Asianet News MalayalamAsianet News Malayalam

കൊവിഡ് വാക്സിന്‍ ലഭ്യതയെക്കുറിച്ച് ലോകാരോ​ഗ്യ സംഘടന പറയുന്നത് ഇങ്ങനെ...

വാക്സിൻ എത്തിക്കഴിഞ്ഞാൽ ലോകത്തെ എല്ലാവരിലേക്കും അതെത്താൻ ലോകരാഷ്ട്രങ്ങൾ ഒന്നിച്ച് നിൽക്കണമെന്ന് ലോകാരോഗ്യ സംഘടന വ്യക്തമാക്കിയിരുന്നു.

covid vaccine may get end of the year
Author
Genève, First Published Oct 7, 2020, 11:19 AM IST


ജനീവ: കൊവിഡിനെതിരായ വാക്സിൻ വർഷാവസാനത്തോടെ ലഭ്യമാകുമെന്ന് പ്രതീക്ഷിക്കുന്നതായി ലോകാരോ​ഗ്യ സംഘടന മേധാവി. രണ്ട് ദിവസ‍ം നീണ്ടുനിന്ന എക്സിക്യൂട്ടീവ് ബോർഡ് അവലോകന യോ​ഗത്തെ അഭിസംബോധന ചെയ്ത് സംസാരിക്കുമ്പോഴാണ് ലോകാരോ​ഗ്യ സംഘടന ഡയറക്ടർ  ജനറൽ ടെഡ്രോസ് അഥാനോം ​ഗബ്രിയേസസ് ഇപ്രകാരം പറഞ്ഞത്. 'നമുക്ക് വാക്സിൻ അത്യാവശ്യമാണ്. ഈ വർഷം അവസാനത്തോടെ വാക്സിൽ കണ്ടെത്താൻ സാധ്യതയുണ്ട്. പ്രതീക്ഷയുണ്ട്.' അ​ദ്ദേഹം പറഞ്ഞു. 

ലോകാരോഗ്യ സംഘടനയുടെ നേതൃത്വത്തിലുള്ള കോവാക്സ് വാക്സിൻ ഫെസിലിറ്റി പ്രകാരം ഒമ്പത് വാക്സിനുകളുടെ പരീക്ഷണം പുരോഗമിച്ചു കൊണ്ടിരിക്കുകയാണ്. 200 കോടി വാക്സിൻ ഡോസുകൾ 2021 അവസാനത്തോടെ ലോകം മുഴുവനും എത്തിക്കുകയാണ് ഈ പദ്ധതിയുടെ ലക്ഷ്യം. വാക്സിൻ എത്തിക്കഴിയുന്പോള്‍ ലോകത്തെ എല്ലാവരിലേക്കും അതെത്താൻ ലോകരാഷ്ട്രങ്ങൾ ഒന്നിച്ച് നിൽക്കണമെന്ന് ലോകാരോഗ്യ സംഘടന വ്യക്തമാക്കിയിരുന്നു. യു.എസ് കമ്പനി ഫൈസറും ജർമൻ ഫാർമസ്യൂട്ടിക്കലായ ബയോൺടെകും സംയുക്തമായി വികസിപ്പിക്കുന്ന വാക്സിൻ, ജോൺസൺ ആൻഡ് ജോൺസൺ കൊവിഡ് വാക്സിൻ, മോഡേണ, ഓക്സ്ഫഡ് - ആസ്ട്രാസെനക, ചൈനയുടെ സിനോഫാം തുടങ്ങിയ കൊവിഡ് വാക്സിനുകളുടെ പരീക്ഷണങ്ങൾ അവസാനഘട്ടത്തിലാണ്.

Follow Us:
Download App:
  • android
  • ios