പ്രതിഷേധിക്കുന്ന എംപിമാര് ജനാധിപത്യത്തിന് ഭീഷണിയാണെന്നും ഒമിക്രോണില് നിന്ന് സംരക്ഷിക്കാന് 'മോദി വാക്സിന്' എടുക്കണമെന്നും എംപി ആവശ്യപ്പെട്ടു.
ദില്ലി: രാജ്യസഭയില് പ്രതിഷേധിച്ച എംപിമാരെ ഒമിക്രോണ് (Omicron) എന്ന് അധിക്ഷേപിച്ച് ബിജെപി എംപി(BJP MP). ബിജെപി അംഗം ശിവപ്രതാപ് ശുക്ലയാണ് (Shiv Pratap Shukla) പ്രതിപക്ഷ എംപിമാരെ ഒമിക്രോണ് എന്ന് വിശേഷിപ്പിച്ചത്. പ്രതിഷേധിക്കുന്ന എംപിമാര് ജനാധിപത്യത്തിന് ഭീഷണിയാണെന്നും ഒമിക്രോണില് നിന്ന് സംരക്ഷിക്കാന് 'മോദി വാക്സിന്' എടുക്കണമെന്നും എംപി ആവശ്യപ്പെട്ടു. രാജ്യസഭയില് കൊറോണ വൈറസിന്റെ ഒമിക്റോണിന്റെ രൂപഭേദം മൂലമുണ്ടാകുന്ന സാഹചര്യത്തെക്കുറിച്ചുള്ള ചര്ച്ചയിലാണ് ശിവപ്രതാപ് ശുക്ല പ്രതിപക്ഷ അംഗങ്ങള്ക്കെതിരെ പ്രതികരിച്ചത്. ചര്ച്ചയില് നിന്ന് പിന്മാറുന്നത് അംഗീകരിക്കാന് ആഗ്രഹിക്കാമാകില്ലെന്നും വൈറസിന്റെ വ്യാപനം നിയന്ത്രിക്കാനുള്ള സര്ക്കാരിന്റെ ശ്രമങ്ങള് ഇകഴ്ത്തുകയാണെന്നും അദ്ദേഹം ആരോപിച്ചു. പ്രതിഷേധിക്കുമ്പോള് സാമൂഹിക അകലം പാലിക്കുന്ന മാനദണ്ഡങ്ങള് പാലിക്കാനും മാസ്ക് ധരിക്കാനും അദ്ദേഹം അവരോട് അഭ്യര്ത്ഥിച്ചു.
പ്രതിഷേധിക്കുന്ന അംഗങ്ങള് കൊവിഡിനെതിരെ വാക്സിന് എടുക്കണമെന്നും അദ്ദേഹം ആവശ്യപ്പെട്ടു. നേരത്തെ പ്രതിപക്ഷം നേരത്തെ 'മോദി വാക്സിന്', 'ബിജെപി വാക്സിന്' എന്ന് ആരോപിച്ചിരുന്നു. ബിജെപി എംപിയുടെ പരാമര്ശത്തെ പ്രതിപക്ഷ അംഗങ്ങള് എതിര്ത്തു. ഇത്തരത്തില് എംപിക്ക് സംസാരിക്കാന് അവകാശമില്ലെന്ന് ആര്ജെഡിയിലെ മനോജ് കുമാര് ഝാ പറഞ്ഞു. രാജ്യസഭയില് 12 പ്രതിപക്ഷ അംഗങ്ങളെ സസ്പെന്ഡ് ചെയ്തതിനെ തുടര്ന്നാണ് പ്രതിപക്ഷം പ്രതിഷേധം കടുപ്പിച്ചത്.
