പ്രധാനമന്ത്രിയുടെ ഓഫീസില് പി.എം കെയേഴ്സ് ഫണ്ടിന്റെ ചുമതല വഹിക്കുന്ന അണ്ടര് സെക്രട്ടറിയാണ് ദില്ലി ഹൈക്കോടതിയിൽ സത്യവാങ്മൂലം സമർപ്പിച്ചത്
ദില്ലി:കൊവിഡ് പ്രതിരോധത്തിനായി രൂപീകരിച്ച പി.എം കെയേഴ്സ് ഫണ്ട് പൊതു പണമല്ലെന്ന് കേന്ദ്ര സര്ക്കാര് . അതിനാല് ഫണ്ടിലേക്ക് സംഭാവന നല്കുന്നവരുടെ വിവരങ്ങള് വിവരാവകാശ പരിധിയില് വരില്ല. പ്രധാനമന്ത്രിയുടെ ഓഫീസില് പി.എം കെയേഴ്സ് ഫണ്ടിന്റെ ചുമതല വഹിക്കുന്ന അണ്ടര് സെക്രട്ടറിയാണ് ദില്ലിയിൽ ഹൈക്കോടതിയിൽ ഇതുസംബന്ധിച്ച് സത്യവാങ്മൂലം സമർപ്പിച്ചത്. ട്രസ്റ്റ് സുതാര്യമായാണ് പ്രവര്ത്തിക്കുന്നത്. കണക്കുകള് കൃത്യമായി ഓഡിറ്റ് ചെയ്യപ്പെടുന്നുണ്ടെന്നും സി.എ.ജി തയ്യാറാക്കിയ പാനലില് നിന്നുള്ള ചാര്ട്ടേഡ് അക്കൗണ്ടന്റാണ് ഓഡിറ്റ് ചെയ്യുന്നതെന്നും സത്യവാങ്മൂലത്തില് പറയുന്നു. പി.എം. കെയേഴ്സ് ഫണ്ട് പ്രവര്ത്തനങ്ങള് കൂടുതല് സുതാര്യമാക്കാനായി പൊതുസ്ഥാപനമായി പ്രഖ്യാപിക്കണമെന്നുള്ള ഹര്ജി പരിഗണിക്കവെയാണ് പ്രധാനമന്ത്രിയുടെ ഓഫീസ് ഇക്കാര്യം വ്യക്തമാക്കിയത്
കൊവിഡിനെ നേരിടാന് പി എം കെയര് ഫണ്ടിലേക്ക് 50,000 ഡോളര് സംഭാവന ചെയ്ത് പാറ്റ് കമിന്സ്
സർവകലാശാല അഭിമുഖങ്ങളിലെ മാർക്ക് തരംതിരിച്ച് രേഖയാക്കണമെന്ന് വിവരാവകാശ കമ്മീഷൻ
