വിയർപ്പും അഴുക്കും അകറ്റി ഫ്രഷ് ആകാൻ കുളിക്കുന്നത് നല്ലതാണെങ്കിലും, മുടി പൂർണ്ണമായും ഉണക്കാതെ നനഞ്ഞ മുടിയോടെ ഉറങ്ങാൻ പോകുന്നത് ആരോഗ്യത്തിന് നല്ലതല്ല.
ജിമ്മിലെ കഠിനമായ വർക്കൗട്ടിനോ അല്ലെങ്കിൽ ജോലി കഴിഞ്ഞുള്ള ക്ഷീണത്തിനോ ശേഷം രാത്രി കുളിക്കുന്ന ശീലം പലർക്കുമുണ്ട്. വിയർപ്പും അഴുക്കും അകറ്റി ഫ്രഷ് ആകാൻ കുളിക്കുന്നത് നല്ലതാണെങ്കിലും, മുടി പൂർണ്ണമായും ഉണക്കാതെ നനഞ്ഞ മുടിയോടെ ഉറങ്ങാൻ പോകുന്നത് ആരോഗ്യത്തിന് നല്ലതല്ല.
നനഞ്ഞ മുടിയോടെ ഉറങ്ങാൻ പാടില്ലാത്തതിന്റെ കാരണം
നനഞ്ഞ മുടിയുണ്ടാക്കുന്ന അസ്വസ്ഥതകൾക്ക് പുറമെ, ഈ ശീലം ഒഴിവാക്കാൻ കൃത്യമായ വൈദ്യശാസ്ത്രപരമായ കാരണങ്ങളുമുണ്ട്. ഈ ശീലത്തിന്റെ ഏറ്റവും വലിയ ദോഷം അനുഭവിക്കേണ്ടി വരുന്നത് നിങ്ങളുടെ സ്കാൽപാണ്. ഇത് ഫംഗസ് ബാധയുണ്ടാകാനുള്ള സാധ്യതയും കൂട്ടുന്നു. നനഞ്ഞ മുടിയോടെ ഉറങ്ങുമ്പോൾ സ്കാൽപ് കൂടുതൽ നേരം ഈർപ്പമുള്ളതായിരിക്കും. ഈ ഈർപ്പവും ചൂടും ഫംഗസുകളുടെയും മറ്റ് സൂക്ഷ്മജീവികളുടെയും വളർച്ചയ്ക്ക് കാരണമാകും.
മുടിയുടെ കരുത്ത് കുറയുന്നു
സ്കാൽപ്പിന് ഉണ്ടാകുന്ന പ്രശ്നങ്ങൾക്ക് പുറമെ, നനഞ്ഞ മുടിയോടെയുള്ള ഉറക്കം മുടിയുടെ ബലം കുറയ്ക്കാനും കാരണമാകും. ഈർപ്പമുള്ളപ്പോൾ മുടിയിഴകൾ പെട്ടെന്ന് പൊട്ടിപ്പോകാൻ സാധ്യതയുണ്ട്. ഉറക്കത്തിൽ തലയിണയുമായി മുടി ഉരസുന്നത് മുടി പൊട്ടിപ്പോകുന്നതിനും, അറ്റം പിളരുന്നതിനും, മുടി പരുക്കനാകുന്നതിനും കാരണമാകും.
Related Articles
ഇത് മുടി കൊഴിച്ചിലിന് കാരണമാകുമോ?
നനഞ്ഞ മുടിയോടെ ഉറങ്ങുന്നത് നേരിട്ട് മുടികൊഴിച്ചിലിന് കാരണമാകില്ല. എന്നാൽ മുടി ഇടയ്ക്കിടെ പൊട്ടിപ്പോകുന്നത് കാലക്രമേണ മുടിയുടെ കട്ടി കുറയാൻ ഇടയാക്കും. പ്രധാനമായും ശ്രദ്ധിക്കേണ്ട കാര്യങ്ങൾ ഇവയാണ്, അബദ്ധത്തിൽ എപ്പോഴെങ്കിലും നനഞ്ഞ മുടിയോടെ ഉറങ്ങിപ്പോയാൽ പേടിക്കേണ്ടതില്ല. ആരോഗ്യകരമായ സ്കാൽപ് ഉള്ളവരിൽ ഇത് പെട്ടെന്ന് പ്രശ്നങ്ങളുണ്ടാക്കില്ല. എന്നാൽ ഇതൊരു പതിവ് ശീലമാക്കിയാൽ മുകളിൽ പറഞ്ഞ പ്രശ്നങ്ങളെല്ലാം നേരിടേണ്ടി വരും. അതിനാൽ ഉറങ്ങുന്നതിന് മുൻപ് മുടി അല്പമെങ്കിലും ഉണക്കുകയോ അല്ലെങ്കിൽ ഹെയർ ഡ്രയറിലെ കൂളർ മോഡ് ഉപയോഗിച്ച് മുടി ഉണക്കുകയോ ചെയ്യുന്നതാണ് എപ്പോഴും നല്ലത്.
