ദില്ലി: മുതിര്‍ന്ന കോണ്‍ഗ്രസ് നേതാവ് മോട്ടിലാൽ വോറ അന്തരിച്ചു. 93 വയസായിരുന്നു. മുൻ മധ്യപ്രദേശ് മുഖ്യമന്ത്രിയും കേന്ദ്രമന്ത്രിയുമായിരുന്നു. ഉത്തര്‍പ്രദേശ് ഗവര്‍ണറായും പ്രവര്‍ത്തിച്ചിട്ടുണ്ട്. ഏറെ നാൾ എഐസിസി ട്രഷററായി പ്രവര്‍ത്തിച്ചിരുന്നു. 

മൂത്രാശയത്തിലുണ്ടായ അണുബാധയെ തുട‍ര്‍ന്ന് രണ്ട് ദിവസം മുൻപാണ് മോട്ടിലാൽ വോറയെ ആശുപത്രിയിൽ പ്രവേശിപ്പിച്ചത്. ഈ വര്‍ഷം ഏപ്രിൽ വരെ വോറ ചത്തീസ്ഗഢിൽ നിന്നുള്ള രാജ്യസഭാംഗമായിരുന്നു. സംഘടന ചുമതലയുള്ള എഐസിസി സെക്രട്ടറിയായും ട്രഷററായും ദീര്‍ഘകാലം അദ്ദേഹം പ്രവര്‍ത്തിച്ചിരുന്നു.