Asianet News MalayalamAsianet News Malayalam

'ലോക്ക് ഡൗൺ ലംഘിക്കുന്നവരെ വെടിവച്ച് വീഴ്ത്തണം, കാലൊടിക്കണം'; ബിജെപി എംഎൽഎ നന്ദകിഷോർ ​ഗുജ്ജാർ

നിയമം ലംഘിക്കുന്നവരുടെ കാലൊടിക്കുന്ന പൊലീസ് ഉദ്യോ​ഗസ്ഥരിൽ ഓരോ പോലീസുകാർക്കും 5,100 രൂപ ക്യാഷ് റിവാർഡ് നൽകുമെന്നും അവരുടെ സ്ഥാനക്കയറ്റത്തിന് ശുപാർശ ചെയ്യുന്ന സർക്കാരിനും കത്തെഴുതുമെന്നും അദ്ദേഹം കൂട്ടിച്ചേർത്തു.

if people violate lock down break their legs bjp mla Nand Kishore Gurjar
Author
Delhi, First Published Mar 27, 2020, 10:47 AM IST

ഉത്തർപ്രദേശ്: ലോക്ക് ഡൗൺ ലംഘിക്കുന്നവരുടെ കാൽ തല്ലിയൊടിക്കണമെന്ന ആഹ്വാനവുമായി ബിജെപി എംഎൽഎ നന്ദകിഷോർ ​ഗുജ്ജാർ. ​ഗാസിയാബാദിൽ നിന്നുള്ള എംഎൽഎയാണ് ​നന്ദകിഷോർ ​ഗുജ്ജാർ. രാജ്യത്താകെ ഭീതിയും ആശങ്കയും പരത്തി കൊറോണ വൈറസ് വ്യാപിക്കുന്ന സാഹചര്യത്തിൽ 21 ദിവസത്തെ ലോക്ക് ഡൗൺ പ്രഖ്യാപിച്ചിരിക്കുകയാണ്. ലോക്ക് ഡൗൺ നിയമങ്ങൾ പാലിക്കാത്തവരെ കാലിൽ വെടിവെക്കണമെന്നും ​ഗുജ്ജാർ പറയുന്നു. ​ഗുജ്ജാർ പ്രസം​ഗിക്കുന്നതിന്റെ വീഡിയോ ദൃശ്യങ്ങൾ സോഷ്യൽ മീഡിയയിൽ‌ വ്യാപകമായി പ്രചരിച്ചിട്ടുണ്ട്. 

ചില ആളുകളെ രാജ്യദ്രോഹികളായി പരി​ഗണിക്കേണ്ടി വരും. സർക്കാരിന്റെ ഉത്തരവുകൾക്ക് വില കൽപിക്കുന്നില്ലെങ്കിൽ അത്തരക്കാർ തീവ്രവാദികളാണ്. ലോക്ക്ഡൗൺ ലംഘിക്കുന്നവർ രാജ്യദ്രോഹികളാണ്. അവരുടെ കാലുകൾ ഒടിക്കണം. ഉത്തരവുകൾ പാലിച്ചില്ലെങ്കിൽ പോലീസ് കാലിൽ വെടിവയ്ക്കണം. ​ഗുജ്ജാർ പറഞ്ഞു. നിയമം ലംഘിക്കുന്നവരുടെ കാലൊടിക്കുന്ന പൊലീസ് ഉദ്യോ​ഗസ്ഥരിൽ ഓരോ പോലീസുകാർക്കും 5,100 രൂപ ക്യാഷ് റിവാർഡ് നൽകുമെന്നും അവരുടെ സ്ഥാനക്കയറ്റത്തിന് ശുപാർശ ചെയ്യുന്ന സർക്കാരിനും കത്തെഴുതുമെന്നും അദ്ദേഹം കൂട്ടിച്ചേർത്തു. കൊറോണ വൈറസ് സുഖപ്പെടാൻ ​ഗോമൂത്രം ഉപയോ​ഗിച്ചാൽ മതി എന്ന് ​ഗുജ്ജാർ മുമ്പ് പ്രഖ്യാപിച്ചിരുന്നു. 

Follow Us:
Download App:
  • android
  • ios