ചീഫ് ജസ്റ്റിസ് വിരമിക്കുമ്പോള് സുപ്രീംകോടതിയിലുള്ള ഏറ്റവും മുതിര്ന്ന ജഡ്ജിക്ക് ആ സ്ഥാനത്തേക്ക് പരിഗണിക്കപ്പെടാനുള്ള യോഗ്യതയുണ്ടാകും
ദില്ലി: അടുത്ത സുപ്രീംകോടതി ചീഫ് ജസ്റ്റിസിനെ കണ്ടെത്താനുള്ള നടപടികള് കേന്ദ്രസർക്കാര് ആരംഭിച്ചതായി റിപ്പോര്ട്ട്. അടുത്ത ചീഫ് ജസ്റ്റിനെ ശുപാര്ശ ചെയ്യാന് കേന്ദ്രസർക്കാര് ചീഫ് ജസ്റ്റിസ് എസ്എ ബോബ്ഡെയോട് ആവശ്യപ്പെട്ടുവെന്നാണ് വാർത്ത. അടുത്തമാസം 23 ന് നിലവിൽ സുപ്രീം കോടതി ചീഫ് ജസ്റ്റിസായ എസ്എ ബോബ്ഡെ ഈ സ്ഥാനത്ത് നിന്ന് വിരമിക്കും. ഈ സാഹചര്യത്തിലാണ് പിൻഗാമിയെ നിർദ്ദേശിക്കണം എന്നാവശ്യപ്പെട്ട് കേന്ദ്ര നിയമമന്ത്രി രവിശങ്കർ പ്രസാദ് സുപ്രീം കോടതി ചീഫ് ജസ്റ്റിസിന് കത്തയച്ചത്. ചീഫ് ജസ്റ്റിസ് വിരമിക്കുമ്പോള് സുപ്രീംകോടതിയിലുള്ള ഏറ്റവും മുതിര്ന്ന ജഡ്ജിക്ക് ആ സ്ഥാനത്തേക്ക് പരിഗണിക്കപ്പെടാനുള്ള യോഗ്യതയുണ്ടാകും. നിലവില് ജസ്റ്റിസ് എൻവി രമണയാണ് സുപ്രീംകോടതിയിലെ ഏറ്റവും മുതിര്ന്ന ജഡ്ജി.
Add Asianetnews as a Preferred Source
