സെർവിക്കൽ ക്യാൻസറിനെ കുറിച്ച് നിങ്ങൾ അറിഞ്ഞിരിക്കേണ്ടത്...

സെർവിക്കൽ ക്യാൻസർ ബാധിക്കുന്നവരുടെ എണ്ണം കൂടി വരികയാണ്. യോനിയുമായി ബന്ധിപ്പിക്കുന്ന ഗർഭാശയത്തിന്റെ താഴത്തെ ഭാഗമായ സെർവിക്സിന്റെ കോശങ്ങളിലാണ് സെർവിക്കൽ കാൻസർ ഉണ്ടാകുന്നത്. സെർവിക്കൽ ക്യാൻസറിന്റെ ലക്ഷണങ്ങളിൽ ആർത്തവ ചക്രത്തിനിടയിലും ലൈംഗിക ബന്ധത്തിന് ശേഷവും യോനിയിൽ രക്തസ്രാവം ഉൾപ്പെടുന്നു. 

സെർവിക്കൽ ക്യാൻസർ പ്രാരംഭ ഘട്ടത്തിൽ ഒരു ലക്ഷണങ്ങളും പ്രകടിപ്പിക്കാറില്ല. പക്ഷേ, അൽപ്പം മുൻകരുതലെടുത്താൽ ഈ അർബുദം തടയാൻ കഴിയും.  

' 99% സെർവിക്കൽ ക്യാൻസർ കേസുകളും സെർവിക്കൽ എച്ച്പിവി അണുബാധയാണ്. ഇത് ലൈംഗികമായി പകരുന്ന രോഗമാണ് ( STD), അണുബാധ സാധാരണയായി ലക്ഷണമില്ലാത്തതും ക്ഷണികവുമാണ്... - ഗുരുഗ്രാം ഗൈന ഓങ്കോളജി ഫോർട്ടിസ് മെമ്മോറിയൽ റിസർച്ച് ഇൻസ്റ്റിറ്റ്യൂട്ടിലെ കൺസൾട്ടന്റ് ഡോ. രശ്മി രേഖ ബോറ പറഞ്ഞു.

' സെർവിക്കൽ ക്യാൻസറിനുള്ള പ്രാഥമിക പ്രതിരോധത്തിൽ 9-11 വയസ് പ്രായമുള്ള പെൺകുട്ടികൾക്ക് ഹ്യൂമൻ പാപ്പിലോമ വൈറസിനെതിരായ (എച്ച്പിവി) വാക്സിനേഷൻ ഉൾപ്പെടുന്നു. എല്ലാ സ്ത്രീകളും 26 വയസ്സിന് മുമ്പോ അല്ലെങ്കിൽ ആദ്യ ലൈംഗിക ബന്ധത്തിന് മുമ്പോ വാക്സിൻ എടുക്കണം. രണ്ടോ മൂന്നോ വാക്സിനേഷൻ ഷെഡ്യൂളുകൾ ശുപാർശ ചെയ്യുന്നു. പല തരത്തിലുള്ള HPV ഉണ്ട്, എന്നാൽ ഏറ്റവും സാധാരണമായ ക്യാൻസറിന് കാരണമാകുന്ന വകഭേദങ്ങൾ ടൈപ്പ് 16 ഉം 18 ഉം ആണ്... - മെഡാന്തയിലെ കാൻസർ സെന്ററിലെ റേഡിയേഷൻ ഓങ്കോളജി ചെയർപേഴ്‌സൺ ഡോ. തേജീന്ദർ കതാരിയ പറഞ്ഞു. സെർവിക്കൽ ക്യാൻസർ തടയുന്നതിനായി ഡോ. തേജീന്ദർ കതാരിയ പതിവായി സ്‌ക്രീനിംഗ് ശുപാർശ ചെയ്യുന്നു. 

സെർവിക്കൽ ക്യാൻസർ തടയുന്നതിനുള്ള ഏറ്റവും മികച്ച മാർ​ഗം പാപ് സ്മിയർ എന്ന പതിവ് പരിശോധനയായ സെർവിക്കൽ സൈറ്റോളജി ഉപയോഗിച്ച് സ്ത്രീകളെ പരിശോധിക്കുന്നതാണ്. കഴിഞ്ഞ 50 വർഷമായി വികസിത രാജ്യങ്ങളിൽ നടപ്പിലാക്കിയ ദേശീയ ജനസംഖ്യാ അടിസ്ഥാനത്തിലുള്ള സ്ക്രീനിംഗ് പ്രോഗ്രാമാണിത്. നേരത്തെയുള്ള രോഗനിർണയത്തിന്റെയും ചികിത്സയുടെയും ഫലമായി ആ രാജ്യങ്ങളിൽ ഗർഭാശയ അർബുദ നിരക്കും മരണവും ഗണ്യമായി കുറയുന്നു.

പുരുഷന്മാരുടെ ശ്രദ്ധയ്ക്ക് ; ഈ പോഷകങ്ങൾ അടങ്ങിയ ഭക്ഷണങ്ങൾ കഴിക്കുന്നത് ശീലമാക്കൂ

• cervical cancer