ഡോക്ടര്‍ കഫീല്‍ ഖാന് ജാമ്യം റദ്ദാക്കാന്‍ യുപി സര്‍ക്കാര്‍ സുപ്രീംകോടതിയിലേക്ക്
പ്രകോപനപരമായി പ്രസംഗിച്ചെന്ന പേരിൽ ദേശീയ സുരക്ഷാ നിയമം ചുമത്തി യുപി സർക്കാർ ജയിലിലാക്കിയിരുന്ന കഫീൽ ഖാന് സെപ്റ്റംബർ ഒന്നിനാണ് അലഹബാദ് ഹൈക്കോടതി ജാമ്യം അനുവദിച്ചത്.
ദില്ലി: ഡോക്ടര്‍ കഫീല്‍ ഖാന് ജാമ്യം അനുവദിച്ച അലഹബാദ് ഹൈക്കോടതി തീരുമാനത്തിനെതിരേ സുപ്രീം കോടതിയെ സമീപിച്ച് ഉത്തര്‍പ്രദേശ് സര്‍ക്കാര്‍. കുറ്റകൃത്യത്തിലേർപ്പെട്ട ചരിത്രമാണ് കഫീൽ ഖാനുള്ളതെന്നും ഇതിനാലാണ് അദ്ദേഹത്തിനെതിരേ അച്ചടക്ക നടപടിയിലേക്ക് കടന്നതെന്നും ഹർജിയിൽ സർക്കാർ വ്യക്തമാക്കുന്നു.
പ്രകോപനപരമായി പ്രസംഗിച്ചെന്ന പേരിൽ ദേശീയ സുരക്ഷാ നിയമം ചുമത്തി യുപി സർക്കാർ ജയിലിലാക്കിയിരുന്ന കഫീൽ ഖാന് സെപ്റ്റംബർ ഒന്നിനാണ് അലഹബാദ് ഹൈക്കോടതി ജാമ്യം അനുവദിച്ചത്. അദ്ദേഹത്തിനെതിരേ നിയമവിരുദ്ധമായാണ് ദേശീയ സുരക്ഷാനിയമം ചുമത്തിയതെന്നും കോടതി നിരീക്ഷിച്ചിരുന്നു.
