Asianet News MalayalamAsianet News Malayalam

മനസ്സുകൊണ്ട് ബിജെപിക്കൊപ്പമാണെന്ന് ചില കോൺ​ഗ്രസ് നേതാക്കൾ പറഞ്ഞിട്ടുണ്ട്; നിതിൻ ​ഗഡ്ക്കരി

2014 നെക്കാൾ വൻ ഭൂരിപക്ഷത്തോടു കൂടി ഇത്തവണത്തെ തെരഞ്ഞെടുപ്പിൽ ജയിക്കൻ സാധിക്കുമെന്നും ​ഗഡ്ക്കരി അവകാശപ്പെട്ടു.

congress workers support bjp claim nitin gadkari
Author
Nagpur, First Published Mar 28, 2019, 5:27 PM IST

നാ​ഗ്പൂർ: ബിജെപിക്ക് പിന്തുണ അറിയിച്ചുകൊണ്ട് ചില കോൺ​ഗ്രസ് നേതാക്കൾ തനിക്ക് ഫോൺ സന്ദേശങ്ങൾ നൽകിയതായി കേന്ദ്രമന്ത്രിയും നാഗ്പൂരിലെ ബിജെപി സ്ഥാനാര്‍ത്ഥിയുമായ നിതിൻ ​ഗഡ്ക്കരി. നാ​ഗ്പൂരിൽ തെരഞ്ഞെടുപ്പ് പ്രചരണ റാലിയിൽ പങ്കെടുത്ത് സംസാരിക്കുകയായിരുന്നു അദ്ദേഹം. കോൺ​ഗ്രസിനെ കൂടാതെ മറ്റ് പ്രതിപക്ഷ പാർ‌ട്ടി പ്രവർത്തകരും തനിക്ക് പിന്തുണ അറിയിച്ചിട്ടുണ്ടെന്നും ​ഗഡ്ക്കരി പറഞ്ഞു.

'ശരീരം കൊണ്ട് ബിജെപിയാണെങ്കിലും മനസ്സുകൊണ്ട് എന്നോടൊപ്പമാണെന്നാണ് അവർ പറയുന്നത്. അതുകൊണ്ട് എല്ലാവരുടെയും പൂർണ്ണ പിന്തുണ എനിക്കുണ്ട്'-​ ഗഡ്ക്കരി പറഞ്ഞു. ജാതി, മതം, ഭാഷ, പാർട്ടി ഭേദമെന്യേ എല്ലാവർക്കും വേണ്ടി താൻ പ്രവർത്തിച്ചിട്ടുണ്ടെന്നും വലിയൊരു വിഭാ​ഗം കോൺ​ഗ്രസ് പ്രവർത്തകർ തനിക്ക് വിജയം സുനിശ്ചിതമാണെന്ന് അറിയിക്കുകയും ചെയ്തതായി ​ഗഡ്ക്കരി അവകാശപ്പെട്ടു.

2014 നെക്കാൾ വൻ ഭൂരിപക്ഷത്തോടു കൂടി ഇത്തവണത്തെ തെരഞ്ഞെടുപ്പിൽ ജയിക്കൻ സാധിക്കുമെന്നും ​ഗഡ്ക്കരി അവകാശപ്പെട്ടു. പ്രതിപക്ഷ പാർട്ടികളെയും സ്ഥാനാർത്ഥികളെയും വിമർശിക്കേണ്ടെന്ന് തീരുമാനിച്ചതായും ഇക്കാലയളവിനുള്ളിൽ താൻ ചെയ്ത നേട്ടങ്ങൾ ചൂണ്ടിക്കാട്ടിയാണ് ജനങ്ങളോട് വോട്ടഭ്യർത്ഥിക്കുന്നതെന്നും ​ഗഡ്ക്കരി പറഞ്ഞു. 

Follow Us:
Download App:
  • android
  • ios