കൊവിഡ് പരിശോധനകളുടെ എണ്ണം വർധിപ്പിക്കണം; സംസ്ഥാനങ്ങളോട് അടിയന്തര നടപടിയെടുക്കണമെന്ന് കേന്ദ്രം
അടിയന്തരമായി കൊവിഡ് പരിശോധനകൾ വർധിപ്പിക്കണമെന്നാണ് കേന്ദ്ര ആരോഗ്യമന്ത്രാലയവും ഐസിഎംആറും നിർദ്ദേശിച്ചിരിക്കുന്നത്. പി ആർ ടെസ്റ്റുകൾക്കൊപ്പം ദ്രുത ആന്റിജെൻ പരിശോധനകളും ഉപയോഗപ്പെടുത്തണമെന്നും നിർദ്ദേശിച്ചിട്ടുണ്ട്.
ദില്ലി: കൊവിഡ് പരിശോധനകളുടെ എണ്ണം വർധിപ്പിക്കണമെന്ന് സംസ്ഥാനങ്ങളോട് കേന്ദ്രത്തിന്റെ നിർദ്ദേശം. അടിയന്തരമായി കൊവിഡ് പരിശോധനകൾ വർധിപ്പിക്കണമെന്നാണ് കേന്ദ്ര ആരോഗ്യമന്ത്രാലയവും ഐസിഎംആറും നിർദ്ദേശിച്ചിരിക്കുന്നത്. പി ആർ ടെസ്റ്റുകൾക്കൊപ്പം ദ്രുത ആന്റിജെൻ പരിശോധനകളും ഉപയോഗപ്പെടുത്തണമെന്നും നിർദ്ദേശിച്ചിട്ടുണ്ട്.
പരിശോധനകൾക്കായി ചില സംസ്ഥാനങ്ങളോട് സർക്കാർ ഡോക്ടർമാർക്കു പുറമേ സ്വകാര്യ മേഖലയിലെ ഡോക്ടർമാരെയും ഉപയോഗപ്പെടുത്തണമെന്ന് നിർദ്ദേശിച്ചിട്ടുണ്ട്. അംഗീകാരമുള്ള എല്ലാ സ്വകാര്യ ഡോക്ടർമാർക്കും പരിശോധനയ്ക്ക് കുറിപ്പടി നൽകാനുള്ള അധികാരം അനുവദിക്കണം. സ്വകാര്യ ലാബുകളുടേത് ഉൾപ്പടെയുള്ള സംവിധാനങ്ങൾ ഉപയോഗപ്പെടുത്തി പരിശോധനകൾ വർധിപ്പിക്കണമെന്നും സംസ്ഥാനങ്ങൾക്ക് നിർദ്ദേശം നൽകിയിട്ടുണ്ട്.
Read Also: സ്വകാര്യ ആശുപത്രികളെയും കൊവിഡ് പ്രതിരോധ പ്രവർത്തനങ്ങളുടെ ഭാഗമാക്കും; മുഖ്യമന്ത്രി...