എപ്പോഴും ക്ഷീണം, തലകറക്കം, വിശപ്പില്ലായ്മ എന്നിവ അലട്ടുന്നുണ്ടോ? ഈ പോഷകത്തിന്റെ കുറവ് മൂലമാകാം

ഇന്ന് മിക്ക ആളുകളെയും അലട്ടുന്ന പ്രശ്നമാണ് വിറ്റാമിൻ ബി12 ന്റെ (Vitamin B12) കുറവ്. നമ്മുടെ ശരീരം ഒരിക്കലും വിറ്റാമിൻ ബി12 സ്വാഭാവികമായി ഉത്പ്പാദിപ്പിക്കില്ല. മത്സ്യം, മാംസം, മുട്ട, പാൽ, തോടുള്ള മത്സ്യം എന്നിവയിലാണ് വിറ്റാമിൻ ബി 12 ധാരാളം അടങ്ങിയിരിക്കുന്നത്. വിറ്റാമിൻ ബി 12നെ കോബാലമിൻ എന്നും അറിയപ്പെടുന്നു. ഇത് വെള്ളത്തിൽ ലയിക്കുന്ന വിറ്റാമിനാണ്. ഇത് വിവിധ ശാരീരിക പ്രവർത്തനങ്ങളിൽ നിർണായക പങ്ക് വഹിക്കുന്നു.

ചുവന്ന രക്താണുക്കളുടെ രൂപീകരണം, ശരിയായ ന്യൂറോളജിക്കൽ പ്രവർത്തനം, ഡിഎൻഎ സിന്തസിസ് എന്നിവയ്ക്ക് ഇത് ആവശ്യമാണ്. വിറ്റാമിൻ ബി 12ന്റെ കുറവുണ്ടെങ്കിൽ ശരീരം കാണിക്കുന്ന 10 ലക്ഷണങ്ങളെ കുറിച്ചാണ് താഴേ പറയുന്നത്...

ക്ഷീണവും ബലഹീനതയും...

ഊർജ്ജക്കുറവും നിരന്തരമായ ക്ഷീണവും ബി 12ന്റെ കുറവിന്റെ ഒരു സാധാരണ ലക്ഷണമാണ്. ഇത് ദൈനംദിന പ്രവർത്തനങ്ങൾ, ഉൽപ്പാദനക്ഷമത, മൊത്തത്തിലുള്ള ജീവിത നിലവാരം എന്നിവയെ ബാധിക്കും.

ഇളം അല്ലെങ്കിൽ മഞ്ഞനിറമുള്ള ചർമ്മം...

വിറ്റാമിൻ ബി 12 ന്റെ കുറവ് ചുവന്ന രക്താണുക്കളുടെ ഉത്പാദനം കുറയ്ക്കുകയും വിളർച്ചയിലേക്ക് നയിക്കുകയും ചെയ്യും. വിളർച്ചയുള്ള വ്യക്തികൾക്ക് വിളറിയതോ മഞ്ഞയോ കലർന്ന ചർമ്മം ഉണ്ടായേക്കാം. കാരണം ചുവന്ന രക്താണുക്കൾ ചർമ്മത്തിന്റെ ആരോഗ്യകരമായ നിറത്തിന് കാരണമാകുന്നു.

ശ്വസിക്കാനുള്ള ബുദ്ധിമുട്ടുകൾ...

വിറ്റാമിൻ ബി12 ന്റെ കുറവ് ശ്വാസതടസ്സത്തിന് കാരണമാകും. കാരണം ഇത് ചുവന്ന രക്താണുക്കളുടെ ഉത്പാദനം കുറയുന്നതിനാൽ ശരീരത്തിന്റെ ഓക്സിജൻ വഹിക്കാനുള്ള ശേഷിയെ ബാധിക്കുന്നു.

തലകറക്കവും തലവേദനയും...

വിറ്റാമിൻ ബി 12 ന്റെ കുറവ് മൂലം രക്തത്തിലെ ഓക്സിജന്റെ അളവ് കുറയുന്നത് തലകറക്കത്തിനും ഇടയ്ക്കിടെ തലവേദനയ്ക്കും കാരണമാകും.

നാവ് വീർക്കുക...

നാവ് വീർക്കുന്ന അവസ്ഥയാണ് ഗ്ലോസിറ്റിസ്. അലർജി പ്രതിപ്രവർത്തനങ്ങൾ, അണുബാധകൾ, വരണ്ട വായ എന്നിവയാണ് കാരണങ്ങൾ. ഇത് വിറ്റാമിൻ ബി 12 ന്റെ കുറവിന്റെ ആദ്യ ലക്ഷണമാകാം. ഇത് നാവ് വീർക്കുന്നതിനും മിനുസമാർന്നതായി കാണപ്പെടുന്നതിനും നിറം മാറുന്നതിനും കാരണമാകും.

ദഹനപ്രശ്നങ്ങൾ...

ദഹനപ്രശ്നങ്ങളായ വയറിളക്കം, മലബന്ധം, വിശപ്പില്ലായ്മ എന്നിവയാണ് വിറ്റാമി‍ൻ ബി 12ന്റെ മറ്റ് ലക്ഷണങ്ങൾ. 

നാഡീസംബന്ധമായ പ്രശ്നങ്ങൾ...

നാഡീവ്യവസ്ഥയുടെ ശരിയായ പ്രവർത്തനത്തിന് വിറ്റാമിൻ ബി 12 അത്യന്താപേക്ഷിതമാണ്. കൈകാലുകളിൽ മരവിപ്പും മറ്റൊരു ലക്ഷണമാണ്.

ഓർമ്മശക്തി കുറയുക...

ആരോഗ്യകരമായ മസ്തിഷ്ക പ്രവർത്തനത്തിന് B12 നിർണായകമാണ്. അതിന്റെ കുറവ് മെമ്മറി നഷ്ടം, ശ്രദ്ധ കേന്ദ്രീകരിക്കാനുള്ള ബുദ്ധിമുട്ട്, ബുദ്ധിശക്തി കുറയൽ എന്നിവയ്ക്ക് കാരണമാകും.

വിഷാദം...

കുറഞ്ഞ അളവിലുള്ള ബി 12 തലച്ചോറിലെ മാനസികാവസ്ഥ നിയന്ത്രിക്കുന്ന ന്യൂറോ ട്രാൻസ്മിറ്ററുകളുടെ ഉൽപാദനത്തെ ബാധിക്കുന്നു. ഇത് വിഷാദം, ക്ഷോഭം, മാനസികാവസ്ഥ എന്നിവയിലേക്ക് നയിച്ചേക്കാം.

ഹൃദയ സംബന്ധമായ പ്രശ്നങ്ങൾ...

വിറ്റാമിൻ ബി 12 ന്റെ കുറവ് ഹൃദ്രോഗ സാധ്യത വർദ്ധിപ്പിക്കും. കാരണം ഇത് രക്തത്തിലെ ഹോമോസിസ്റ്റൈൻ നിലയെ ബാധിക്കുന്നു. ഇത് ഹൃദയ സംബന്ധമായ ആരോഗ്യവുമായി ബന്ധപ്പെട്ടിരിക്കുന്നു.

മധുരക്കിഴങ്ങ് നിസാരക്കാരനല്ല ; അറിയാം ആരോഗ്യ ഗുണങ്ങൾ