നിയമസഭാ തെരഞ്ഞെടുപ്പടുത്ത അസമിൽ ഇന്ന് പ്രിയങ്ക ഗാന്ധിയും ബിജെപി ദേശീയ അധ്യക്ഷൻ നിതിൻ നബീനും പ്രചാരണത്തിന്. പ്രിയങ്കയുടെ വരവ് ജനം കാര്യമാക്കില്ലെന്ന് അസം മുഖ്യമന്ത്രി ഹിമന്ത ബിശ്വ ശർമ പറഞ്ഞു.
ദില്ലി: നിയമസഭാ തെരഞ്ഞെടുപ്പടുത്ത അസമിൽ ഇന്ന് പ്രിയങ്ക ഗാന്ധിയും ബിജെപി ദേശീയ അധ്യക്ഷൻ നിതിൻ നബീനും പ്രചാരണത്തിന്. പ്രിയങ്കയുടെ വരവ് ജനം കാര്യമാക്കില്ലെന്നും പേരിൻ്റെ കൂടെ ഗാന്ധി എന്നുള്ളതുകൊണ്ട് ജനങ്ങൾ പരിഗണിക്കില്ലെന്നും അസം മുഖ്യമന്ത്രി ഹിമന്ത ബിശ്വ ശർമ പറഞ്ഞു. പ്രിയങ്ക കേരളത്തിൽ പോകുന്നതിനോട് രാഹുൽ ഗാന്ധിക്ക് യോജിപ്പില്ലെന്നും ഹിമന്ത ആരോപിച്ചു. രണ്ട് ദിവസത്തെ സന്ദർശനത്തിനെത്തുന്ന പ്രിയങ്ക ഗാന്ധി എല്ലാ കോൺഗ്രസ് എംഎൽഎമാരുമായും ജില്ലാ അധ്യക്ഷന്മാരുമായും പ്രത്യേകം ചർച്ച നടത്തും. ഇന്നലെ രാത്രി മുൻ പിസിസി അധ്യക്ഷൻ ഭുപെൻ ബോറ ബിജെപിയിൽ ചേർന്നിരുന്നു. 22ന് ഭൂപെൻ ബോറക്ക് ഒപ്പം ഗുവാഹത്തിയിലെയും ലഖിംപൂരിലേയും കോൺഗ്രസ് പ്രവർത്തകരും പാർട്ടി അംഗത്വമെടുക്കുമെന്ന് ബിജെപി അവകാശപ്പെട്ടു.
