Asianet News MalayalamAsianet News Malayalam

World Suicide Prevention Day 2022 : ലോക ആത്മഹത്യാ പ്രതിരോധ ദിനം ; ആത്മഹത്യ തടയാൻ കൂടെ നിൽക്കാം

ഓരോ ആത്മഹത്യയിലും മറ്റ് 20 പേർ ആത്മഹത്യാശ്രമം നടത്തുന്നുണ്ടെന്നും കൂടുതൽ പേർക്ക് ആത്മഹത്യയെക്കുറിച്ച് ഗൗരവമായ ചിന്തയുണ്ടെന്നും ലോകാരോഗ്യ സംഘടന പറഞ്ഞു. ഈ മരണങ്ങൾ അവരുടെ സുഹൃത്തുക്കളെയും കുടുംബങ്ങളെയും ആഴത്തിൽ സ്വാധീനിക്കുന്നു. 

world suicide prevention day 2022 history significance and theme
Author
First Published Sep 10, 2022, 6:41 PM IST

ഇന്ന് ലോക ആത്മഹത്യാ പ്രതിരോധ ദിനം. ആത്മഹത്യയിലൂടെ ആളുകൾ മരിക്കുന്നത് തടയുന്നതിനുള്ള വിവിധ മാർഗങ്ങളെയും നടപടികളെയും കുറിച്ച് അവബോധം സൃഷ്ടിക്കുന്നതിനാണ് ഈ ദിനം ആചരിക്കുന്നത്. 
ഓരോ വർഷവും 7,00,000-ത്തിലധികം ആളുകൾ ആത്മഹത്യ ചെയ്യുന്നതായി ലോകാരോഗ്യ സംഘടനയുടെ (ഡബ്ല്യുഎച്ച്ഒ) ചൂണ്ടിക്കാട്ടുന്നു. 

ഓരോ ആത്മഹത്യയിലും മറ്റ് 20 പേർ ആത്മഹത്യാശ്രമം നടത്തുന്നുണ്ടെന്നും കൂടുതൽ പേർക്ക് ആത്മഹത്യയെക്കുറിച്ച് ഗൗരവമായ ചിന്തയുണ്ടെന്നും ലോകാരോഗ്യ സംഘടന പറഞ്ഞു. ഈ മരണങ്ങൾ അവരുടെ സുഹൃത്തുക്കളെയും കുടുംബങ്ങളെയും ആഴത്തിൽ സ്വാധീനിക്കുന്നു. 

ലോക ആത്മഹത്യാ പ്രതിരോധ ദിനം 2003-ൽ ആരംഭിച്ചു. ഡബ്ല്യുഎച്ച്ഒയുടെ സഹകരണത്തോടെ ഇന്റർനാഷണൽ അസോസിയേഷൻ ഫോർ സൂയിസൈഡ് പ്രിവൻഷൻ ഈ ദിനം ആചരിക്കാൻ തീരുമാനിച്ചു. 2003 മുതൽ എല്ലാ വർഷവും സെപ്തംബർ 10 സംഘടനകളും സർക്കാരും പൊതുജനങ്ങളും സഹകരിച്ച് അവബോധം വളർത്തിക്കൊണ്ട് ലോക ആത്മഹത്യാ പ്രതിരോധ ദിനമായി ആചരിക്കുന്നു.

സ്തനാർബുദം; ഈ ലക്ഷണങ്ങൾ ശ്രദ്ധിക്കാതെ പോകരുത്

ആത്മഹത്യ തടയുന്നതിനും മാനസികാരോഗ്യത്തെക്കുറിച്ച് അവബോധം സൃഷ്ടിക്കുന്നതിനുമുള്ള വഴികളിലും നടപടികളിലും ശ്രദ്ധ കേന്ദ്രീകരിക്കുക എന്നതാണ് ലോക ആത്മഹത്യാ പ്രതിരോധ ദിനത്തിന്റെ മൊത്തത്തിലുള്ള ലക്ഷ്യം. പൊതുജനാരോഗ്യ വിഭാഗത്തിൽ ആത്മഹത്യാ പ്രതിരോധം ഒരു മുൻഗണനാ അജണ്ടയായി നിശ്ചയിക്കേണ്ടതിന്റെ പ്രാധാന്യം ഈ ദിനം എടുത്തുകാണിക്കുന്നു.  "പ്രവർത്തനത്തിലൂടെ പ്രത്യാശ സൃഷ്ടിക്കുന്നു" എന്നതാണ് ഈ വർഷത്തെ സന്ദേശം.

ആത്മഹത്യക്ക് ശ്രമിക്കുന്നവർ അഥവാ ആത്മഹത്യ ചെയ്യുന്നവരിൽ, 27% - 90% വരെ ആളുകളിലും മാനസിക രോഗം ഉള്ളതായി കരുതപ്പെടുന്നു. നേരത്തെ ആത്മഹത്യയ്ക്ക് ശ്രമിച്ചവരിൽ വീണ്ടും അത് ചെയ്യുവാനുള്ള പ്രേരണ വർധിക്കുന്നു. 

മാനസിക രോഗങ്ങളിൽ പ്രധാനമായും വിഷാദരോഗം, ബൈപോളാർ ഡിസോഡർ, ലഹരി മരുന്നുകളുടെ ഉപയോഗം, ബോർഡർലൈൻ പേഴ്സണാലിറ്റി പോലുള്ള വ്യക്തി വൈകല്യങ്ങൾ എന്നിവയെല്ലാം ആത്മഹത്യയ്ക്ക് കാരണമാകാറുണ്ട്. കൂടാതെ, ജനിതക കാരണങ്ങൾ, ദീർഘകാലമായി അനുഭവിച്ചുകൊണ്ടിരിക്കുന്ന ശാരീരിക ബുദ്ധിമുട്ടുകൾ, ഉറ്റവരുടെ വിയോഗം, പ്രണയ നൈരാശ്യം എന്നിവയും ആത്മഹത്യയിലേക്ക് നയിക്കുന്ന കാരണങ്ങളാണ്.

നിരാശ, അനിയന്ത്രിതമായ കോപം, പ്രതികാരം ചെയ്യുക, അശ്രദ്ധമായി പ്രവർത്തിക്കുക അല്ലെങ്കിൽ അപകടകരമായ പ്രവർത്തനങ്ങളിൽ ഏർപ്പെടുക, മദ്യത്തിന്റെയോ മയക്കുമരുന്നിന്റെയോ ഉപയോഗം വർദ്ധിക്കുക, സുഹൃത്തുക്കളിൽ നിന്ന് പിൻവാങ്ങൽ, കുടുംബവും സമൂഹവും, ഉത്കണ്ഠ,മാനസികാവസ്ഥയിലെ മാറ്റങ്ങൾ എന്നിവയൊക്കെ ആത്മഹത്യയുടെ ലക്ഷണങ്ങളാണ്. ചികിത്സയിൽ ഏറ്റവും പ്രധാനപ്പെട്ട കാര്യം അവർക്ക് എല്ലാവിധത്തിലുമുള്ള മാനസിക പിന്തുണ നൽകുക എന്നതാണ്. 

ലോക മുത്തച്ഛന്‍- മുത്തശ്ശി ദിനം ; ഈ ദിനത്തിന്റെ പ്രധാന്യത്തെ കുറിച്ചറിയാം

 

 

Follow Us:
Download App:
  • android
  • ios