LIVE: ബിഹാറിൽ വോട്ടെണ്ണല്‍ പൂര്‍ത്തിയായി; കേവല ഭൂരിപക്ഷത്തോടെ എന്‍ഡിഎ അധികാരത്തിലേക്ക്

bihar election result 2020 live updates

9:50 AM IST

നിതീഷ് കുമാർ തന്നെ മുഖ്യമന്ത്രിയെന്ന് ജെഡിയു

നിതീഷ് കുമാർ തന്നെ മുഖ്യമന്ത്രിയെന്ന് ജെഡിയു. പാർട്ടി തീരുമാനം അതെന്ന് സംസ്ഥാന അധ്യക്ഷൻ വസിഷ്ഠ് നാരായൺ സിംഗ്. നിതീഷ് കുമാർ വ്യക്തിമാത്രമല്ല പാർട്ടി നേതാവ് കൂടിയാണ്. മുന്നണിയിൽ സീറ്റ് കുറഞ്ഞത് മുഖ്യമന്ത്രി സ്ഥാനത്തിന് തടസമല്ല. ധാർമ്മികതയെന്നത് ചോദ്യമല്ലെന്നും വസിഷ്ഠ് നാരായൺ സിംഗ് ഏഷ്യാനെറ്റ് ന്യൂസിനോട്.

7:36 AM IST

വോട്ടെണ്ണൽ ക്രമക്കേടെന്ന് ആരോപണം; മഹാസഖ്യം കോടതിയിലേക്ക്

വോട്ടെണ്ണൽ ക്രമക്കേട് ആരോപണവുമായി കോടതിയെ സമീപിക്കാൻ മഹാസഖ്യം. പറ്റ്ന ഹൈക്കോടതിയെയോ, സുപ്രീംകോടതിയേയോ സമീപിക്കാനാണ് ആലോചന. നിയമവിദഗ്ധരുമായി ചർച്ച നടത്തി തീരുമാനമെടുക്കുമെന്ന് ആർജെഡി പ്രതികരണം.

5:05 AM IST

എതിരാളികളെ അപ്രസക്തമാക്കിയ വിജയം; ബിഹാറും പിടിച്ച് ബിജെപി

ബിഹാറില്‍ ജെഡിയുവിന്റെയും നിതീഷ് കുമാറിന്റെയും നിഴലില്‍ നിന്ന് മുക്തി നേടി ബിജെപി. സംസ്ഥാനത്തെ ഏറ്റവും വലിയ രണ്ടാമത്തെ ഒറ്റകക്ഷിയായി മാറി ജെഡിയുവിനെയും നിതീഷിനെയും അപ്രസക്തമാക്കുന്ന വിജയമാണ് ബിജെപി നേടിയത്. 2015ല്‍ ജെഡിയുവിന്റെ സഹായമില്ലാതെ തന്നെ 53 സീറ്റില്‍ വിജയിച്ച് കരുത്ത് കാട്ടിയ ബിജെപി, ഇക്കുറി 74 സീറ്റുകള്‍ നേടി ആര്‍ജെഡിക്ക് തൊട്ടുപിന്നില്‍ സ്ഥാനം പിടിച്ചു...
Read more... http://www.asianetnews.com/india-news/bihar-election-result-bjp-makes-large-victory-qjlrac

4:42 AM IST

വോട്ടെണ്ണല്‍ പൂര്‍ത്തിയായത് 20 മണിക്കൂറിന് ശേഷം

ചൊവ്വാഴ്‍ച രാവിലെ എട്ട് മണിക്ക് ആരംഭിച്ച വോട്ടെണ്ണല്‍ ബുധനാഴ്‍ച പുലര്‍ച്ചെ നാല് മണിയോടെയാണ് അവസാനിച്ചത്. കൊവിഡ് സുരക്ഷാ മാനദണ്ഡങ്ങള്‍ പാലിച്ച് നടപടികള്‍ മുന്നോട്ടുപോകുന്നതിനാലാണ് വോട്ടെണ്ണല്‍ വൈകുന്നതെന്നും അതുകൊണ്ടുതന്നെ അന്തിമ ഫലം വൈകുമെന്നും ചൊവ്വാഴ്‍ച തന്നെ തെരഞ്ഞെടുപ്പ് കമ്മീഷന്‍ വാര്‍ത്താ സമ്മേളനത്തില്‍ വ്യക്തമാക്കുകയും ചെയ്‍തു. 

4:10 AM IST

വോട്ടെണ്ണല്‍ പൂര്‍ത്തിയായി; കേവല ഭൂരിപക്ഷത്തോടെ എന്‍ഡിഎ അധികാരത്തിലേക്ക്

എല്ലാ മണ്ഡലങ്ങളിലെയും വോട്ടെണ്ണല്‍ പൂര്‍ത്തിയാവുമ്പോള്‍ കേവല ഭൂരിപക്ഷം നേടി എന്‍ഡിഎ ബിഹാറില്‍ അധികാരത്തിലേക്ക്. 125 സീറ്റുകളില്‍ എന്‍ഡിഎയും 110 സീറ്റുകളില്‍ മഹാസഖ്യവും വിജയിച്ചു. എല്‍.ജെ.പി അടക്കമുള്ള മറ്റുള്ളവര്‍ എട്ട് മണ്ഡലങ്ങളില്‍ വിജയിച്ചു. 75 സീറ്റുകളില്‍  വിജയിച്ച ആര്‍ജെഡിയാണ് ഏറ്റവും വലിയ ഒറ്റകക്ഷി. ബിജെപി 74 സീറ്റുകളില്‍ ജയിച്ചതോടെ രണ്ടാമത്തെ വലിയ കക്ഷിയായി. അന്തിമ കക്ഷി നില ഇങ്ങനെ...

3:58 AM IST

ഇനി ഫലം വരാനുള്ളത് ഒരു മണ്ഡലത്തില്‍ മാത്രം

242 മണ്ഡലങ്ങളിലും തെരഞ്ഞെടുപ്പ് കമ്മീഷന്‍ ഔദ്യോഗികമായി ഫലം പ്രഖ്യാപിച്ചു. ഇനി ഒരു മണ്ഡലത്തിലെ അന്തിമ ഫലം മാത്രമാണ് പുറത്തുവരാനുള്ളത്. ഇവിടെ ജെ.ഡി.യു ലീഡ് ചെയ്യുകയാണ്.

3:45 AM IST

ആര്‍ജെഡി ഏറ്റവും വലിയ ഒറ്റകക്ഷി

243ല്‍ 241 സീറ്റുകളിലും ഔദ്യോഗികമായി ഫലം പ്രഖ്യാപിച്ചപ്പോള്‍ ഏറ്റവും വലിയ ഒറ്റകക്ഷി ആര്‍ജെഡി തന്നെ. 75 സീറ്റുകളിലാണ് ആര്‍ജെഡി വിജയിച്ചത്. ബിജെപി 73 സീറ്റുകളില്‍ വിജയിക്കുകയും ഒരു സീറ്റില്‍ ലീഡ് ചെയ്യുകയുമാണ്. ജെഡിയുവാണ് ഇനി ഫലം വരാനുള്ള മറ്റൊരു സീറ്റില്‍ ലീഡ് ചെയ്യുന്നത്.

3:08 AM IST

കേവല ഭൂരിപക്ഷം ഉറപ്പിച്ച് എൻഡിഎ

കേവല ഭൂരിപക്ഷത്തിനാവശ്യമായ സീറ്റുകളില്‍ വിജയിച്ച് എന്‍ഡിഎ. ഇതുവരെ ഫലം പ്രഖ്യാപിച്ച 122 സീറ്റുകളില്‍ എന്‍ഡിഎ വിജയിച്ചു. ഇനി ഫലം വരാനുള്ളത് ബിജെപിയും ജെഡിയുവും ലീഡ് ചെയ്യുന്ന ഒരോ മണ്ഡലങ്ങളിൽ മാത്രം

2:49 AM IST

മോദിയുടെ കഠിനാധ്വാനത്തിന്റെ വിജയമെന്ന് കേന്ദ്രമന്ത്രി അശ്വിനി കുമാര്‍

പ്രധാനമന്ത്രി നരേന്ദ്രമോദിയുടെ കഠിനാധ്വാനത്തിന്റെയും മാര്‍ഗദര്‍ശനത്തിന്റെും വിജയമാണ് ബിഹാറിലേതെന്ന് കേന്ദ്രമന്ത്രി അശ്വിനി കുമാര്‍ പറഞ്ഞു. ബിഹാറിലെ ജനങ്ങളോട് നന്ദി പറയുന്നു. 'ഡബിള്‍ യുവരാജിനെ' തള്ളി, 'ഡബിള്‍ എഞ്ചിന്‍' സര്‍ക്കാറിനെ ജനങ്ങള്‍ തെരഞ്ഞെടുത്തുവെന്നും അദ്ദേഹം പറഞ്ഞു.

2:27 AM IST

ആര്‍ജെഡിയും ബിജെപിയും തമ്മില്‍ ഒരു സീറ്റിന്റെ മാത്രം വ്യത്യാസം

എന്‍ഡിഎ വ്യക്തമായ ലീഡോടെ അധികാരത്തിലെത്തുമെന്ന് ഉറപ്പായെങ്കിലും ഇപ്പോഴും ആര്‍ജെഡി ഏറ്റവും വലിയ ഒറ്റ കക്ഷിയായി തുടരുകയാണ്. നിലവില്‍ 74 സീറ്റുകളില്‍ വിജയിച്ച ആര്‍ജെഡി ഒരു സീറ്റില്‍ ലീഡ് ചെയ്യുന്നുമുണ്ട്. ബിജെപി 71 സീറ്റുകളില്‍ വിജയിക്കുകയും മൂന്നിടങ്ങളില്‍ ലീഡ് ചെയ്യുകയുമാണ്. ആറ മണ്ഡലങ്ങളിലെ ഫലമാണ് ഇനി പുറത്തുവരാനുള്ളത്.

2:01 AM IST

ഫലം വരാനുള്ള നാല് മണ്ഡലങ്ങളില്‍ ബിജെപിക്ക് ലീഡ്

ഇനി ഫലം വരാനുള്ള ഏഴ് മണ്ഡലങ്ങളില്‍ നാലെണ്ണത്തിലും ബിജെപിയാണ് ലീഡ് ചെയ്യുന്നത്. രണ്ടിടങ്ങളില്‍ ജനതാദള്‍ യൂണൈറ്റഡും ഒരു മണ്ഡലത്തില്‍ ആര്‍ജെഡിയും ലീഡ് ചെയ്യുന്നു.

1:40 AM IST

234 മണ്ഡലങ്ങളിലെ ഫലമായി

ഇനി ഒന്‍പത് മണ്ഡലങ്ങളിലെ ഔദ്യോഗിക ഫലപ്രഖ്യാപനം മാത്രമാണ് പുറത്തുവരാനുള്ളത്. ലീഡ് നില ഇങ്ങനെ...

1:26 AM IST

ഇനി പ്രഖ്യാപിക്കാനുള്ളത് 13 മണ്ഡലങ്ങളിലെ ഫലം

ആകെയുള്ള 243 മണ്ഡലങ്ങളില്‍ 230 എണ്ണത്തിലും തെരഞ്ഞെടുപ്പ് കമ്മീഷന്‍ ഔദ്യോഗികമായി ഫലപ്രഖ്യാപനം നടത്തി. ഇനി 13 മണ്ഡലങ്ങളിലെ ഫലം മാത്രമാണ് പുറത്തുവരാനുള്ളത്. ഇതില്‍ ആറിടങ്ങളില്‍ ബിജെപിയും മൂന്ന് സീറ്റുകളില്‍ വീതും ജെഡിയുവും ആര്‍ജെഡിയും ഒരിടത്ത് കോണ്‍ഗ്രസുമാണ് ലീഡ് ചെയ്യുന്നത്.

1:08 AM IST

ഒരു മണിക്കൂറിനുള്ളില്‍ എല്ലാ മണ്ഡലങ്ങളിലെയും ഫലം

20 മണ്ഡലങ്ങളിലെ ഫലം മാത്രമാണ് ഇനി പുറത്തുവരാനുള്ളതെന്നും അവ ഉടനെ പ്രഖ്യാപിക്കുമെന്നും തെരഞ്ഞെടുപ്പ് കമ്മീഷന്‍ വാര്‍ത്താസമ്മേളനത്തില്‍ അറിയിച്ചു. 17 മണ്ഡലങ്ങളിലാണ് ഇപ്പോഴും വോട്ടെണ്ണുന്നത്. മൂന്ന് മണ്ഡലങ്ങളില്‍ മറ്റ് നടപടിക്രമങ്ങളാണ് പുരോഗമിക്കുന്നതെന്നും കമ്മീഷന്‍ അറിയിച്ചു.

1:01 AM IST

ലീഡ് മെച്ചപ്പെടുത്തി എന്‍ഡിഎ

വോട്ടെണ്ണല്‍ അവസാന ഘട്ടത്തിലേക്ക്  കടന്നിരിക്കെ ലീഡ് മെച്ചപ്പെടുത്തി എന്‍ഡിഎ. നേരത്തെയുണ്ടായിരുന്നതിനേക്കാള്‍ ഒരു സീറ്റില്‍ കൂടി എന്‍ഡിഎ സ്ഥാനാര്‍ത്ഥി ഇപ്പോള്‍ ലീഡ് ചെയ്യുന്നുണ്ട്. ഇപ്പോഴത്തെ ലീഡ് നില ഇങ്ങനെ...
എന്‍ഡിഎ - 125
മഹാസഖ്യം - 110
മറ്റുള്ളവര്‍ - 8

12:55 AM IST

ഇടതുപാര്‍ട്ടികളെ എഴുതിത്തള്ളാനാവില്ലെന്ന് യെച്ചൂരി

ഇടത് പാർട്ടികളെ എഴുതിത്തള്ളുന്നത് തെറ്റെന്ന് തെളിയിച്ച തെരഞ്ഞെടുപ്പായിരുന്നു ബിഹാറിലേതെന്ന് സീതാറാം യെച്ചൂരി പറഞ്ഞു. കൂടൂതൽ സീറ്റുകൾ നൽകിയിരുന്നെങ്കിൽ വിജയിക്കാൻ സാധിക്കുമായിരുന്നുവെന്നും അദ്ദേഹം പറഞ്ഞു. സിപിഎമ്മും സിപിഐയും രണ്ട് സീറ്റുകള്‍ വീതമാണ് നേടിയത്. സിപിഐഎംഎല്‍ 10 സീറ്റുകളില്‍ വിജയിക്കുകയും രണ്ടിടങ്ങളില്‍ ഇപ്പോഴും ലീഡ് ചെയ്യുകയുമാണ്.

12:51 AM IST

ഇനി ഫലം വരാനുള്ളത് 23 മണ്ഡലങ്ങളില്‍ മാത്രം

വോട്ടെണ്ണല്‍ പൂര്‍ത്തിയായ 220 മണ്ഡലങ്ങളില്‍ തെരഞ്ഞെടുപ്പില്‍ ഔദ്യോഗികമായി ഫലം പ്രഖ്യാപിച്ചു. ഇനി 23 മണ്ഡലങ്ങളിലാണ് ഫലം പുറത്തുവരാനുള്ളത്. ഔദ്യോഗിക കണക്കുകള്‍ പ്രകാരം പാര്‍ട്ടികളുടെ ലീഡ് നില ഇങ്ങനെ...

12:47 AM IST

വോട്ടു വിഹിതം ഉയർത്തി, വീണ്ടും ജനങ്ങൾക്കൊപ്പമെന്ന് ചിരാഗ്

ബീഹാറിലെ ജനങ്ങൾക്ക് നന്ദിയെന്ന് ലോക് ജന്‍ ശക്തി പാര്‍ട്ടി നേതാവ് ചിരാഗ് പാസ്വാൻ. ആരുടെയും സഹായമില്ലാതെയാണ് മത്സരിച്ചത്. വോട്ടു വിഹിതം ഉയർത്തി. വീണ്ടും ജനങ്ങൾക്കൊപ്പമെന്നും അദ്ദേഹം പറഞ്ഞു.

12:27 AM IST

തെരഞ്ഞെടുപ്പ് കമ്മീഷന്‍ നടപടിയെടുത്തില്ലെങ്കില്‍ സുപ്രീം കോടതിയിലേക്ക്

ഫലം അട്ടിമറിക്കുന്നെന്ന പരാതിയില്‍ തെരഞ്ഞെടുപ്പ് കമ്മീഷന്‍ നടപടിയെടുക്കുന്നില്ലെങ്കില്‍ സുപ്രീം കോടതിയെ സമീപിക്കാന്‍ മഹാസഖ്യത്തിന്റെ തീരുമാനം. പത്ത് മണ്ഡലങ്ങളിലാണ് അട്ടിമറി ആരോപിക്കുന്നത്. വോട്ടെണ്ണിക്കഴിഞ്ഞപ്പോള്‍ വിജയികളായ സ്ഥാനാര്‍ത്ഥിക്ക് കൈകൊടുത്ത് പിരിഞ്ഞ ഉദ്യോഗസ്ഥര്‍, പിന്നീട് ഫോണില്‍ വിളിച്ച്, അന്തിമഫലം വന്നിട്ടില്ലെന്ന് അറിയിക്കുകയായിരുന്നുവെന്നാണ് ആരോപണം. മൂന്നിടങ്ങളില്‍ റിപോളിങ് വേണമെന്ന് സി.പി.ഐ.എം.എല്‍ ആവശ്യപ്പെട്ടിട്ടുണ്ട്.

12:20 AM IST

എത്രയും വേഗം ഗവര്‍ണറെ കാണാന്‍ എന്‍.ഡി.എ

തെരഞ്ഞെടുപ്പ് ഫലത്തില്‍ വ്യക്തമായ മുന്‍തൂക്കം ലഭിച്ചതോടെ ഫലപ്രഖ്യാനം വന്നാലുടന്‍ സര്‍ക്കാര്‍ രൂപീകരണ അവകാശവാദവുമായി ഗവര്‍ണറെ കാണാന്‍ എന്‍.ഡി.എയുടെ തീരുമാനം. ഇതിനായുള്ള ത്വരിത നടപടികള്‍ പുരോഗമിക്കുകയാണ്. മുന്‍ധാരണ പ്രകാരം നിതീഷ് കുമാറിര്‍ തന്നെ മുഖ്യമന്ത്രിയാകും. 

12:15 AM IST

ഒരു മണിക്ക് വാര്‍ത്താസമ്മേളനം

ബിഹാറില്‍ രാത്രി ഒരു മണിക്ക് വാര്‍ത്താസമ്മേളനം നടത്തുമെന്ന് തെരഞ്ഞെടുപ്പ് കമ്മീഷന്‍ അറിയിച്ചു. നിലവില്‍ വോട്ടെണ്ണല്‍ അവസാന ഘട്ടത്തിലാണ്. ആകെയുള്ള 243 മണ്ഡലങ്ങളില്‍ 205 ഇടങ്ങളിലും അന്തിമഫലം പ്രഖ്യാപിച്ചിട്ടുണ്ട്.

12:11 AM IST

വികസനത്തിന് വേണ്ടി വോട്ട് ചെയ്‍തെന്ന് മോദി

ബിഹാറിലെ ജനങ്ങള്‍ വികസനത്തിന് വേണ്ടി വോട്ട് ചെയ്‍തുവെന്ന് പ്രധാനമന്ത്രി നരേന്ദ്രമോദിയുടെ ട്വീറ്റ്. സ്ത്രീകളും യുവാക്കളും എന്‍.ഡി.എക്ക് പിന്തുണ നല്‍കി. തെരഞ്ഞെടുപ്പ് പ്രഖ്യാപനമായ ആത്മനിര്‍ഭര്‍ ബിഹാര്‍ നടപ്പാക്കുമെന്നും അദ്ദേഹം പറഞ്ഞു.

11:55 PM IST

ജനങ്ങള്‍ക്ക് നന്ദി പറഞ്ഞ് മോദിയും അമിത് ഷായും

ബിഹാറിന് പുതിയ ദശാബ്‍ദമാണിതെന്ന് പ്രധാനമന്ത്രി നരേന്ദ്ര മോദി അഭിപ്രായപ്പെട്ടു. കേന്ദ്ര ആഭ്യന്തര മന്ത്രി അമിത് ഷായും ബിഹാറിലെ ജനങ്ങള്‍ക്ക് നന്ദി അറിയിച്ചു. ബിഹാറിലെ ജനങ്ങളുടെ വിജയമാണെന്നും എന്‍ഡിഎ മുന്നോട്ടുവെച്ച വികസനത്തിന്റെ മുദ്രാവാക്യങ്ങള്‍ ബിഹാറിലുടനീളം ജനങ്ങള്‍ ഏറ്റെടുത്തതായും അദ്ദേഹം പറഞ്ഞു.

11:49 PM IST

194 മണ്ഡലങ്ങളിലെ ഫലം പ്രഖ്യാപിച്ചു

തെരഞ്ഞെടുപ്പ് കമ്മീഷന്‍ ഇതുവരെ ഔദ്യോഗികമായി പ്രഖ്യാപിച്ചത് 194 മണ്ഡലങ്ങളിലെ ഫലമാണ്. 

11:41 PM IST

വിജയം അവകാശപ്പെട്ട് അമിത് ഷാ

ബിഹാര്‍ നിയമസഭാ തെരഞ്ഞെടുപ്പില്‍ എന്‍ഡിഎയുടെ വിജയം പ്രഖ്യാപിച്ച് കേന്ദ്ര ആഭ്യന്തര മന്ത്രി അമിത് ഷാ. ബിഹാറിലെ ജനങ്ങളുടെ വിജയമാണെന്നും എന്‍ഡിഎ മുന്നോട്ടുവെച്ച വികസനത്തിന്റെ മുദ്രാവാക്യങ്ങള്‍ ബിഹാറിലുടനീളം ജനങ്ങള്‍ ഏറ്റെടുത്തതായും അദ്ദേഹം പറഞ്ഞു.
 

11:26 PM IST

ഭരിക്കാനുള്ള ഭൂരിപക്ഷമായെന്ന് എന്‍ഡിഎ; സ്ത്രീകളുടെ വോട്ട് തുണയായി

ബിഹാറില്‍ ജയിക്കാനുള്ള ഭൂരിപക്ഷമായെന്ന് എന്‍ഡിഎ നേതാക്കള്‍. വോട്ടര്‍മാര്‍ക്ക് നന്ദി പറയുന്നതായും ബിജെപി അറിയിച്ചു. സ്ത്രീകളുടെ വോട്ട് തങ്ങള്‍ക്ക് അനുകൂലമായെന്നാണ് നേതാക്കള്‍ വാര്‍ത്താ സമ്മേളനത്തില്‍ പറഞ്ഞത്.

11:06 PM IST

ലീഡ് ഉയര്‍ത്തി എന്‍ഡിഎ

ബിഹാറില്‍ എന്‍ഡിഎ ലീഡ് നില മെച്ചപ്പെടുത്തുന്നു. 124 സീറ്റുകളില്‍ എന്‍ഡിഎ സ്ഥാനാര്‍ത്ഥികള്‍ മുന്നിട്ട് നില്‍ക്കുകയാണ്. ഇതിന് പുറമെ എല്‍ജെപിക്ക് ഒരു സീറ്റും ലഭിച്ചിട്ടുണ്ട്. ഏറ്റവുമൊടുവിലെ ലീഡ് നില ഇങ്ങനെ...

എന്‍ഡിഎ - 124
മഹാസഖ്യം - 111
മറ്റുള്ളവര്‍ - 8 

11:06 PM IST

തോൽക്കുമ്പോഴുള്ള സ്ഥിരം പരിപാടിയെന്ന് ബിജെപി

വോട്ടെണ്ണലിൽ ക്രമക്കേടെന്ന ആർജെഡി ആരോപണം തള്ളി ബിജെപി.  തോൽക്കുമ്പോഴുള്ള സ്ഥിരം പരിപാടിയാണിതെന്ന് ബിഹാർ ബിജെപി അധ്യക്ഷൻ സഞ്ജയ് ജയ്സ്വാൾ. അതേസമയം ഫലം അട്ടിമറിക്കാന്‍ ശ്രമിക്കുന്നെന്നാരോപിച്ച്  നിതീഷ് കുമാറിനെതിരെ ആർജെഡി പ്രവർത്തകർ പ്രതിഷേധിക്കുകയാണിപ്പോള്‍.

10:57 PM IST

എല്‍ജെപിക്ക് ഒരു സീറ്റ്

ചിരാഗ് പാസ്വാന്റെ എല്‍.ജെ.പി ഒരു സീറ്റില്‍ വിജയിച്ചു. മട്ടിഹാനി മണ്ഡലത്തിലാണ് ജെ.ഡി.യു സ്ഥാനാര്‍ത്ഥിയെ എല്‍.ജെ.പി തോല്‍പ്പിച്ചത്. 

10:45 PM IST

അട്ടിമറി ആരോപണം; നിതീഷ് കുമാറിനെതിരെ പ്രതിഷേധം

ബിഹാറില്‍ നിതീഷ് കുമാറിനെതിരെ ആർ.ജെ.ഡി പ്രവർത്തകർ പ്രതിഷേധിക്കുന്നു. . തേജസ്വിയുടെ വീടിന് മുന്നിലാണ് മുദ്രാവാക്യവുമായി പ്രവർത്തകർ അണിനിരന്നത്. തെരഞ്ഞെടുപ്പ് ഫലം അട്ടിമറിക്കാൻ ശ്രമക്കുന്നുവെന്നാണ് ആക്ഷേപം.

10:35 PM IST

ലീഡ് നില ഇങ്ങനെ...

തെരഞ്ഞെടുപ്പ് കമ്മീഷന്‍ പുറത്തുവിട്ട ഔദ്യോഗിക കണക്കുകള്‍ പ്രകാരം ഏറ്റവും ഒടുവിലത്തെ ലീഡ് നില ഇങ്ങനെ

10:24 PM IST

90 ശതമാനം വോട്ടുകളും എണ്ണിക്കഴിഞ്ഞു; 159 മണ്ഡലങ്ങളിലെ ഫലമായി

ബിഹാറില്‍ ഇതുവരെ 90 ശതമാനം വോട്ടുകളും എണ്ണിക്കഴിഞ്ഞു. 159 മണ്ഡലങ്ങളില്‍ ഔദ്യോഗികമായി തെരഞ്ഞെടുപ്പ് കമ്മീഷന്‍ ഫലം പ്രഖ്യാപിച്ചിട്ടുണ്ട്. ലീഡ് നില ഇങ്ങനെ...
എന്‍.ഡി.എ - 122
മഹാസഖ്യം - 113
മറ്റുള്ളവര്‍ - 8

10:17 PM IST

സമ്മര്‍ദമില്ലെന്ന് തെരഞ്ഞെടുപ്പ് കമ്മീഷന്‍

വോട്ടെണ്ണലില്‍ തങ്ങള്‍ക്കുമേല്‍ സമ്മർദ്ദമില്ലെന്ന് തെരഞ്ഞെടുപ്പ് കമ്മീഷൻ വാര്‍ത്താ സമ്മേളനത്തില്‍ അറിയിച്ചു. റീ കൗണ്ടിങ് സംബന്ധമായ പരാതികൾ പരിശോധിച്ചു വരികയാണെന്നും കമ്മീഷൻ അറിയിച്ചിട്ടുണ്ട്. തെരഞ്ഞെടുപ്പില്‍ ക്രമക്കേട് നടന്നെന്ന് ആരോപിച്ച് മഹാസഖ്യത്തിലെ കക്ഷികളായ കോൺഗ്രസും ആർജെഡിയും സിപിഐ എംഎലും ലിബറേഷനും തെരഞ്ഞെടുപ്പ് കമ്മീഷനെ കാണുമെന്ന് വ്യക്തമാക്കിയിരുന്നു.

9:51 PM IST

തീരുമാനം പിന്നീടെന്ന് ഒവൈസി

ബിഹാർ തെരഞ്ഞെടുപ്പിൽ നിർണായക സ്വാധീനമായി മാറിയിരിക്കുകയാണ് എഐഎംഐഎം. ഇപ്പോഴത്തെ സാഹചര്യത്തിൽ ശക്തമായ ബിജെപി വിരുദ്ധ നിലപാട് സ്വീകരിക്കുന്ന ഒവൈസി ആർജെഡിക്കൊപ്പം സർക്കാർ രൂപീകരിക്കുമോയെന്ന ചോദ്യത്തിന് തീരുമാനം പിന്നീടെന്ന് മറുപടി നൽകി. ഔദ്യോഗിക ഫലപ്രഖ്യാപനം വന്ന ശേഷമേ തീരുമാനിക്കൂവെന്നാണ് ഒവൈസി പറയുന്നത്.

9:46 PM IST

തെരഞ്ഞെടുപ്പ് ക്രമക്കേടെന്ന് മഹാസഖ്യം

തെരഞ്ഞെടുപ്പ് ക്രമക്കേട് നടന്നെന്ന് ആരോപിച്ച് മഹാസഖ്യത്തിലെ കക്ഷികളായ കോൺഗ്രസും ആർജെഡിയും സിപിഐ എംഎൽ ലിബറേഷനും തെരഞ്ഞെടുപ്പ് കമ്മീഷനെ കാണും

9:44 PM IST

ജയിച്ച സർട്ടിഫിക്കറ്റ് നൽകുന്നില്ലെന്ന് കോൺഗ്രസും

തെരഞ്ഞെടുപ്പ് ഫലപ്രഖ്യാപനത്തിൽ അട്ടിമറി ആരോപണവുമായി കോൺഗ്രസും രംഗത്തെത്തി. ജയിച്ച സ്ഥാനാർത്ഥികൾക്ക് സർട്ടിഫിക്കറ്റ് നൽകാൻ റിട്ടേണിങ് ഓഫീസർ വിസമ്മതിക്കുന്നുവെന്നാണ് ആരോപണം.

9:34 PM IST

119 സീറ്റ് ജയിച്ചെന്ന് ആർജെഡി

മഹാസഖ്യം ബിഹാറിൽ 119 സീറ്റിൽ വിജയിച്ചെന്ന് ആർജെഡി. വോട്ടെണ്ണി കഴിഞ്ഞപ്പോൾ വിജയിക്ക് കൈ കൊടുത്ത് അഭിനന്ദിച്ച റിട്ടേണിങ് ഓഫീസർ പിന്നീട് സർട്ടിഫിക്കറ്റ് നൽകിയില്ലെന്നാണ് ആരോപണം. തങ്ങൾ ജയിച്ചെന്ന് അവകാശപ്പെടുന്ന 119 സീറ്റുകളുടെ പട്ടിക പാർട്ടിയുടെ ഔദ്യോഗിക ട്വിറ്റർ ഹാന്റിൽ വഴി പുറത്തുവിട്ടു

9:34 PM IST

മൂന്ന് സീറ്റുകളിൽ റീ കൗണ്ടിങ് ആവശ്യപ്പെട്ട് ഇടതുപാർട്ടി

വളരെ ചുരുങ്ങിയ ലീഡിൽ പരാജയപ്പെട്ട മൂന്ന് സീറ്റുകളിൽ റീ കൗണ്ടിങ് ആവശ്യപ്പെട്ട് സിപിഐ എംഎൽ രംഗത്ത്. ഭോറെ, ആറ, ദറൗന്ത മണ്ഡലങ്ങളിലാണ് ഈ ആവശ്യം. മുൻ എഡിജിപി സുനിൽ കുമാറാണ് ഭോറെയിലെ ജെഡിയു സ്ഥാനാർത്ഥി. 103 വോട്ടിന്റെ ലീഡിന് ഇദ്ദേഹം വിജയിച്ചെന്നാണ് ഫലം. പ്രദേശത്തെ ജെഡിയു എംപി വോട്ടെണ്ണൽ കേന്ദ്രത്തിലേക്ക് വന്നത് വോട്ടെണ്ണൽ അട്ടിമറിക്കാനാണെന്ന് പാർട്ടി ആരോപിക്കുന്നു.

9:29 PM IST

മതിഹനിയിൽ വീണ്ടും ലീഡെടുത്ത് സിപിഎം

ശക്തമായ ത്രികോണ മത്സരമാണ് ബിഹാറിലെ മതിഹനി മണ്ഡലത്തിൽ നടന്നത്. എൻഡിഎയിൽ ജെഡിയുവിനും എൽജെപിക്കും വ്യക്തമായ ആധിപത്യമുള്ള മണ്ഡലത്തിൽ മഹാസഖ്യത്തിന്റെ ഭാഗമായാണ് സിപിഎം നേതാവ് ഡോ രാജേന്ദ്ര പ്രസാദ് യാദവ് മത്സരിച്ചത്. എൻഡിഎ വിട്ട എൽജെപി സ്വന്തം സ്ഥാനാർത്ഥിയെ നിർത്തിയതോടെ മത്സരം കടുക്കുമെന്ന് ഉറപ്പായിരുന്നു. 36 റൗണ്ടിൽ 30 റൗണ്ട് വോട്ടെണ്ണൽ കഴിഞ്ഞപ്പോൾ സിപിഎം സ്ഥാനാർത്ഥി 1519 വോട്ടിന് മുന്നിലാണ്. ഇദ്ദേഹത്തിന് 52847 വോട്ടും ജെഡിയു സ്ഥാനാർത്ഥി നരേന്ദ്ര കുമാർ സിങിന് 51328 വോട്ടും എൽജെപി സ്ഥാനാർത്ഥി രാജ്‌കുമാർ സിങിന് 47513 വോട്ടുമാണ് ലഭിച്ചിരിക്കുന്നത്.

9:22 PM IST

നന്ദിയുണ്ടെന്ന് ഒവൈസി

ബിഹാറിലെ ജനങ്ങൾക്ക് നന്ദിയെന്ന് എഐഎംഐഎം അധ്യക്ഷൻ അസദുദ്ദീൻ ഒവൈസി. ജനങ്ങൾക്ക് നൽകിയ വാഗ്‌ദാനം പാലിക്കുമെന്നും അദ്ദേഹം പറഞ്ഞു

8:44 PM IST

82 സീറ്റുകളിലെ ഫലം പ്രഖ്യാപിച്ചു

ബിഹാറിൽ 82 സീറ്റുകളിലെ ഫലം പ്രഖ്യാപിച്ചു

ആർജെഡി - 23

ബി ജെ പി - 23

ജെഡിയു - 15

8:44 PM IST

അട്ടിമറിക്ക് ശ്രമമെന്ന് ആർജെഡി

അട്ടിമറിക്ക് ശ്രമമെന്ന് ആർജെഡി. റിട്ടേണിംഗ് ഓഫീസർമാരെ ഭീഷണിപ്പെടുത്തുന്നുവെന്നും ആരോപണമുണ്ട്.  ആർജെഡി തെരഞ്ഞെടുപ്പ് കമ്മീഷന് പരാതി നൽകും. 12 സീറ്റുകളിൽ അട്ടിമറിക്ക് ശ്രമമെന്നാണ് പരാതി

8:33 PM IST

വീണ്ടും ലീഡെടുത്ത് എൻഡിഎ

ബിഹാറിൽ ലീഡ് നില വീണ്ടും മാറി. എൻഡിഎ 126 സീറ്റിലേക്ക് മുന്നേറിയപ്പോൾ മഹാസഖ്യം 110 സീറ്റിലേക്ക് താഴ്ന്നു

8:19 PM IST

എണ്ണിത്തീർന്നത് 3.40 കോടി വോട്ട്, എണ്ണാനുള്ളത് ലക്ഷങ്ങൾ

രാവിലെ എട്ട് മണിക്ക് തുടങ്ങിയ ബിഹാറിലെ വോട്ടെണ്ണൽ 12 മണിക്കൂർ പിന്നിടുകയാണ്. ഇതുവരെ 3.40 കോടി വോട്ടെണ്ണി. ആകെ വോട്ടുകൾ 4. 10 കോടിയാണ്. ഇനി 70 ലക്ഷം വോട്ടുകൾ എണ്ണാനുണ്ട്.

8:14 PM IST

തേജ് പ്രതാപ് യാദവ് വിജയിച്ചു

ബിഹാറിലെ ഹസൻപൂർ മണ്ഡലത്തിൽ നിന്ന് ജനവിധി തേടിയ തേജ് പ്രതാപ് യാദവ് വിജയിച്ചു

8:09 PM IST

ലീഡ് നില 122-114

വോട്ടെണ്ണൽ പുരോഗമിക്കുമ്പോൾ ബിഹാറിൽ ലീഡ് നില മാറിമറിയുകയാണ്. 122 സീറ്റിൽ എൻഡിഎയും 114 സീറ്റിൽ മഹാസഖ്യവും മുന്നിലാണ്

8:06 PM IST

സിപിഎം സ്ഥാനാർത്ഥിക്ക് ലീഡ് നഷ്ടമായി

മതിഹനിയിലെ സിപിഎം സ്ഥാനാർത്ഥി ഡോ രാജേന്ദ്ര പ്രസാദ് യാദവിന് നേരത്തെയുണ്ടായിരുന്ന ലീഡ് നഷ്ടമായി. എന്നാൽ ഇവിടെ വോട്ടെണ്ണൽ പൂർത്തിയാകാൻ ഇനിയും പത്ത് റൗണ്ട് കൂടി കഴിയണം. അതിനാൽ തിരിച്ച് വരാനുള്ള സാധ്യതയുമുണ്ട്.

8:01 PM IST

എൻഡിഎ വിട്ട എൽജെപി സംപൂജ്യരായി

എൻഡിഎയിൽ നിന്ന് സീറ്റ് തർക്കത്തെ തുടർന്ന് വിട്ടുമാറിയ ചിരാഗ് പാസ്വാന്റെ എൽജെപിക്ക് തെരഞ്ഞെടുപ്പിൽ കനത്ത തോൽവി. പാർട്ടി നിരവധി സീറ്റുകളിൽ മത്സരിച്ചെങ്കിലും ഒരിടത്ത് പോലും വിജയിക്കാനായില്ല. അതേസമയം പല മണ്ഡലങ്ങളിലും എൻഡിഎ സ്ഥാനാർത്ഥികളുടെ വോട്ടിൽ വിള്ളൽ വീഴ്ത്താൻ എൽജെപിക്ക് സാധിച്ചു. കേവല ഭൂരിപക്ഷം തൊട്ടു-തൊട്ടില്ല എന്ന മട്ടിൽ നിൽക്കുന്ന എൻഡിഎക്കും എൽജെപി മുന്നണി വിട്ടത് വലിയ തിരിച്ചടിയായി.

7:56 PM IST

പല മണ്ഡലങ്ങളിലും വോട്ടെണ്ണൽ പൂർത്തിയായി

ബിഹാറിൽ പല മണ്ഡലങ്ങളിലും വോട്ടെണ്ണൽ പൂർത്തിയായി. എന്നാൽ ഫലപ്രഖ്യാപനം നടത്തിയിട്ടില്ല. 

7:49 PM IST

തെരഞ്ഞെടുപ്പ് കമ്മീഷനെതിരെ ആർജെഡി

ചില മണ്ഡലങ്ങളിലെ ഫലം മന:പൂർവ്വം വൈകിക്കുന്നുവെന്ന് ആർജെഡി. തെരഞ്ഞെടുപ്പ് കമ്മീഷൻ്റെ നടപടികൾ സുതാര്യമല്ല. അട്ടിമറികൾ നടന്നില്ലെങ്കിൽ വിജയം ഉറപ്പെന്ന് ആർജെഡി ദേശീയ വക്താവ് മനോജ് ഝാ.

7:27 PM IST

ലീഡ് നില ഒറ്റനോട്ടത്തിൽ

7:27 PM IST

എൻഡിഎയുടെ മേൽക്കോയ്മ നഷ്ടമായി

ബിഹാറിൽ വോട്ടെണ്ണൽ അവസാന ഘട്ടത്തിലേക്ക് കടക്കുമ്പോൾ എൻഡിഎ ക്യാംപിൽ ആശങ്ക. മുന്നണിക്കുണ്ടായിരുന്ന ലീഡ് നഷ്ടപ്പെട്ടു. ഇപ്പോൾ 119 സീറ്റിലാണ് എൻഡിഎ മുന്നേറ്റം. 116 സീറ്റ് നേടിയ മഹാസഖ്യം തൊട്ടുപുറകിലുണ്ട്. ഇതോടെ ബിജെപി ക്യാംപിൽ ചർച്ചകൾ തുടങ്ങി.

7:08 PM IST

തേജസ്വി യാദവിന്റെ വീടിന് മുന്നിൽ ആഹ്ലാദ പ്രകടനം

ആർജെഡി നേതാവ് തേജസ്വി യാദവിൻ്റെ വീടിന്റെ മുൻപിൽ വീണ്ടും ആഹ്ലാദ പ്രകടനം. ആർജെഡിയുടെ ലീഡുയരുന്നതോടെ  കൂടുതൽ പ്രവർത്തകരെത്തുന്നുണ്ട്.

7:05 PM IST

നിതീഷ് കുമാറിനെ ബിജെപി നേതാക്കൾ കാണാനെത്തി

തെരഞ്ഞെടുപ്പ് വോട്ടെണ്ണൽ 75 ശതമാനം പൂർത്തിയായതോടെ ബിഹാറിലെ ബിജെപി നേതാക്കൾ നിതീഷ് കുമാറിനെ കാണാനെത്തി

7:05 PM IST

ഇനി ബാക്കിയുള്ളത് 25 ശതമാനം വോട്ട്

ബിഹാറിൽ ഇനി എണ്ണാനുള്ളത് 25 ശതമാനം വോട്ട്. 75 ശതമാനം വോട്ട് എണ്ണിക്കഴിഞ്ഞെന്ന് തെരഞ്ഞെടുപ്പ് കമ്മീഷൻ അറിയിച്ചു.

6:59 PM IST

എൻഡിഎ @ 121

ബിഹാറിൽ മുന്നിലുള്ള എൻഡിഎക്ക് കേവല ഭൂരിപക്ഷം നിലനിർത്താൻ സാധിക്കുമോയെന്നത് ചോദ്യമാണ്. 121 സീറ്റിലാണ് മുന്നണി മുന്നിലുള്ളത്. കേവല ഭൂരിപക്ഷത്തിന് 122 സീറ്റ് വേണം. 73 സീറ്റിൽ ബിജെപിയും 41 സീറ്റിൽ ജെഡിയുവും നാല് സീറ്റിൽ വിഐപിയും മൂന്ന് സീറ്റിൽ എച്ച്എഎമ്മും മുന്നിലുണ്ട്. ഇതിൽ പല സീറ്റിലും വിജയികളെ പ്രഖ്യാപിച്ചു.

6:57 PM IST

മഹാസഖ്യം @ 114

എൻഡിഎയുടെ പ്രതീക്ഷകളുടെ നിറംകെടുത്തി മഹാസഖ്യം മുന്നേറുന്നു. 76 ഇടത്ത് ആർജെഡിയും 20 ഇടത്ത് കോൺഗ്രസും 18 ഇടത്ത് ഇടതുപാർട്ടികളും മുന്നിലാണ്. പല സീറ്റുകളും ഇവർ വിജയിച്ചു.

6:48 PM IST

കേവലഭൂരിപക്ഷം തൊടാതെ മുന്നണികൾ; 120-115

ബീഹാറിൽ എൻഡിഎയും മഹാസഖ്യവും തമ്മിലെ സീറ്റ് വ്യത്യാസം വീണ്ടും കുറഞ്ഞു. 120 ഇടത്താണ് എൻഡിഎ ലീഡ് ചെയ്യുന്നത്. മഹാസഖ്യം 115 ഇടത്ത് ലീഡ് ചെയ്യുന്നുണ്ട്. കേവല ഭൂരിപക്ഷത്തിന് 122 സീറ്റ് വേണം.

6:48 PM IST

31 മണ്ഡലങ്ങളിൽ വോട്ട് വ്യത്യാസം ആയിരത്തിൽ താഴെ

ബിഹാറിൽ ആയിരം വോട്ടിൽ താഴെ ലീഡുള്ളത് 31 മണ്ഡലങ്ങളിലാണ്. ഇത് മുന്നണികൾക്ക് വലിയ ആശങ്കയാണ്. അയ്യായിരം വരെ വോട്ട് വ്യത്യാസം 101 മണ്ഡലങ്ങളിലുണ്ട്. ഇതും എപ്പോൾ വേണമെങ്കിലും മാറിമറിയാം എന്ന നിലയിലാണ്.

6:41 PM IST

20 സീറ്റുകളിൽ ഫലം പ്രഖ്യാപിച്ചു

20 സീറ്റുകളിൽ ഫലം പ്രഖ്യാപിച്ചപ്പോൾ ആർജെഡിയും ബിജെപിയും ആറ് വീതം സീറ്റുകളിൽ വിജയം നേടി. കോൺഗ്രസ്, ജെഡിയു, വിഐപി പാർട്ടികൾക്ക് രണ്ട് വീതം സീറ്റുകളിൽ ജയിക്കാനായി. സിപിഎമ്മും എഐഎംഐഎമ്മും ഓരോ സീറ്റുകളിൽ വിജയിച്ചു.

6:11 PM IST

സിപിഐയുടെ ലീഡ് രണ്ട് സീറ്റിലേക്കായി

ബിഹാറിൽ മഹാസഖ്യത്തിനൊപ്പം മത്സരിച്ച സിപിഐ നിലവിൽ രണ്ട് സീറ്റിലാണ് മുന്നിലുള്ളത്. ആറ് സീറ്റിലാണ് പാർട്ടി മത്സരിച്ചത്.

6:11 PM IST

എണ്ണിത്തീർന്നത് 60 ശതമാനത്തിലേറെ വോട്ടുകൾ

ബിഹാറിൽ 60 ശതമാനത്തിലേറെ വോട്ടുകൾ എണ്ണിത്തീർന്നു. 

6:08 PM IST

അഞ്ചു സീറ്റുകളിൽ എഐഎംഐഎം മുന്നിൽ

അസദുദ്ദീൻ ഒവൈസിയുടെ പാർട്ടിയായ എഐഎംഐഎം ബിഹാറിൽ അഞ്ചു സീറ്റുകളിൽ മുന്നേറുന്നു. കൊച്ചാധം, അമൂർ, ജോക്കിഹാത്, ബൈസി, ബഹാദുർഗഞ്ച് എന്നീ മണ്ഡലങ്ങളിലാണ് മുന്നേറുന്നത്.

6:06 PM IST

ലീഡ് നില ഒറ്റ നോട്ടത്തിൽ

ബിഹാറിലെ ഏറ്റവും പുതിയ ലീഡ് നില ഇങ്ങനെ

5:59 PM IST

ആർജെഡി @ 75; വലിയ ഒറ്റക്കക്ഷി

ബിഹാറിലെ ലീഡ് നില മാറിമറിഞ്ഞപ്പോൾ ആർജെഡിക്ക് മുന്നേറ്റം. 75 സീറ്റിൽ ആർജെഡി മുന്നിലെത്തി. വലിയ ഒറ്റക്കക്ഷിയുമായി. ബിജെപിക്ക് 72 സീറ്റിലാണ് ലീഡുള്ളത്. ആയിരത്തിൽ കുറവ് ലീഡ് നിലയുള്ള 34 സീറ്റുകളാണ് ഇനി ഭാവി നിശ്ചയിക്കുക.

5:59 PM IST

ആര് ഭരിക്കുമെന്ന് ആ 32 സീറ്റുകൾ തീരുമാനിക്കും

ബിഹാറിൽ വോട്ടെണ്ണൽ പുരോഗമിക്കുകയാണ്. കൊവിഡ് പശ്ചാത്തലത്തിൽ മന്ദഗതിയിലാണ് നടപടികൾ പുരോഗമിക്കുന്നത്. 32 സീറ്റുകളിൽ ഭൂരിപക്ഷം ആയിരത്തിൽ താഴെയാണ്.

5:59 PM IST

ആർജെഡിയും ബിജെപിയും ഒപ്പത്തിനൊപ്പം

ബിഹാറിൽ ആർജെഡിയും ബിജെപിയും ഒപ്പത്തിനൊപ്പം മുന്നേറുന്ന കാഴ്ച. വോട്ടെണ്ണൽ പുരോഗമിക്കുമ്പോൾ ആർജെഡി 72 സീറ്റിലും ബിജെപി 73 സീറ്റിലുമാണ് മുന്നിൽ. എൻഡിഎ കേവല ഭൂരിപക്ഷത്തിന് താഴെയെത്തി

5:54 PM IST

എൻഡിഎ ലീഡ് ഇടിഞ്ഞു, നില മെച്ചപ്പെടുത്തി മഹാസഖ്യം

ബിഹാറിൽ വോട്ടെണ്ണൽ പുരോഗമിക്കുമ്പോൾ ഇതുവരെ മുന്നിലായിരുന്ന എൻഡിഎക്ക് തിരിച്ചടി. മുന്നണിക്ക് പല മണ്ഡലങ്ങളിലും ലീഡ് നഷ്ടപ്പെട്ടു. കേവല ഭൂരിപക്ഷത്തിനും താഴെയാണ് ഇപ്പോൾ എൻഡിഎ ഉള്ളത്. നില മെച്ചപ്പെടുത്തി മഹാസഖ്യം മുന്നോട്ട് പോകുന്നു.

5:45 PM IST

സന്തോഷമറിയിച്ച് പ്രധാനമന്ത്രിയും അമിത് ഷായും

ബിഹാറിലെ ബിജെപി മുന്നേറ്റത്തിൽ സന്തോഷമറിയിച്ച് പ്രധാനമന്ത്രി നരേന്ദ്ര മോദിയും കേന്ദ്ര ആഭ്യന്തര മന്ത്രി അമിത് ഷായും. ഇരുവരും പാർട്ടി പ്രവർത്തകരെ അഭിനന്ദനം അറിയിച്ചതായി സംസ്ഥാന നേതൃത്വം വ്യക്തമാക്കി

5:38 PM IST

ബിജെപി മൂന്ന് സീറ്റിൽ വിജയിച്ചു

ബിഹാറിൽ തെരഞ്ഞെടുപ്പ് ഫലം പുറത്തുവരുമ്പോൾ ബിജെപി മൂന്ന് സീറ്റിൽ വിജയിച്ചിട്ടുണ്ട്. 

5:33 PM IST

നിതീഷ് കുമാറിനെ അമിത് ഷാ വിളിച്ചു?

കേന്ദ്ര ആഭ്യന്തര മന്ത്രിയും ബിജെപി മുൻ ദേശീയ അധ്യക്ഷനുമായ അമിത് ഷാ, ബിഹാർ മുഖ്യമന്ത്രി നിതീഷ് കുമാറിനെ വിളിച്ചതായി റിപ്പോർട്ട്‌. തെരഞ്ഞെടുപ്പിൽ എൻഡിഎ ലീഡെടുത്തതിന് പിന്നാലെയാണ് അമിത് ഷാ ഫോൺ വഴി നിതീഷ് കുമാറുമായി സംസാരിച്ചത്.

5:23 PM IST

ആയിരത്തിൽ താഴെ ലീഡുള്ള മണ്ഡലങ്ങൾ ഇവ

ബിഹാറിൽ വോട്ടെണ്ണൽ പുരോഗമിക്കുമ്പോൾ ആയിരത്തിൽ താഴെ മാത്രം ലീഡുകളുള്ള ചില മണ്ഡലങ്ങൾ ഒറ്റനോട്ടത്തിൽ

5:20 PM IST

24 സീറ്റുകൾ നിർണായകം

ബിഹാറിൽ വോട്ടെണ്ണൽ പുരോഗമിക്കുമ്പോൾ മുന്നണികൾക്ക് പ്രതീക്ഷയും ആശങ്കയുമാവുകയാണ് 24 സീറ്റുകൾ. ഇവിടെ ലീഡ് നില ആയിരത്തിൽ താഴെയാണ്. ഓരോ റൗണ്ട് വോട്ടെണ്ണൽ പുരോഗമിക്കുമ്പോഴും മുന്നണികൾ ആശങ്കയോടെയാണ് ഫലം നോക്കുന്നത്.

5:16 PM IST

എട്ട് സീറ്റിൽ വിജയികളെ പ്രഖ്യാപിച്ചു

ബിഹാറിലെ അസംബ്ലി തെരഞ്ഞെടുപ്പിൽ എട്ട് സീറ്റുകളിലെ വിജയികളെ പ്രഖ്യാപിച്ചു. ബിജെപി, ആർജെഡി, ജെഡിയു എന്നീ കക്ഷികൾ രണ്ട് വീതം സീറ്റിലും കോൺഗ്രസ്, വിഐപി പാർട്ടികൾ ഓരോ സീറ്റിലും വിജയിച്ചതായി തെരഞ്ഞെടുപ്പ് കമ്മീഷൻ വ്യക്തമാക്കി.

5:09 PM IST

ലീഡ് നില മാറിമറിയുന്നു

ബിഹാറിൽ വോട്ടെണ്ണൽ പുരോഗമിക്കുമ്പോൾ പല മണ്ഡലങ്ങളിലെയും ശക്തമായ പോരാട്ടം ലീഡ് നിലയിലെ മാറ്റത്തിന് കാരണമാകുന്നു. ബിജെപി, ആർജെഡി, ജെഡിയു, കോൺഗ്രസ്, സിപിഐ എംഎൽ എന്നിവരുടെ സീറ്റുകളിലാണ് ലീഡ് ഓരോ റൗണ്ട് കഴിയുമ്പോഴും മാറുന്നത്.

5:08 PM IST

രണ്ട് സീറ്റുകളിൽ കൂടി ലീഡെടുത്ത് ആർജെഡി

രണ്ട് സീറ്റുകളിൽ കൂടി ആർജെഡി ലീഡെടുത്തു. ഇതോടെ സീറ്റ് നില ലീഡടക്കം 72 ആയി. എന്നാൽ സിപിഐഎംഎല്ലിന് ഒരിടത്ത് ലീഡ് നഷ്ടമായി. ഇതോടെ മഹാസഖ്യത്തിന് 110 സീറ്റിലാണ് മേൽക്കൈയുള്ളത്.

5:05 PM IST

മഹാസഖ്യം @ 109

ബിഹാറിൽ വോട്ടെണ്ണൽ തുടരുമ്പോൾ മഹാസഖ്യത്തിന് നിലവിൽ മുൻതൂക്കമുള്ളത് 107 ഇടങ്ങളിൽ. കേവല ഭൂരിപക്ഷത്തിന് ഇനിയും 13 സീറ്റുകളിൽ സഖ്യം മുന്നേറേണ്ടതുണ്ട്. ആർജെഡി 70, കോൺഗ്രസ് 20, സിപിഐ എംഎൽ 13, സിപിഐ 03, സിപിഎം 03 എന്നിങ്ങനെയാണ് കക്ഷികളുടെ ലീഡ് നില

5:00 PM IST

ജെഡിയുവിന്റെ നില പരുങ്ങലിൽ

ബിഹാറിൽ നിതീഷ് കുമാറിന്റെ പാർട്ടിക്ക് കനത്ത തിരിച്ചടിയാണ് ഈ തെരഞ്ഞെടുപ്പ്. രണ്ട് സീറ്റിൽ വിജയിച്ച അവർ 38 സീറ്റിലാണ് ഇപ്പോൾ ലീഡ് നിലനിർത്തിയിരിക്കുന്നത്

5:00 PM IST

രണ്ട് വിജയം, 68 ഇടത്ത് ലീഡ്; മുന്നോട്ടാഞ്ഞ് ആർജെഡി

ബിഹാറിൽ ആർജെഡി വീണ്ടും ലീഡുയർത്തി. അസംബ്ലി തെരഞ്ഞെടുപ്പിൽ 144 ലേറെ സീറ്റുകളിൽ മത്സരിച്ച ആർജെഡി ഇപ്പോൾ രണ്ട് സീറ്റിൽ വിജയിക്കുകയും 68 സീറ്റിൽ മുന്നേറുകയും ചെയ്യുന്നു.

4:53 PM IST

ബിഹാറിൽ ഇടതുപക്ഷം തിരിച്ചുവരവിന്റെ പാതയിലോ?

ഒരു കാലത്ത് ബിഹാറിലെ നിർണായക സ്വാധീനമായിരുന്ന ഇടതുപാർട്ടികൾക്ക് പിന്നീട് വലിയ നഷ്ടമാണ് സംഭവിച്ചത്. അവസാനത്തെ രണ്ട് തെരഞ്ഞെടുപ്പുകളെടുത്താൽ ഈ ചിത്രം കൂടുതൽ വ്യക്തമാകും. 2010 ൽ സിപിഐക്ക് മാത്രമായിരുന്നു അസംബ്ലിയിൽ പ്രാതിനിധ്യം ഉണ്ടായിരുന്നത്, അതും ഒരൊറ്റ സീറ്റ്. 2015 ൽ സിപിഐ എംഎല്ലിന് മാത്രമായി സീറ്റ്, അതും മൂന്ന് മാത്രം. ആ സ്ഥാനത്താണ് ഇപ്പോൾ മഹാസഖ്യത്തിനൊപ്പം മത്സരിച്ച 29 ൽ 19 സീറ്റുകളിൽ ഇടത് സ്ഥാനാർത്ഥികൾ മുന്നേറുന്നത്. സിപിഐഎംഎൽ മത്സരിച്ച 19 ൽ 13 സീറ്റുകളിൽ അവർ മുന്നിലാണ്. സിപിഎം മത്സരിച്ച നാലിൽ മൂന്നിടത്ത് അവർ മുന്നിലാണ്. സിപിഐ മത്സരിച്ച ആറിൽ മൂന്നിടത്ത് അവരും മുന്നിലാണ്. സംസ്ഥാന രാഷ്ട്രീയത്തിൽ അടുത്ത അഞ്ച് വർഷം കൊണ്ട് കൂടുതൽ സ്വാധീനം നേടിയെടുക്കാൻ ഇടത് പാർട്ടികൾക്ക് സാധിക്കുമോ എന്ന ചോദ്യം അവശേഷിക്കുന്നു.

