2മാസം പ്രായമുള്ള കുഞ്ഞുൾപ്പെടെ ഒരു കുടുംബത്തിൽ 12 പേർക്ക് കൊവിഡ്; ദില്ലിയിൽ കൊവിഡ് ബാധിതർ 2376
പിന്നീട് ഇയാൾക്ക് കൊവിഡ് 19 ബാധയുടെ ലക്ഷണങ്ങളായ ചുമയും ശ്വാസതടസ്സവും അനുഭവപ്പെട്ടു. പരിശോധിച്ചതിനെ തുടർന്ന് കൊവിഡ് 19 പോസിറ്റീവ് സ്ഥിരീകരിക്കുകയായിരുന്നു.
ദില്ലി: ദില്ലിയിലെ കണ്ടൈൻമെന്റേ് പ്രദേശത്തുള്ള ഒരു കുടുംബത്തിലെ 12 പേരിൽ കൊവിഡി 19 സ്ഥിരീകരിച്ചു. ഇവരിൽ 2 മാസം പ്രായമുള്ള കുഞ്ഞും ഉൾപ്പെടുന്നു. വ്യാഴാഴ്ചയാണ് ഇവരിൽ രോഗബാധ സ്ഥിരീകരിച്ചതെന്ന് അധികൃതർ വ്യക്തമാക്കുന്നു. എല്ലാവരെയും എൽഎൻജെപി ആശുപത്രിയിൽ പ്രവേശിപ്പിച്ചു. കഴിഞ്ഞ മാസം അവസാനം കുടുംബാംഗങ്ങളിലൊരാൾ ഉസബക്കിസ്ഥാനിൽ നിന്നും തിരികെയെത്തിയിരുന്നു. എന്നാൽ ഇക്കാര്യം ആരോഗ്യവകുപ്പ് അധികൃതരെ അറിയിച്ചില്ല.
പിന്നീട് ഇയാൾക്ക് കൊവിഡ് 19 ബാധയുടെ ലക്ഷണങ്ങളായ ചുമയും ശ്വാസതടസ്സവും അനുഭവപ്പെട്ടു. പരിശോധിച്ചതിനെ തുടർന്ന് കൊവിഡ് 19 പോസിറ്റീവ് സ്ഥിരീകരിക്കുകയായിരുന്നു. ഇയാൾക്ക് രോഗബാധ സ്ഥിരീകരിച്ചതിനെ തുടർന്ന് കുടുംബത്തിലെ മറ്റ് അംഗങ്ങളെയും പരിശോധനയ്ക്ക് വിധേയമാക്കി. എല്ലാവരും രോഗബാധിതരാണെന്നായിരുന്നു പരിശോധനാ ഫലം. കേസുകൾ റിപ്പോർട്ട് ചെയ്യപ്പെട്ടതിനെ തുടർന്ന് ഈ പ്രദേശം മുദ്ര വച്ചിരിക്കുകയാണ്. ദില്ലിയിൽ ആകെ രോഗബാധിതരുടെ എണ്ണം 2376 ആയി അമ്പത് പേരാണ് മരിച്ചത്.
