ആർത്തവം ആരംഭിച്ച പ്രായവും പ്രമേഹവും തമ്മിൽ എന്തെങ്കിലും ബന്ധമുണ്ടോ; പഠനം പറയുന്നത്
വളരെ നേരത്തെ ആർത്തവം ആരംഭിച്ച സ്ത്രീകളിൽ ടൈപ്പ് 2 പ്രമേഹം വരാനുള്ള സാധ്യത കൂടുതലാണെന്ന് ചൈനയിലെ ഷിന്ഗ്ഹോ സര്വകലാശാലയിലെ ഒരു സംഘം ഗവേഷകർ നടത്തിയ പഠനത്തിൽ പറയുന്നു.
സ്ത്രീകൾക്ക് ആർത്തവം ആരംഭിച്ച പ്രായവും ടെെപ്പ് 2 പ്രമേഹവും തമ്മിൽ വളരെ ഏറെ ബന്ധമുണ്ടെന്ന് പഠനം. വളരെ നേരത്തെ ആർത്തവം ആരംഭിച്ച സ്ത്രീകളിൽ ടൈപ്പ് 2 പ്രമേഹം വരാനുള്ള സാധ്യത കൂടുതലാണെന്ന് ചൈനയിലെ ഷിന്ഗ്ഹോ സര്വകലാശാലയിലെ ഒരു സംഘം ഗവേഷകർ നടത്തിയ പഠനത്തിൽ പറയുന്നു.
ചൈനയിലെ 15,000 സ്ത്രീകളില് ആര്ത്തവവിരാമത്തിനു ശേഷം നടത്തിയ നിരീക്ഷണത്തിലാണ് ഈ കണ്ടെത്തൽ. ദ ജേണല് ഓഫ് നോര്ത്ത് അമേരിക്കന് മെനോപോസ് സൊസൈറ്റിയില് പഠനം പ്രസിദ്ധീകരിച്ചു.14 വയസ്സിലോ അതിനു മുൻപോ ആര്ത്തവം ആരംഭിച്ച സ്ത്രീകള്ക്കാണ് പ്രമേഹസാധ്യത ഏറെയെന്ന് ഗവേഷകൻ സ്റ്റെഫാനി ഫോബിയോൺ പറയുന്നു.
നഗരങ്ങളിലെ പെണ്കുട്ടികളെ അപേക്ഷിച്ച് ഗ്രാമീണ പെണ്കുട്ടികള്ക്ക് ആര്ത്തവം ആരംഭിക്കുന്നത് വൈകിയാണ് എന്ന കാരണത്തെ തുടർന്നാണ് പഠനം നടത്തിയതെന്നാണ് ഗവേഷകർ പറയുന്നത്. ശരിയായ രീതിയിൽ വ്യായാമം ചെയ്യുകയും കൊഴുപ്പുള്ള ഭക്ഷണങ്ങൾ ഉപേക്ഷിക്കുകയും ചെയ്താൽ പ്രമേഹം നിയന്ത്രിക്കാനാകുമെന്നും പഠനത്തിൽ പറയുന്നു.