4:41 PM IST

ബിഹാറിലെ ലീഡ് നില ഒറ്റനോട്ടത്തിൽ

കൊവിഡ് നിയന്ത്രണങ്ങൾ പാലിച്ച് നടക്കുന്ന വോട്ടെണ്ണലായതിനാൽ നടപടി ക്രമങ്ങൾ മന്ദഗതിയിലാണ്. ഫലപ്രഖ്യാപനവും വൈകുമെന്നാണ് വിവരം. നിലവിൽ മൂന്ന് സീറ്റുകളിലെ ഫലം മാത്രമാണ് പുറത്തുവന്നത്. അതിൽ രണ്ട് സീറ്റുകളിൽ ജെഡിയുവും ഒരു സീറ്റിൽ ആർജെഡിയും വിജയിച്ചു. നിലവിലെ സീറ്റുകളിലെ ലീഡ് നില ഒറ്റനോട്ടത്തിൽ

4:41 PM IST

രണ്ട് സീറ്റിൽ വിജയിച്ച് ജെഡിയു

ബിഹാർ നിയമസഭ തെരഞ്ഞെടുപ്പിൽ രണ്ട് സീറ്റിൽ നിതീഷ് കുമാറിന്റെ പാർട്ടിയായ ജെഡിയു വിജയിച്ചു. 41 സീറ്റുകളിൽ ജെഡിയു സ്ഥാനാർത്ഥികൾ മുന്നിലുണ്ട്. കഴിഞ്ഞ തെരഞ്ഞെടുപ്പിനെ അപേക്ഷിച്ച് വലിയ തിരിച്ചടിയാണ് ജെഡിയുവിന് സംസ്ഥാനത്ത് ഉണ്ടായത്.

4:30 PM IST

ഗ്വാളിയോറിന്റെ തലവൻ താൻ തന്നെയെന്ന് തെളിയിച്ച് സിന്ധ്യ

സിന്ധ്യക്കൊപ്പം ബിജെപിയിൽ ചേക്കേറിയ എംഎൽഎമാർ കൂറുമാറ്റ നിരോധന നിയമപ്രകാരം രാജിവച്ച സീറ്റുകളിലേക്കാണ് മധ്യപ്രദേശിൽ വീണ്ടും തെരഞ്ഞെടുപ്പ് നടത്തിയത്. ഗ്വാളിയോർ രാജകുടുംബാംഗമായ സിന്ധ്യയുടെ ബിജെപിയിലെ സ്വാധീനം ഉറപ്പിക്കുന്നതിന് ഏറെ പ്രധാനമായിരുന്നു ഈ മാറ്റം. കോൺഗ്രസിലെ സംസ്ഥാന നേതൃനിരയിൽ രണ്ടാം സ്ഥാനത്തായിരുന്ന സിന്ധ്യക്ക് ബിജെപിയിലെ സംസ്ഥാന നേതൃനിരയിൽ സ്വാധീനം നേടാൻ വളരെ പ്രധാനപ്പെട്ട തെരഞ്ഞെടുപ്പായിരുന്നു ഇത്. ഉപതെരഞ്ഞെടുപ്പ് നടന്ന 28 മണ്ഡലങ്ങളിൽ 20 തിലും ബിജെപി ലീഡ് ചെയ്യുകയാണ്. മേഖലയിൽ വൻ വിജയം നേടാനായാൽ സിന്ധ്യക്ക് ആശ്വസിക്കാം. ഗ്വാളിയോറിന്റെ കിരീടം വെക്കാത്ത രാജാവായി മാറും സിന്ധ്യ.

4:19 PM IST

രാഷ്ട്രീയ ഗോദയിൽ രണ്ടാം വട്ടവും യോഗേശ്വർ ദത്തിന് തോൽവി

ഒളിംപിക്സിലടക്കം ഇന്ത്യയുടെ അഭിമാന താരമായിരുന്ന യോഗേശ്വർ ദത്ത് വീണ്ടുമൊരിക്കൽ കൂടി ഹരിയാനയിലെ തെരഞ്ഞെടുപ്പ് ഗോദയിലിറങ്ങി വമ്പൻ പരാജയം ഏറ്റുവാങ്ങിയിരിക്കുകയാണ്. 

വാർത്ത വായിക്കാം

ഹരിയാനയില്‍ ബിജെപിക്ക് വേണ്ടി ഗോദയിലിറങ്ങിയ യോഗേശ്വര്‍ ദത്തിന് പരാജയം ...

4:10 PM IST

നാലിടത്ത് മുന്നേറി ഒവൈസിയുടെ പാർട്ടി

തെലങ്കാനയിൽ നിന്ന് ഇന്ത്യൻ പാർലമെന്റിലെത്തി ന്യൂനപക്ഷ വിഭാഗത്തിന്റെ ശക്തമായ ശബ്ദവും സാന്നിധ്യവുമായി മാറിയ അസദുദ്ദീൻ ഒവൈസിയുടെ എഐഎംഐഎമ്മിന് ബിഹാർ തെരഞ്ഞെടുപ്പിൽ അഭിമാനകരമായ മുന്നേറ്റം. നിലവിൽ നാല് സീറ്റുകളിലാണ് ഒരു മുന്നണിയുടെയും പിന്തുണയില്ലാതെ മത്സരിച്ച ഒവൈസിയും സംഘവും മുന്നേറുന്നത്.

4:08 PM IST

ലീഡുയർത്തി ബിജെപി

ബിഹാറിൽ ഇപ്പോഴത്തെ ലീഡ് നില അനുസരിച്ച് ബിജെപിക്ക് 77 സീറ്റിൽ മേൽക്കൈയുണ്ട്. അതേസമയം ഇടതുപക്ഷത്തെ പ്രധാന പാർട്ടിയായിരുന്ന സിപിഐഎംഎൽ ലിബറേഷന്റെ ലീഡ് നില 11 ലേക്ക് താഴ്ന്നു. ഒരു ഘട്ടത്തിൽ 14 വരെയെത്തിയ ശേഷമാണ് 11 ലേക്ക് താഴ്ന്നത്.

4:10 PM IST

അതിനിര്‍ണായകമായി 23 സീറ്റ്; ലീഡ് അഞ്ഞൂറില്‍ താഴെ മാത്രം

ബിഹാര്‍ വോട്ടെണ്ണല്‍ പുരോഗമിക്കുമ്പോള്‍ ഇതുവരയുള്ള കണക്ക് പ്രകാരം ബിജെപിയുടെ നേതൃത്വത്തില്‍ എൻഡിഎ മുന്നേറ്റം പ്രകടമാണെങ്കിലും ഫലം ഉറപ്പിക്കാവുന്ന സ്ഥിതി ബിഹാറിലായിട്ടില്ലെന്നാണ് വ്യക്തമാകുന്നത്. ബിഹാറില്‍ അതിനിര്‍ണായകമാകു 23 സീറ്റാണ്. ഇവിടെ അഞ്ഞൂറില്‍ താഴെ മാത്രം ലീഡാണ് സ്ഥാനാര്‍ത്ഥികൾക്കുള്ളത്. ഏഴ് മണ്ഡലങ്ങളിൽ വോട്ട് വ്യത്യാസം ഇരുന്നൂറില്‍ താഴെ മാത്രമാണ്.

3:51 PM IST

ബിഹാറിൽ ആദ്യ വിജയം പ്രഖ്യാപിച്ചു, ആര്‍ജെഡിക്ക് മധുരം

എട്ട് മണിക്ക് തുടങ്ങിയ ബിഹാര്‍ വോട്ടെണ്ണല്‍ എട്ടാംമണിക്കൂറിലേക്ക് കടക്കുമ്പോള്‍ തെരഞ്ഞെടുപ്പ് കമ്മീഷൻ ആദ്യവിജയം പ്രഖ്യാപിച്ചു. ആര്‍ജെഡിക്കാണ് ആദ്യവിജയം. ദർഭംഗ റൂറലിൽ ആര്‍ജെഡിയുടെ ലളിത് യാദവ് വിജയിച്ചതായാണ് കമ്മീഷൻ പ്രഖ്യാപിച്ചത്

3:45 PM IST

പറ്റ്നയില്‍ ബിജെപി ആഘോഷം

ബിഹാറില്‍ ഇതുവരെയുള്ള വോട്ടെണ്ണലില്‍ മുന്നിലെത്തിയതോടെ ബിജെപി പ്രവര്‍ത്തകര്‍ ആഘോഷവുമായി തെരുവിലിറങ്ങി. പറ്റ്നയിലാണ് പ്രവര്‍ത്തകരുടെ വലിയ ആഘോഷം നടക്കുന്നത്. മഹിളാ മോ‍ർച്ച പ്രവര്‍ത്തകരും ആഘോഷവുമായി തെരുവുകളിലുണ്ട്.

3:33 PM IST

മിഥിലാഞ്ചലില്‍ എൻഡിഎ ആധിപത്യം; മഗധയില്‍ മഹാസഖ്യം

ബിഹാര്‍ തെരഞ്ഞെടുപ്പില്‍ മിഥിലാഞ്ചല്‍ മേഖലയില്‍ എൻഡിഎയുടെ ആധിപത്യം. ഇവിടത്തെ 60 സീറ്റ്‌ കളിൽ 43 ഇടത്തും എൻഡിഎ സ്ഥാനാര്‍ത്ഥികളാണ് മുന്നേറുന്നത്. അതേസമയം മഗധ മേഖലയില്‍ മഹാസഖ്യത്തിന് മേല്‍ക്കൈ. 61 മണ്ഡലങ്ങളിൽ 34 ഇടത്തും മഹാ സഖ്യ സ്ഥാനാര്‍ത്ഥികള്‍ മുന്നേറുകയാണ്

3:20 PM IST

എട്ടാം മണിക്കൂറില്‍ വോട്ടെണ്ണല്‍, മുൻതൂക്കം എൻഡിഎക്ക്

എട്ട് മണിക്ക് തുടങ്ങിയ ബിഹാര്‍ വോട്ടെണ്ണല്‍ എട്ടാംമണിക്കൂറിലേക്ക് കടക്കുമ്പോള്‍ ബിജെപിയുടെ നേതൃത്വത്തില്‍ എൻഡിഎ സഖ്യമാണ് മുന്നില്‍. 73 സീറ്റില്‍ മുന്നേറുന്ന ബിജെപിയുടെ കരുത്തില്‍ എൻഡിഎ സഖ്യം അധികാരത്തിലേറാനുള്ള സാധ്യത ഏറിയിട്ടുണ്ട്. നിതീഷ് കുമാറിന്‍റെ ജെഡിയുവിന് 49 സീറ്റുകളിലാണ് മുന്നിലെത്താനായത്. അതേസമയം തേജസ്വി യാദവിന്‍റെ ആര്‍ജെഡി 66 സീറ്റിലാണ് ലീഡ് ചെയ്യുന്നത്. കോണ്‍ഗ്രസ് 21 സീറ്റിലും ഇടതുപക്ഷം 19 ഇടത്തും മുന്നേറുകയാണ്. എന്നാല്‍ തെരഞ്ഞെടുപ്പ് ഫലം ഉറപ്പിക്കാവുന്ന സ്ഥിതി ബിഹാറിലായിട്ടില്ലെന്നാണ് വ്യക്തമാകുന്നത്. 74 മണ്ഡലങ്ങളില്‍ ആയിരത്തില്‍ താഴെ മാത്രമാണ് ലീഡെന്നത് ഫലം അപ്രവചനീയമാക്കുന്നു


 

3:09 PM IST

ധാരണയിൽ മാറ്റമില്ല: നിതീഷ് തന്നെ മുഖ്യമന്ത്രിയെന്ന് ബിജെപി

ബിജെപി ജയം ഉറപ്പിച്ചെന്ന് സംസ്ഥാന അധ്യക്ഷൻ സഞ്ജയ് ജയ്സ്വാള്‍. നിതീഷ് കുമാർ തന്നെ മുഖ്യമന്ത്രിയെന്നും 
തെരഞ്ഞെടുപ്പിന് മുമ്പുള്ള ധാരണയിൽ മാറ്റമില്ലെന്നും സഞ്ജയ് ജയ്സ്വാൾ വ്യക്തമാക്കി

2:45 PM IST

എണ്ണിയത് 31 ശതമാനം; വോട്ട് വിഹിതത്തില്‍ ആര്‍ജെഡി മുന്നില്‍, ലീഡ് നിലയില്‍ ബിജെപി

എട്ട് മണിക്ക് തുടങ്ങിയ ബിഹാര്‍ വോട്ടെണ്ണല്‍ ഇതുവരെ എണ്ണിക്കഴിഞ്ഞത് 31 ശതമാനം വോട്ടുകൾ മാത്രം. 69 ശതമാനം വോട്ടുകൾ എണ്ണാനുള്ളതിനാല്‍ രാത്രി വൈകിമാത്രമേ ഫലം പുറത്തുവരു. ഇതുവരെ എണ്ണിയ വോട്ടുകളെ അടിസ്ഥാനപ്പെടുത്തിയുള്ള വോട്ട് വിഹിതത്തില്‍ ആര്‍ജെഡിയാണ് മുന്നില്‍. ആർജെഡി 23 ശതമാനം വോട്ടുകള്‍ നേടി. ബിജെപി 19.7 ശതമാനവും ജെഡിയു 15.51 ശതമാനവും കോൺഗ്രസ് 9.28 ശതമാനവും എൽജെപി 5.82 ശതമാനവും വോട്ടുകള്‍ സ്വന്തമാക്കിയിട്ടുണ്ട്. അതേസമയം സീറ്റുകളുടെ ലീഡ് നിലയില്‍ ബിജെപിയാണ് ഏറ്റവും മുന്നില്‍. ബിജെപി 73 സീറ്റില്‍ ലീഡ് ചെയ്യുമ്പോള്‍ ആര്‍ജെഡി 68 സീറ്റിലാണ് മുന്നിട്ടുനിൽക്കുന്നത്.

2:30 PM IST

സ്ഥിതി മാറും, വിജയപ്രതീക്ഷയെന്നും ആർജെഡി

ബിഹാര്‍ വോട്ടെണ്ണല്‍ 25 ശതമാനം മാത്രം പൂര്‍ത്തിയായ സാഹചര്യത്തില്‍ തെരഞ്ഞെടുപ്പ് ഫലസൂചനയായിട്ടില്ലെന്ന് ആര്‍ജെഡി. ബിജെപി മുന്നേറുന്ന നിലവിലെ സ്ഥിതി മാറുമെന്നും വിജയിക്കുമെന്ന പ്രതീക്ഷയുണ്ടെന്നും ആർജെഡി എംപി മനോജ് ഝാ അഭിപ്രായപ്പെട്ടു

 

2:13 PM IST

ഇവിഎം ക്രമക്കേടുണ്ടെന്ന് കോണ്‍ഗ്രസ്; ആരോപണം തള്ളി തെരഞ്ഞെടുപ്പ് കമ്മീഷൻ

ഇവിഎം ക്രമക്കേട് ആരോപണമുന്നയിച്ച് കോണ്‍ഗ്രസ് രംഗത്തെത്തി. ഉപഗ്രഹങ്ങള്‍ നിയന്ത്രിക്കാമെങ്കില്‍ വോട്ടിംഗ് മെഷിനെയും പറ്റുമെന്ന് കോണ്‍ഗ്രസ് നേതാവ് ഉദിത് രാജ് ആരോപിച്ചു. എന്നാല്‍ കോണ്‍ഗ്രസിന്‍റെ ആരോപണം തെരഞ്ഞെടുപ്പ് കമ്മീഷൻ തള്ളിക്കളഞ്ഞു.
സുപ്രീംകോടതി തള്ളിയ ആരോപണമാണ് ഇതെന്നും കമ്മീഷൻ ചൂണ്ടികാണിച്ചു

2:02 PM IST

ബിഹാറില്‍ നിര്‍ണായകം 74 മണ്ഡലങ്ങള്‍; ആയിരത്തില്‍ താഴെ മാത്രം ലീഡ് നില

എട്ട് മണിക്ക് തുടങ്ങിയ ബിഹാര്‍ വോട്ടെണ്ണല്‍ മന്ദഗതിയില്‍ പുരോഗമിക്കുമ്പോള്‍ ബിജെപിയുടെ നേതൃത്വത്തില്‍ എൻഡിഎ മുന്നേറ്റമാണ് ദൃശ്യമാകുന്നത്. എന്നാല്‍ തെരഞ്ഞെടുപ്പ് ഫലം ഉറപ്പിക്കാവുന്ന സ്ഥിതി ബിഹാറിലായിട്ടില്ലെന്നാണ് വ്യക്തമാകുന്നത്. 74 മണ്ഡലങ്ങളില്‍ ആയിരത്തില്‍ താഴെ മാത്രമാണ് ലീഡെന്നത് ഫലം അപ്രവചനീയമാക്കുന്നു. ഇതില്‍ തന്നെ 42 മണ്ഡലങ്ങളിൽ വോട്ട് വ്യത്യാസം അഞ്ഞൂറില്‍ താഴെ മാത്രമാണ്. ഏഴ് മണ്ഡലങ്ങളിൽ വോട്ട് വ്യത്യാസം ഇരുന്നൂറില്‍ താഴെ മാത്രമാണ്.

1:54 PM IST

ബിഹാര്‍ ഫലം രാത്രി വൈകി മാത്രം: ചീഫ് ഇലക്ട്‌റൽ ഓഫീസർ

ബീഹാർ വോട്ടെണ്ണൽ മന്ദഗതിയില്‍ നടക്കുന്നതിനാല്‍ ഫലം രാത്രി വൈകിയോടെ മാത്രമേ പുറത്തുവരു. നാലിൽ ഒന്ന് വോട്ടുകൾ മാത്രമേ എണ്ണിതീർന്നിട്ടുള്ളു എന്ന് ബീഹാർ ചീഫ് ഇലക്ട്‌റൽ ഓഫീസർ ശ്രീനിവാസ് അറിയിച്ചു. കൊവിഡ് പ്രോട്ടോകോൾ പാലിച്ചു വോട്ടെണ്ണൽ നടക്കുന്നതിനാലാണ് വോട്ടെണ്ണൽ പൂർത്തിയാകാൻ വൈകുന്നതെന്നും ബീഹാർ സിഇഒ വ്യക്തമാക്കി

1:18 PM IST

അന്തിമ ഫലം വൈകുമെന്ന് തെരഞ്ഞെടുപ്പ് കമ്മീഷൻ

എട്ട് മണിക്ക് തുടങ്ങിയ ബിഹാര്‍ വോട്ടെണ്ണല്‍ മന്ദഗതിയിലാണ് പുരോഗമിക്കുന്നത്. കൊവിഡ് പശ്ചാത്തലത്തില്‍ വോട്ടെണ്ണല്‍ വൈകുന്നുവെന്നാണ് മനസിലാകുന്നത്. വോട്ടെണ്ണല്‍ വൈകുന്നതിനാല്‍ അന്തിമഫലം വൈകുമെന്ന് തെരഞ്ഞെടുപ്പ് കമ്മീഷൻ അറിയിച്ചിട്ടുണ്ട്.

1:00 PM IST

വോട്ടെണ്ണൽ മന്ദഗതിയില്‍, എണ്ണിയത് 15 ശതമാനം വോട്ട് മാത്രം

എട്ട് മണിക്ക് തുടങ്ങിയ ബിഹാര്‍ വോട്ടെണ്ണല്‍ മന്ദഗതിയിലാണ് പുരോഗമിക്കുന്നത്. വോട്ടെണ്ണല്‍ തുടങ്ങിഅഞ്ച് മണിക്കൂര്‍ പിന്നിടുമ്പോള്‍ 15 ശതമാനം വോട്ടുകള്‍ മാത്രമാണ് എണ്ണിക്കഴിഞ്ഞതെന്നാണ് വ്യക്തമാകുന്നത്. ഇതുവരെയുള്ള ലീഡ് നില സൂചനയായി പരിഗണിച്ചാല്‍ ബിജെപി സഖ്യം അധികാരം തുടരുമെന്നാണ് വ്യക്തമാകുന്നത്.

 

12:50 AM IST

സീറ്റ് കുറഞ്ഞാലും മുഖ്യമന്ത്രി പദം പങ്കുവയ്ക്കില്ല; നിലപാട് വ്യക്തമാക്കി ബിഹാര്‍ ജെഡിയു അധ്യക്ഷൻ

രാഷ്ട്രീയ ഇന്ത്യ ഉറ്റുനോക്കുന്ന തെരഞ്ഞെടുപ്പില്‍ എൻഡിഎ സഖ്യം മുന്നേറുന്നതിനിടെ ബിഹാര്‍ ജെഡിയു സംസ്ഥാന അധ്യക്ഷൻ നിലപാട് വ്യക്തമാക്കി രംഗത്തെത്തി. നിതീഷ് തന്നെയാകും അടുത്ത മുഖ്യമന്ത്രിയെന്നും പങ്കുവയ്ക്കലുണ്ടാകില്ലെന്നും അദ്ദേഹം അറിയിച്ചു. 
ജനവിധി നിതീഷിന്‍റെ ജയമാണ്. മോദി തന്ന ഉറപ്പ് ബി ജെ പി പാലിക്കുമെന്ന് വിശ്വാസമുണ്ട്. എൽജെപിയെ മുന്നണിയിലെടുക്കില്ലെന്നും ജെഡിയു ബീഹാർ അധ്യക്ഷൻ ഏഷ്യാനെറ്റ് ന്യൂസിനോട് പറഞ്ഞു.
 

12:38 PM IST

ഒന്നും ഉറപ്പിച്ചുപറയാനാകില്ല; 73 മണ്ഡലങ്ങളില്‍ ലീഡ് നില ആയിരത്തില്‍ താഴെ

എട്ട് മണിക്ക് തുടങ്ങിയ ബിഹാര്‍ വോട്ടെണ്ണല്‍ മന്ദഗതിയില്‍ പുരോഗമിക്കുമ്പോള്‍ ബിജെപിയുടെ നേതൃത്വത്തില്‍ എൻഡിഎ മുന്നേറ്റമാണ് ദൃശ്യമാകുന്നത്. എന്നാല്‍ തെരഞ്ഞെടുപ്പ് ഫലം ഉറപ്പിക്കാവുന്ന സ്ഥിതി ബിഹാറിലായിട്ടില്ലെന്നാണ് വ്യക്തമാകുന്നത്. 73 മണ്ഡലങ്ങളില്‍ ആയിരത്തില്‍ താഴെ മാത്രമാണ് ലീഡെന്നത് ഫലം അപ്രവചനീയമാക്കുന്നു. വോട്ടെണ്ണല്‍ തുടങ്ങി നാലരമണിക്കൂര്‍ പിന്നിടുമ്പോള്‍ മൂന്നിലൊന്ന് വോട്ടുകള്‍ മാത്രമാണ് എണ്ണിക്കഴിഞ്ഞതെന്നാണ് വ്യക്തമാകുന്നത്.

12:35 PM IST

ന്യൂനപക്ഷ വോട്ടുകള്‍ ഭിന്നിച്ചു, പ്രതീക്ഷിച്ച നേട്ടമില്ലെന്നും കുഞ്ഞാലിക്കുട്ടി

ബിഹാറിൽ പ്രതീക്ഷിച്ച നേട്ടം മഹാ സഖ്യത്തിന് ഉണ്ടായില്ലെന്ന് മുസ്ലീം ലീഗ് ദേശീയ ജനറൽ സെക്രട്ടറി പി കെ കുഞ്ഞാലിക്കുട്ടി എം പി അഭിപ്രായപ്പെട്ടു. ന്യൂനപക്ഷ വോട്ടുകൾ ഭിന്നിച്ചതായി കാണുന്നുവെന്നും അദ്ദേഹം ചൂണ്ടികാട്ടി. ഇന്ത്യൻ രാഷ്ട്രീയം ഭാവിയിൽ ബി ജെ പിക്ക് സുഖകരമാവില്ലെന്ന സൂചനയും ബിഹാറിൽ നിന്നും വരുന്നുണ്ടെന്നും കുഞ്ഞാലിക്കുട്ടി അഭിപ്രായപ്പെട്ടു

12:25 PM IST

വോട്ടെണ്ണൽ മന്ദഗതിയില്‍, എണ്ണിയത് മൂന്നിലൊന്ന് വോട്ടുമാത്രം

എട്ട് മണിക്ക് തുടങ്ങിയ ബിഹാര്‍ വോട്ടെണ്ണല്‍ മന്ദഗതിയിലാണ് പുരോഗമിക്കുന്നത്. വോട്ടെണ്ണല്‍ തുടങ്ങി നാലരമണിക്കൂര്‍ പിന്നിടുമ്പോള്‍ മൂന്നിലൊന്ന് വോട്ടുകള്‍ മാത്രമാണ് എണ്ണിക്കഴിഞ്ഞതെന്നാണ് വ്യക്തമാകുന്നത്. ഇതുവരെയുള്ള ലീഡ് നില സൂചനയായി പരിഗണിച്ചാല്‍ ബിജെപി സഖ്യം അധികാരം തുടരുമെന്നാണ് വ്യക്തമാകുന്നത്.
 

12:24 AM IST

ബിജെപിയുടെ കുതിപ്പ്; ജെഡിയു കിതച്ചു, ആര്‍ജെഡിക്ക് മെച്ചം, കോണ്‍ഗ്രസിന് നിരാശ, ഇടതുപക്ഷത്തിന് നേട്ടം

ബിഹാർ തെരഞ്ഞെടുപ്പ് പോരാട്ടത്തില്‍ ഭരണമുറപ്പിച്ച് ബിജെപിയുടെ മുന്നേറ്റം. 74 സീറ്റില്‍ മുന്നേറുന്ന ബിജെപിയുടെ കരുത്തില്‍ എൻഡിഎ സംഖ്യം അധികാരത്തിലേക്കെന്ന സൂചനയാണ് പുറത്തുവരുന്നത്. കഴിഞ്ഞ തവണ 53 സീറ്റുണ്ടായിരുന്ന ബിജെപി ഇപ്പോള്‍ 73 ഇടത്ത് മുന്നിലെത്തിയിട്ടുണ്ട്. ഭരണത്തിന് നേതൃത്വം നല്‍കിയിരുന്ന നിതീഷ് കുമാറിനും പാര്‍ട്ടിക്കും സീറ്റുകളുടെ എണ്ണത്തില്‍ വലിയ നഷ്ടമാണുണ്ടായിരിക്കുന്നത്. കഴിഞ്ഞ തവണ 71 സീറ്റില്‍ ജയിച്ച ജെഡിയു നിലവില്‍ 47 സീറ്റില്‍ മാത്രമാണ് മുന്നേറുന്നത്. തേജസ്വി യാദവിന്‍റെ ആര്‍ജെഡിക്കും നഷ്ടക്കണക്കാണ് പറയാനുള്ളത്. കഴിഞ്ഞ തവണ 80 സീറ്റില്‍ ജയിച്ച ആര്‍ജെഡി 62 സീറ്റിലാണ് ലീഡ് ചെയ്യുന്നത്. മഹാസഖ്യത്തിലെ രണ്ടാമത്തെ വലിയ പാർട്ടിയായ കോണ്‍ഗ്രസിന്‍റെ പ്രകടനം നിരാശജനകമാണ്. 70 സീറ്റില്‍ മത്സരിച്ച കോണ്‍ഗ്രസിന് 21 സീറ്റില്‍ മാത്രമാണ് മുന്നേറാനാകുന്നത്. അതേസമയം ഇടതുപക്ഷം മത്സരിച്ച 29 ല്‍ 19 ഇടത്തും മുന്നേറുകയാണ്. ഇടതുപക്ഷത്ത് സിപിഐഎംഎല്ലാണ് ഏറ്റവും നേട്ടമുണ്ടാക്കുന്നത്

 

 

11:45 AM IST

70 ല്‍ കോണ്‍ഗ്രസിന് ലീഡ് 21, ഇടതുപക്ഷത്തിന് 29 ല്‍ 19 ലീഡ്

മഹാസഖ്യത്തില്‍ കോണ്‍ഗ്രസിന്‍റെ പ്രകടനം നിരാശാജനകമെന്നാണ് ഇതുവരെയുള്ള ഫലസൂചന വ്യക്തമാക്കുന്നത്. തേജസ്വി യാദവിന്‍റെ ആര്‍ജെഡി ഏറ്റവും വലിയ ഒറ്റകക്ഷിയായി 71 സീറ്റില്‍ മുന്നേറുമ്പോള്‍ കോണ്‍ഗ്രസിന് 21 സീറ്റില്‍ മാത്രമാണ് ലീഡ് നേടാനായത്. 70 സീറ്റില്‍ മത്സരിച്ച കോണ്‍ഗ്രസിന് മൂന്നിലൊന്ന് സീറ്റില്‍ പോലും മുന്നേറാകാനാകാത്തതാണ് മഹാസഖ്യത്തിന് ഈ ഘട്ടത്തില്‍ തിരിച്ചടിയാകുന്നത്. 29 സീറ്റില്‍ മത്സരിച്ച ഇടതുപാര്‍ട്ടികളാടക്കെ 19 ഇടത്ത് മുന്നേറി തിളക്കമാര്‍ന്ന പ്രകടനമാണ് പുറത്തെടുക്കുന്നത്

11:27 AM IST

ബിജെപി മുന്നേറ്റം തുടരുന്നു; ഇടംപിടിച്ച് ഇടതുപക്ഷം, 19 സീറ്റില്‍ മുന്നേറുന്നു

ബിഹാർ തെരഞ്ഞെടുപ്പ് പോരാട്ടചിത്രം വ്യക്തമാകുമ്പോള്‍ ബിജെപി മുന്നേറ്റം തുടരുകയാണ്. കഴിഞ്ഞ തവണ 53 സീറ്റുണ്ടായിരുന്ന ബിജെപി ഇപ്പോള്‍ 70 ഇടത്ത് മുന്നിലെത്തിയിട്ടുണ്ട്. അതേസമയം ഇടതുപക്ഷവും തിളക്കമാര്‍ന്ന പ്രകടനമാണ് കാഴ്ചവയ്ക്കുന്നത്. 19 ഇടത്ത് മുന്നേറുകയാണ് ഇടതുപാര്‍ട്ടികള്‍.

