അതേ സമയം സൈന്യത്തിന്റെയും അര്ധസൈനിക വിഭാഗങ്ങളുടെയും ഇടപെടലില് മണിപ്പൂര് വീണ്ടും ശാന്തമാകുന്നു എന്നാണ് ഏറ്റവുമൊടുവിൽ പുറത്തു വന്ന റിപ്പോർട്ട്.
ഇംഫാൽ: സംഘർഷത്തിന്റെ പശ്ചാത്തലത്തിൽ മണിപ്പൂരിൽ ഇന്റർനെറ്റ് നിരോധനം നീട്ടി. 5 ദിവസത്തേക്ക് കൂടിയാണ് നീട്ടിയത്. മെയ് 3 മുതൽ സംസ്ഥാനത്ത് ഇന്റർനെറ്റ് നിരോധനം നിലനിൽക്കുന്നുണ്ട്. വ്യാജവാർത്തകൾ തടയാനാണ് നടപടിയെന്ന് അധികൃതർ വിശദീകരണം നൽകി. അതേ സമയം സൈന്യത്തിന്റെയും അര്ധസൈനിക വിഭാഗങ്ങളുടെയും ഇടപെടലില് മണിപ്പൂര് വീണ്ടും ശാന്തമാകുന്നു എന്നാണ് ഏറ്റവുമൊടുവിൽ പുറത്തു വന്ന റിപ്പോർട്ട്. 18 മണിക്കൂറിലേറെയായി അക്രമസംഭവങ്ങള് റിപ്പോര്ട്ട് ചെയ്തിട്ടില്ല. മെയ്തെയ് വിഭാഗം ന്യൂനപക്ഷമായ മേഖലകളില് കൂടുതല് സൈന്യത്തെ നിയോഗിച്ചു. ന്യൂ ചെക്കോണ് മേഖലയില് ഭൂരിഭാഗം കടകളും വ്യാപാരസ്ഥാപനങ്ങളും അടഞ്ഞുകിടക്കുകയാണ്.
മുന് എംഎല്എയുടെ നേതൃത്വത്തില് ന്യൂ ചെക്കോണില് കടകള് അടപ്പിക്കാന് ശ്രമിച്ചതാണ് വീണ്ടും കലാപസമാനമായ സാഹചര്യത്തിലേക്ക് കാര്യങ്ങള് എത്തിച്ചതെന്നാണ് വിവരം. ഇതിന് മറുപടിയായി മറുവിഭാഗം ആളൊഴിഞ്ഞ വീടുകള്ക്ക് വ്യാപകമായി തീയിട്ടു. ഒരു പള്ളിക്കും തീയിട്ടു. ഇതോടെ സംഘര്ഷം ഇന്നലെ വൈകുന്നേരം തലസ്ഥാനമായ ഇംഫാലിന് പുറത്തേക്ക് വ്യാപിച്ചു. ബിഷ്ണുപൂര് ജില്ലയിലെ മൊയ്റാങ്ങില് വര്ക് ഷോപ്പിന് അക്രമികള് തീയിട്ടു. കരസേനയും പൊലീസും ചേര്ന്ന് ഏഴുപേരെ പിടികൂടി. സിംഗിള് ബാരല് തോക്കുമായും ഒരാള് പിടിയിലായിട്ടുണ്ട്.
മണിപ്പൂരില് സംഘര്ഷത്തിന് അയവ്; ന്യൂനപക്ഷ മേഖലകളില് കൂടുതല് സൈന്യം
ഭരണഘടന ബെഞ്ചിന്റെ നിര്ദേശങ്ങള് ഹൈക്കോടതി ജഡ്ജിമാര് കൃത്യമായി പാലിക്കണം', മണിപ്പൂർ സംഘർഷത്തിൽ സുപ്രീംകോടതി
