കർഷകർ നടത്തിയ പ്രതിഷേധമാണ് പ്രധാനമന്ത്രിയുടെ വാഹനം ഫ്ലൈഓവറിൽ 20 മിനുട്ടോളം കുടുങ്ങിക്കിടക്കാൻ ഇടയാക്കിയത്.
ദില്ലി: തെരഞ്ഞെടുപ്പ് പ്രചാരണങ്ങൾക്കായി പഞ്ചാബിലെത്തിയ (Punjab) പ്രധാനമന്ത്രിയുടെ വാഹന വ്യൂഹം 20 മിനുട്ടോളം കുടുങ്ങിക്കിടന്ന സംഭവത്തിൽ കേന്ദ്ര ആഭ്യന്തരമന്ത്രാലയം അന്വേഷണം പ്രഖ്യാപിച്ചിരിക്കുകയാണ്. കർഷകർ നടത്തിയ പ്രതിഷേധമാണ് പ്രധാനമന്ത്രിയുടെ (Prime Minister) വാഹനം ഫ്ലൈഓവറിൽ 20 മിനുട്ടോളം കുടുങ്ങിക്കിടക്കാൻ ഇടയാക്കിയത്. സംഭവത്തിൽ വൻ സുരക്ഷാ വീഴ്ചയുണ്ടെന്നാണ് പരക്കെ ഉയരുന്ന ആരോപണം. ഇതിനിടെ വാഹനവ്യൂഹം കുടുങ്ങിയതിന്റെ എക്സ്ക്ലൂസീവ് ദൃശ്യങ്ങൾ ഏഷ്യാനെറ്റ് ന്യൂസിന് ലഭിച്ചു.
ഹർജി ഇന്ന് പരിഗണിക്കാമെന്ന് ചീഫ് ജസ്റ്റിസ് അറിയിക്കുകയായിരുന്നു. ഹർജി പരിഗണനയ്ക്ക് വരുന്നതിനു മുമ്പ് കേന്ദ്ര ആഭ്യന്തരമന്ത്രാലയവും അന്വേഷണം പ്രഖ്യാപിച്ചു. കാബിനറ്റ് സെക്രട്ടറിയേറ്റിലെ സെക്രട്ടറി (സെക്യൂരിറ്റി) സുധീര്കുമാര് സക്സേനയാണ് അന്വേഷണത്തിന് നേതൃത്വം നല്കുക. ഐബി ജോ. ഡയറക്ടര് ബല്ബീര് സിങ്, എസ്പിജി ഐജി എസ് സുരേഷ് എന്നിവരാണ് സമതിയിലെ മറ്റ് അംഗങ്ങള്. എത്രയും വേഗത്തില് അന്വേഷണം പൂര്ത്തിയാക്കി സര്ക്കാറിന് സമര്പ്പിക്കാനാണ് നിര്ദേശം നല്കിയിരിക്കുന്നത്. നിയമസഭാ തെരഞ്ഞെടുപ്പ് അടുത്തിരിക്കെ പ്രചാരണപരിപാടികള്ക്കായി പഞ്ചാബില് എത്തിയ പ്രധാനമന്ത്രി നരേന്ദ്രമോദിക്ക് നേരെയാണ് പ്രതിഷേധമുണ്ടായത്.
ഹുസൈന്വാലയിലെ ദേശീയ രക്തസാക്ഷി സ്മാരകത്തിലേക്കുള്ള യാത്രയ്ക്കിടെയാണ് പ്രതിഷേധമുണ്ടായത്. ഇതോടെ പ്രധാനമന്ത്രിയുടെ വാഹനവ്യൂഹം 20 മിനിറ്റ് വരെ ഒരു ഫ്ലൈ ഓവറില് കുടുങ്ങി. കര്ഷക രോഷത്തെ തുടര്ന്ന് പഞ്ചാബിലെ ഫ്ളൈ ഓവറില് 20 മിനിറ്റ് കുടുങ്ങിയ സംഭവത്തില് രോഷം മറച്ചുവെക്കാതെ പ്രധാനമന്ത്രി നരേന്ദ്ര മോദി ഉദ്യോഗസ്ഥരോട് അതൃപ്തി പ്രകടിപ്പിച്ചിരുന്നു. ''നിങ്ങളുടെ മുഖ്യമന്ത്രിക്ക് നന്ദി. ഞാന് ഭാട്ടിന്ഡ വിമാനത്താവളത്തില് ജീവനോടെ തിരിച്ചെത്തിയല്ലോ''- ഭട്ടിന്ഡ വിമാനത്താവളത്തില് തിരികെ എത്തിയ പ്രധാനമന്ത്രി ഉദ്യോഗസ്ഥരോട് പറഞ്ഞു.
നിയമസഭാ തെരഞ്ഞെടുപ്പ് അടുത്തിരിക്കെ പ്രചാരണപരിപാടികള്ക്കായി പഞ്ചാബില് എത്തിയ പ്രധാനമന്ത്രി നരേന്ദ്രമോദിക്ക് നേരെയാണ് പ്രതിഷേധമുണ്ടായത്. ഹുസൈന്വാലയിലെ ദേശീയ രക്തസാക്ഷി സ്മാരകത്തിലേക്കുള്ള യാത്രയ്ക്കിടെയാണ് പ്രതിഷേധമുണ്ടായത്. ഇതോടെ പ്രധാനമന്ത്രിയുടെ വാഹനവ്യൂഹം 20 മിനിറ്റ് വരെ ഒരു ഫ്ളൈ ഓവറില് കുടുങ്ങുകയായിരുന്നു.