11:21 AM IST

സീറ്റ് നിലയില്‍ നിതീഷിന് വൻ നഷ്ടം, ബിജെപിക്ക് വമ്പൻനേട്ടം, ഇടതുപക്ഷത്ത് തിളക്കം

ബിഹാർ തെരഞ്ഞെടുപ്പ് പോരാട്ടചിത്രം വ്യക്തമാകുമ്പോള്‍ ലീഡ് നിലവച്ചുള്ള കണക്ക് പരിശോധിച്ചാല്‍ നിതീഷ് കുമാറിന്‍റെ ജെഡിയുവിന് വലിയ നഷ്ടമാണ് കാണുന്നത്. കഴിഞ്ഞ തവണ 71 സീറ്റുണ്ടായിരുന്ന ജെഡിയു ഇപ്പോള്‍ 47 ഇടത്ത് മാത്രമാണ് മുന്നിലുള്ളത്. അതേസമയം ബിജെപി വലിയ നേട്ടമാണ് ഉണ്ടാക്കുന്നത്. കഴിഞ്ഞ തവണ 53 സീറ്റുണ്ടായിരുന്ന ബിജെപി ഇപ്പോള്‍ 70 ഇടത്ത് മുന്നിലെത്തിയിട്ടുണ്ട്. അതേസമയം ഇടതുപക്ഷവും തിളക്കമാര്‍ന്ന പ്രകടനമാണ് കാഴ്ചവയ്ക്കുന്നത്. 12 ഇടത്ത് മുന്നേറുകയാണ് ഇടതുപാര്‍ട്ടികള്‍.

11:07 AM IST

ഏറ്റവും വലിയ ഒറ്റകക്ഷിയായി ബിജെപി? ലീഡ് നിലയില്‍ ആര്‍ജെഡിയെ മറികടന്നു

ബിഹാർ തെരഞ്ഞെടുപ്പ് പോരാട്ടം ഇഞ്ചോടിഞ്ചായി നീങ്ങുമ്പോള്‍ സീറ്റുകളുടെ ലീഡ് നിലയില്‍ ബിജെപി ആര്‍ജെഡിയെ മറികടന്നു. നിലവില്‍ 71 സീറ്റിലാണ് ബിജെപി മുന്നേറുന്നത്. തേജസ്വി യാദവിന്‍റെ ആര്‍ജെഡി 69 സീറ്റിലാണ് ലീഡ് ചെയ്യുന്നത്. എൻഡിഎ സഖ്യത്തില്‍ ജെഡിയു 50 ഇടത്ത് മുന്നിലാണ്. മഹാസഖ്യത്തില്‍ കോണ്‍ഗ്രസ് 24 സീറ്റിലും ഇടതുപക്ഷം 12 ഇടത്തും മുന്നേറുകയാണ്.

11:04 AM IST

കോണ്‍ഗ്രസിന് നിരാശ, മോശമാക്കാതെ ഇടതുപക്ഷം

ബിഹാർ തെരഞ്ഞെടുപ്പ് പോരാട്ടം ഇഞ്ചോടിഞ്ചായി നീങ്ങുമ്പോള്‍ മഹാസഖ്യത്തില്‍ കോണ്‍ഗ്രസിന്‍റെ പ്രകടനം നിരാശാജനകമെന്നാണ് ഇതുവരെയുള്ള ഫലസൂചന വ്യക്തമാക്കുന്നത്. തേജസ്വി യാദവിന്‍റെ ആര്‍ജെഡി ഏറ്റവും വലിയ ഒറ്റകക്ഷിയായി 71 സീറ്റില്‍ മുന്നേറുമ്പോള്‍ കോണ്‍ഗ്രസിന് 24 സീറ്റില്‍ മാത്രമാണ് ലീഡ് നേടാനായത്. 70 സീറ്റില്‍ മത്സരിച്ച കോണ്‍ഗ്രസിന് പകുതി സീറ്റില്‍ പോലും മുന്നേറാകാനാകാത്തതാണ് മഹാസഖ്യത്തിന് ഈ ഘട്ടത്തില്‍ തിരിച്ചടിയാകുന്നത്. 29 സീറ്റില്‍ മത്സരിച്ച ഇടതുപാര്‍ട്ടികളാടക്കെ 12 ഇടത്ത് മുന്നേറുന്നുണ്ട്.

10:48 AM IST

മിഥിലാഞ്ചലിലും ചമ്പാരനിലും എൻഡിഎ; ഭോജ്പുരിയില്‍ മഹാസഖ്യം

പ്രധാന മേഖലകളിൽ ലീഡ് തിരിച്ചു പിടിച്ച് എൻഡിഎ. മിഥിലാഞ്ചലിലും ചമ്പാരനിലും കോസിയിലും സീമഞ്ചലിലും എൻഡിഎ മുന്നേറുകയാണ്. മഹാസഖ്യത്തിന് വ്യക്തമായ മേൽക്കൈ ഭോജ്പുരിയിൽ മാത്രമാണുള്ളത്. ഇവിടെ 23സീറ്റ്‌ കളിൽ മഹാസഖ്യം മുന്നിലെത്തി. എൻഡിഎ 14മണ്ഡലങ്ങളിലാണ് മുന്നേറുന്നത്.

10:43 AM IST

ആർജെഡി ഏറ്റവും വലിയ ഒറ്റകക്ഷി? 76 സീറ്റില്‍ ലീഡ്, ബിജെപി 66, ജെഡിയു 50, കോണ്‍ഗ്രസ് 24, ഇടതുപക്ഷം 12

ബിഹാർ തെരഞ്ഞെടുപ്പ് പോരാട്ടം ഇഞ്ചോടിഞ്ചായി നീങ്ങുമ്പോള്‍ തേജസ്വി യാദവിന്‍റെ ആര്‍ജെഡി ഏറ്റവും വലിയ ഒറ്റകക്ഷിയാകുന്നു. 76 സീറ്റിലാണ് നിലവില്‍ ആർജെഡി ലീഡ് ചെയ്യുന്നത്. എൻഡിഎ സഖ്യത്തില്‍ ബിജെപി 66 സീറ്റില്‍ മുന്നേറുമ്പോള്‍ ജെഡിയു 50 ഇടത്ത് മുന്നിലാണ്. മഹാസഖ്യത്തില്‍ കോണ്‍ഗ്രസ് 24 സീറ്റിലും ഇടതുപക്ഷം 12 ഇടത്തും മുന്നേറുകയാണ്.

 

10:22 AM IST

122: ബിഹാറിലെ മാന്ത്രിക സംഖ്യ കടന്ന് എൻഡിഎയുടെ ലീഡ് നില; ഫലസൂചനകളില്‍ ബിജെപി മുന്നില്‍

ബിഹാറില്‍ അധികാരത്തിലേറാൻ വേണ്ട കേവല ഭൂരിപക്ഷമായ 122 സീറ്റ് കടന്ന് എൻഡിഎ സഖ്യത്തിന്‍റെ ലീഡ് നില. ഏറ്റവും ഒടുവില്‍ വിവരം പുറത്തുവരുമ്പോള്‍ എൻഡിഎ 125 സീറ്റിലേറെ മുന്നേറുകയാണ്. എൻ ഡി എ സഖ്യത്തിൽ ബിജെപിയാണ് മികച്ച പ്രകടനം കാഴ്ചവയ്ക്കുന്നത്. ആദ്യഘട്ടത്തില്‍ മുന്നേറിയ മഹാസഖ്യത്തിന്‍റെ ലീഡ് നില 100 സീറ്റില്‍ താഴേക്ക് എത്തി. ഇടതുപക്ഷ സ്ഥാനാർത്ഥികൾ 12 സീറ്റിൽ മുന്നേറുകയാണ്.

 

9:53 AM IST

ഇഞ്ചോടിഞ്ച് പോരാട്ടം, എന്‍ഡിയും മഹാസഖ്യവും കടുത്ത മത്സരത്തില്‍

ബിഹാറില്‍ എന്‍‍ഡിഎയും മഹാസഖ്യവും തമ്മില്‍ ഇഞ്ചോടിഞ്ച് പോരാട്ടം. 119 സീറ്റില്‍ എന്‍ഡിഎ, 116 സീറ്റില്‍ മഹാസഖ്യം

9:49 AM IST

തിരിച്ചുവരവ് നടത്തി എന്‍ഡിഎ

വമ്പന്‍ തിരിച്ചുവരവ് നടത്തി എന്‍ഡിഎ. 119 സീറ്റില്‍ എന്‍‍ഡിഎ മുന്നില്‍, മഹാസഖ്യം 114 സീറ്റില്‍ മുന്നില്‍

9:57 AM IST

പോരാട്ടം കടുപ്പിച്ച് എൻഡിഎ, മഹാസഖ്യത്തിന് മേല്‍ക്കൈ, ജെഡിയു കുതിക്കുന്നു

ബിഹാറില്‍ അധികാരത്തിലേറാൻ വേണ്ട കേവല ഭൂരിപക്ഷമായ 122 സീറ്റ് കടന്ന് മഹാസംഖ്യം മുന്നേറിയെങ്കിലും ഇപ്പോൾ എൻഡിഎ പോരാട്ടം കടുപ്പിക്കുകയാണ്. ഏറ്റവും ഒടുവില്‍ വിവരം പുറത്തുവരുമ്പോള്‍ മഹാസഖ്യത്തിൻ്റെ ലീഡ് നില 120 ലേക്ക് എത്തി. എൻ ഡി എ സംഖ്യം 113 സീറ്റിലാണ് മുന്നേറുന്നത്. എൻ ഡി എ സംഖ്യത്തിൽ ബിജെപിയാണ് മികച്ച പ്രകടനം കാഴ്ചവയ്ക്കുന്നത്. ഇടതുപക്ഷ സ്ഥാനാർത്ഥികൾ 12 സീറ്റിൽ മുന്നേറുകയാണ്.

9:40 AM IST

ജെഡിയു 89 സീറ്റില്‍ ലീഡ് ചെയ്യുന്നു; കോണ്‍ഗ്രസ് 25, ഇടതുപക്ഷം 12

ബിഹാറില്‍ അധികാരത്തിലേറാൻ വേണ്ട കേവല ഭൂരിപക്ഷമായ 122 സീറ്റ് കടന്ന് മഹാസഖ്യത്തിന്‍റെ ലീഡ് നില. ഏറ്റവും ഒടുവില്‍ വിവരം പുറത്തുവരുമ്പോള്‍ മഹാസംഖ്യം 126 സീറ്റിലേറെ മുന്നേറുകയാണ്. മഹാസഖ്യത്തില്‍ ജെഡിയുവാണ് കുതിക്കുന്നത്. 89 സീറ്റുകളിലാണ് തേജസ്വിയുടെ പാര്‍ട്ടി ലീഡ് ചെയ്യുന്നത്. കോണ്‍ഗ്രസ് 25 സീറ്റിലും ഇടതുപക്ഷം 12 സീറ്റിലും മുന്നേറുന്നു

 

 

 

9:27 AM IST

ജെഡിയുവിന് തിരിച്ചടി, ആര്‍ ജെ ഡിക്ക് കുതിപ്പ്

ആർ ജെ ഡി - ജെഡിയു നേരിട്ട മത്സരം നടന്ന ഭൂരിപക്ഷ സീറ്റുകളിലും ആർജെഡി കുതിക്കുകയാണ്. എൻഡിഎയില്‍ ബിജെപിയാണ് മികച്ച പ്രകടനം നടത്തുന്നത്

9:25 AM IST

മഹാസഖ്യം 125 സീറ്റില്‍ മുന്നേറുന്നു, എൻഡിഎ 110, ഇടതുപക്ഷം 12 സീറ്റിലും കുതിക്കുന്നു

ബിഹാറില്‍ അധികാരത്തിലേറാൻ വേണ്ട കേവല ഭൂരിപക്ഷമായ 122 സീറ്റ് കടന്ന് മഹാസഖ്യത്തിന്‍റെ ലീഡ് നില. ഏറ്റവും ഒടുവില്‍ വിവരം പുറത്തുവരുമ്പോള്‍ മഹാസഖ്യം 125 സീറ്റിലേറെ മുന്നേറുകയാണ്. എൻ ഡി എ സംഖ്യം 110 സീറ്റിലാണ് മുന്നേറുന്നത്. എൻ ഡി എ സഖ്യത്തിൽ ബിജെപിയാണ് മികച്ച പ്രകടനം കാഴ്ചവയ്ക്കുന്നത്. ഇടതുപക്ഷ സ്ഥാനാർത്ഥികൾ 12 സീറ്റിൽ മുന്നേറുകയാണ്

9:13 AM IST

വീണ്ടും ലീഡ് നിലയില്‍ മുന്നേറി മഹാസഖ്യം, നൂറ് കടന്ന് എന്‍ഡിഎയും

ബിഹാറില്‍ വീണ്ടും ലീഡ് നിലയില്‍ കേവല ഭൂരിപക്ഷമായ 122 എന്ന സംഖ്യ കടന്ന മഹാസഖ്യം. നൂറ് കടന്ന് എന്‍‍ഡിഎയും. 

9:08 AM IST

മഹാസഖ്യത്തിന്‍റെ ലീഡ് നിലയില്‍ നേരിയ ഇടിവ്

94 സീറ്റുകളില്‍ എന്‍ഡിഎ മുന്നില്‍, മഹാസഖ്യം 117 സീറ്റില്‍ മുന്നില്‍

9:06 AM IST

തേജ്വസിയുടെ കരുത്തില്‍ മഹാസഖ്യത്തിന്‍റെ കുതിപ്പ്

No description available.

9:03 AM IST

122: ബിഹാറിലെ മാന്ത്രിക സംഖ്യ കടന്ന് മഹാസംഖ്യത്തിന്‍റെ ലീഡ് നില

ബിഹാറില്‍ അധികാരത്തിലേറാൻ വേണ്ട കേവല ഭൂരിപക്ഷമായ 122 സീറ്റ് കടന്ന് മഹാസംഖ്യത്തിന്‍റെ ലീഡ് നില. ഏറ്റവും ഒടുവില്‍ വിവരം പുറത്തുവരുമ്പോള്‍ മഹാസംഖ്യം 125 സീറ്റിലേറെ മുന്നേറുകയാണ്. എൻ ഡി എ സംഖ്യം 85 സീറ്റിലാണ് മുന്നേറുന്നത്. എൻ ഡി എ സംഖ്യത്തിൽ ബിജെപിയാണ് മികച്ച പ്രകടനം കാഴ്ചവയ്ക്കുന്നത്. ഇടതുപക്ഷ സ്ഥാനാർത്ഥികൾ 10 സീറ്റിൽ മുന്നേറുകയാണ്.

9:01 AM IST

ഭരണപക്ഷത്ത് ജെഡിയു പകച്ചു, ബിജെപിക്ക് മുന്നേറ്റം

ബിഹാര്‍ തെരഞ്ഞെടുപ്പില്‍ ഭരണപക്ഷത്തിന് തിരിച്ചടി നേരിടുമ്പോള്‍ ബിജെപി മികച്ച പ്രകടനമാണ് പുറത്തെടുക്കുന്നത്. 
എൻ ഡി എ സംഖ്യം 85 സീറ്റിലാണ് മുന്നേറുന്നത്. എൻ ഡി എ സംഖ്യത്തിൽ ബിജെപിയാണ് നേട്ടമുണ്ടാക്കുന്നത്. ബിജെപി സ്ഥാനാര്‍ത്ഥികൾ 50 സീറ്റിലേറെ മുന്നേറുന്നുണ്ട്.

9:01 AM IST

ബിഹാറിൽ തേജസ്വി തരംഗമെന്ന് സൂചന: മഹാസഖ്യത്തിൻ്റെ ലീഡ് നില 100 കടന്ന് കുതിക്കുന്നു

ബിഹാറില്‍ ആദ്യ ഫല സൂചനകൾ പുറത്തുവരുമ്പോൾ തേജസ്വി തരംഗമെന്ന് സൂചന. മഹാസഖ്യത്തിന് കുതിപ്പ് 100 സീറ്റില്‍ മുന്നിലെത്തിയിട്ടുണ്ട്. എൻഡിഎ സംഖ്യം 60 സീറ്റിലാണ് മുന്നേറുന്നത്. എൻ ഡി എ സംഖ്യത്തിൽ ബിജെപിയാണ് മികച്ച പ്രകടനം കാഴ്ചവയ്ക്കുന്നത്. ഇടതുപക്ഷ സ്ഥാനാർത്ഥികൾ 7 സീറ്റിൽ മുന്നേറുകയാണ്.

8:55 AM IST

മഹാസഖ്യത്തിൻ്റെ ലീഡ് നില 100 സീറ്റ് കടന്നു

ബിഹാറില്‍ ആദ്യ ഫല സൂചനകൾ പുറത്തുവരുമ്പോൾ മഹാസഖ്യത്തിന് കുതിപ്പ്. ഇതുവരെ 100 സീറ്റില്‍ മുന്നിലെത്തിയിട്ടുണ്ട്. എൻഡിഎ സംഖ്യം 60 സീറ്റിലാണ് മുന്നേറുന്നത്. എൻ ഡി എ സംഖ്യത്തിൽ ബിജെപിയാണ് മികച്ച പ്രകടനം കാഴ്ചവയ്ക്കുന്നത്. ഇടതുപക്ഷ സ്ഥാനാർത്ഥികൾ 7 സീറ്റിൽ മുന്നേറുകയാണ്.
 

8:52 AM IST

തേജസ്വി യാദവും തേജ് പ്രതാപ് യാദവും മുന്നില്‍

ബിഹാറില്‍ ജനവിധി തേടുന്ന തേജസ്വി യാദവും തേജ് പ്രതാപ് യാദവും മുന്നേറുകയാണ്. രാഘോപൂരിലാണ് തേജസ്വി മുന്നേറുന്നത്. ഹസൻ പൂരിലാണ് തേജ് പ്രതാപ് മുന്നേറുന്നത്

8:31 AM IST

ആദ്യ സൂചനകളിൽ മഹാസഖ്യത്തിന് കുതിപ്പ്, ലീഡ് നില 70 സീറ്റ് കടന്നു

ബിഹാറില്‍ ആദ്യ ഫല സൂചനകൾ പുറത്തുവരുമ്പോൾ മഹാസഖ്യത്തിന് കുതിപ്പ്. തേജസ്വി യാദവിൻ്റെ നേതൃത്വത്തില്‍ മത്സരിക്കുന്ന സംഖ്യം ഇതുവരെ 72 സീറ്റില്‍ മുന്നിലെത്തിയിട്ടുണ്ട്. എൻഡിഎ സംഖ്യം 34 സീറ്റിലാണ് മുന്നേറുന്നത്. എൻ ഡി എ സംഖ്യത്തിൽ ബിജെപിയാണ് മികച്ച പ്രകടനം കാഴ്ചവയ്ക്കുന്നത്. ഇടതുപക്ഷ സ്ഥാനാർത്ഥികൾ 6 സീറ്റിൽ മുന്നേറുകയാണ്.

 

 

8:28 AM IST

ഇടതുപക്ഷം രണ്ട് സീറ്റിൽ മുന്നിൽ

ബിഹാർ തെരഞ്ഞെടുപ്പിൽ ഇടതുപക്ഷ സ്ഥാനാർത്ഥികൾ രണ്ട് സീറ്റിൽ മുന്നേറുന്നു

8:18 AM IST

ഇഞ്ചോടിഞ്ച് പോരാട്ടം: മഹാസഖ്യം 20 സീറ്റില്‍ മുന്നില്‍; എൻഡിഎ 16 സീറ്റില്‍ മുന്നില്‍

ബിഹാറില്‍ ഇഞ്ചോടിഞ്ച് പോരാട്ടം. ആദ്യ ഫല സൂചനകൾ പുറത്തുവരുമ്പോൾ മഹാസഖ്യം മുന്നേറുകയാണ്. ഇതുവരെ 26 സീറ്റില്‍ മുന്നിലെത്തിയിട്ടുണ്ട്. എൻഡിഎ സംഖ്യം 18 സീറ്റിലാണ് മുന്നേറുന്നത്. എൻ ഡി എ സംഖ്യത്തിൽ ബിജെപിയാണ് മികച്ച പ്രകടനം കാഴ്ചവയ്ക്കുന്നത്. ഇടതുപക്ഷ സ്ഥാനാർത്ഥികൾ രണ്ട് സീറ്റിൽ മുന്നേറുകയാണ്.

8:05 AM IST

എന്‍‍‍ഡിഎ അഞ്ച് സീറ്റില്‍ മുന്നില്‍

ബിഹാര്‍ തെരഞ്ഞെടുപ്പില്‍ ആദ്യ ഫലസൂചനകള്‍ എന്‍ഡിഎയ്ക്ക് അനുകൂലം. എന്‍‍‍ഡിഎ അഞ്ച് സീറ്റില്‍ മുന്നില്‍.

8:03 AM IST

വോട്ടെണ്ണല്‍ തുടങ്ങി

ബിഹാറില്‍ വോട്ടെണ്ണല്‍ തുടങ്ങി

7:40 AM IST

കൊവിഡ് മാനദണ്ഡം കാരണം ഫലം വൈകില്ലെന്ന് തെരഞ്ഞെടുപ്പ് കമ്മീഷന്‍

കൊവിഡ് മാനദണ്ഡം പാലിക്കുന്നതിനാല്‍ ഫലം വൈകുമെന്ന ആശങ്കവേണ്ടെന്ന് തെരഞ്ഞെടുപ്പ് കമ്മീഷന്‍. കൃത്യസമയത്തിനുള്ളില്‍ ഫലം പുറത്തുവരുമെന്നും അധികൃതര്‍ വ്യക്തമാക്കി. രാവിലെ എട്ടിനാണ് വോട്ടെണ്ണല്‍ ആരംഭിക്കുക. ആദ്യ മണിക്കൂറില്‍ ആദ്യ സൂചനകള്‍ പുറത്തുവരും. കൊവിഡ് വ്യാപനത്തിന് ശേഷം പൂര്‍ണമായ തോതില്‍ തെരഞ്ഞെടുപ്പ് നടക്കുന്ന സംസ്ഥാനമാണ് ബിഹാര്‍.
 

7:30 AM IST

എക്‌സിറ്റ് പോളുകള്‍ പറയുന്നതെന്ത്

എല്ലാ എക്‌സിറ്റ് പോളുകളും മഹാഗഡ്ബന്ധന്‍ സഖ്യം അധികാരത്തിലേറുമെന്ന് പറയുമ്പോഴും എത്ര സീറ്റ് നേടുമെന്ന കാര്യത്തില്‍ വലിയ വ്യത്യാസമുണ്ട്. ഇന്ത്യ ടുഡേ ആക്‌സിസ് മൈ ഇന്ത്യ മഹാഗഡ്ബന്ധന് 139-161 സീറ്റുകളാണ് പ്രവചിക്കുന്നത്. എന്‍ഡിഎക്കാകട്ടെ 69-91 സീറ്റുകളും. സിഎന്‍എന്‍ന്യൂസ് 18, ടുഡേയ്‌സ് ചാണക്യ സര്‍വേയാണ് മഹാഗഡ്ബന്ധന് വലിയ ഭൂരിപക്ഷം പ്രവചിക്കുന്നത്. എന്‍ഡിഎ 55 സീറ്റിലൊതുങ്ങുമ്പോള്‍ എംജിബി 180 സീറ്റ് നേടുമെന്ന് പറയുന്നു. ടൈംസ് നൗ, സീവോട്ടര്‍ പ്രവചന പ്രകാരം നേരിയ മുന്‍തൂക്കമാണ് എംജിബിക്കുള്ളത്. എന്‍ഡിഎ-116, എംജിബി 120 എന്നാണ് അവരുടെ പ്രവചനം. റിപബ്ലിക് ടിവി, ജന്‍കി ബാത്ത് സര്‍വേ പ്രകാരം എന്‍ഡിഎ 91-117, എംജിബി 118-138 സീറ്റുകളുമാണ് നേടുക. 243 സീറ്റുകളിലേക്കാണ് തെരഞ്ഞെടുപ്പ്.
 

7:07 AM IST

ഉപതെരഞ്ഞെടുപ്പുകളില്‍ ബിജെപിക്ക് മുന്‍തൂക്കമെന്ന് എക്‌സിറ്റ് പോളുകള്‍

മധ്യപ്രദേശ്, ഉത്തര്‍പ്രദേശ്, ഗുജറാത്ത് സംസ്ഥാനങ്ങളില്‍ നടന്ന ഉപതെരഞ്ഞെടുപ്പുകളില്‍ ബിജെപിക്ക് മുന്‍തൂക്കമെന്ന് എക്‌സിറ്റ് പോളുകള്‍. മധ്യപ്രദേശില്‍ ഭരണം നിലനിര്‍ത്താന്‍ വിജയം അനിവാര്യമായ ബിജെപി 16-18 സീറ്റ് നേടുമെന്നാണ് പ്രവചനം. ജ്യോതിരാദിത്യ സിന്ധ്യയും കൂട്ടരും രാജിവെച്ച് ബിജെപിയില്‍ ചേര്‍ന്നതോടെയാണ് കോണ്‍ഗ്രസിന് ഭരണം നഷ്ടമായത്. കോണ്‍ഗ്രസ് 10-12 സീറ്റ് വരെ നേടും. യുപിയില്‍ ബിജെപി 5-6 സീറ്റുവരെ നേടുമെന്ന് പറയുന്നു. ഗുജറാത്തില്‍ 6-7 സീറ്റുവരെ ബിജെപിക്ക് ലഭിക്കുമെന്നാണ് എക്‌സിറ്റ് പോളുകള്‍ പറയുന്നത്.
 

6:49 AM IST

മഹാഗഡ്ബന്ധന്‍ അധികാരത്തിലേറുമെന്ന് ശിവസേന

ബിഹാറില്‍ മഹാഗഡ്ബന്ധന്‍ അധികാരത്തിലേറുമെന്ന് ശിവസേനയുടെ മുഖപത്രം സാമ്‌ന. തേജസ്വി യാദവിന് വലിയ ജനപിന്തുണയാണ് ലഭിച്ചത്. അദ്ദേഹത്തിന്റെ റാലികള്‍ക്ക് വലിയ പ്രതികരണമാണുണ്ടായത്. 'നുണകള്‍ നിറച്ച ബലൂണുകള്‍ പറത്തിവിട്ടെങ്കിലും അവയെല്ലാം സ്വയം അപ്രത്യക്ഷമായി'-ജെഡിയു, ബിജെപി സഖ്യത്തെ പേരെടുത്ത് പറയാതെ ശിവസേന വിമര്‍ശിച്ചു. യുഎസില്‍ സംഭവിച്ചതുപോലെ മാറ്റത്തിനുള്ള എല്ലാ സാധ്യതയും കാണുന്നുണ്ടെന്നും ശിവസേന വ്യക്തമാക്കി.
 

6:25 AM IST

എക്‌സിറ്റ് പോളിന് സമ്മിശ്ര പ്രതികരണം

മഹാഗഡ്ബന്ധന്‍ അധികാരത്തിലേറുമെന്ന എക്‌സിറ്റ് പോള്‍ ഫലത്തിന് ബിഹാറില്‍ സമ്മിശ്ര പ്രതികരണമാണ് ലഭിച്ചത്. വലിയ ഭൂരിപക്ഷം നേടുമെന്ന് പറയുന്നില്ലെങ്കിലും എല്ലാ എക്‌സിറ്റ് പോള്‍ ഫലങ്ങളും ആര്‍ജെഡി-കോണ്‍ഗ്രസ് സഖ്യത്തിനാണ് മുന്‍തൂക്കം നല്‍കുന്നത്. എക്‌സിറ്റ് പോള്‍ തെറ്റുമെന്ന പ്രതീക്ഷയിലാണ് എന്‍ഡിഎ. നിതീഷ് കുമാര്‍ നാലാം തവണയും അധികാരത്തിലേറുമെന്നാണ് എന്‍ഡിഎ കേന്ദ്രങ്ങള്‍ പറയുന്നത്. ചിരാഗ് പാസ്വാന്റെ എല്‍ജെപി ആറ് സീറ്റുകള്‍ വരെ നേടാമെന്നും എക്‌സിറ്റ് പോളുകള്‍ പ്രവചിക്കുന്നു.
 

6:10 AM IST

നിതീഷ് കുമാറോ തേജസ്വി യാദവോ; ബിഹാറില്‍ ഫലമറിയാന്‍ മണിക്കൂറുകള്‍

ബിഹാര്‍ തെരഞ്ഞെടുപ്പ് ഫലം പുറത്തുവരാന്‍ മണിക്കൂറുകള്‍ മാത്രം ബാക്കി. രാവിലെ എട്ടോടെ വോട്ടെണ്ണല്‍ ആരംഭിക്കും. പത്ത് മണിയോടെ ആദ്യ സൂചനകള്‍ പുറത്തുവരും. എക്‌സിറ്റ് പോളില്‍ ആര്‍ജെഡി നയിക്കുന്ന മഹാസഖ്യത്തിനാണ് മുന്‍തൂക്കമെങ്കിലും എക്‌സിറ്റ് പോള്‍ തെറ്റുമെന്ന പ്രതീക്ഷയിലാണ് നിതീഷ് കുമാറും ബിജെപിയും. ബിഹാര്‍ മനസ്സ് നിതീഷിനൊപ്പമാണോ അതോ യുവനേതാവ് തേജസ്വി യാദവിനൊപ്പമാണോ എന്ന് ഇന്നറിയാം.
 

12:44 AM IST

ഒന്നര പതിറ്റാണ്ടത്തെ നിതീഷ് ഭരണം അവസാനിക്കുമോ, തുടരുമോ; ബിഹാര്‍ കാത്തിരിക്കുന്നു

കഴിഞ്ഞ 15 വര്‍ഷമായി ബിഹാര്‍ ഭരിക്കുന്ന നിതീഷ് കുമാര്‍ സര്‍ക്കാര്‍ തുടര്‍ഭരണം നേടുമോ അതോ പുറത്താകുമോ എന്നറിയാന്‍ ഇനി മണിക്കൂറുകള്‍ മാത്രം. ഇത് തന്റെ അവസാന തെരഞ്ഞെടുപ്പാണെന്ന് പറഞ്ഞ നിതീഷ് കുമാറിന്റെ വൈകാരിക നീക്കത്തിന് ജനം നല്‍കിയ മറുപടിയെന്തെന്നറിയാന്‍ ഇന്ത്യന്‍ രാഷ്രീയം കാതോര്‍ക്കുകയാണ്. ബിജെപിക്കും ഇത് നിര്‍ണായക തെരഞ്ഞെടുപ്പ്.
 

11:51 PM IST

ഭരണത്തുടര്‍ച്ചയോ അട്ടിമറിയോ ബിഹാര്‍ ജനത കരുതിവച്ചതെന്ത്?

നിതീഷ് കുമാറിന്‍റെ നേതൃത്വത്തില്‍ എൻഡിഎ സംഖ്യം ഭരണത്തുടർച്ച തേടുമ്പോള്‍ തേജസ്വിയാദവിന്‍റെ നേതൃത്വത്തില്‍ മഹാസഖ്യം അട്ടിമറിയാണ് ലക്ഷ്യമിടുന്നത്. മഹാ സഖ്യത്തിന് വലിയ ഭൂരിപക്ഷമാണ് ഒട്ടുമിക്ക എക്സിറ്റ് പോളുകളും പ്രവചിച്ചിട്ടുള്ളത്. എന്നാല്‍ എക്സിറ്റ് പോൾ ഫലങ്ങളെ എന്‍ഡിഎ തള്ളിക്കളഞ്ഞിട്ടുണ്ട്.

11:11 PM IST

ഉയര്‍ന്ന പോളിംഗില്‍ കണ്ണുവച്ച് മുന്നണികള്‍

കഴിഞ്ഞ തെരഞ്ഞെടുപ്പിനെ അപേക്ഷിച്ച് ഉയർന്ന പോളിംഗ് ശതമാനമാണ് ഇക്കുറി രേഖപ്പെടുത്തിയത്. ഇത് അനുകൂലമാകുമെന്നാണ് മുന്നണികളുടെ പ്രതീക്ഷ. 56.19 ശതമാനം പോളിംഗാണ് മൂന്ന് ഘട്ടങ്ങളിലായി രേഖപ്പെടുത്തിയിരിക്കുന്നത്.

10:54 PM IST

വോട്ടെണ്ണല്‍ ആരംഭിക്കുക എട്ട് മണിക്ക്

ബിഹാർ നിയമസഭ തെരഞ്ഞെടുപ്പ് ഫലമറിയാൻ മണിക്കൂറുകള്‍ മാത്രം. രാവിലെ എട്ട് മണിയോടെ ആദ്യ ഫല സൂചനകള്‍ പുറത്തുവരും. വോട്ടെണ്ണൽ 8 മണി മുതൽ ആരംഭിക്കുമ്പോള്‍ തന്നെ ഏഷ്യാനെറ്റ് ന്യൂസ് ഓണ്‍ലൈനിലൂടെ തത്സമയം വിവരങ്ങള്‍ അറിയാം

9:04 PM IST

മഹാരാഷ്ട്ര, ദില്ലി, ജാര്‍ഖണ്ഡ്.... ബിഹാര്‍ ബിജെപിക്ക് നിര്‍ണായകം

മഹാരാഷ്ട്രയിൽ ഭരണം നഷ്ടമായി. ജാർഖണ്ടിലും ദില്ലിയിലും വിജയിക്കാനായില്ല. അതിനു പിന്നാലെ ബീഹാറും നഷ്ടമായാൽ ബിജെപിക്കും നരേന്ദ്രമോദിക്കും അത് രാഷ്ട്രീയ തിരിച്ചടിയാകും

8:55 PM IST

തൂക്കുസഭയെങ്കില്‍ ജാഗ്രത

തൂക്കുനിയമസഭയെങ്കിൽ എം എൽ എമാര്‍ മറുകണ്ടം ചാടാതിരിക്കാനുള്ള മുൻകരുതൽ പ്രതിപക്ഷത്ത് തുടങ്ങിയിട്ടുണ്ട്. കടുത്ത മത്സരമെങ്കിൽ ചിരാഗ് പസ്വാനെയും ചെറിയ പാര്‍ടികളെയും ഒപ്പം നിര്‍ത്താനുള്ള നീക്കങ്ങൾ ബി ജെ പിയും തുടങ്ങികഴിഞ്ഞു

8:55 PM IST

കുതിരകച്ചവടത്തിന് ബിജെപി ശ്രമമെന്ന് കോൺഗ്രസ്: ആരോപണം തള്ളി ബിജെപി

ബീഹാറില്‍ കുതിരക്കച്ചവടം നടക്കുമോയെന്ന് ഭയമുണ്ടെന്ന് കോണ്‍ഗ്രസ് വര്‍ക്കിംഗ് പ്രസിഡന്‍റ് ശ്യാംസുന്ദര്‍ സിംഗ് വ്യക്തമാക്കി. മോദി എന്തിനും മടിക്കില്ല, എന്നാല്‍ ആത്മാര്‍ത്ഥതയുള്ള നേതാക്കളെ വിലയ്ക്കെടുക്കാന്‍ കഴിയില്ലെന്നാണ് വിശ്വാസം. കുതിരക്കച്ചവടം തടയാനുള്ള ജാഗ്രത ഹൈക്കമാന്‍റിനുണ്ടെന്നും ശ്യാം സുന്ദര്‍ സിംഗ് പറഞ്ഞു. എന്നാല്‍ ആരോപണം ബിജെപി തള്ളിക്കളഞ്ഞു

7:12 PM IST

മോദിക്കും നിതീഷിനും പ്രതിപക്ഷത്തിനും നിര്‍ണായകം

രണ്ടാം മോദി സര്‍ക്കാര്‍ അധികാരത്തിലേറിയ ശേഷം നടക്കുന്ന ഏറ്റവും സുപ്രധാനമായ തെരഞ്ഞെടുപ്പ് എന്നതിനാല്‍ തന്നെ ബിഹാര്‍ വലിയ രാഷ്ട്രീയ ശ്രദ്ധയാണ് നേടുന്നത്. എൻ ഡി എ സഖ്യം ഭരിക്കുന്ന സംസ്ഥാനത്ത് ഭരണവിരുദ്ധ വികാരമുണ്ടെന്നാണ് എക്സിറ്റ് പോളുകള്‍ സൂചിപ്പിക്കുന്നത്. മഹാസഖ്യം അധികാരത്തിലേറുമെന്നും എക്സിറ്റ് പോളുകള്‍ ചൂണ്ടികാട്ടുന്നു. ഇതെല്ലാം തള്ളിക്കളയുന്നുണ്ടെങ്കിലും എൻ ഡി എ ക്യാമ്പിലടക്കം ആശങ്ക ശക്തമാണ്. അതേസമയം പ്രതിപക്ഷത്തിനും ഏറെ നിര്‍ണായകമാണ് തെര‌ഞ്ഞെടുപ്പ് ഫലം. രാവിലെ എട്ട് മണിമുതല്‍ ഫലസൂചനകള്‍ പുറത്തുവരും.

9:52 AM IST:

നിതീഷ് കുമാർ തന്നെ മുഖ്യമന്ത്രിയെന്ന് ജെഡിയു. പാർട്ടി തീരുമാനം അതെന്ന് സംസ്ഥാന അധ്യക്ഷൻ വസിഷ്ഠ് നാരായൺ സിംഗ്. നിതീഷ് കുമാർ വ്യക്തിമാത്രമല്ല പാർട്ടി നേതാവ് കൂടിയാണ്. മുന്നണിയിൽ സീറ്റ് കുറഞ്ഞത് മുഖ്യമന്ത്രി സ്ഥാനത്തിന് തടസമല്ല. ധാർമ്മികതയെന്നത് ചോദ്യമല്ലെന്നും വസിഷ്ഠ് നാരായൺ സിംഗ് ഏഷ്യാനെറ്റ് ന്യൂസിനോട്.

7:38 AM IST:

വോട്ടെണ്ണൽ ക്രമക്കേട് ആരോപണവുമായി കോടതിയെ സമീപിക്കാൻ മഹാസഖ്യം. പറ്റ്ന ഹൈക്കോടതിയെയോ, സുപ്രീംകോടതിയേയോ സമീപിക്കാനാണ് ആലോചന. നിയമവിദഗ്ധരുമായി ചർച്ച നടത്തി തീരുമാനമെടുക്കുമെന്ന് ആർജെഡി പ്രതികരണം.

5:05 AM IST:

ബിഹാറില്‍ ജെഡിയുവിന്റെയും നിതീഷ് കുമാറിന്റെയും നിഴലില്‍ നിന്ന് മുക്തി നേടി ബിജെപി. സംസ്ഥാനത്തെ ഏറ്റവും വലിയ രണ്ടാമത്തെ ഒറ്റകക്ഷിയായി മാറി ജെഡിയുവിനെയും നിതീഷിനെയും അപ്രസക്തമാക്കുന്ന വിജയമാണ് ബിജെപി നേടിയത്. 2015ല്‍ ജെഡിയുവിന്റെ സഹായമില്ലാതെ തന്നെ 53 സീറ്റില്‍ വിജയിച്ച് കരുത്ത് കാട്ടിയ ബിജെപി, ഇക്കുറി 74 സീറ്റുകള്‍ നേടി ആര്‍ജെഡിക്ക് തൊട്ടുപിന്നില്‍ സ്ഥാനം പിടിച്ചു...
Read more... http://www.asianetnews.com/india-news/bihar-election-result-bjp-makes-large-victory-qjlrac

4:43 AM IST:

ചൊവ്വാഴ്‍ച രാവിലെ എട്ട് മണിക്ക് ആരംഭിച്ച വോട്ടെണ്ണല്‍ ബുധനാഴ്‍ച പുലര്‍ച്ചെ നാല് മണിയോടെയാണ് അവസാനിച്ചത്. കൊവിഡ് സുരക്ഷാ മാനദണ്ഡങ്ങള്‍ പാലിച്ച് നടപടികള്‍ മുന്നോട്ടുപോകുന്നതിനാലാണ് വോട്ടെണ്ണല്‍ വൈകുന്നതെന്നും അതുകൊണ്ടുതന്നെ അന്തിമ ഫലം വൈകുമെന്നും ചൊവ്വാഴ്‍ച തന്നെ തെരഞ്ഞെടുപ്പ് കമ്മീഷന്‍ വാര്‍ത്താ സമ്മേളനത്തില്‍ വ്യക്തമാക്കുകയും ചെയ്‍തു. 

4:11 AM IST:

എല്ലാ മണ്ഡലങ്ങളിലെയും വോട്ടെണ്ണല്‍ പൂര്‍ത്തിയാവുമ്പോള്‍ കേവല ഭൂരിപക്ഷം നേടി എന്‍ഡിഎ ബിഹാറില്‍ അധികാരത്തിലേക്ക്. 125 സീറ്റുകളില്‍ എന്‍ഡിഎയും 110 സീറ്റുകളില്‍ മഹാസഖ്യവും വിജയിച്ചു. എല്‍.ജെ.പി അടക്കമുള്ള മറ്റുള്ളവര്‍ എട്ട് മണ്ഡലങ്ങളില്‍ വിജയിച്ചു. 75 സീറ്റുകളില്‍  വിജയിച്ച ആര്‍ജെഡിയാണ് ഏറ്റവും വലിയ ഒറ്റകക്ഷി. ബിജെപി 74 സീറ്റുകളില്‍ ജയിച്ചതോടെ രണ്ടാമത്തെ വലിയ കക്ഷിയായി. അന്തിമ കക്ഷി നില ഇങ്ങനെ...

3:58 AM IST:

242 മണ്ഡലങ്ങളിലും തെരഞ്ഞെടുപ്പ് കമ്മീഷന്‍ ഔദ്യോഗികമായി ഫലം പ്രഖ്യാപിച്ചു. ഇനി ഒരു മണ്ഡലത്തിലെ അന്തിമ ഫലം മാത്രമാണ് പുറത്തുവരാനുള്ളത്. ഇവിടെ ജെ.ഡി.യു ലീഡ് ചെയ്യുകയാണ്.

3:51 AM IST:

243ല്‍ 241 സീറ്റുകളിലും ഔദ്യോഗികമായി ഫലം പ്രഖ്യാപിച്ചപ്പോള്‍ ഏറ്റവും വലിയ ഒറ്റകക്ഷി ആര്‍ജെഡി തന്നെ. 75 സീറ്റുകളിലാണ് ആര്‍ജെഡി വിജയിച്ചത്. ബിജെപി 73 സീറ്റുകളില്‍ വിജയിക്കുകയും ഒരു സീറ്റില്‍ ലീഡ് ചെയ്യുകയുമാണ്. ജെഡിയുവാണ് ഇനി ഫലം വരാനുള്ള മറ്റൊരു സീറ്റില്‍ ലീഡ് ചെയ്യുന്നത്.

3:36 AM IST:

കേവല ഭൂരിപക്ഷത്തിനാവശ്യമായ സീറ്റുകളില്‍ വിജയിച്ച് എന്‍ഡിഎ. ഇതുവരെ ഫലം പ്രഖ്യാപിച്ച 122 സീറ്റുകളില്‍ എന്‍ഡിഎ വിജയിച്ചു. ഇനി ഫലം വരാനുള്ളത് ബിജെപിയും ജെഡിയുവും ലീഡ് ചെയ്യുന്ന ഒരോ മണ്ഡലങ്ങളിൽ മാത്രം

2:50 AM IST:

പ്രധാനമന്ത്രി നരേന്ദ്രമോദിയുടെ കഠിനാധ്വാനത്തിന്റെയും മാര്‍ഗദര്‍ശനത്തിന്റെും വിജയമാണ് ബിഹാറിലേതെന്ന് കേന്ദ്രമന്ത്രി അശ്വിനി കുമാര്‍ പറഞ്ഞു. ബിഹാറിലെ ജനങ്ങളോട് നന്ദി പറയുന്നു. 'ഡബിള്‍ യുവരാജിനെ' തള്ളി, 'ഡബിള്‍ എഞ്ചിന്‍' സര്‍ക്കാറിനെ ജനങ്ങള്‍ തെരഞ്ഞെടുത്തുവെന്നും അദ്ദേഹം പറഞ്ഞു.

2:27 AM IST:

എന്‍ഡിഎ വ്യക്തമായ ലീഡോടെ അധികാരത്തിലെത്തുമെന്ന് ഉറപ്പായെങ്കിലും ഇപ്പോഴും ആര്‍ജെഡി ഏറ്റവും വലിയ ഒറ്റ കക്ഷിയായി തുടരുകയാണ്. നിലവില്‍ 74 സീറ്റുകളില്‍ വിജയിച്ച ആര്‍ജെഡി ഒരു സീറ്റില്‍ ലീഡ് ചെയ്യുന്നുമുണ്ട്. ബിജെപി 71 സീറ്റുകളില്‍ വിജയിക്കുകയും മൂന്നിടങ്ങളില്‍ ലീഡ് ചെയ്യുകയുമാണ്. ആറ മണ്ഡലങ്ങളിലെ ഫലമാണ് ഇനി പുറത്തുവരാനുള്ളത്.

2:01 AM IST:

ഇനി ഫലം വരാനുള്ള ഏഴ് മണ്ഡലങ്ങളില്‍ നാലെണ്ണത്തിലും ബിജെപിയാണ് ലീഡ് ചെയ്യുന്നത്. രണ്ടിടങ്ങളില്‍ ജനതാദള്‍ യൂണൈറ്റഡും ഒരു മണ്ഡലത്തില്‍ ആര്‍ജെഡിയും ലീഡ് ചെയ്യുന്നു.

1:41 AM IST:

ഇനി ഒന്‍പത് മണ്ഡലങ്ങളിലെ ഔദ്യോഗിക ഫലപ്രഖ്യാപനം മാത്രമാണ് പുറത്തുവരാനുള്ളത്. ലീഡ് നില ഇങ്ങനെ...

1:26 AM IST:

ആകെയുള്ള 243 മണ്ഡലങ്ങളില്‍ 230 എണ്ണത്തിലും തെരഞ്ഞെടുപ്പ് കമ്മീഷന്‍ ഔദ്യോഗികമായി ഫലപ്രഖ്യാപനം നടത്തി. ഇനി 13 മണ്ഡലങ്ങളിലെ ഫലം മാത്രമാണ് പുറത്തുവരാനുള്ളത്. ഇതില്‍ ആറിടങ്ങളില്‍ ബിജെപിയും മൂന്ന് സീറ്റുകളില്‍ വീതും ജെഡിയുവും ആര്‍ജെഡിയും ഒരിടത്ത് കോണ്‍ഗ്രസുമാണ് ലീഡ് ചെയ്യുന്നത്.

1:12 AM IST:

20 മണ്ഡലങ്ങളിലെ ഫലം മാത്രമാണ് ഇനി പുറത്തുവരാനുള്ളതെന്നും അവ ഉടനെ പ്രഖ്യാപിക്കുമെന്നും തെരഞ്ഞെടുപ്പ് കമ്മീഷന്‍ വാര്‍ത്താസമ്മേളനത്തില്‍ അറിയിച്ചു. 17 മണ്ഡലങ്ങളിലാണ് ഇപ്പോഴും വോട്ടെണ്ണുന്നത്. മൂന്ന് മണ്ഡലങ്ങളില്‍ മറ്റ് നടപടിക്രമങ്ങളാണ് പുരോഗമിക്കുന്നതെന്നും കമ്മീഷന്‍ അറിയിച്ചു.

1:01 AM IST:

വോട്ടെണ്ണല്‍ അവസാന ഘട്ടത്തിലേക്ക്  കടന്നിരിക്കെ ലീഡ് മെച്ചപ്പെടുത്തി എന്‍ഡിഎ. നേരത്തെയുണ്ടായിരുന്നതിനേക്കാള്‍ ഒരു സീറ്റില്‍ കൂടി എന്‍ഡിഎ സ്ഥാനാര്‍ത്ഥി ഇപ്പോള്‍ ലീഡ് ചെയ്യുന്നുണ്ട്. ഇപ്പോഴത്തെ ലീഡ് നില ഇങ്ങനെ...
എന്‍ഡിഎ - 125
മഹാസഖ്യം - 110
മറ്റുള്ളവര്‍ - 8

12:55 AM IST:

ഇടത് പാർട്ടികളെ എഴുതിത്തള്ളുന്നത് തെറ്റെന്ന് തെളിയിച്ച തെരഞ്ഞെടുപ്പായിരുന്നു ബിഹാറിലേതെന്ന് സീതാറാം യെച്ചൂരി പറഞ്ഞു. കൂടൂതൽ സീറ്റുകൾ നൽകിയിരുന്നെങ്കിൽ വിജയിക്കാൻ സാധിക്കുമായിരുന്നുവെന്നും അദ്ദേഹം പറഞ്ഞു. സിപിഎമ്മും സിപിഐയും രണ്ട് സീറ്റുകള്‍ വീതമാണ് നേടിയത്. സിപിഐഎംഎല്‍ 10 സീറ്റുകളില്‍ വിജയിക്കുകയും രണ്ടിടങ്ങളില്‍ ഇപ്പോഴും ലീഡ് ചെയ്യുകയുമാണ്.

12:51 AM IST:

വോട്ടെണ്ണല്‍ പൂര്‍ത്തിയായ 220 മണ്ഡലങ്ങളില്‍ തെരഞ്ഞെടുപ്പില്‍ ഔദ്യോഗികമായി ഫലം പ്രഖ്യാപിച്ചു. ഇനി 23 മണ്ഡലങ്ങളിലാണ് ഫലം പുറത്തുവരാനുള്ളത്. ഔദ്യോഗിക കണക്കുകള്‍ പ്രകാരം പാര്‍ട്ടികളുടെ ലീഡ് നില ഇങ്ങനെ...

12:47 AM IST:

ബീഹാറിലെ ജനങ്ങൾക്ക് നന്ദിയെന്ന് ലോക് ജന്‍ ശക്തി പാര്‍ട്ടി നേതാവ് ചിരാഗ് പാസ്വാൻ. ആരുടെയും സഹായമില്ലാതെയാണ് മത്സരിച്ചത്. വോട്ടു വിഹിതം ഉയർത്തി. വീണ്ടും ജനങ്ങൾക്കൊപ്പമെന്നും അദ്ദേഹം പറഞ്ഞു.

12:27 AM IST:

ഫലം അട്ടിമറിക്കുന്നെന്ന പരാതിയില്‍ തെരഞ്ഞെടുപ്പ് കമ്മീഷന്‍ നടപടിയെടുക്കുന്നില്ലെങ്കില്‍ സുപ്രീം കോടതിയെ സമീപിക്കാന്‍ മഹാസഖ്യത്തിന്റെ തീരുമാനം. പത്ത് മണ്ഡലങ്ങളിലാണ് അട്ടിമറി ആരോപിക്കുന്നത്. വോട്ടെണ്ണിക്കഴിഞ്ഞപ്പോള്‍ വിജയികളായ സ്ഥാനാര്‍ത്ഥിക്ക് കൈകൊടുത്ത് പിരിഞ്ഞ ഉദ്യോഗസ്ഥര്‍, പിന്നീട് ഫോണില്‍ വിളിച്ച്, അന്തിമഫലം വന്നിട്ടില്ലെന്ന് അറിയിക്കുകയായിരുന്നുവെന്നാണ് ആരോപണം. മൂന്നിടങ്ങളില്‍ റിപോളിങ് വേണമെന്ന് സി.പി.ഐ.എം.എല്‍ ആവശ്യപ്പെട്ടിട്ടുണ്ട്.

12:20 AM IST:

തെരഞ്ഞെടുപ്പ് ഫലത്തില്‍ വ്യക്തമായ മുന്‍തൂക്കം ലഭിച്ചതോടെ ഫലപ്രഖ്യാനം വന്നാലുടന്‍ സര്‍ക്കാര്‍ രൂപീകരണ അവകാശവാദവുമായി ഗവര്‍ണറെ കാണാന്‍ എന്‍.ഡി.എയുടെ തീരുമാനം. ഇതിനായുള്ള ത്വരിത നടപടികള്‍ പുരോഗമിക്കുകയാണ്. മുന്‍ധാരണ പ്രകാരം നിതീഷ് കുമാറിര്‍ തന്നെ മുഖ്യമന്ത്രിയാകും. 

12:15 AM IST:

ബിഹാറില്‍ രാത്രി ഒരു മണിക്ക് വാര്‍ത്താസമ്മേളനം നടത്തുമെന്ന് തെരഞ്ഞെടുപ്പ് കമ്മീഷന്‍ അറിയിച്ചു. നിലവില്‍ വോട്ടെണ്ണല്‍ അവസാന ഘട്ടത്തിലാണ്. ആകെയുള്ള 243 മണ്ഡലങ്ങളില്‍ 205 ഇടങ്ങളിലും അന്തിമഫലം പ്രഖ്യാപിച്ചിട്ടുണ്ട്.

12:11 AM IST:

ബിഹാറിലെ ജനങ്ങള്‍ വികസനത്തിന് വേണ്ടി വോട്ട് ചെയ്‍തുവെന്ന് പ്രധാനമന്ത്രി നരേന്ദ്രമോദിയുടെ ട്വീറ്റ്. സ്ത്രീകളും യുവാക്കളും എന്‍.ഡി.എക്ക് പിന്തുണ നല്‍കി. തെരഞ്ഞെടുപ്പ് പ്രഖ്യാപനമായ ആത്മനിര്‍ഭര്‍ ബിഹാര്‍ നടപ്പാക്കുമെന്നും അദ്ദേഹം പറഞ്ഞു.

11:55 PM IST:

ബിഹാറിന് പുതിയ ദശാബ്‍ദമാണിതെന്ന് പ്രധാനമന്ത്രി നരേന്ദ്ര മോദി അഭിപ്രായപ്പെട്ടു. കേന്ദ്ര ആഭ്യന്തര മന്ത്രി അമിത് ഷായും ബിഹാറിലെ ജനങ്ങള്‍ക്ക് നന്ദി അറിയിച്ചു. ബിഹാറിലെ ജനങ്ങളുടെ വിജയമാണെന്നും എന്‍ഡിഎ മുന്നോട്ടുവെച്ച വികസനത്തിന്റെ മുദ്രാവാക്യങ്ങള്‍ ബിഹാറിലുടനീളം ജനങ്ങള്‍ ഏറ്റെടുത്തതായും അദ്ദേഹം പറഞ്ഞു.

11:49 PM IST:

തെരഞ്ഞെടുപ്പ് കമ്മീഷന്‍ ഇതുവരെ ഔദ്യോഗികമായി പ്രഖ്യാപിച്ചത് 194 മണ്ഡലങ്ങളിലെ ഫലമാണ്. 

11:44 PM IST:

ബിഹാര്‍ നിയമസഭാ തെരഞ്ഞെടുപ്പില്‍ എന്‍ഡിഎയുടെ വിജയം പ്രഖ്യാപിച്ച് കേന്ദ്ര ആഭ്യന്തര മന്ത്രി അമിത് ഷാ. ബിഹാറിലെ ജനങ്ങളുടെ വിജയമാണെന്നും എന്‍ഡിഎ മുന്നോട്ടുവെച്ച വികസനത്തിന്റെ മുദ്രാവാക്യങ്ങള്‍ ബിഹാറിലുടനീളം ജനങ്ങള്‍ ഏറ്റെടുത്തതായും അദ്ദേഹം പറഞ്ഞു.
 

11:27 PM IST:

ബിഹാറില്‍ ജയിക്കാനുള്ള ഭൂരിപക്ഷമായെന്ന് എന്‍ഡിഎ നേതാക്കള്‍. വോട്ടര്‍മാര്‍ക്ക് നന്ദി പറയുന്നതായും ബിജെപി അറിയിച്ചു. സ്ത്രീകളുടെ വോട്ട് തങ്ങള്‍ക്ക് അനുകൂലമായെന്നാണ് നേതാക്കള്‍ വാര്‍ത്താ സമ്മേളനത്തില്‍ പറഞ്ഞത്.

11:13 PM IST:

ബിഹാറില്‍ എന്‍ഡിഎ ലീഡ് നില മെച്ചപ്പെടുത്തുന്നു. 124 സീറ്റുകളില്‍ എന്‍ഡിഎ സ്ഥാനാര്‍ത്ഥികള്‍ മുന്നിട്ട് നില്‍ക്കുകയാണ്. ഇതിന് പുറമെ എല്‍ജെപിക്ക് ഒരു സീറ്റും ലഭിച്ചിട്ടുണ്ട്. ഏറ്റവുമൊടുവിലെ ലീഡ് നില ഇങ്ങനെ...

എന്‍ഡിഎ - 124
മഹാസഖ്യം - 111
മറ്റുള്ളവര്‍ - 8 

11:07 PM IST:

വോട്ടെണ്ണലിൽ ക്രമക്കേടെന്ന ആർജെഡി ആരോപണം തള്ളി ബിജെപി.  തോൽക്കുമ്പോഴുള്ള സ്ഥിരം പരിപാടിയാണിതെന്ന് ബിഹാർ ബിജെപി അധ്യക്ഷൻ സഞ്ജയ് ജയ്സ്വാൾ. അതേസമയം ഫലം അട്ടിമറിക്കാന്‍ ശ്രമിക്കുന്നെന്നാരോപിച്ച്  നിതീഷ് കുമാറിനെതിരെ ആർജെഡി പ്രവർത്തകർ പ്രതിഷേധിക്കുകയാണിപ്പോള്‍.

10:58 PM IST:

ചിരാഗ് പാസ്വാന്റെ എല്‍.ജെ.പി ഒരു സീറ്റില്‍ വിജയിച്ചു. മട്ടിഹാനി മണ്ഡലത്തിലാണ് ജെ.ഡി.യു സ്ഥാനാര്‍ത്ഥിയെ എല്‍.ജെ.പി തോല്‍പ്പിച്ചത്. 

