'അഴിമതിക്കേസില്‍ ഉന്നത ഉദ്യോഗസ്ഥരുടെ അറസ്റ്റിന് കേന്ദ്രസര്‍ക്കാര്‍ അനുമതി വേണ്ട, വിധിക്ക് മുന്‍കാല പ്രാബല്യം'

മുന്‍കൂര്‍ അനുമതി വേണമെന്ന ദില്ലി പൊലീസ് ആക്ടിലെ വ്യവസ്ഥ സുപ്രീംകോടതി 2014 ല്‍ എടുത്തുകളഞ്ഞിരുന്നു.ഇതിന് മുന്‍കാലപ്രാബല്യമുണ്ടെന്നാണ് സുപ്രീംകോടതി ഭരണഘടനബെഞ്ചിന്‍റെ വിധി .

ദില്ലി: അഴിമതി കേസില്‍ ഉന്നത ഉദ്യോഗസ്ഥരുട അറസ്റ്റിന് കേന്ദ്രസര്‍ക്കാര്‍ അനുമതി വേണ്ടെന്ന വിധിക്ക് മുന്‍കാലപ്രാബല്യമുണ്ടെന്ന് സുപ്രീംകോടതി . ജോയിന്‍റ് സെക്രട്ടറി മുതല്‍ മുകളിലോട്ടുള്ള ഉദ്യോഗസ്ഥരുടെ അറസ്റ്റിന് മുന്‍കൂര്‍ അനുമതി വേണമെന്ന ദില്ലി പൊലീസ് സ്പെഷ്യല്‍ എസ്ടാബ്ലിഷ്മെന്‍റ് ആക്ടിലെ 6 എ ഭരണഘടനാ വിരുദ്ധമാണെന്ന് സുപ്രീംകോടതി വിധിച്ചിരുന്നു. 6എഎടുത്തു കളഞ്ഞ ഈ വിധിക്ക് മുന്‍കാലപ്രാബല്യമുണ്ടെന്നാണ് ജസ്റ്റീസുമാരായ എസ് കെ കൗള്‍, സജ്‍ഞീവ് ഖന്ന ഉള്‍പ്പെടുന്ന അഞ്ചംഗ ഭരണഘടനാ ബെഞ്ച് വ്യക്തമാക്കിയത്. ഉന്നത ഉദ്യോസ്ഥരുടെ അറസ്റ്റിന് മുന്‍കൂര്‍ അനുമതി വേണമെന്നത് തുല്യതക്ക് വിരുദ്ധമാണെന്ന് 2014ല്‍ സുബ്രമണ്യം സ്വാമി നല്‍കിയ കേസിലാണ് സുപ്രീംകോടതി വിധിച്ചത്