Asianet News MalayalamAsianet News Malayalam

രാജ്യത്ത് ഒരാഴ്ച്ചക്കിടെ 61000 രോ​ഗികൾ; കൊവിഡ് കേസുകളുടെ എണ്ണം രണ്ടേകാൽ ലക്ഷം കടന്നു

ഇന്ന് മാത്രം 273 പേരാണ് കൊവിഡ് ബാധിച്ച് മരിച്ചത്. ഇതോടെ ആകെ മരണസംഖ്യ 6348 ആയി. 

covid death toll rise to 6348 in country
Author
Delhi, First Published Jun 5, 2020, 10:53 PM IST

ദില്ലി: 24 മണിക്കൂറിനിടെ 9851 കൊവിഡ് കേസുകൾ കൂടി റിപ്പോർട്ട് ചെയ്തതോടെ രാജ്യത്തെ ആകെ രോ​ഗബാധിതരുടെ എണ്ണം 2,26,770 ആയി. ഇന്ന് മാത്രം 273 പേരാണ് കൊവിഡ് ബാധിച്ച് മരിച്ചത്. ഇതോടെ ആകെ മരണസംഖ്യ 6348 ആയി. ഒരാഴ്ച്ചക്കിടെ 61,000 പേർക്കാണ് രോ​ഗം ബാധിച്ചത്.

മഹാരാഷ്ട്രയിൽ രോ​ഗികളുടെ എണ്ണം 80,000 കടന്നു. 80229 പേർക്കാണ് ഇതുവരെ രോ​ഗം സ്ഥിരീകരിച്ചത്.  2436 പേർക്ക് ഇന്ന് കൊവിഡ് സ്ഥിരീകരിച്ചു. ഇന്ന് മാത്രം 139 പേർ മരിച്ചു. ഒരു ദിവസത്തെ ഏറ്റവും  ഉയർന്ന കണക്കാണിത്. ആകെ 2849 പേരാണ് രോ​ഗം ബാധിച്ച് ഇവിടെ മരിച്ചത്. 1475 പേർ ഇന്ന് രോഗമുക്തി നേടി. 42215 പേരാണ് നിലവിൽ ചികിത്സയിൽ ഉള്ളത്.

ദില്ലിയിൽ ഇന്ന് 1330 കൊവിഡ് കേസുകൾ റിപ്പോർട്ട് ചെയ്തു. ഇതോടെ രോ​ഗബാധിതരുടെ എണ്ണം  26334 ആയി. ഇന്ന് മാത്രം 25 പേർ രോ​ഗം ബാധിച്ച് മരിച്ചു. ആകെ 708 പേരാണ് കൊവിഡ് ബാധിച്ച് ദില്ലിയിൽ മരിച്ചത്. ​ഗുജറാത്തിൽ രോ​ഗബാധിതരുടെ എണ്ണം 19119 ആയി. 1190 പേരാണ് സംസ്ഥാനത്ത് കൊവിഡ് ബാധിച്ച് മരിച്ചത്. 

തമിഴ്നാട്ടിൽ 24 മണിക്കൂറിനിടെ 1438 പേർക്ക്  കൂടി കൊവിഡ് സ്ഥിരീകരിച്ചു. ഇന്ന് മാത്രം 12 മരണം ഉണ്ടായി. ചെന്നൈയിലാണ് സ്ഥിതി ഏറ്റവും ​ഗുരുതരം. ഇന്ന് രോ​ഗം സ്ഥിരീകരിച്ചവരിൽ 1116 പേരും ചെന്നൈയിൽ ആണ്. സംസ്ഥാനത്തുള്ള ആകെ 28694 രോഗബാധിതരിൽ 19809 പേരും ചെന്നൈയിലാണ്. സംസ്ഥാനത്ത് ആകെ കൊവിഡ് മരണസംഖ്യ 232 ആയി. 

 

Follow Us:
Download App:
  • android
  • ios