അവിശ്വാസ പ്രമേയ ചർച്ചയുടെ രണ്ടാം നാൾ സംസാരിച്ച രാഹുൽ ഗാന്ധി പ്രധാനമന്ത്രി നരേന്ദ്ര മോദിക്കും സർക്കാരിനുമെതിരെ മണിപ്പൂർ വിഷയത്തിൽ അതിരൂക്ഷ വിമർശനം ഉയർത്തി. മണിപ്പൂരിൽ മാതാവും ഭാരതമാതാവും കൊലചെയ്യപ്പെട്ടുവെന്ന് രാഹുൽ ഗാന്ധി കുറ്റപ്പെടുത്തി.
ദില്ലി: മണിപ്പൂര് വിഷയത്തില് കേന്ദ്ര സര്ക്കാരിനെതിരെയും പ്രധാനമന്ത്രി നരേന്ദ്രമോദിക്കെതിരെയും ലോക്സഭയില് ആഞ്ഞടിച്ച് രാഹുല് ഗാന്ധി എംപി. അവിശ്വാസ പ്രമേയ ചർച്ചയുടെ രണ്ടാം നാൾ സംസാരിച്ച രാഹുൽ ഗാന്ധി പ്രധാനമന്ത്രി നരേന്ദ്ര മോദിക്കും സർക്കാരിനുമെതിരെ മണിപ്പൂർ വിഷയത്തിൽ അതിരൂക്ഷ വിമർശനം ഉയർത്തി. മണിപ്പൂരിൽ മാതാവും ഭാരതമാതാവും കൊലചെയ്യപ്പെട്ടുവെന്ന് രാഹുൽ ഗാന്ധി കുറ്റപ്പെടുത്തി. മണിപ്പൂരിൽ കൊല ചെയ്യപ്പെടുന്നത് ഇന്ത്യയാണ്.
സംസ്ഥാനം ഇപ്പോൾ രണ്ടായിരിക്കുന്നു. ബിജെപി രാജ്യദ്രോഹികളാണെന്നും രാഹുല് വിമർശിച്ചു. രാഹുലിന്റെ പ്രസംഗം പലപ്പോഴും ഭരണപക്ഷ എംപിമാരുടെ ബഹളത്തിൽ മുങ്ങി. ബിജെപി രാജ്യസ്നേഹികളല്ല, രാജ്യദ്യോഹികളാണെന്ന് രാഹുല് പാര്ലമെന്റില് വിമര്ശനം ഉന്നയിച്ചു. ഇന്ത്യയുടെ ശബ്ദം കേള്ക്കാന് മോദി തയ്യാറാകുന്നില്ലെന്നും അദ്ദേഹം കുറ്റപ്പെടുത്തി. മണിപ്പൂര് ഹിന്ദുസ്ഥാനില് അല്ലെന്നാണ് മോദിയുടെ പക്ഷമെന്നും രാഹുല് ഗാന്ധി വിമര്ശിച്ചു. പ്രധാനമന്ത്രി മണിപ്പൂരില് പോയോ എന്ന് ചോദിച്ച രാഹുല് ഗാന്ധി, മണിപ്പൂരില് കൊല ചെയ്യപ്പെട്ടത് ഭാരത മാതാവാണെന്ന് രാഹുല് പറഞ്ഞു.
Also Read: രാഹുല്ഗാന്ധി ഫ്ലെയിങ് കിസ് നല്കിയെന്ന് ആരോപണം; ബിജെപി വനിത എംപിമാർ രാഹുലിനെതിരെ പരാതി നല്കി
താന് മണിപ്പൂര് സന്ദര്ശിക്കുകയും ജനങ്ങളുമായി സംവദിക്കുകയും ചെയ്തു. എന്നാല് മോദി മണിപ്പൂരിലുള്ളവരോട് സംസാരിക്കാന് തയ്യാറാകുന്നില്ല. ഇന്ത്യയുടെ ശബ്ദം കേള്ക്കാന് തയ്യാറാകുന്നില്ല. പിന്നെ ആരുടെ ശബ്ദം കേള്ക്കുമെന്ന് മോദിയോട് രാഹുല് ചോദിച്ചു. രാവണൻ രണ്ട് പേരെ മാത്രമേ കേള്ക്കൂ, കുംഭകർണനെയും മേഘനാഥനെയും. അതുപോലെയാണ് മോദി, അമിത് ഷാ യേയും അദാനിയേയും മാത്രമേ കേള്ക്കൂവെന്നും രാഹുല് ഗാന്ധി പരിഹസിച്ചു.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം...
