സിംഘു, തിക്രി, ഗാസിപ്പൂര് എന്നീ സമരകേന്ദ്രങ്ങളില് നിന്ന് പൊലീസ് അകമ്പടിയോടെ പ്രത്യേക ബസുകളില് എത്തുന്ന കര്ഷകര് വൈകീട്ട് അഞ്ചുമണിവരെ ധര്ണ നടത്തും. രാത്രി കര്ഷകര് അതിര്ത്തികളിലെ സമരവേദികളിലേക്ക് മടങ്ങും.
ദില്ലി: കാര്ഷിക നിയമങ്ങളില് പ്രതിഷേധിച്ചുളള കര്ഷകരുടെ പാര്ലമെന്റ് ധര്ണ ഇന്നാരംഭിക്കും. ജന്തര് മന്ദറിലെ സമരത്തില് ഓരോ ദിവസവും 200 കര്ഷകര് വീതം പങ്കെടുക്കും. സമ്മേളനം അവസാനിക്കുന്ന അടുത്തമാസം 13വരെ ജന്തര് മന്ദറില് പ്രതിഷേധം നടത്തും. സിംഘു, തിക്രി, ഗാസിപ്പൂര് എന്നീ സമരകേന്ദ്രങ്ങളില് നിന്ന് പൊലീസ് അകമ്പടിയോടെ പ്രത്യേക ബസുകളില് എത്തുന്ന കര്ഷകര് വൈകീട്ട് അഞ്ചുമണിവരെ ധര്ണ നടത്തും. രാത്രി കര്ഷകര് അതിര്ത്തികളിലെ സമരവേദികളിലേക്ക് മടങ്ങും.
സമരത്തില് പങ്കെടുക്കുന്നവരുടെ പേര് വിവരങ്ങളും തിരിച്ചറിയല്രേഖയും ഓരോ ദിവസവും മുന്കൂട്ടി പൊലീസിനു നല്കും. സമരത്തോട് അനുബന്ധിച്ച് കനത്ത സുരക്ഷയാണ് ദില്ലിയിലുള്ളത്. സുരക്ഷയുടെ ഭാഗമായി സമരവേദിയില് കൂടുതല് സിസിടിവികള് സ്ഥാപിച്ചു. കര്ഷകര്ക്ക് പിന്തുണ അര്പ്പിച്ച് പ്രതിപക്ഷ പാര്ട്ടികളും ധര്ണ നടത്തും.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്ക് ഈ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona
