മെഡിക്കല് പിജി പ്രവേശന പരീക്ഷയ്ക്കുള്ള അഡ്മിറ്റ് കാര്ഡ് നാളെ മുതല് ലഭ്യമാകുമെന്ന് നാഷണല് മെഡിക്കല് സയന്സസ് എജുക്കേഷന് ബോര്ഡ് അറിയിച്ചു
ദില്ലി: മെഡിക്കല് പിജി പ്രവേശന പരീക്ഷയ്ക്കുള്ള അഡ്മിറ്റ് കാര്ഡ് നാളെ മുതല് ലഭ്യമാകുമെന്ന് നാഷണല് മെഡിക്കല് സയന്സസ് എജുക്കേഷന് ബോര്ഡ് അറിയിച്ചു. ഔദ്യോഗിക പോര്ട്ടലായ nbe.edu.in വഴി വിദ്യാര്ഥികള്ക്ക് കാര്ഡ് ഡൗണ്ലോഡ് ചെയ്യാം. 27ന് അഡ്മിറ്റ് കാര്ഡ് ലഭ്യമാക്കുമെന്നായിരുന്നു ഏജന്സി നേരത്തെ അറിയിച്ചിരുന്നത്. വിദ്യാര്ഥികളുടെ സൗകര്യാര്ത്ഥം ഓഗസ്റ്റ് 24ലേക്ക് മാറ്റിയിരുന്നുവെങ്കിലും, അടിയന്തര സാഹചര്യങ്ങള് കാരണം ഇത് വീണ്ടും ഓഗസ്റ്റ് 25-ലേക്ക് പുനഃക്രമീകരിക്കുകയായിരുന്നു. 30ന് രാവിലെ 9 മണി മുതല് ഉച്ചയ്ക്ക് 12:30 വരെ ഒറ്റ ഷിഫ്റ്റിലാണ് പരീക്ഷ നടത്തുന്നത്.
