പുതുച്ചേരി ബിജെപിയിലെ തര്‍ക്കങ്ങൾ പരസ്യ പ്രതിഷേധത്തിലേക്ക്
പ്ലക്കാര്‍ഡുകളുമായെത്തിയ ബിജെപി പ്രവര്‍ത്തകര്‍ ഓഫീസില്‍ തള്ളിക്കയറുകയായിരുന്നു എന്നാണ് ദ ഹിന്ദു റിപ്പോർട്ട് ചെയ്യുന്നത്.
പുതുച്ചേരി: പുതുച്ചേരി ബിജെപിയിലെ തര്‍ക്കങ്ങൾ പരസ്യ പ്രതിഷേധത്തിലേക്ക്. മന്ത്രിസഭയില്‍ എംഎൽഎ ജോണ്‍ കുമാറിനെ ഉള്‍പ്പെടുത്തണമെന്നാവശ്യപ്പെട്ട് അനുയായികള്‍ ബിജെപി സംസ്ഥാന കമ്മിറ്റി ഓഫീസിന് മുന്നില്‍ പ്രതിഷേധിച്ചു.
പ്ലക്കാര്‍ഡുകളുമായെത്തിയ ബിജെപി പ്രവര്‍ത്തകര്‍ ഓഫീസില്‍ തള്ളിക്കയറുകയായിരുന്നു എന്നാണ് ദ ഹിന്ദു റിപ്പോർട്ട് ചെയ്യുന്നത്. തെരഞ്ഞെടുപ്പിന് മുന്‍പ് കോണ്‍ഗ്രസ് വിട്ട് ബിജെപിയിലെത്തിയതാണ് ജോണ്‍ കുമാര്‍.
പുതുച്ചേരിയില്‍ ആള്‍ ഇന്ത്യ എൻആര്‍ കോണ്‍ഗ്രസും ബിജെപിയും ചേര്‍ന്നാണ് ഭരിക്കുന്നത്. മുഖ്യമന്ത്രിയായി എൻ. രംഗസ്വാമിയെ തെരഞ്ഞെടുത്തെങ്കിലും മന്ത്രിസഭ രൂപീകരിച്ചിട്ടില്ല. ബിജെപിയ്ക്കുള്ളിലെ തര്‍ക്കങ്ങള്‍ മൂലമാണ് മന്ത്രിസഭാ രൂപീകരണം വൈകിയത്.
