ആശുപത്രിയിൽ കിടക്ക കിട്ടിയില്ല; ബംഗളുരുവിൽ കൊവിഡ് രോഗിക്ക് ദാരുണാന്ത്യം
മുഖ്യമന്ത്രി ഇടപെട്ട് കിടക്ക ഏർപ്പാടാക്കിയെങ്കിലും ഫലമുണ്ടായില്ല. റാമോഹള്ളി സ്വദേശി സതീഷാണ് മരിച്ചത്.
ബംഗളൂരു: ആശുപത്രിയിൽ കിടക്ക കിട്ടാഞ്ഞതിനെ തുടർന്ന് മുഖ്യമന്ത്രി ബി എസ് യെദിയൂരപ്പയുടെ വീടിനു മുന്നിൽ പ്രതിഷേധിച്ചയാൾ ആശുപത്രിയിലേക്കുള്ള യാത്രയിൽ മരിച്ചു. മുഖ്യമന്ത്രി ഇടപെട്ട് കിടക്ക ഏർപ്പാടാക്കിയെങ്കിലും ഫലമുണ്ടായില്ല. റാമോഹള്ളി സ്വദേശി സതീഷാണ് മരിച്ചത്.
കർണാടകത്തിൽ ഇന്നും അമ്പതിനായിരത്തിനടുത്തു പുതിയ കൊവിഡ് രോഗികൾ ഉണ്ടെന്ന് റിപ്പോർട്ടുകൾ പറയുന്നു. 49058 പേർക്ക് പുതിയതായി രോഗം സ്ഥിരീകരിച്ചെന്നാണ് റിപ്പോർട്ട്. ഇന്ന് മാത്രം രോഗം ബാധിച്ച് 328 മരണം ഉണ്ടായി. ബംഗളൂരു നഗരത്തിൽ മാത്രം 23076 രോഗികൾ ഉണ്ടെന്നാണ് കണക്ക്. നഗരത്തിൽ മാത്രം 139 പേരാണ് കൊവിഡ് ബാധിച്ച് മരിച്ചത്.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്കീ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona