ആറുപേജുള്ള ഗൂഗിള് ഡോക്യുമെന്റ് ആവശ്യപ്പെടുന്നത് ഒന്നുകില് തങ്ങള്ക്ക ചുറ്റും നടക്കുന്ന സമരം കണ്ടെത്താനോ അല്ലാത്ത പക്ഷം അത്തരത്തിലൊന്ന് സംഘടിപ്പിക്കാനോ ആവശ്യപ്പെടുന്നുണ്ടെന്നാണ് ന്യൂസബിള് റിപ്പോര്ട്ട് ചെയ്യുന്നത്.
ഇന്ത്യയ്ക്കെതിരായ ഗൂഡാലോചന ഉള്പ്പെട്ട കര്ഷക സമരത്തിന്റെ ലഘുലേഖ പങ്കുവച്ച് പരിസ്ഥിതി പ്രവര്ത്തക ഗ്രേറ്റ തുന്ബെര്ഗ്. ഇന്ത്യയെ ആഗോളതലത്തില് അപമാനിക്കുന്ന തരത്തിലുള്ള ആശയങ്ങള് അടങ്ങിയതാണ് ഈ ലഘുലേഖ. ഈ ട്വീറ്റ് പിന്നീട് ഗ്രേറ്റ ഡിലീറ്റ് ചെയ്തു. എന്തുകൊണ്ടാണ് കര്ഷക സമരത്തിന് പിന്തുണ പ്രഖ്യാപിക്കുന്നതെന്ന് വിശദമാക്കി ചെയ്ത ട്വീറ്റിലായിരുന്നു ഇന്ത്യയ്ക്കെതിരായ ഗൂഡാലോചന അടങ്ങിയിട്ടുള്ളത്. ആഗോള തലത്തില് സംയോജിപ്പിച്ച നടപടികള് ജനുവരി 26 ന് മുന്പ് ആരംഭിച്ചതായാണ് ട്വീറ്റില് വിശദമാക്കിയത്.
ആറുപേജുള്ള ഗൂഗിള് ഡോക്യുമെന്റ് ആവശ്യപ്പെടുന്നത് ഒന്നുകില് തങ്ങള്ക്ക ചുറ്റും നടക്കുന്ന സമരം കണ്ടെത്താനോ അല്ലാത്ത പക്ഷം അത്തരത്തിലൊന്ന് സംഘടിപ്പിക്കാനോ ആവശ്യപ്പെടുന്നുണ്ടെന്നാണ് ന്യൂസബിള് റിപ്പോര്ട്ട് ചെയ്യുന്നത്. ഇന്ത്യന് എംബസികളുടെ പരിസരത്തോ തദ്ദേശീയ സര്ക്കാര് ഓഫീസുകള്ക്ക് സമീപമോ അദാനി , അംബാനി കമ്പനികള്ക്ക് സമീപമോ സമരം സംഘടിപ്പിക്കാന് ധൈര്യപ്പെടണം. ഞങ്ങള് 26ലാണ് ശ്രദ്ധ ചെലുത്തുന്നത്. അതേസമയം മറ്റ് സമയങ്ങളില് സാധിക്കുന്ന പോലെ നിങ്ങള് സംഘടിക്കണം. ഇത് അടുത്ത കാലത്തൊന്നും അവസാനിക്കാന് പോകുന്നില്ലെന്നും ഈ ലഘുലേഖയില് പരാമര്ശമുണ്ടെന്നാണ് റിപ്പോര്ട്ട്.
ഫെബ്രുവരി 13-14 തിയതികളില് സമാനമായ മറ്റ് നടപടികള് വേണമെന്നും ലഘുലേഖ ആവശ്യപ്പെടുന്നുണ്ടെന്നാണ് റിപ്പോര്ട്ട്.