10:45 PM IST:

ബിഹാറില്‍ നിതീഷ് കുമാറിനെതിരെ ആർ.ജെ.ഡി പ്രവർത്തകർ പ്രതിഷേധിക്കുന്നു. . തേജസ്വിയുടെ വീടിന് മുന്നിലാണ് മുദ്രാവാക്യവുമായി പ്രവർത്തകർ അണിനിരന്നത്. തെരഞ്ഞെടുപ്പ് ഫലം അട്ടിമറിക്കാൻ ശ്രമക്കുന്നുവെന്നാണ് ആക്ഷേപം.

10:38 PM IST:

തെരഞ്ഞെടുപ്പ് കമ്മീഷന്‍ പുറത്തുവിട്ട ഔദ്യോഗിക കണക്കുകള്‍ പ്രകാരം ഏറ്റവും ഒടുവിലത്തെ ലീഡ് നില ഇങ്ങനെ

10:24 PM IST:

ബിഹാറില്‍ ഇതുവരെ 90 ശതമാനം വോട്ടുകളും എണ്ണിക്കഴിഞ്ഞു. 159 മണ്ഡലങ്ങളില്‍ ഔദ്യോഗികമായി തെരഞ്ഞെടുപ്പ് കമ്മീഷന്‍ ഫലം പ്രഖ്യാപിച്ചിട്ടുണ്ട്. ലീഡ് നില ഇങ്ങനെ...
എന്‍.ഡി.എ - 122
മഹാസഖ്യം - 113
മറ്റുള്ളവര്‍ - 8

10:18 PM IST:

വോട്ടെണ്ണലില്‍ തങ്ങള്‍ക്കുമേല്‍ സമ്മർദ്ദമില്ലെന്ന് തെരഞ്ഞെടുപ്പ് കമ്മീഷൻ വാര്‍ത്താ സമ്മേളനത്തില്‍ അറിയിച്ചു. റീ കൗണ്ടിങ് സംബന്ധമായ പരാതികൾ പരിശോധിച്ചു വരികയാണെന്നും കമ്മീഷൻ അറിയിച്ചിട്ടുണ്ട്. തെരഞ്ഞെടുപ്പില്‍ ക്രമക്കേട് നടന്നെന്ന് ആരോപിച്ച് മഹാസഖ്യത്തിലെ കക്ഷികളായ കോൺഗ്രസും ആർജെഡിയും സിപിഐ എംഎലും ലിബറേഷനും തെരഞ്ഞെടുപ്പ് കമ്മീഷനെ കാണുമെന്ന് വ്യക്തമാക്കിയിരുന്നു.

9:46 PM IST:

ബിഹാർ തെരഞ്ഞെടുപ്പിൽ നിർണായക സ്വാധീനമായി മാറിയിരിക്കുകയാണ് എഐഎംഐഎം. ഇപ്പോഴത്തെ സാഹചര്യത്തിൽ ശക്തമായ ബിജെപി വിരുദ്ധ നിലപാട് സ്വീകരിക്കുന്ന ഒവൈസി ആർജെഡിക്കൊപ്പം സർക്കാർ രൂപീകരിക്കുമോയെന്ന ചോദ്യത്തിന് തീരുമാനം പിന്നീടെന്ന് മറുപടി നൽകി. ഔദ്യോഗിക ഫലപ്രഖ്യാപനം വന്ന ശേഷമേ തീരുമാനിക്കൂവെന്നാണ് ഒവൈസി പറയുന്നത്.

9:41 PM IST:

തെരഞ്ഞെടുപ്പ് ക്രമക്കേട് നടന്നെന്ന് ആരോപിച്ച് മഹാസഖ്യത്തിലെ കക്ഷികളായ കോൺഗ്രസും ആർജെഡിയും സിപിഐ എംഎൽ ലിബറേഷനും തെരഞ്ഞെടുപ്പ് കമ്മീഷനെ കാണും

9:40 PM IST:

തെരഞ്ഞെടുപ്പ് ഫലപ്രഖ്യാപനത്തിൽ അട്ടിമറി ആരോപണവുമായി കോൺഗ്രസും രംഗത്തെത്തി. ജയിച്ച സ്ഥാനാർത്ഥികൾക്ക് സർട്ടിഫിക്കറ്റ് നൽകാൻ റിട്ടേണിങ് ഓഫീസർ വിസമ്മതിക്കുന്നുവെന്നാണ് ആരോപണം.

9:38 PM IST:

മഹാസഖ്യം ബിഹാറിൽ 119 സീറ്റിൽ വിജയിച്ചെന്ന് ആർജെഡി. വോട്ടെണ്ണി കഴിഞ്ഞപ്പോൾ വിജയിക്ക് കൈ കൊടുത്ത് അഭിനന്ദിച്ച റിട്ടേണിങ് ഓഫീസർ പിന്നീട് സർട്ടിഫിക്കറ്റ് നൽകിയില്ലെന്നാണ് ആരോപണം. തങ്ങൾ ജയിച്ചെന്ന് അവകാശപ്പെടുന്ന 119 സീറ്റുകളുടെ പട്ടിക പാർട്ടിയുടെ ഔദ്യോഗിക ട്വിറ്റർ ഹാന്റിൽ വഴി പുറത്തുവിട്ടു

9:30 PM IST:

വളരെ ചുരുങ്ങിയ ലീഡിൽ പരാജയപ്പെട്ട മൂന്ന് സീറ്റുകളിൽ റീ കൗണ്ടിങ് ആവശ്യപ്പെട്ട് സിപിഐ എംഎൽ രംഗത്ത്. ഭോറെ, ആറ, ദറൗന്ത മണ്ഡലങ്ങളിലാണ് ഈ ആവശ്യം. മുൻ എഡിജിപി സുനിൽ കുമാറാണ് ഭോറെയിലെ ജെഡിയു സ്ഥാനാർത്ഥി. 103 വോട്ടിന്റെ ലീഡിന് ഇദ്ദേഹം വിജയിച്ചെന്നാണ് ഫലം. പ്രദേശത്തെ ജെഡിയു എംപി വോട്ടെണ്ണൽ കേന്ദ്രത്തിലേക്ക് വന്നത് വോട്ടെണ്ണൽ അട്ടിമറിക്കാനാണെന്ന് പാർട്ടി ആരോപിക്കുന്നു.

9:25 PM IST:

ശക്തമായ ത്രികോണ മത്സരമാണ് ബിഹാറിലെ മതിഹനി മണ്ഡലത്തിൽ നടന്നത്. എൻഡിഎയിൽ ജെഡിയുവിനും എൽജെപിക്കും വ്യക്തമായ ആധിപത്യമുള്ള മണ്ഡലത്തിൽ മഹാസഖ്യത്തിന്റെ ഭാഗമായാണ് സിപിഎം നേതാവ് ഡോ രാജേന്ദ്ര പ്രസാദ് യാദവ് മത്സരിച്ചത്. എൻഡിഎ വിട്ട എൽജെപി സ്വന്തം സ്ഥാനാർത്ഥിയെ നിർത്തിയതോടെ മത്സരം കടുക്കുമെന്ന് ഉറപ്പായിരുന്നു. 36 റൗണ്ടിൽ 30 റൗണ്ട് വോട്ടെണ്ണൽ കഴിഞ്ഞപ്പോൾ സിപിഎം സ്ഥാനാർത്ഥി 1519 വോട്ടിന് മുന്നിലാണ്. ഇദ്ദേഹത്തിന് 52847 വോട്ടും ജെഡിയു സ്ഥാനാർത്ഥി നരേന്ദ്ര കുമാർ സിങിന് 51328 വോട്ടും എൽജെപി സ്ഥാനാർത്ഥി രാജ്‌കുമാർ സിങിന് 47513 വോട്ടുമാണ് ലഭിച്ചിരിക്കുന്നത്.

9:18 PM IST:

ബിഹാറിലെ ജനങ്ങൾക്ക് നന്ദിയെന്ന് എഐഎംഐഎം അധ്യക്ഷൻ അസദുദ്ദീൻ ഒവൈസി. ജനങ്ങൾക്ക് നൽകിയ വാഗ്‌ദാനം പാലിക്കുമെന്നും അദ്ദേഹം പറഞ്ഞു

8:56 PM IST:

ബിഹാറിൽ 82 സീറ്റുകളിലെ ഫലം പ്രഖ്യാപിച്ചു

ആർജെഡി - 23

ബി ജെ പി - 23

ജെഡിയു - 15

8:41 PM IST:

അട്ടിമറിക്ക് ശ്രമമെന്ന് ആർജെഡി. റിട്ടേണിംഗ് ഓഫീസർമാരെ ഭീഷണിപ്പെടുത്തുന്നുവെന്നും ആരോപണമുണ്ട്.  ആർജെഡി തെരഞ്ഞെടുപ്പ് കമ്മീഷന് പരാതി നൽകും. 12 സീറ്റുകളിൽ അട്ടിമറിക്ക് ശ്രമമെന്നാണ് പരാതി

8:28 PM IST:

ബിഹാറിൽ ലീഡ് നില വീണ്ടും മാറി. എൻഡിഎ 126 സീറ്റിലേക്ക് മുന്നേറിയപ്പോൾ മഹാസഖ്യം 110 സീറ്റിലേക്ക് താഴ്ന്നു

8:15 PM IST:

രാവിലെ എട്ട് മണിക്ക് തുടങ്ങിയ ബിഹാറിലെ വോട്ടെണ്ണൽ 12 മണിക്കൂർ പിന്നിടുകയാണ്. ഇതുവരെ 3.40 കോടി വോട്ടെണ്ണി. ആകെ വോട്ടുകൾ 4. 10 കോടിയാണ്. ഇനി 70 ലക്ഷം വോട്ടുകൾ എണ്ണാനുണ്ട്.

8:09 PM IST:

ബിഹാറിലെ ഹസൻപൂർ മണ്ഡലത്തിൽ നിന്ന് ജനവിധി തേടിയ തേജ് പ്രതാപ് യാദവ് വിജയിച്ചു

8:04 PM IST:

വോട്ടെണ്ണൽ പുരോഗമിക്കുമ്പോൾ ബിഹാറിൽ ലീഡ് നില മാറിമറിയുകയാണ്. 122 സീറ്റിൽ എൻഡിഎയും 114 സീറ്റിൽ മഹാസഖ്യവും മുന്നിലാണ്

8:02 PM IST:

മതിഹനിയിലെ സിപിഎം സ്ഥാനാർത്ഥി ഡോ രാജേന്ദ്ര പ്രസാദ് യാദവിന് നേരത്തെയുണ്ടായിരുന്ന ലീഡ് നഷ്ടമായി. എന്നാൽ ഇവിടെ വോട്ടെണ്ണൽ പൂർത്തിയാകാൻ ഇനിയും പത്ത് റൗണ്ട് കൂടി കഴിയണം. അതിനാൽ തിരിച്ച് വരാനുള്ള സാധ്യതയുമുണ്ട്.

7:57 PM IST:

എൻഡിഎയിൽ നിന്ന് സീറ്റ് തർക്കത്തെ തുടർന്ന് വിട്ടുമാറിയ ചിരാഗ് പാസ്വാന്റെ എൽജെപിക്ക് തെരഞ്ഞെടുപ്പിൽ കനത്ത തോൽവി. പാർട്ടി നിരവധി സീറ്റുകളിൽ മത്സരിച്ചെങ്കിലും ഒരിടത്ത് പോലും വിജയിക്കാനായില്ല. അതേസമയം പല മണ്ഡലങ്ങളിലും എൻഡിഎ സ്ഥാനാർത്ഥികളുടെ വോട്ടിൽ വിള്ളൽ വീഴ്ത്താൻ എൽജെപിക്ക് സാധിച്ചു. കേവല ഭൂരിപക്ഷം തൊട്ടു-തൊട്ടില്ല എന്ന മട്ടിൽ നിൽക്കുന്ന എൻഡിഎക്കും എൽജെപി മുന്നണി വിട്ടത് വലിയ തിരിച്ചടിയായി.

7:51 PM IST:

ബിഹാറിൽ പല മണ്ഡലങ്ങളിലും വോട്ടെണ്ണൽ പൂർത്തിയായി. എന്നാൽ ഫലപ്രഖ്യാപനം നടത്തിയിട്ടില്ല. 

7:45 PM IST:

ചില മണ്ഡലങ്ങളിലെ ഫലം മന:പൂർവ്വം വൈകിക്കുന്നുവെന്ന് ആർജെഡി. തെരഞ്ഞെടുപ്പ് കമ്മീഷൻ്റെ നടപടികൾ സുതാര്യമല്ല. അട്ടിമറികൾ നടന്നില്ലെങ്കിൽ വിജയം ഉറപ്പെന്ന് ആർജെഡി ദേശീയ വക്താവ് മനോജ് ഝാ.

7:23 PM IST:

7:23 PM IST:

ബിഹാറിൽ വോട്ടെണ്ണൽ അവസാന ഘട്ടത്തിലേക്ക് കടക്കുമ്പോൾ എൻഡിഎ ക്യാംപിൽ ആശങ്ക. മുന്നണിക്കുണ്ടായിരുന്ന ലീഡ് നഷ്ടപ്പെട്ടു. ഇപ്പോൾ 119 സീറ്റിലാണ് എൻഡിഎ മുന്നേറ്റം. 116 സീറ്റ് നേടിയ മഹാസഖ്യം തൊട്ടുപുറകിലുണ്ട്. ഇതോടെ ബിജെപി ക്യാംപിൽ ചർച്ചകൾ തുടങ്ങി.

7:03 PM IST:

ആർജെഡി നേതാവ് തേജസ്വി യാദവിൻ്റെ വീടിന്റെ മുൻപിൽ വീണ്ടും ആഹ്ലാദ പ്രകടനം. ആർജെഡിയുടെ ലീഡുയരുന്നതോടെ  കൂടുതൽ പ്രവർത്തകരെത്തുന്നുണ്ട്.

7:02 PM IST:

തെരഞ്ഞെടുപ്പ് വോട്ടെണ്ണൽ 75 ശതമാനം പൂർത്തിയായതോടെ ബിഹാറിലെ ബിജെപി നേതാക്കൾ നിതീഷ് കുമാറിനെ കാണാനെത്തി

7:01 PM IST:

ബിഹാറിൽ ഇനി എണ്ണാനുള്ളത് 25 ശതമാനം വോട്ട്. 75 ശതമാനം വോട്ട് എണ്ണിക്കഴിഞ്ഞെന്ന് തെരഞ്ഞെടുപ്പ് കമ്മീഷൻ അറിയിച്ചു.

6:55 PM IST:

ബിഹാറിൽ മുന്നിലുള്ള എൻഡിഎക്ക് കേവല ഭൂരിപക്ഷം നിലനിർത്താൻ സാധിക്കുമോയെന്നത് ചോദ്യമാണ്. 121 സീറ്റിലാണ് മുന്നണി മുന്നിലുള്ളത്. കേവല ഭൂരിപക്ഷത്തിന് 122 സീറ്റ് വേണം. 73 സീറ്റിൽ ബിജെപിയും 41 സീറ്റിൽ ജെഡിയുവും നാല് സീറ്റിൽ വിഐപിയും മൂന്ന് സീറ്റിൽ എച്ച്എഎമ്മും മുന്നിലുണ്ട്. ഇതിൽ പല സീറ്റിലും വിജയികളെ പ്രഖ്യാപിച്ചു.

6:52 PM IST:

എൻഡിഎയുടെ പ്രതീക്ഷകളുടെ നിറംകെടുത്തി മഹാസഖ്യം മുന്നേറുന്നു. 76 ഇടത്ത് ആർജെഡിയും 20 ഇടത്ത് കോൺഗ്രസും 18 ഇടത്ത് ഇടതുപാർട്ടികളും മുന്നിലാണ്. പല സീറ്റുകളും ഇവർ വിജയിച്ചു.

6:45 PM IST:

ബീഹാറിൽ എൻഡിഎയും മഹാസഖ്യവും തമ്മിലെ സീറ്റ് വ്യത്യാസം വീണ്ടും കുറഞ്ഞു. 120 ഇടത്താണ് എൻഡിഎ ലീഡ് ചെയ്യുന്നത്. മഹാസഖ്യം 115 ഇടത്ത് ലീഡ് ചെയ്യുന്നുണ്ട്. കേവല ഭൂരിപക്ഷത്തിന് 122 സീറ്റ് വേണം.

6:43 PM IST:

ബിഹാറിൽ ആയിരം വോട്ടിൽ താഴെ ലീഡുള്ളത് 31 മണ്ഡലങ്ങളിലാണ്. ഇത് മുന്നണികൾക്ക് വലിയ ആശങ്കയാണ്. അയ്യായിരം വരെ വോട്ട് വ്യത്യാസം 101 മണ്ഡലങ്ങളിലുണ്ട്. ഇതും എപ്പോൾ വേണമെങ്കിലും മാറിമറിയാം എന്ന നിലയിലാണ്.

6:36 PM IST:

20 സീറ്റുകളിൽ ഫലം പ്രഖ്യാപിച്ചപ്പോൾ ആർജെഡിയും ബിജെപിയും ആറ് വീതം സീറ്റുകളിൽ വിജയം നേടി. കോൺഗ്രസ്, ജെഡിയു, വിഐപി പാർട്ടികൾക്ക് രണ്ട് വീതം സീറ്റുകളിൽ ജയിക്കാനായി. സിപിഎമ്മും എഐഎംഐഎമ്മും ഓരോ സീറ്റുകളിൽ വിജയിച്ചു.

6:25 PM IST:

ബിഹാറിൽ മഹാസഖ്യത്തിനൊപ്പം മത്സരിച്ച സിപിഐ നിലവിൽ രണ്ട് സീറ്റിലാണ് മുന്നിലുള്ളത്. ആറ് സീറ്റിലാണ് പാർട്ടി മത്സരിച്ചത്.

6:07 PM IST:

ബിഹാറിൽ 60 ശതമാനത്തിലേറെ വോട്ടുകൾ എണ്ണിത്തീർന്നു. 

6:06 PM IST:

അസദുദ്ദീൻ ഒവൈസിയുടെ പാർട്ടിയായ എഐഎംഐഎം ബിഹാറിൽ അഞ്ചു സീറ്റുകളിൽ മുന്നേറുന്നു. കൊച്ചാധം, അമൂർ, ജോക്കിഹാത്, ബൈസി, ബഹാദുർഗഞ്ച് എന്നീ മണ്ഡലങ്ങളിലാണ് മുന്നേറുന്നത്.

6:02 PM IST:

ബിഹാറിലെ ഏറ്റവും പുതിയ ലീഡ് നില ഇങ്ങനെ

5:57 PM IST:

ബിഹാറിലെ ലീഡ് നില മാറിമറിഞ്ഞപ്പോൾ ആർജെഡിക്ക് മുന്നേറ്റം. 75 സീറ്റിൽ ആർജെഡി മുന്നിലെത്തി. വലിയ ഒറ്റക്കക്ഷിയുമായി. ബിജെപിക്ക് 72 സീറ്റിലാണ് ലീഡുള്ളത്. ആയിരത്തിൽ കുറവ് ലീഡ് നിലയുള്ള 34 സീറ്റുകളാണ് ഇനി ഭാവി നിശ്ചയിക്കുക.

5:55 PM IST:

ബിഹാറിൽ വോട്ടെണ്ണൽ പുരോഗമിക്കുകയാണ്. കൊവിഡ് പശ്ചാത്തലത്തിൽ മന്ദഗതിയിലാണ് നടപടികൾ പുരോഗമിക്കുന്നത്. 32 സീറ്റുകളിൽ ഭൂരിപക്ഷം ആയിരത്തിൽ താഴെയാണ്.

5:54 PM IST:

ബിഹാറിൽ ആർജെഡിയും ബിജെപിയും ഒപ്പത്തിനൊപ്പം മുന്നേറുന്ന കാഴ്ച. വോട്ടെണ്ണൽ പുരോഗമിക്കുമ്പോൾ ആർജെഡി 72 സീറ്റിലും ബിജെപി 73 സീറ്റിലുമാണ് മുന്നിൽ. എൻഡിഎ കേവല ഭൂരിപക്ഷത്തിന് താഴെയെത്തി

5:50 PM IST:

ബിഹാറിൽ വോട്ടെണ്ണൽ പുരോഗമിക്കുമ്പോൾ ഇതുവരെ മുന്നിലായിരുന്ന എൻഡിഎക്ക് തിരിച്ചടി. മുന്നണിക്ക് പല മണ്ഡലങ്ങളിലും ലീഡ് നഷ്ടപ്പെട്ടു. കേവല ഭൂരിപക്ഷത്തിനും താഴെയാണ് ഇപ്പോൾ എൻഡിഎ ഉള്ളത്. നില മെച്ചപ്പെടുത്തി മഹാസഖ്യം മുന്നോട്ട് പോകുന്നു.

5:40 PM IST:

ബിഹാറിലെ ബിജെപി മുന്നേറ്റത്തിൽ സന്തോഷമറിയിച്ച് പ്രധാനമന്ത്രി നരേന്ദ്ര മോദിയും കേന്ദ്ര ആഭ്യന്തര മന്ത്രി അമിത് ഷായും. ഇരുവരും പാർട്ടി പ്രവർത്തകരെ അഭിനന്ദനം അറിയിച്ചതായി സംസ്ഥാന നേതൃത്വം വ്യക്തമാക്കി

5:33 PM IST:

ബിഹാറിൽ തെരഞ്ഞെടുപ്പ് ഫലം പുറത്തുവരുമ്പോൾ ബിജെപി മൂന്ന് സീറ്റിൽ വിജയിച്ചിട്ടുണ്ട്. 

5:28 PM IST:

കേന്ദ്ര ആഭ്യന്തര മന്ത്രിയും ബിജെപി മുൻ ദേശീയ അധ്യക്ഷനുമായ അമിത് ഷാ, ബിഹാർ മുഖ്യമന്ത്രി നിതീഷ് കുമാറിനെ വിളിച്ചതായി റിപ്പോർട്ട്‌. തെരഞ്ഞെടുപ്പിൽ എൻഡിഎ ലീഡെടുത്തതിന് പിന്നാലെയാണ് അമിത് ഷാ ഫോൺ വഴി നിതീഷ് കുമാറുമായി സംസാരിച്ചത്.

5:18 PM IST:

ബിഹാറിൽ വോട്ടെണ്ണൽ പുരോഗമിക്കുമ്പോൾ ആയിരത്തിൽ താഴെ മാത്രം ലീഡുകളുള്ള ചില മണ്ഡലങ്ങൾ ഒറ്റനോട്ടത്തിൽ

5:15 PM IST:

ബിഹാറിൽ വോട്ടെണ്ണൽ പുരോഗമിക്കുമ്പോൾ മുന്നണികൾക്ക് പ്രതീക്ഷയും ആശങ്കയുമാവുകയാണ് 24 സീറ്റുകൾ. ഇവിടെ ലീഡ് നില ആയിരത്തിൽ താഴെയാണ്. ഓരോ റൗണ്ട് വോട്ടെണ്ണൽ പുരോഗമിക്കുമ്പോഴും മുന്നണികൾ ആശങ്കയോടെയാണ് ഫലം നോക്കുന്നത്.

5:11 PM IST:

ബിഹാറിലെ അസംബ്ലി തെരഞ്ഞെടുപ്പിൽ എട്ട് സീറ്റുകളിലെ വിജയികളെ പ്രഖ്യാപിച്ചു. ബിജെപി, ആർജെഡി, ജെഡിയു എന്നീ കക്ഷികൾ രണ്ട് വീതം സീറ്റിലും കോൺഗ്രസ്, വിഐപി പാർട്ടികൾ ഓരോ സീറ്റിലും വിജയിച്ചതായി തെരഞ്ഞെടുപ്പ് കമ്മീഷൻ വ്യക്തമാക്കി.

5:06 PM IST:

ബിഹാറിൽ വോട്ടെണ്ണൽ പുരോഗമിക്കുമ്പോൾ പല മണ്ഡലങ്ങളിലെയും ശക്തമായ പോരാട്ടം ലീഡ് നിലയിലെ മാറ്റത്തിന് കാരണമാകുന്നു. ബിജെപി, ആർജെഡി, ജെഡിയു, കോൺഗ്രസ്, സിപിഐ എംഎൽ എന്നിവരുടെ സീറ്റുകളിലാണ് ലീഡ് ഓരോ റൗണ്ട് കഴിയുമ്പോഴും മാറുന്നത്.

5:03 PM IST:

രണ്ട് സീറ്റുകളിൽ കൂടി ആർജെഡി ലീഡെടുത്തു. ഇതോടെ സീറ്റ് നില ലീഡടക്കം 72 ആയി. എന്നാൽ സിപിഐഎംഎല്ലിന് ഒരിടത്ത് ലീഡ് നഷ്ടമായി. ഇതോടെ മഹാസഖ്യത്തിന് 110 സീറ്റിലാണ് മേൽക്കൈയുള്ളത്.

5:02 PM IST:

ബിഹാറിൽ വോട്ടെണ്ണൽ തുടരുമ്പോൾ മഹാസഖ്യത്തിന് നിലവിൽ മുൻതൂക്കമുള്ളത് 107 ഇടങ്ങളിൽ. കേവല ഭൂരിപക്ഷത്തിന് ഇനിയും 13 സീറ്റുകളിൽ സഖ്യം മുന്നേറേണ്ടതുണ്ട്. ആർജെഡി 70, കോൺഗ്രസ് 20, സിപിഐ എംഎൽ 13, സിപിഐ 03, സിപിഎം 03 എന്നിങ്ങനെയാണ് കക്ഷികളുടെ ലീഡ് നില

4:57 PM IST:

ബിഹാറിൽ നിതീഷ് കുമാറിന്റെ പാർട്ടിക്ക് കനത്ത തിരിച്ചടിയാണ് ഈ തെരഞ്ഞെടുപ്പ്. രണ്ട് സീറ്റിൽ വിജയിച്ച അവർ 38 സീറ്റിലാണ് ഇപ്പോൾ ലീഡ് നിലനിർത്തിയിരിക്കുന്നത്

4:56 PM IST:

ബിഹാറിൽ ആർജെഡി വീണ്ടും ലീഡുയർത്തി. അസംബ്ലി തെരഞ്ഞെടുപ്പിൽ 144 ലേറെ സീറ്റുകളിൽ മത്സരിച്ച ആർജെഡി ഇപ്പോൾ രണ്ട് സീറ്റിൽ വിജയിക്കുകയും 68 സീറ്റിൽ മുന്നേറുകയും ചെയ്യുന്നു.

4:53 PM IST:

ഒരു കാലത്ത് ബിഹാറിലെ നിർണായക സ്വാധീനമായിരുന്ന ഇടതുപാർട്ടികൾക്ക് പിന്നീട് വലിയ നഷ്ടമാണ് സംഭവിച്ചത്. അവസാനത്തെ രണ്ട് തെരഞ്ഞെടുപ്പുകളെടുത്താൽ ഈ ചിത്രം കൂടുതൽ വ്യക്തമാകും. 2010 ൽ സിപിഐക്ക് മാത്രമായിരുന്നു അസംബ്ലിയിൽ പ്രാതിനിധ്യം ഉണ്ടായിരുന്നത്, അതും ഒരൊറ്റ സീറ്റ്. 2015 ൽ സിപിഐ എംഎല്ലിന് മാത്രമായി സീറ്റ്, അതും മൂന്ന് മാത്രം. ആ സ്ഥാനത്താണ് ഇപ്പോൾ മഹാസഖ്യത്തിനൊപ്പം മത്സരിച്ച 29 ൽ 19 സീറ്റുകളിൽ ഇടത് സ്ഥാനാർത്ഥികൾ മുന്നേറുന്നത്. സിപിഐഎംഎൽ മത്സരിച്ച 19 ൽ 13 സീറ്റുകളിൽ അവർ മുന്നിലാണ്. സിപിഎം മത്സരിച്ച നാലിൽ മൂന്നിടത്ത് അവർ മുന്നിലാണ്. സിപിഐ മത്സരിച്ച ആറിൽ മൂന്നിടത്ത് അവരും മുന്നിലാണ്. സംസ്ഥാന രാഷ്ട്രീയത്തിൽ അടുത്ത അഞ്ച് വർഷം കൊണ്ട് കൂടുതൽ സ്വാധീനം നേടിയെടുക്കാൻ ഇടത് പാർട്ടികൾക്ക് സാധിക്കുമോ എന്ന ചോദ്യം അവശേഷിക്കുന്നു.

4:42 PM IST:

കൊവിഡ് നിയന്ത്രണങ്ങൾ പാലിച്ച് നടക്കുന്ന വോട്ടെണ്ണലായതിനാൽ നടപടി ക്രമങ്ങൾ മന്ദഗതിയിലാണ്. ഫലപ്രഖ്യാപനവും വൈകുമെന്നാണ് വിവരം. നിലവിൽ മൂന്ന് സീറ്റുകളിലെ ഫലം മാത്രമാണ് പുറത്തുവന്നത്. അതിൽ രണ്ട് സീറ്റുകളിൽ ജെഡിയുവും ഒരു സീറ്റിൽ ആർജെഡിയും വിജയിച്ചു. നിലവിലെ സീറ്റുകളിലെ ലീഡ് നില ഒറ്റനോട്ടത്തിൽ

4:42 PM IST:

ബിഹാർ നിയമസഭ തെരഞ്ഞെടുപ്പിൽ രണ്ട് സീറ്റിൽ നിതീഷ് കുമാറിന്റെ പാർട്ടിയായ ജെഡിയു വിജയിച്ചു. 41 സീറ്റുകളിൽ ജെഡിയു സ്ഥാനാർത്ഥികൾ മുന്നിലുണ്ട്. കഴിഞ്ഞ തെരഞ്ഞെടുപ്പിനെ അപേക്ഷിച്ച് വലിയ തിരിച്ചടിയാണ് ജെഡിയുവിന് സംസ്ഥാനത്ത് ഉണ്ടായത്.

4:27 PM IST:

സിന്ധ്യക്കൊപ്പം ബിജെപിയിൽ ചേക്കേറിയ എംഎൽഎമാർ കൂറുമാറ്റ നിരോധന നിയമപ്രകാരം രാജിവച്ച സീറ്റുകളിലേക്കാണ് മധ്യപ്രദേശിൽ വീണ്ടും തെരഞ്ഞെടുപ്പ് നടത്തിയത്. ഗ്വാളിയോർ രാജകുടുംബാംഗമായ സിന്ധ്യയുടെ ബിജെപിയിലെ സ്വാധീനം ഉറപ്പിക്കുന്നതിന് ഏറെ പ്രധാനമായിരുന്നു ഈ മാറ്റം. കോൺഗ്രസിലെ സംസ്ഥാന നേതൃനിരയിൽ രണ്ടാം സ്ഥാനത്തായിരുന്ന സിന്ധ്യക്ക് ബിജെപിയിലെ സംസ്ഥാന നേതൃനിരയിൽ സ്വാധീനം നേടാൻ വളരെ പ്രധാനപ്പെട്ട തെരഞ്ഞെടുപ്പായിരുന്നു ഇത്. ഉപതെരഞ്ഞെടുപ്പ് നടന്ന 28 മണ്ഡലങ്ങളിൽ 20 തിലും ബിജെപി ലീഡ് ചെയ്യുകയാണ്. മേഖലയിൽ വൻ വിജയം നേടാനായാൽ സിന്ധ്യക്ക് ആശ്വസിക്കാം. ഗ്വാളിയോറിന്റെ കിരീടം വെക്കാത്ത രാജാവായി മാറും സിന്ധ്യ.

4:17 PM IST:

ഒളിംപിക്സിലടക്കം ഇന്ത്യയുടെ അഭിമാന താരമായിരുന്ന യോഗേശ്വർ ദത്ത് വീണ്ടുമൊരിക്കൽ കൂടി ഹരിയാനയിലെ തെരഞ്ഞെടുപ്പ് ഗോദയിലിറങ്ങി വമ്പൻ പരാജയം ഏറ്റുവാങ്ങിയിരിക്കുകയാണ്. 

വാർത്ത വായിക്കാം

ഹരിയാനയില്‍ ബിജെപിക്ക് വേണ്ടി ഗോദയിലിറങ്ങിയ യോഗേശ്വര്‍ ദത്തിന് പരാജയം ...

4:13 PM IST:

തെലങ്കാനയിൽ നിന്ന് ഇന്ത്യൻ പാർലമെന്റിലെത്തി ന്യൂനപക്ഷ വിഭാഗത്തിന്റെ ശക്തമായ ശബ്ദവും സാന്നിധ്യവുമായി മാറിയ അസദുദ്ദീൻ ഒവൈസിയുടെ എഐഎംഐഎമ്മിന് ബിഹാർ തെരഞ്ഞെടുപ്പിൽ അഭിമാനകരമായ മുന്നേറ്റം. നിലവിൽ നാല് സീറ്റുകളിലാണ് ഒരു മുന്നണിയുടെയും പിന്തുണയില്ലാതെ മത്സരിച്ച ഒവൈസിയും സംഘവും മുന്നേറുന്നത്.

4:09 PM IST:

ബിഹാറിൽ ഇപ്പോഴത്തെ ലീഡ് നില അനുസരിച്ച് ബിജെപിക്ക് 77 സീറ്റിൽ മേൽക്കൈയുണ്ട്. അതേസമയം ഇടതുപക്ഷത്തെ പ്രധാന പാർട്ടിയായിരുന്ന സിപിഐഎംഎൽ ലിബറേഷന്റെ ലീഡ് നില 11 ലേക്ക് താഴ്ന്നു. ഒരു ഘട്ടത്തിൽ 14 വരെയെത്തിയ ശേഷമാണ് 11 ലേക്ക് താഴ്ന്നത്.

4:03 PM IST:

ബിഹാര്‍ വോട്ടെണ്ണല്‍ പുരോഗമിക്കുമ്പോള്‍ ഇതുവരയുള്ള കണക്ക് പ്രകാരം ബിജെപിയുടെ നേതൃത്വത്തില്‍ എൻഡിഎ മുന്നേറ്റം പ്രകടമാണെങ്കിലും ഫലം ഉറപ്പിക്കാവുന്ന സ്ഥിതി ബിഹാറിലായിട്ടില്ലെന്നാണ് വ്യക്തമാകുന്നത്. ബിഹാറില്‍ അതിനിര്‍ണായകമാകു 23 സീറ്റാണ്. ഇവിടെ അഞ്ഞൂറില്‍ താഴെ മാത്രം ലീഡാണ് സ്ഥാനാര്‍ത്ഥികൾക്കുള്ളത്. ഏഴ് മണ്ഡലങ്ങളിൽ വോട്ട് വ്യത്യാസം ഇരുന്നൂറില്‍ താഴെ മാത്രമാണ്.

3:45 PM IST:

എട്ട് മണിക്ക് തുടങ്ങിയ ബിഹാര്‍ വോട്ടെണ്ണല്‍ എട്ടാംമണിക്കൂറിലേക്ക് കടക്കുമ്പോള്‍ തെരഞ്ഞെടുപ്പ് കമ്മീഷൻ ആദ്യവിജയം പ്രഖ്യാപിച്ചു. ആര്‍ജെഡിക്കാണ് ആദ്യവിജയം. ദർഭംഗ റൂറലിൽ ആര്‍ജെഡിയുടെ ലളിത് യാദവ് വിജയിച്ചതായാണ് കമ്മീഷൻ പ്രഖ്യാപിച്ചത്

3:39 PM IST:

ബിഹാറില്‍ ഇതുവരെയുള്ള വോട്ടെണ്ണലില്‍ മുന്നിലെത്തിയതോടെ ബിജെപി പ്രവര്‍ത്തകര്‍ ആഘോഷവുമായി തെരുവിലിറങ്ങി. പറ്റ്നയിലാണ് പ്രവര്‍ത്തകരുടെ വലിയ ആഘോഷം നടക്കുന്നത്. മഹിളാ മോ‍ർച്ച പ്രവര്‍ത്തകരും ആഘോഷവുമായി തെരുവുകളിലുണ്ട്.

4:18 PM IST:

ബിഹാര്‍ തെരഞ്ഞെടുപ്പില്‍ മിഥിലാഞ്ചല്‍ മേഖലയില്‍ എൻഡിഎയുടെ ആധിപത്യം. ഇവിടത്തെ 60 സീറ്റ്‌ കളിൽ 43 ഇടത്തും എൻഡിഎ സ്ഥാനാര്‍ത്ഥികളാണ് മുന്നേറുന്നത്. അതേസമയം മഗധ മേഖലയില്‍ മഹാസഖ്യത്തിന് മേല്‍ക്കൈ. 61 മണ്ഡലങ്ങളിൽ 34 ഇടത്തും മഹാ സഖ്യ സ്ഥാനാര്‍ത്ഥികള്‍ മുന്നേറുകയാണ്

3:15 PM IST:

എട്ട് മണിക്ക് തുടങ്ങിയ ബിഹാര്‍ വോട്ടെണ്ണല്‍ എട്ടാംമണിക്കൂറിലേക്ക് കടക്കുമ്പോള്‍ ബിജെപിയുടെ നേതൃത്വത്തില്‍ എൻഡിഎ സഖ്യമാണ് മുന്നില്‍. 73 സീറ്റില്‍ മുന്നേറുന്ന ബിജെപിയുടെ കരുത്തില്‍ എൻഡിഎ സഖ്യം അധികാരത്തിലേറാനുള്ള സാധ്യത ഏറിയിട്ടുണ്ട്. നിതീഷ് കുമാറിന്‍റെ ജെഡിയുവിന് 49 സീറ്റുകളിലാണ് മുന്നിലെത്താനായത്. അതേസമയം തേജസ്വി യാദവിന്‍റെ ആര്‍ജെഡി 66 സീറ്റിലാണ് ലീഡ് ചെയ്യുന്നത്. കോണ്‍ഗ്രസ് 21 സീറ്റിലും ഇടതുപക്ഷം 19 ഇടത്തും മുന്നേറുകയാണ്. എന്നാല്‍ തെരഞ്ഞെടുപ്പ് ഫലം ഉറപ്പിക്കാവുന്ന സ്ഥിതി ബിഹാറിലായിട്ടില്ലെന്നാണ് വ്യക്തമാകുന്നത്. 74 മണ്ഡലങ്ങളില്‍ ആയിരത്തില്‍ താഴെ മാത്രമാണ് ലീഡെന്നത് ഫലം അപ്രവചനീയമാക്കുന്നു


 

3:02 PM IST:

ബിജെപി ജയം ഉറപ്പിച്ചെന്ന് സംസ്ഥാന അധ്യക്ഷൻ സഞ്ജയ് ജയ്സ്വാള്‍. നിതീഷ് കുമാർ തന്നെ മുഖ്യമന്ത്രിയെന്നും 
തെരഞ്ഞെടുപ്പിന് മുമ്പുള്ള ധാരണയിൽ മാറ്റമില്ലെന്നും സഞ്ജയ് ജയ്സ്വാൾ വ്യക്തമാക്കി

2:41 PM IST:

എട്ട് മണിക്ക് തുടങ്ങിയ ബിഹാര്‍ വോട്ടെണ്ണല്‍ ഇതുവരെ എണ്ണിക്കഴിഞ്ഞത് 31 ശതമാനം വോട്ടുകൾ മാത്രം. 69 ശതമാനം വോട്ടുകൾ എണ്ണാനുള്ളതിനാല്‍ രാത്രി വൈകിമാത്രമേ ഫലം പുറത്തുവരു. ഇതുവരെ എണ്ണിയ വോട്ടുകളെ അടിസ്ഥാനപ്പെടുത്തിയുള്ള വോട്ട് വിഹിതത്തില്‍ ആര്‍ജെഡിയാണ് മുന്നില്‍. ആർജെഡി 23 ശതമാനം വോട്ടുകള്‍ നേടി. ബിജെപി 19.7 ശതമാനവും ജെഡിയു 15.51 ശതമാനവും കോൺഗ്രസ് 9.28 ശതമാനവും എൽജെപി 5.82 ശതമാനവും വോട്ടുകള്‍ സ്വന്തമാക്കിയിട്ടുണ്ട്. അതേസമയം സീറ്റുകളുടെ ലീഡ് നിലയില്‍ ബിജെപിയാണ് ഏറ്റവും മുന്നില്‍. ബിജെപി 73 സീറ്റില്‍ ലീഡ് ചെയ്യുമ്പോള്‍ ആര്‍ജെഡി 68 സീറ്റിലാണ് മുന്നിട്ടുനിൽക്കുന്നത്.

2:30 PM IST:

ബിഹാര്‍ വോട്ടെണ്ണല്‍ 25 ശതമാനം മാത്രം പൂര്‍ത്തിയായ സാഹചര്യത്തില്‍ തെരഞ്ഞെടുപ്പ് ഫലസൂചനയായിട്ടില്ലെന്ന് ആര്‍ജെഡി. ബിജെപി മുന്നേറുന്ന നിലവിലെ സ്ഥിതി മാറുമെന്നും വിജയിക്കുമെന്ന പ്രതീക്ഷയുണ്ടെന്നും ആർജെഡി എംപി മനോജ് ഝാ അഭിപ്രായപ്പെട്ടു

 

2:07 PM IST:

ഇവിഎം ക്രമക്കേട് ആരോപണമുന്നയിച്ച് കോണ്‍ഗ്രസ് രംഗത്തെത്തി. ഉപഗ്രഹങ്ങള്‍ നിയന്ത്രിക്കാമെങ്കില്‍ വോട്ടിംഗ് മെഷിനെയും പറ്റുമെന്ന് കോണ്‍ഗ്രസ് നേതാവ് ഉദിത് രാജ് ആരോപിച്ചു. എന്നാല്‍ കോണ്‍ഗ്രസിന്‍റെ ആരോപണം തെരഞ്ഞെടുപ്പ് കമ്മീഷൻ തള്ളിക്കളഞ്ഞു.
സുപ്രീംകോടതി തള്ളിയ ആരോപണമാണ് ഇതെന്നും കമ്മീഷൻ ചൂണ്ടികാണിച്ചു

1:51 PM IST:

എട്ട് മണിക്ക് തുടങ്ങിയ ബിഹാര്‍ വോട്ടെണ്ണല്‍ മന്ദഗതിയില്‍ പുരോഗമിക്കുമ്പോള്‍ ബിജെപിയുടെ നേതൃത്വത്തില്‍ എൻഡിഎ മുന്നേറ്റമാണ് ദൃശ്യമാകുന്നത്. എന്നാല്‍ തെരഞ്ഞെടുപ്പ് ഫലം ഉറപ്പിക്കാവുന്ന സ്ഥിതി ബിഹാറിലായിട്ടില്ലെന്നാണ് വ്യക്തമാകുന്നത്. 74 മണ്ഡലങ്ങളില്‍ ആയിരത്തില്‍ താഴെ മാത്രമാണ് ലീഡെന്നത് ഫലം അപ്രവചനീയമാക്കുന്നു. ഇതില്‍ തന്നെ 42 മണ്ഡലങ്ങളിൽ വോട്ട് വ്യത്യാസം അഞ്ഞൂറില്‍ താഴെ മാത്രമാണ്. ഏഴ് മണ്ഡലങ്ങളിൽ വോട്ട് വ്യത്യാസം ഇരുന്നൂറില്‍ താഴെ മാത്രമാണ്.

1:48 PM IST:

ബീഹാർ വോട്ടെണ്ണൽ മന്ദഗതിയില്‍ നടക്കുന്നതിനാല്‍ ഫലം രാത്രി വൈകിയോടെ മാത്രമേ പുറത്തുവരു. നാലിൽ ഒന്ന് വോട്ടുകൾ മാത്രമേ എണ്ണിതീർന്നിട്ടുള്ളു എന്ന് ബീഹാർ ചീഫ് ഇലക്ട്‌റൽ ഓഫീസർ ശ്രീനിവാസ് അറിയിച്ചു. കൊവിഡ് പ്രോട്ടോകോൾ പാലിച്ചു വോട്ടെണ്ണൽ നടക്കുന്നതിനാലാണ് വോട്ടെണ്ണൽ പൂർത്തിയാകാൻ വൈകുന്നതെന്നും ബീഹാർ സിഇഒ വ്യക്തമാക്കി

1:11 PM IST:

എട്ട് മണിക്ക് തുടങ്ങിയ ബിഹാര്‍ വോട്ടെണ്ണല്‍ മന്ദഗതിയിലാണ് പുരോഗമിക്കുന്നത്. കൊവിഡ് പശ്ചാത്തലത്തില്‍ വോട്ടെണ്ണല്‍ വൈകുന്നുവെന്നാണ് മനസിലാകുന്നത്. വോട്ടെണ്ണല്‍ വൈകുന്നതിനാല്‍ അന്തിമഫലം വൈകുമെന്ന് തെരഞ്ഞെടുപ്പ് കമ്മീഷൻ അറിയിച്ചിട്ടുണ്ട്.

1:03 PM IST:

എട്ട് മണിക്ക് തുടങ്ങിയ ബിഹാര്‍ വോട്ടെണ്ണല്‍ മന്ദഗതിയിലാണ് പുരോഗമിക്കുന്നത്. വോട്ടെണ്ണല്‍ തുടങ്ങിഅഞ്ച് മണിക്കൂര്‍ പിന്നിടുമ്പോള്‍ 15 ശതമാനം വോട്ടുകള്‍ മാത്രമാണ് എണ്ണിക്കഴിഞ്ഞതെന്നാണ് വ്യക്തമാകുന്നത്. ഇതുവരെയുള്ള ലീഡ് നില സൂചനയായി പരിഗണിച്ചാല്‍ ബിജെപി സഖ്യം അധികാരം തുടരുമെന്നാണ് വ്യക്തമാകുന്നത്.

 

12:57 PM IST:

രാഷ്ട്രീയ ഇന്ത്യ ഉറ്റുനോക്കുന്ന തെരഞ്ഞെടുപ്പില്‍ എൻഡിഎ സഖ്യം മുന്നേറുന്നതിനിടെ ബിഹാര്‍ ജെഡിയു സംസ്ഥാന അധ്യക്ഷൻ നിലപാട് വ്യക്തമാക്കി രംഗത്തെത്തി. നിതീഷ് തന്നെയാകും അടുത്ത മുഖ്യമന്ത്രിയെന്നും പങ്കുവയ്ക്കലുണ്ടാകില്ലെന്നും അദ്ദേഹം അറിയിച്ചു. 
ജനവിധി നിതീഷിന്‍റെ ജയമാണ്. മോദി തന്ന ഉറപ്പ് ബി ജെ പി പാലിക്കുമെന്ന് വിശ്വാസമുണ്ട്. എൽജെപിയെ മുന്നണിയിലെടുക്കില്ലെന്നും ജെഡിയു ബീഹാർ അധ്യക്ഷൻ ഏഷ്യാനെറ്റ് ന്യൂസിനോട് പറഞ്ഞു.
 

12:32 PM IST:

എട്ട് മണിക്ക് തുടങ്ങിയ ബിഹാര്‍ വോട്ടെണ്ണല്‍ മന്ദഗതിയില്‍ പുരോഗമിക്കുമ്പോള്‍ ബിജെപിയുടെ നേതൃത്വത്തില്‍ എൻഡിഎ മുന്നേറ്റമാണ് ദൃശ്യമാകുന്നത്. എന്നാല്‍ തെരഞ്ഞെടുപ്പ് ഫലം ഉറപ്പിക്കാവുന്ന സ്ഥിതി ബിഹാറിലായിട്ടില്ലെന്നാണ് വ്യക്തമാകുന്നത്. 73 മണ്ഡലങ്ങളില്‍ ആയിരത്തില്‍ താഴെ മാത്രമാണ് ലീഡെന്നത് ഫലം അപ്രവചനീയമാക്കുന്നു. വോട്ടെണ്ണല്‍ തുടങ്ങി നാലരമണിക്കൂര്‍ പിന്നിടുമ്പോള്‍ മൂന്നിലൊന്ന് വോട്ടുകള്‍ മാത്രമാണ് എണ്ണിക്കഴിഞ്ഞതെന്നാണ് വ്യക്തമാകുന്നത്.

12:28 PM IST:

ബിഹാറിൽ പ്രതീക്ഷിച്ച നേട്ടം മഹാ സഖ്യത്തിന് ഉണ്ടായില്ലെന്ന് മുസ്ലീം ലീഗ് ദേശീയ ജനറൽ സെക്രട്ടറി പി കെ കുഞ്ഞാലിക്കുട്ടി എം പി അഭിപ്രായപ്പെട്ടു. ന്യൂനപക്ഷ വോട്ടുകൾ ഭിന്നിച്ചതായി കാണുന്നുവെന്നും അദ്ദേഹം ചൂണ്ടികാട്ടി. ഇന്ത്യൻ രാഷ്ട്രീയം ഭാവിയിൽ ബി ജെ പിക്ക് സുഖകരമാവില്ലെന്ന സൂചനയും ബിഹാറിൽ നിന്നും വരുന്നുണ്ടെന്നും കുഞ്ഞാലിക്കുട്ടി അഭിപ്രായപ്പെട്ടു

12:21 PM IST:

എട്ട് മണിക്ക് തുടങ്ങിയ ബിഹാര്‍ വോട്ടെണ്ണല്‍ മന്ദഗതിയിലാണ് പുരോഗമിക്കുന്നത്. വോട്ടെണ്ണല്‍ തുടങ്ങി നാലരമണിക്കൂര്‍ പിന്നിടുമ്പോള്‍ മൂന്നിലൊന്ന് വോട്ടുകള്‍ മാത്രമാണ് എണ്ണിക്കഴിഞ്ഞതെന്നാണ് വ്യക്തമാകുന്നത്. ഇതുവരെയുള്ള ലീഡ് നില സൂചനയായി പരിഗണിച്ചാല്‍ ബിജെപി സഖ്യം അധികാരം തുടരുമെന്നാണ് വ്യക്തമാകുന്നത്.
 

12:25 PM IST:

ബിഹാർ തെരഞ്ഞെടുപ്പ് പോരാട്ടത്തില്‍ ഭരണമുറപ്പിച്ച് ബിജെപിയുടെ മുന്നേറ്റം. 74 സീറ്റില്‍ മുന്നേറുന്ന ബിജെപിയുടെ കരുത്തില്‍ എൻഡിഎ സംഖ്യം അധികാരത്തിലേക്കെന്ന സൂചനയാണ് പുറത്തുവരുന്നത്. കഴിഞ്ഞ തവണ 53 സീറ്റുണ്ടായിരുന്ന ബിജെപി ഇപ്പോള്‍ 73 ഇടത്ത് മുന്നിലെത്തിയിട്ടുണ്ട്. ഭരണത്തിന് നേതൃത്വം നല്‍കിയിരുന്ന നിതീഷ് കുമാറിനും പാര്‍ട്ടിക്കും സീറ്റുകളുടെ എണ്ണത്തില്‍ വലിയ നഷ്ടമാണുണ്ടായിരിക്കുന്നത്. കഴിഞ്ഞ തവണ 71 സീറ്റില്‍ ജയിച്ച ജെഡിയു നിലവില്‍ 47 സീറ്റില്‍ മാത്രമാണ് മുന്നേറുന്നത്. തേജസ്വി യാദവിന്‍റെ ആര്‍ജെഡിക്കും നഷ്ടക്കണക്കാണ് പറയാനുള്ളത്. കഴിഞ്ഞ തവണ 80 സീറ്റില്‍ ജയിച്ച ആര്‍ജെഡി 62 സീറ്റിലാണ് ലീഡ് ചെയ്യുന്നത്. മഹാസഖ്യത്തിലെ രണ്ടാമത്തെ വലിയ പാർട്ടിയായ കോണ്‍ഗ്രസിന്‍റെ പ്രകടനം നിരാശജനകമാണ്. 70 സീറ്റില്‍ മത്സരിച്ച കോണ്‍ഗ്രസിന് 21 സീറ്റില്‍ മാത്രമാണ് മുന്നേറാനാകുന്നത്. അതേസമയം ഇടതുപക്ഷം മത്സരിച്ച 29 ല്‍ 19 ഇടത്തും മുന്നേറുകയാണ്. ഇടതുപക്ഷത്ത് സിപിഐഎംഎല്ലാണ് ഏറ്റവും നേട്ടമുണ്ടാക്കുന്നത്

 

 

11:40 AM IST:

മഹാസഖ്യത്തില്‍ കോണ്‍ഗ്രസിന്‍റെ പ്രകടനം നിരാശാജനകമെന്നാണ് ഇതുവരെയുള്ള ഫലസൂചന വ്യക്തമാക്കുന്നത്. തേജസ്വി യാദവിന്‍റെ ആര്‍ജെഡി ഏറ്റവും വലിയ ഒറ്റകക്ഷിയായി 71 സീറ്റില്‍ മുന്നേറുമ്പോള്‍ കോണ്‍ഗ്രസിന് 21 സീറ്റില്‍ മാത്രമാണ് ലീഡ് നേടാനായത്. 70 സീറ്റില്‍ മത്സരിച്ച കോണ്‍ഗ്രസിന് മൂന്നിലൊന്ന് സീറ്റില്‍ പോലും മുന്നേറാകാനാകാത്തതാണ് മഹാസഖ്യത്തിന് ഈ ഘട്ടത്തില്‍ തിരിച്ചടിയാകുന്നത്. 29 സീറ്റില്‍ മത്സരിച്ച ഇടതുപാര്‍ട്ടികളാടക്കെ 19 ഇടത്ത് മുന്നേറി തിളക്കമാര്‍ന്ന പ്രകടനമാണ് പുറത്തെടുക്കുന്നത്

11:31 AM IST:

ബിഹാർ തെരഞ്ഞെടുപ്പ് പോരാട്ടചിത്രം വ്യക്തമാകുമ്പോള്‍ ബിജെപി മുന്നേറ്റം തുടരുകയാണ്. കഴിഞ്ഞ തവണ 53 സീറ്റുണ്ടായിരുന്ന ബിജെപി ഇപ്പോള്‍ 70 ഇടത്ത് മുന്നിലെത്തിയിട്ടുണ്ട്. അതേസമയം ഇടതുപക്ഷവും തിളക്കമാര്‍ന്ന പ്രകടനമാണ് കാഴ്ചവയ്ക്കുന്നത്. 19 ഇടത്ത് മുന്നേറുകയാണ് ഇടതുപാര്‍ട്ടികള്‍.

11:14 AM IST:

ബിഹാർ തെരഞ്ഞെടുപ്പ് പോരാട്ടചിത്രം വ്യക്തമാകുമ്പോള്‍ ലീഡ് നിലവച്ചുള്ള കണക്ക് പരിശോധിച്ചാല്‍ നിതീഷ് കുമാറിന്‍റെ ജെഡിയുവിന് വലിയ നഷ്ടമാണ് കാണുന്നത്. കഴിഞ്ഞ തവണ 71 സീറ്റുണ്ടായിരുന്ന ജെഡിയു ഇപ്പോള്‍ 47 ഇടത്ത് മാത്രമാണ് മുന്നിലുള്ളത്. അതേസമയം ബിജെപി വലിയ നേട്ടമാണ് ഉണ്ടാക്കുന്നത്. കഴിഞ്ഞ തവണ 53 സീറ്റുണ്ടായിരുന്ന ബിജെപി ഇപ്പോള്‍ 70 ഇടത്ത് മുന്നിലെത്തിയിട്ടുണ്ട്. അതേസമയം ഇടതുപക്ഷവും തിളക്കമാര്‍ന്ന പ്രകടനമാണ് കാഴ്ചവയ്ക്കുന്നത്. 12 ഇടത്ത് മുന്നേറുകയാണ് ഇടതുപാര്‍ട്ടികള്‍.

11:05 AM IST:

ബിഹാർ തെരഞ്ഞെടുപ്പ് പോരാട്ടം ഇഞ്ചോടിഞ്ചായി നീങ്ങുമ്പോള്‍ സീറ്റുകളുടെ ലീഡ് നിലയില്‍ ബിജെപി ആര്‍ജെഡിയെ മറികടന്നു. നിലവില്‍ 71 സീറ്റിലാണ് ബിജെപി മുന്നേറുന്നത്. തേജസ്വി യാദവിന്‍റെ ആര്‍ജെഡി 69 സീറ്റിലാണ് ലീഡ് ചെയ്യുന്നത്. എൻഡിഎ സഖ്യത്തില്‍ ജെഡിയു 50 ഇടത്ത് മുന്നിലാണ്. മഹാസഖ്യത്തില്‍ കോണ്‍ഗ്രസ് 24 സീറ്റിലും ഇടതുപക്ഷം 12 ഇടത്തും മുന്നേറുകയാണ്.

10:58 AM IST:

ബിഹാർ തെരഞ്ഞെടുപ്പ് പോരാട്ടം ഇഞ്ചോടിഞ്ചായി നീങ്ങുമ്പോള്‍ മഹാസഖ്യത്തില്‍ കോണ്‍ഗ്രസിന്‍റെ പ്രകടനം നിരാശാജനകമെന്നാണ് ഇതുവരെയുള്ള ഫലസൂചന വ്യക്തമാക്കുന്നത്. തേജസ്വി യാദവിന്‍റെ ആര്‍ജെഡി ഏറ്റവും വലിയ ഒറ്റകക്ഷിയായി 71 സീറ്റില്‍ മുന്നേറുമ്പോള്‍ കോണ്‍ഗ്രസിന് 24 സീറ്റില്‍ മാത്രമാണ് ലീഡ് നേടാനായത്. 70 സീറ്റില്‍ മത്സരിച്ച കോണ്‍ഗ്രസിന് പകുതി സീറ്റില്‍ പോലും മുന്നേറാകാനാകാത്തതാണ് മഹാസഖ്യത്തിന് ഈ ഘട്ടത്തില്‍ തിരിച്ചടിയാകുന്നത്. 29 സീറ്റില്‍ മത്സരിച്ച ഇടതുപാര്‍ട്ടികളാടക്കെ 12 ഇടത്ത് മുന്നേറുന്നുണ്ട്.

