ലൈംഗികാതിക്രമ ആരോപണത്തിൽ ചീഫ് ജസ്റ്റിസിനെ പിന്തുണച്ച് കേന്ദ്രമന്ത്രി അരുണ് ജയ്റ്റലി
ബന്ധപ്പെട്ട സമിതിക്ക് നല്കേണ്ട പരാതി , ജഡ്ജിമാര്ക്കും ഭരണഘടനാ സ്ഥാപനങ്ങളെ നിരന്തരം ദുര്ബലപ്പെടുത്തുന്ന നാലു ഡിജിറ്റൽ മാധ്യമങ്ങള്ക്കുമാണ് പരാതിക്കാരി നല്കിയത്.
ദില്ലി:സുപ്രീം കോടതി ചീഫ് ജസ്റ്റിസിനെതിരായ ലൈംഗികാതിക്രമ ആരോപണത്തിൽ ചീഫ് ജസ്റ്റിസിനെ പിന്തുണച്ച് കേന്ദ്രമന്ത്രി അരുണ് ജയ്റ്റലി. നീക്കത്തിന് പിന്നിൽ ഗൂഢാലോചന സംശയമാണ് ജയ്റ്റലി ഉന്നയിക്കുന്നത് . ബന്ധപ്പെട്ട സമിതിക്ക് നല്കേണ്ട പരാതി , ജഡ്ജിമാര്ക്കും ഭരണഘടനാ സ്ഥാപനങ്ങളെ നിരന്തരം ദുര്ബലപ്പെടുത്തുന്ന നാലു ഡിജിറ്റൽ മാധ്യമങ്ങള്ക്കുമാണ് പരാതിക്കാരി നല്കിയത്. ഭരണഘടനാ സ്ഥാപനങ്ങളെ അസ്ഥിരപ്പെടുത്താൻ ശ്രമിക്കുന്നവരിൽ നിരവധി പേര് ഇടത് , തീവ്ര ഇടതു ചിന്താഗതിക്കാരാണ് . ഇത്തരക്കാര്ക്ക് കോണ്ഗ്രസ് പിന്തുണ നല്കുന്നുവെന്നും അരുണ് ജയ്റ്റലി ബ്ലോഗിൽ വിമര്ശിച്ചു.