കല്ക്കട്ട ഹൈക്കോടതിയാണ് കേസുകള് സിബിഐക്ക് കൈമാറാൻ നിർദേശിച്ചത്
ദില്ലി: പശ്ചിമ ബംഗാളിലെ സന്ദേശ്ഖലിയിലെ സംഘര്ഷവുമായി ബന്ധപ്പെട്ട കേസുകളില് സിബിഐ അന്വേഷണത്തിന് ഉത്തരവ്. കല്ക്കട്ട ഹൈക്കോടതിയാണ് കേസുകള് സിബിഐക്ക് കൈമാറാൻ നിർദേശിച്ചത്. ലൈംഗിക പീഡനക്കേസുകളും ഭൂമിതട്ടിപ്പ്കേസുകളും കോടതി മേല്നോട്ടത്തില് സിബിഐ അന്വേഷിക്കും.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
പരാതിക്കാർ പതിനഞ്ച് ദിവസത്തിനുള്ളില് സിബിഐയെ സമീപിക്കണം. സ്വകാര്യത സംരക്ഷിക്കാൻ പ്രത്യേക ഇ മെയിലിലൂടെ സിബിഐയ്ക്ക് പരാതി നല്കാനാണ് കോടതി നിര്ദേശിച്ചിരിക്കുന്നത്. മെയ് രണ്ടിന് കോടതി കേസ് വീണ്ടും പരിഗണിക്കുമ്പോള് അന്വേഷണം സംബന്ധിച്ച റിപ്പോര്ട്ട് നല്കാനും കോടതി ആവശ്യപ്പെട്ടു. സന്ദേശ്ഖലിയിലെ സംഘർഷ മേഖലകളില് സിസിടിവികള് സ്ഥാപിക്കാനും കോടതി നിർദേശിച്ചിട്ടുണ്ട്.
