധ രോഗങ്ങൾ.
4. തലയ്ക്ക് പരിക്കുകൾ ഏറ്റിലുണ്ടെങ്കിൽ.
5. ചില ആന്റി ബയോട്ടിക്കുകളും കീമോതെറാപ്പി മരുന്നുകളും.

ഓണ്‍ലൈനില്‍ നിന്ന് വാങ്ങിയ ചോക്ലേറ്റ് സിറപ്പിനുള്ളില്‍ നിന്ന് ചത്ത എലിയെ കണ്ടെത്തി

 

Latest Videos
Follow Us:
Download App:
  • android
  • ios