10:45 AM IST:

പ്രധാന മേഖലകളിൽ ലീഡ് തിരിച്ചു പിടിച്ച് എൻഡിഎ. മിഥിലാഞ്ചലിലും ചമ്പാരനിലും കോസിയിലും സീമഞ്ചലിലും എൻഡിഎ മുന്നേറുകയാണ്. മഹാസഖ്യത്തിന് വ്യക്തമായ മേൽക്കൈ ഭോജ്പുരിയിൽ മാത്രമാണുള്ളത്. ഇവിടെ 23സീറ്റ്‌ കളിൽ മഹാസഖ്യം മുന്നിലെത്തി. എൻഡിഎ 14മണ്ഡലങ്ങളിലാണ് മുന്നേറുന്നത്.

10:38 AM IST:

ബിഹാർ തെരഞ്ഞെടുപ്പ് പോരാട്ടം ഇഞ്ചോടിഞ്ചായി നീങ്ങുമ്പോള്‍ തേജസ്വി യാദവിന്‍റെ ആര്‍ജെഡി ഏറ്റവും വലിയ ഒറ്റകക്ഷിയാകുന്നു. 76 സീറ്റിലാണ് നിലവില്‍ ആർജെഡി ലീഡ് ചെയ്യുന്നത്. എൻഡിഎ സഖ്യത്തില്‍ ബിജെപി 66 സീറ്റില്‍ മുന്നേറുമ്പോള്‍ ജെഡിയു 50 ഇടത്ത് മുന്നിലാണ്. മഹാസഖ്യത്തില്‍ കോണ്‍ഗ്രസ് 24 സീറ്റിലും ഇടതുപക്ഷം 12 ഇടത്തും മുന്നേറുകയാണ്.

 

10:19 AM IST:

ബിഹാറില്‍ അധികാരത്തിലേറാൻ വേണ്ട കേവല ഭൂരിപക്ഷമായ 122 സീറ്റ് കടന്ന് എൻഡിഎ സഖ്യത്തിന്‍റെ ലീഡ് നില. ഏറ്റവും ഒടുവില്‍ വിവരം പുറത്തുവരുമ്പോള്‍ എൻഡിഎ 125 സീറ്റിലേറെ മുന്നേറുകയാണ്. എൻ ഡി എ സഖ്യത്തിൽ ബിജെപിയാണ് മികച്ച പ്രകടനം കാഴ്ചവയ്ക്കുന്നത്. ആദ്യഘട്ടത്തില്‍ മുന്നേറിയ മഹാസഖ്യത്തിന്‍റെ ലീഡ് നില 100 സീറ്റില്‍ താഴേക്ക് എത്തി. ഇടതുപക്ഷ സ്ഥാനാർത്ഥികൾ 12 സീറ്റിൽ മുന്നേറുകയാണ്.

 

9:57 AM IST:

ബിഹാറില്‍ എന്‍‍ഡിഎയും മഹാസഖ്യവും തമ്മില്‍ ഇഞ്ചോടിഞ്ച് പോരാട്ടം. 119 സീറ്റില്‍ എന്‍ഡിഎ, 116 സീറ്റില്‍ മഹാസഖ്യം

9:52 AM IST:

വമ്പന്‍ തിരിച്ചുവരവ് നടത്തി എന്‍ഡിഎ. 119 സീറ്റില്‍ എന്‍‍ഡിഎ മുന്നില്‍, മഹാസഖ്യം 114 സീറ്റില്‍ മുന്നില്‍

9:47 AM IST:

ബിഹാറില്‍ അധികാരത്തിലേറാൻ വേണ്ട കേവല ഭൂരിപക്ഷമായ 122 സീറ്റ് കടന്ന് മഹാസംഖ്യം മുന്നേറിയെങ്കിലും ഇപ്പോൾ എൻഡിഎ പോരാട്ടം കടുപ്പിക്കുകയാണ്. ഏറ്റവും ഒടുവില്‍ വിവരം പുറത്തുവരുമ്പോള്‍ മഹാസഖ്യത്തിൻ്റെ ലീഡ് നില 120 ലേക്ക് എത്തി. എൻ ഡി എ സംഖ്യം 113 സീറ്റിലാണ് മുന്നേറുന്നത്. എൻ ഡി എ സംഖ്യത്തിൽ ബിജെപിയാണ് മികച്ച പ്രകടനം കാഴ്ചവയ്ക്കുന്നത്. ഇടതുപക്ഷ സ്ഥാനാർത്ഥികൾ 12 സീറ്റിൽ മുന്നേറുകയാണ്.

9:34 AM IST:

ബിഹാറില്‍ അധികാരത്തിലേറാൻ വേണ്ട കേവല ഭൂരിപക്ഷമായ 122 സീറ്റ് കടന്ന് മഹാസഖ്യത്തിന്‍റെ ലീഡ് നില. ഏറ്റവും ഒടുവില്‍ വിവരം പുറത്തുവരുമ്പോള്‍ മഹാസംഖ്യം 126 സീറ്റിലേറെ മുന്നേറുകയാണ്. മഹാസഖ്യത്തില്‍ ജെഡിയുവാണ് കുതിക്കുന്നത്. 89 സീറ്റുകളിലാണ് തേജസ്വിയുടെ പാര്‍ട്ടി ലീഡ് ചെയ്യുന്നത്. കോണ്‍ഗ്രസ് 25 സീറ്റിലും ഇടതുപക്ഷം 12 സീറ്റിലും മുന്നേറുന്നു

 

 

 

9:26 AM IST:

ആർ ജെ ഡി - ജെഡിയു നേരിട്ട മത്സരം നടന്ന ഭൂരിപക്ഷ സീറ്റുകളിലും ആർജെഡി കുതിക്കുകയാണ്. എൻഡിഎയില്‍ ബിജെപിയാണ് മികച്ച പ്രകടനം നടത്തുന്നത്

9:37 AM IST:

ബിഹാറില്‍ അധികാരത്തിലേറാൻ വേണ്ട കേവല ഭൂരിപക്ഷമായ 122 സീറ്റ് കടന്ന് മഹാസഖ്യത്തിന്‍റെ ലീഡ് നില. ഏറ്റവും ഒടുവില്‍ വിവരം പുറത്തുവരുമ്പോള്‍ മഹാസഖ്യം 125 സീറ്റിലേറെ മുന്നേറുകയാണ്. എൻ ഡി എ സംഖ്യം 110 സീറ്റിലാണ് മുന്നേറുന്നത്. എൻ ഡി എ സഖ്യത്തിൽ ബിജെപിയാണ് മികച്ച പ്രകടനം കാഴ്ചവയ്ക്കുന്നത്. ഇടതുപക്ഷ സ്ഥാനാർത്ഥികൾ 12 സീറ്റിൽ മുന്നേറുകയാണ്

9:16 AM IST:

ബിഹാറില്‍ വീണ്ടും ലീഡ് നിലയില്‍ കേവല ഭൂരിപക്ഷമായ 122 എന്ന സംഖ്യ കടന്ന മഹാസഖ്യം. നൂറ് കടന്ന് എന്‍‍ഡിഎയും. 

9:11 AM IST:

94 സീറ്റുകളില്‍ എന്‍ഡിഎ മുന്നില്‍, മഹാസഖ്യം 117 സീറ്റില്‍ മുന്നില്‍

9:09 AM IST:

No description available.

9:05 AM IST:

ബിഹാറില്‍ അധികാരത്തിലേറാൻ വേണ്ട കേവല ഭൂരിപക്ഷമായ 122 സീറ്റ് കടന്ന് മഹാസംഖ്യത്തിന്‍റെ ലീഡ് നില. ഏറ്റവും ഒടുവില്‍ വിവരം പുറത്തുവരുമ്പോള്‍ മഹാസംഖ്യം 125 സീറ്റിലേറെ മുന്നേറുകയാണ്. എൻ ഡി എ സംഖ്യം 85 സീറ്റിലാണ് മുന്നേറുന്നത്. എൻ ഡി എ സംഖ്യത്തിൽ ബിജെപിയാണ് മികച്ച പ്രകടനം കാഴ്ചവയ്ക്കുന്നത്. ഇടതുപക്ഷ സ്ഥാനാർത്ഥികൾ 10 സീറ്റിൽ മുന്നേറുകയാണ്.

9:02 AM IST:

ബിഹാര്‍ തെരഞ്ഞെടുപ്പില്‍ ഭരണപക്ഷത്തിന് തിരിച്ചടി നേരിടുമ്പോള്‍ ബിജെപി മികച്ച പ്രകടനമാണ് പുറത്തെടുക്കുന്നത്. 
എൻ ഡി എ സംഖ്യം 85 സീറ്റിലാണ് മുന്നേറുന്നത്. എൻ ഡി എ സംഖ്യത്തിൽ ബിജെപിയാണ് നേട്ടമുണ്ടാക്കുന്നത്. ബിജെപി സ്ഥാനാര്‍ത്ഥികൾ 50 സീറ്റിലേറെ മുന്നേറുന്നുണ്ട്.

8:54 AM IST:

ബിഹാറില്‍ ആദ്യ ഫല സൂചനകൾ പുറത്തുവരുമ്പോൾ തേജസ്വി തരംഗമെന്ന് സൂചന. മഹാസഖ്യത്തിന് കുതിപ്പ് 100 സീറ്റില്‍ മുന്നിലെത്തിയിട്ടുണ്ട്. എൻഡിഎ സംഖ്യം 60 സീറ്റിലാണ് മുന്നേറുന്നത്. എൻ ഡി എ സംഖ്യത്തിൽ ബിജെപിയാണ് മികച്ച പ്രകടനം കാഴ്ചവയ്ക്കുന്നത്. ഇടതുപക്ഷ സ്ഥാനാർത്ഥികൾ 7 സീറ്റിൽ മുന്നേറുകയാണ്.

8:47 AM IST:

ബിഹാറില്‍ ആദ്യ ഫല സൂചനകൾ പുറത്തുവരുമ്പോൾ മഹാസഖ്യത്തിന് കുതിപ്പ്. ഇതുവരെ 100 സീറ്റില്‍ മുന്നിലെത്തിയിട്ടുണ്ട്. എൻഡിഎ സംഖ്യം 60 സീറ്റിലാണ് മുന്നേറുന്നത്. എൻ ഡി എ സംഖ്യത്തിൽ ബിജെപിയാണ് മികച്ച പ്രകടനം കാഴ്ചവയ്ക്കുന്നത്. ഇടതുപക്ഷ സ്ഥാനാർത്ഥികൾ 7 സീറ്റിൽ മുന്നേറുകയാണ്.
 

8:46 AM IST:

ബിഹാറില്‍ ജനവിധി തേടുന്ന തേജസ്വി യാദവും തേജ് പ്രതാപ് യാദവും മുന്നേറുകയാണ്. രാഘോപൂരിലാണ് തേജസ്വി മുന്നേറുന്നത്. ഹസൻ പൂരിലാണ് തേജ് പ്രതാപ് മുന്നേറുന്നത്

8:42 AM IST:

ബിഹാറില്‍ ആദ്യ ഫല സൂചനകൾ പുറത്തുവരുമ്പോൾ മഹാസഖ്യത്തിന് കുതിപ്പ്. തേജസ്വി യാദവിൻ്റെ നേതൃത്വത്തില്‍ മത്സരിക്കുന്ന സംഖ്യം ഇതുവരെ 72 സീറ്റില്‍ മുന്നിലെത്തിയിട്ടുണ്ട്. എൻഡിഎ സംഖ്യം 34 സീറ്റിലാണ് മുന്നേറുന്നത്. എൻ ഡി എ സംഖ്യത്തിൽ ബിജെപിയാണ് മികച്ച പ്രകടനം കാഴ്ചവയ്ക്കുന്നത്. ഇടതുപക്ഷ സ്ഥാനാർത്ഥികൾ 6 സീറ്റിൽ മുന്നേറുകയാണ്.

 

 

8:25 AM IST:

ബിഹാർ തെരഞ്ഞെടുപ്പിൽ ഇടതുപക്ഷ സ്ഥാനാർത്ഥികൾ രണ്ട് സീറ്റിൽ മുന്നേറുന്നു

8:21 AM IST:

ബിഹാറില്‍ ഇഞ്ചോടിഞ്ച് പോരാട്ടം. ആദ്യ ഫല സൂചനകൾ പുറത്തുവരുമ്പോൾ മഹാസഖ്യം മുന്നേറുകയാണ്. ഇതുവരെ 26 സീറ്റില്‍ മുന്നിലെത്തിയിട്ടുണ്ട്. എൻഡിഎ സംഖ്യം 18 സീറ്റിലാണ് മുന്നേറുന്നത്. എൻ ഡി എ സംഖ്യത്തിൽ ബിജെപിയാണ് മികച്ച പ്രകടനം കാഴ്ചവയ്ക്കുന്നത്. ഇടതുപക്ഷ സ്ഥാനാർത്ഥികൾ രണ്ട് സീറ്റിൽ മുന്നേറുകയാണ്.

8:08 AM IST:

ബിഹാര്‍ തെരഞ്ഞെടുപ്പില്‍ ആദ്യ ഫലസൂചനകള്‍ എന്‍ഡിഎയ്ക്ക് അനുകൂലം. എന്‍‍‍ഡിഎ അഞ്ച് സീറ്റില്‍ മുന്നില്‍.

8:06 AM IST:

ബിഹാറില്‍ വോട്ടെണ്ണല്‍ തുടങ്ങി

7:38 AM IST:

കൊവിഡ് മാനദണ്ഡം പാലിക്കുന്നതിനാല്‍ ഫലം വൈകുമെന്ന ആശങ്കവേണ്ടെന്ന് തെരഞ്ഞെടുപ്പ് കമ്മീഷന്‍. കൃത്യസമയത്തിനുള്ളില്‍ ഫലം പുറത്തുവരുമെന്നും അധികൃതര്‍ വ്യക്തമാക്കി. രാവിലെ എട്ടിനാണ് വോട്ടെണ്ണല്‍ ആരംഭിക്കുക. ആദ്യ മണിക്കൂറില്‍ ആദ്യ സൂചനകള്‍ പുറത്തുവരും. കൊവിഡ് വ്യാപനത്തിന് ശേഷം പൂര്‍ണമായ തോതില്‍ തെരഞ്ഞെടുപ്പ് നടക്കുന്ന സംസ്ഥാനമാണ് ബിഹാര്‍.
 

7:27 AM IST:

എല്ലാ എക്‌സിറ്റ് പോളുകളും മഹാഗഡ്ബന്ധന്‍ സഖ്യം അധികാരത്തിലേറുമെന്ന് പറയുമ്പോഴും എത്ര സീറ്റ് നേടുമെന്ന കാര്യത്തില്‍ വലിയ വ്യത്യാസമുണ്ട്. ഇന്ത്യ ടുഡേ ആക്‌സിസ് മൈ ഇന്ത്യ മഹാഗഡ്ബന്ധന് 139-161 സീറ്റുകളാണ് പ്രവചിക്കുന്നത്. എന്‍ഡിഎക്കാകട്ടെ 69-91 സീറ്റുകളും. സിഎന്‍എന്‍ന്യൂസ് 18, ടുഡേയ്‌സ് ചാണക്യ സര്‍വേയാണ് മഹാഗഡ്ബന്ധന് വലിയ ഭൂരിപക്ഷം പ്രവചിക്കുന്നത്. എന്‍ഡിഎ 55 സീറ്റിലൊതുങ്ങുമ്പോള്‍ എംജിബി 180 സീറ്റ് നേടുമെന്ന് പറയുന്നു. ടൈംസ് നൗ, സീവോട്ടര്‍ പ്രവചന പ്രകാരം നേരിയ മുന്‍തൂക്കമാണ് എംജിബിക്കുള്ളത്. എന്‍ഡിഎ-116, എംജിബി 120 എന്നാണ് അവരുടെ പ്രവചനം. റിപബ്ലിക് ടിവി, ജന്‍കി ബാത്ത് സര്‍വേ പ്രകാരം എന്‍ഡിഎ 91-117, എംജിബി 118-138 സീറ്റുകളുമാണ് നേടുക. 243 സീറ്റുകളിലേക്കാണ് തെരഞ്ഞെടുപ്പ്.
 

7:07 AM IST:

മധ്യപ്രദേശ്, ഉത്തര്‍പ്രദേശ്, ഗുജറാത്ത് സംസ്ഥാനങ്ങളില്‍ നടന്ന ഉപതെരഞ്ഞെടുപ്പുകളില്‍ ബിജെപിക്ക് മുന്‍തൂക്കമെന്ന് എക്‌സിറ്റ് പോളുകള്‍. മധ്യപ്രദേശില്‍ ഭരണം നിലനിര്‍ത്താന്‍ വിജയം അനിവാര്യമായ ബിജെപി 16-18 സീറ്റ് നേടുമെന്നാണ് പ്രവചനം. ജ്യോതിരാദിത്യ സിന്ധ്യയും കൂട്ടരും രാജിവെച്ച് ബിജെപിയില്‍ ചേര്‍ന്നതോടെയാണ് കോണ്‍ഗ്രസിന് ഭരണം നഷ്ടമായത്. കോണ്‍ഗ്രസ് 10-12 സീറ്റ് വരെ നേടും. യുപിയില്‍ ബിജെപി 5-6 സീറ്റുവരെ നേടുമെന്ന് പറയുന്നു. ഗുജറാത്തില്‍ 6-7 സീറ്റുവരെ ബിജെപിക്ക് ലഭിക്കുമെന്നാണ് എക്‌സിറ്റ് പോളുകള്‍ പറയുന്നത്.
 

6:50 AM IST:

ബിഹാറില്‍ മഹാഗഡ്ബന്ധന്‍ അധികാരത്തിലേറുമെന്ന് ശിവസേനയുടെ മുഖപത്രം സാമ്‌ന. തേജസ്വി യാദവിന് വലിയ ജനപിന്തുണയാണ് ലഭിച്ചത്. അദ്ദേഹത്തിന്റെ റാലികള്‍ക്ക് വലിയ പ്രതികരണമാണുണ്ടായത്. 'നുണകള്‍ നിറച്ച ബലൂണുകള്‍ പറത്തിവിട്ടെങ്കിലും അവയെല്ലാം സ്വയം അപ്രത്യക്ഷമായി'-ജെഡിയു, ബിജെപി സഖ്യത്തെ പേരെടുത്ത് പറയാതെ ശിവസേന വിമര്‍ശിച്ചു. യുഎസില്‍ സംഭവിച്ചതുപോലെ മാറ്റത്തിനുള്ള എല്ലാ സാധ്യതയും കാണുന്നുണ്ടെന്നും ശിവസേന വ്യക്തമാക്കി.
 

6:25 AM IST:

മഹാഗഡ്ബന്ധന്‍ അധികാരത്തിലേറുമെന്ന എക്‌സിറ്റ് പോള്‍ ഫലത്തിന് ബിഹാറില്‍ സമ്മിശ്ര പ്രതികരണമാണ് ലഭിച്ചത്. വലിയ ഭൂരിപക്ഷം നേടുമെന്ന് പറയുന്നില്ലെങ്കിലും എല്ലാ എക്‌സിറ്റ് പോള്‍ ഫലങ്ങളും ആര്‍ജെഡി-കോണ്‍ഗ്രസ് സഖ്യത്തിനാണ് മുന്‍തൂക്കം നല്‍കുന്നത്. എക്‌സിറ്റ് പോള്‍ തെറ്റുമെന്ന പ്രതീക്ഷയിലാണ് എന്‍ഡിഎ. നിതീഷ് കുമാര്‍ നാലാം തവണയും അധികാരത്തിലേറുമെന്നാണ് എന്‍ഡിഎ കേന്ദ്രങ്ങള്‍ പറയുന്നത്. ചിരാഗ് പാസ്വാന്റെ എല്‍ജെപി ആറ് സീറ്റുകള്‍ വരെ നേടാമെന്നും എക്‌സിറ്റ് പോളുകള്‍ പ്രവചിക്കുന്നു.
 

6:15 AM IST:

ബിഹാര്‍ തെരഞ്ഞെടുപ്പ് ഫലം പുറത്തുവരാന്‍ മണിക്കൂറുകള്‍ മാത്രം ബാക്കി. രാവിലെ എട്ടോടെ വോട്ടെണ്ണല്‍ ആരംഭിക്കും. പത്ത് മണിയോടെ ആദ്യ സൂചനകള്‍ പുറത്തുവരും. എക്‌സിറ്റ് പോളില്‍ ആര്‍ജെഡി നയിക്കുന്ന മഹാസഖ്യത്തിനാണ് മുന്‍തൂക്കമെങ്കിലും എക്‌സിറ്റ് പോള്‍ തെറ്റുമെന്ന പ്രതീക്ഷയിലാണ് നിതീഷ് കുമാറും ബിജെപിയും. ബിഹാര്‍ മനസ്സ് നിതീഷിനൊപ്പമാണോ അതോ യുവനേതാവ് തേജസ്വി യാദവിനൊപ്പമാണോ എന്ന് ഇന്നറിയാം.
 

12:45 AM IST:

കഴിഞ്ഞ 15 വര്‍ഷമായി ബിഹാര്‍ ഭരിക്കുന്ന നിതീഷ് കുമാര്‍ സര്‍ക്കാര്‍ തുടര്‍ഭരണം നേടുമോ അതോ പുറത്താകുമോ എന്നറിയാന്‍ ഇനി മണിക്കൂറുകള്‍ മാത്രം. ഇത് തന്റെ അവസാന തെരഞ്ഞെടുപ്പാണെന്ന് പറഞ്ഞ നിതീഷ് കുമാറിന്റെ വൈകാരിക നീക്കത്തിന് ജനം നല്‍കിയ മറുപടിയെന്തെന്നറിയാന്‍ ഇന്ത്യന്‍ രാഷ്രീയം കാതോര്‍ക്കുകയാണ്. ബിജെപിക്കും ഇത് നിര്‍ണായക തെരഞ്ഞെടുപ്പ്.
 

11:30 PM IST:

നിതീഷ് കുമാറിന്‍റെ നേതൃത്വത്തില്‍ എൻഡിഎ സംഖ്യം ഭരണത്തുടർച്ച തേടുമ്പോള്‍ തേജസ്വിയാദവിന്‍റെ നേതൃത്വത്തില്‍ മഹാസഖ്യം അട്ടിമറിയാണ് ലക്ഷ്യമിടുന്നത്. മഹാ സഖ്യത്തിന് വലിയ ഭൂരിപക്ഷമാണ് ഒട്ടുമിക്ക എക്സിറ്റ് പോളുകളും പ്രവചിച്ചിട്ടുള്ളത്. എന്നാല്‍ എക്സിറ്റ് പോൾ ഫലങ്ങളെ എന്‍ഡിഎ തള്ളിക്കളഞ്ഞിട്ടുണ്ട്.

11:14 PM IST:

കഴിഞ്ഞ തെരഞ്ഞെടുപ്പിനെ അപേക്ഷിച്ച് ഉയർന്ന പോളിംഗ് ശതമാനമാണ് ഇക്കുറി രേഖപ്പെടുത്തിയത്. ഇത് അനുകൂലമാകുമെന്നാണ് മുന്നണികളുടെ പ്രതീക്ഷ. 56.19 ശതമാനം പോളിംഗാണ് മൂന്ന് ഘട്ടങ്ങളിലായി രേഖപ്പെടുത്തിയിരിക്കുന്നത്.

10:57 PM IST:

ബിഹാർ നിയമസഭ തെരഞ്ഞെടുപ്പ് ഫലമറിയാൻ മണിക്കൂറുകള്‍ മാത്രം. രാവിലെ എട്ട് മണിയോടെ ആദ്യ ഫല സൂചനകള്‍ പുറത്തുവരും. വോട്ടെണ്ണൽ 8 മണി മുതൽ ആരംഭിക്കുമ്പോള്‍ തന്നെ ഏഷ്യാനെറ്റ് ന്യൂസ് ഓണ്‍ലൈനിലൂടെ തത്സമയം വിവരങ്ങള്‍ അറിയാം

9:06 PM IST:

മഹാരാഷ്ട്രയിൽ ഭരണം നഷ്ടമായി. ജാർഖണ്ടിലും ദില്ലിയിലും വിജയിക്കാനായില്ല. അതിനു പിന്നാലെ ബീഹാറും നഷ്ടമായാൽ ബിജെപിക്കും നരേന്ദ്രമോദിക്കും അത് രാഷ്ട്രീയ തിരിച്ചടിയാകും

9:00 PM IST:

തൂക്കുനിയമസഭയെങ്കിൽ എം എൽ എമാര്‍ മറുകണ്ടം ചാടാതിരിക്കാനുള്ള മുൻകരുതൽ പ്രതിപക്ഷത്ത് തുടങ്ങിയിട്ടുണ്ട്. കടുത്ത മത്സരമെങ്കിൽ ചിരാഗ് പസ്വാനെയും ചെറിയ പാര്‍ടികളെയും ഒപ്പം നിര്‍ത്താനുള്ള നീക്കങ്ങൾ ബി ജെ പിയും തുടങ്ങികഴിഞ്ഞു

8:59 PM IST:

ബീഹാറില്‍ കുതിരക്കച്ചവടം നടക്കുമോയെന്ന് ഭയമുണ്ടെന്ന് കോണ്‍ഗ്രസ് വര്‍ക്കിംഗ് പ്രസിഡന്‍റ് ശ്യാംസുന്ദര്‍ സിംഗ് വ്യക്തമാക്കി. മോദി എന്തിനും മടിക്കില്ല, എന്നാല്‍ ആത്മാര്‍ത്ഥതയുള്ള നേതാക്കളെ വിലയ്ക്കെടുക്കാന്‍ കഴിയില്ലെന്നാണ് വിശ്വാസം. കുതിരക്കച്ചവടം തടയാനുള്ള ജാഗ്രത ഹൈക്കമാന്‍റിനുണ്ടെന്നും ശ്യാം സുന്ദര്‍ സിംഗ് പറഞ്ഞു. എന്നാല്‍ ആരോപണം ബിജെപി തള്ളിക്കളഞ്ഞു

7:20 PM IST:

രണ്ടാം മോദി സര്‍ക്കാര്‍ അധികാരത്തിലേറിയ ശേഷം നടക്കുന്ന ഏറ്റവും സുപ്രധാനമായ തെരഞ്ഞെടുപ്പ് എന്നതിനാല്‍ തന്നെ ബിഹാര്‍ വലിയ രാഷ്ട്രീയ ശ്രദ്ധയാണ് നേടുന്നത്. എൻ ഡി എ സഖ്യം ഭരിക്കുന്ന സംസ്ഥാനത്ത് ഭരണവിരുദ്ധ വികാരമുണ്ടെന്നാണ് എക്സിറ്റ് പോളുകള്‍ സൂചിപ്പിക്കുന്നത്. മഹാസഖ്യം അധികാരത്തിലേറുമെന്നും എക്സിറ്റ് പോളുകള്‍ ചൂണ്ടികാട്ടുന്നു. ഇതെല്ലാം തള്ളിക്കളയുന്നുണ്ടെങ്കിലും എൻ ഡി എ ക്യാമ്പിലടക്കം ആശങ്ക ശക്തമാണ്. അതേസമയം പ്രതിപക്ഷത്തിനും ഏറെ നിര്‍ണായകമാണ് തെര‌ഞ്ഞെടുപ്പ് ഫലം. രാവിലെ എട്ട് മണിമുതല്‍ ഫലസൂചനകള്‍ പുറത്തുവരും.

ബിഹാർ നിയമസഭ തെരഞ്ഞെടുപ്പ് വോട്ടെണ്ണല്‍ തുടങ്ങി. രാവിലെ എട്ട് മണിയോടെ വോട്ടെണ്ണൽ ആരംഭിച്ചു. ഏഷ്യാനെറ്റ് ന്യൂസ് ഓണ്‍ലൈനിലൂടെ തത്സമയം വിവരങ്ങള്‍ അറിയാം.

55 വോട്ടെണ്ണൽ കേന്ദ്രങ്ങളാണ് ക്രമീകരിച്ചിരിക്കുന്നത്. 56.19 ശതമാനം പോളിംഗാണ് മൂന്ന് ഘട്ടങ്ങളിലായി രേഖപ്പെടുത്തിയിരിക്കുന്നത്. കഴിഞ്ഞ തെരഞ്ഞെടുപ്പിനെ അപേക്ഷിച്ച് ഉയർന്ന പോളിംഗ് ശതമാനം ഇക്കുറി രേഖപ്പെടുത്തിയത് അനുകൂലമെന്നാണ് മുന്നണികളുടെ പ്രതീക്ഷ. നിതീഷ് കുമാറിന്‍റെ നേതൃത്വത്തില്‍ എൻഡിഎ സംഖ്യം ഭരണത്തുടർച്ച തേടുമ്പോള്‍ തേജസ്വി യാദവിന്‍റെ നേതൃത്വത്തില്‍ മഹാസഖ്യം അട്ടിമറിയാണ് ലക്ഷ്യമിടുന്നത്. മഹാ സഖ്യത്തിന് വലിയ ഭൂരിപക്ഷമാണ് ഒട്ടുമിക്ക എക്സിറ്റ് പോളുകളും പ്രവചിച്ചിട്ടുള്ളത്. എന്നാല്‍ എക്സിറ്റ് പോൾ ഫലങ്ങളെ എന്‍ഡിഎ തള്ളിക്കളഞ്ഞിട്ടുണ്ട്