Asianet News MalayalamAsianet News Malayalam

വനിത ഡോക്​ടർക്ക്​ ഒരേ സമയം കൊവിഡിന്‍റെ രണ്ട് വകഭേദങ്ങൾ സ്ഥിരീകരിച്ചു

ചെറിയ രോഗലക്ഷണങ്ങൾ കണ്ടെത്തിയതിനെ തുടർന്ന് ഡോക്​ടർ​ പരിശോധനയ്ക്ക്​ വിധേയമാകുകയായിരുന്നു. വീട്ടിൽ തന്നെ നിരീക്ഷണത്തിൽ കഴിഞ്ഞ ഡ‍ോക്ടർ രോഗമുക്തി നേടുകയും ചെയ്​തു.

Vaccinated Assam doctor positive for double infection of Covid 19 by Alpha and Delta variants simultaneously
Author
Assam, First Published Jul 21, 2021, 9:45 AM IST

അസമിലെ വനിത ഡോക്​ടർക്ക്​ ഒരേ സമയം കൊവിഡിന്‍റെ രണ്ട് വകഭേദങ്ങൾ സ്​ഥിരീകരിച്ചു. കൊവിഡ് പ്രതിരോധ  വാക്​സിന്റെ രണ്ട് ഡോസുകളും സ്വീകരിച്ച ഡോക്​ടർക്ക് ആൽഫ, ഡെൽറ്റ വകഭേദങ്ങളാണ്​ കണ്ടെത്തിയതെന്ന് ദിബ്രുഗഡ് റീജിയണൽ മെഡിക്കൽ റിസർച്ച് സെന്റർ സീനിയർ സയന്റിസ്റ്റ് ഡോ. ബി.ജെ.ബോർക്കകോട്ടി പറഞ്ഞു.

ചെറിയ രോഗലക്ഷണങ്ങൾ കണ്ടെത്തിയതിനെ തുടർന്ന് ഡോക്​ടർ​ പരിശോധനയ്ക്ക്​ വിധേയമാകുകയായിരുന്നു. വീട്ടിൽ തന്നെ നിരീക്ഷണത്തിൽ കഴിഞ്ഞ ഡ‍ോക്ടർ രോഗമുക്തി നേടുകയും ചെയ്​തു.

' ഒരേസമയം അല്ലെങ്കിൽ വളരെ ചുരുങ്ങിയ കാലയളവിനുള്ളിൽ രണ്ട് വകഭേദങ്ങൾ ഒരു വ്യക്തിയെ ബാധിക്കുന്നതാണ് ഇരട്ട അണുബാധ. പ്രതിരോധശേഷി ഉണ്ടാകുന്നതിന് മുമ്പ് ആദ്യത്തെ അണുബാധ ബാധിച്ച് രണ്ട് മൂന്ന് ദിവസത്തിനുള്ളിൽ ആൾക്ക് മറ്റൊരു വകഭേദം ബാധിക്കും ' - ഡോ. ബി.ജെ.ബോർക്കകോ പറഞ്ഞു.

രോഗത്തിന്റെ തീവ്രത രോഗിയുടെ ആരോഗ്യത്തെയും പ്രതിരോധശേഷിയും വൈറസിന്റെ പ്രഹരശേഷിയും ആശ്രയിച്ചിരിക്കുമെന്നും അദ്ദേഹം പറഞ്ഞു.

എന്താണ് മങ്കി ബി വൈറസ്? പ്രതിരോധിക്കാൻ ചെയ്യേണ്ട അഞ്ച് കാര്യങ്ങൾ


 

Follow Us:
Download App:
  • android
  • ios