കുറ്റപത്രം സമർപ്പിക്കുന്നതിന് മുന്നോടിയായാണ് ഇരുനേതാക്കളെയും ചോദ്യം ചെയ്യാൻ ഇഡി തയ്യാറെടുക്കുന്നത്.
ദില്ലി: നാഷണല് ഹെറാള്ഡ് കേസില് സോണിയഗാന്ധിയേയും, രാഹുല് ഗാന്ധിയേയും വീണ്ടും ചോദ്യം ചെയ്തേക്കും. കേസില് കുറ്റപത്രം സമര്പ്പിക്കുന്നതിന് മുന്നോടിയായാണ് നടപടി. കോണ്ഗ്രസ് അധ്യക്ഷന് മല്ലികാര്ജ്ജുന് ഖര്ഗെ, ട്രഷറര് പവന്കുമാര് ബന്സലടക്കമുള്ള നേതാക്കളുടെ മൊഴികളുടെ കൂടി അടിസ്ഥാനത്തിലാണ് വീണ്ടും ചോദ്യം ചെയ്യാനുള്ള നീക്കം. നാഷണല് ഹെറാള്ഡ് പത്രത്തിന്റെ ഉടമസ്ഥരായ അസോസിയേറ്റഡ് ജേര്ണ്ണല്സിന്റെ കോടികള് വില വരുന്ന ആസ്തി സോണിയയും രാഹുലും ഡയറക്ടര്മാരായ യംഗ് ഇന്ത്യന് എന്ന കമ്പനി തട്ടിയെടുത്തുവെന്ന ബിജെപി നേതാവ് സുബ്രഹ്മണ്യന് സ്വാമിയുടെ പരാതിയിലാണ് ഇഡി കേസെടുത്തത്.
Add Asianetnews as a Preferred Source
