കൊവിഡില്‍ രാജ്യത്ത് മൂന്ന് മരണം കൂടി, രോഗബാധിതരുടെ എണ്ണം വര്‍ധിക്കുന്നു; ആന്‍ഡമാനിലും രോഗം സ്ഥിരീകരിച്ചു
ഉംറ കഴിഞ്ഞ് മടങ്ങിയെത്തിയ ശേഷം കർണാടകത്തിലെ ചിക്കബെല്ലാപുരയിൽ നിരീക്ഷണത്തിൽ കഴിഞ്ഞിരുന്ന വയോധിക മരിച്ചു. ഇവർക്ക് 75 വയസായിരുന്നു
ദില്ലി: രാജ്യത്ത് കൊവിഡ് ബാധിതരുടെ എണ്ണം വീണ്ടും ഉയർന്നു. മൂന്ന് സംസ്ഥാനങ്ങളിലായി മൂന്ന് പേർ കൂടി മരിച്ചു. കർണ്ണാടകത്തിലും ഗുജറാത്തിലും രാജസ്ഥാനിലുമാണ് രോഗബാധിതർ മരിച്ചത്. അതേസമയം കർണ്ണാടകത്തിലും തെലങ്കാനയിലുമടക്കം പുതിയ രോഗ ബാധിതരെ കണ്ടെത്തി.
ഉംറ കഴിഞ്ഞ് മടങ്ങിയെത്തിയ ശേഷം കർണാടകത്തിലെ ചിക്കബെല്ലാപുരയിൽ നിരീക്ഷണത്തിൽ കഴിഞ്ഞിരുന്ന വയോധിക മരിച്ചു. ഇവർക്ക് 75 വയസായിരുന്നു. ഇവർക്ക് മരണശേഷമാണ് കൊവിഡ് ബാധ സ്ഥിരീകരിച്ചത്. ഗുജറാത്തിലെ ഭാവ്‌നഗറിൽ 70കാരൻ കൂടി മരിച്ചതോടെ കൊവിഡ് ബാധിച്ച് സംസ്ഥാനത്ത് മരിച്ചവരുടെ എണ്ണം മൂന്നായി. രാജസ്ഥാനിലും രോഗം ബാധിച്ച 70കാരനായ ഒരാൾ മരിച്ചു.
കർണാടകത്തിൽ നാല് പേർക്കും തെലങ്കാനയിൽ മൂന്ന് പേർക്കും കൂടി കൊവിഡ് ബാധ സ്ഥിരീകരിച്ചു. കർണാടകത്തിൽ രോഗം ബാധിച്ച ഒരാൾ നഞ്ചൻഗോഡ് ഫാർമസ്യൂട്ടിക്കൽ കമ്പനി ജീവനക്കാരനാണ്. ഇയാൾ വിദേശ യാത്ര നടത്തിയിട്ടില്ല. വിദേശത്തു നിന്ന് എത്തിയവരുമായി നേരിട്ട് ഇടപഴകിയതായി കണ്ടെത്തിയിട്ടില്ല. ഈ സാഹചര്യത്തിൽ എവിടെ നിന്നാണ് രോഗം ബാധിച്ചതെന്ന് കണ്ടെത്താനുള്ള തീവ്ര ശ്രമത്തിലാണ് ആരോഗ്യവകുപ്പ്.
ആന്‍ഡമാനിലും ഒരാൾക്ക് കൊവിഡ് ബാധ സ്ഥിരീകരിച്ചിട്ടുണ്ട്. മാർച്ച് 24 ന് ചെന്നൈയിൽ നിന്ന് വിമാനമാർഗം ആന്റമാനിൽ എത്തിയതാണ് ഇയാൾ. പ്രോട്ടോക്കോൾ പ്രകാരമുള്ള നടപടികൾ സ്വീകരിച്ചതായി ആന്റമാൻ നിക്കോബാർ ദ്വീപ് ചീഫ് സെക്രട്ടറി ചേതൻ സംഗി പറഞ്ഞു.
കേന്ദ്ര ആരോഗ്യവകുപ്പിന്‍റെ വെബ്സൈറ്റിൽ പ്രസിദ്ധീകരിച്ചിട്ടുള്ള പട്ടിക ഇങ്ങനെ ( രാവിലെ 10:15നാണ് അവസാനമായി അപ്ഡേറ്റ് ചെയ്തിട്ടുള്ളത് )
| S. No. | Name of State / UT | Total Confirmed cases (Indian National) | Total Confirmed cases ( Foreign National ) | Cured/ Discharged/Migrated |
Death |
|---|---|---|---|---|---|
| 1 | Andhra Pradesh | 11 | 0 | 1 | 0 |
| 2 | Bihar | 3 | 0 | 0 | 1 |
| 3 | Chhattisgarh | 3 | 0 | 0 | 0 |
| 4 | Delhi | 34 | 1 | 6 | 1 |
| 5 | Goa | 3 | 0 | 0 | 0 |
| 6 | Gujarat | 37 | 1 | 0 | 2 |
| 7 | Haryana | 16 | 14 | 11 | 0 |
| 8 | Himachal Pradesh | 3 | 0 | 0 | 1 |
| 9 | Karnataka | 41 | 0 | 3 | 1 |
| 10 | Kerala | 110 | 8 | 4 | 0 |
| 11 | Madhya Pradesh | 15 | 0 | 0 | 1 |
| 12 | Maharashtra | 121 | 3 | 1 | 3 |
| 13 | Manipur | 1 | 0 | 0 | 0 |
| 14 | Mizoram | 1 | 0 | 0 | 0 |
| 15 | Odisha | 2 | 0 | 0 | 0 |
| 16 | Puducherry | 1 | 0 | 0 | 0 |
| 17 | Punjab | 33 | 0 | 0 | 1 |
| 18 | Rajasthan | 36 | 2 | 3 | 0 |
| 19 | Tamil Nadu | 20 | 6 | 1 | 1 |
| 20 | Telengana | 31 | 10 | 1 | 0 |
| 21 | Chandigarh | 7 | 0 | 0 | 0 |
| 22 | Jammu and Kashmir | 11 | 0 | 1 | 0 |
| 23 | Ladakh | 13 | 0 | 0 | 0 |
| 24 | Uttar Pradesh | 36 | 1 | 11 | 0 |
| 25 | Uttarakhand | 4 | 1 | 0 | 0 |
| 26 | West Bengal | 9 | 0 | 0 | 1 |
| Total number of confirmed cases in India | 602# | 47 | 43 | 13 | |
| # Few of the new cases have been reassigned States as per latest information | |||||
ഗുജറാത്തിൽ നാല് പേർക്ക് കൂടി കൊവിഡ് ബാധ സ്ഥിരീകരിച്ചതോടെ സംസ്ഥാനത്തെ രോഗബാധിതരുടെ എണ്ണം 43 ആയി ഉയർന്നു. രാജസ്ഥാനിലും രണ്ട് പേർക്ക് കൊവിഡ് സ്ഥിരീകരിച്ചു. ഇരുവരും വിദേശയാത്ര നടത്തിയവരാണ്. ഇതോടെ സംസ്ഥാനത്തെ രോഗബാധിതരുടെ എണ്ണം 40 ആയി.
