രോഗവ്യാപന സ്ഥിതിയിലും ലോക് ഡൗൺ തുടരുന്ന കാര്യത്തിലും അടുത്ത ഒരാഴ്ചത്തെ കണക്കുകൾ പ്രധാനമെന്നാണ് കേന്ദ്ര സർക്കാർ വിലയിരുത്തുന്നത്.
ദില്ലി: രാജ്യത്ത് കൊവിഡ് ബാധിച്ച് മരിച്ചവരുടെ എണ്ണം 149 ആയി. കൊവിഡ് ബാധിതരുടെ എണ്ണം 5,194 ആയെന്നാണ് കേന്ദ്ര ആരോഗ്യ മന്ത്രാലയം പുറത്ത് വിടുന്ന ഔദ്യോഗിക കണക്ക്, രോഗവ്യാപന സ്ഥിതിയിലും ലോക് ഡൗൺ തുടരുന്ന കാര്യത്തിലും അടുത്ത ഒരാഴ്ചത്തെ കണക്കുകൾ പ്രധാനമെന്നാണ് കേന്ദ്ര സർക്കാർ വിലയിരുത്തുന്നത്. അതുകൊണ്ട് തന്നെ രോഗ നിര്ണ്ണയ പരിശോധനകൾ കാര്യക്ഷമമാക്കാനും പരിശോധനകളുടെ എണ്ണം കൂട്ടാനും സംസ്ഥാനങ്ങൾക്ക് കേന്ദ്ര സര്ക്കാര് നിര്ദ്ദേശം നൽകിയിട്ടുണ്ട്.
ലോക് ഡൗൺ കാലാവധി നീട്ടണമെന്ന ആവശ്യം വിവിധ സംസ്ഥാന സര്ക്കാറുകൾ മൂന്നോട്ട് വച്ചിട്ടുണ്ട്. നിയന്ത്രണങ്ങൾ തുടരുന്നത് രോഗ വ്യാപനം തടഞ്ഞ് നിര്ത്താൻ അനിവാര്യമാണെന്നാണ് വിദഗ്ധരുൾപ്പെട്ട സമിതിയുടേയും നിലപാട്. രാജ്യത്തിനാകെ ഒരു നയം വേണോ അതോ സംസ്ഥാനങ്ങളുടെ അവസ്ഥയനുസരിച്ച് മാനദണ്ഡങ്ങൾ മാറി നിശ്ചയിക്കണോ എന്ന കാര്യത്തിലും തീരുമാനം എടുക്കേണ്ടതുണ്ട്.
പ്രധാനമന്ത്രി ഇന്ന് പ്രതിപക്ഷ കക്ഷികളുമായി ചര്ച്ച നടത്തുന്നുണ്ട്. വീഡിയോ കോൺഫൻസ് വഴിയാണ് ചര്ച്ച. പതിനൊന്ന് മണിക്ക് ചര്ച്ച ആരംഭിക്കും. ഇതിനകം പത്ത് സംസ്ഥാനങ്ങൾ പ്രത്യേകിച്ച് പ്രതിപക്ഷ കക്ഷികൾ ഭരിക്കുന്ന സംസ്ഥാനങ്ങൾ വരെ ലോക് ഡൗൺ നീട്ടണമെന്ന ആവശ്യം കേന്ദ്ര സര്ക്കാരിന് മുന്നിൽ അവതരിപ്പിച്ചിട്ടുണ്ട്.
കൊവിഡ് -19, പുതിയ വാര്ത്തകളും സമ്പൂര്ണ്ണ വിവരങ്ങളും അറിയാന് ഇവിടെ ക്ലിക്ക് ചെയ്യുക
